2 Kɔrèn 3:12 - Meta’

¹² Ɨchî nɨ tɨ̀ nuŋ ta rɨkɔndɨ ɨgun ənû zɔ̂, tɨ̀ wɨə ghɨ̀ ɨnû mbɨ ɨka fîŋ.

Ikan feg

¹² Icheg ne tì nɔŋi fìŋ igun àfàʼì feg azo̰, chəyi te ywìrè bɔ.

2 Kɔrèn 3:12 교차 참조

Jn 10:24

Mɨ̀Jû nyaʼa wò fetɨ kad əməd biirɨ ɨ bɔ ni, “À kɨə wo nuŋ əwa ənɨ ə̀bìrɨ̀ ənɨ əgha nɨ sa rɨ ye ə? Àwɔ̀ mɨ yeʼ Wə̀d we nɨ Ŋwìə̀ zɔʼɔ, kaŋ ghà ɨ na əsaŋ əsaŋ.”

Jn 16:25

Yeso nyaʼa wo ɨmbì gha əmbɨ mɨ̀mə̌d ni, “Mə fə ghà ɨnû mbɔ̂ ɨ nən ənɨ ɨŋgam maʼi. Mbə̀ kyerɨ ni nyùmə̀ wɨə yeʼe nɨ chəi mə̀ bɨrɨ wɨrɨ ghàm ɨ nən ənɨ ɨŋgam maʼi. Mə bɨrɨ gham ɨ nən əsaŋ əsaŋ ɨmbə̀ʼ ə Mbǎʼ.

Jn 16:29

Mə̀mə̀ə̀nɨ̀-ɨnû ɨməd nyaʼa ghà ɨ bɔ ni, “Tɨ̀nîn à wɨə sɨə ghàm əsaŋ əsaŋ, kaʼi ənɨ ɨŋgam maʼi!

Ɨ̀fàʼì 14:3

Pɔ̂l mbɨ Banabàs nyaʼa chub ə Ikoniùm əgha ə se. Ɨ mbɨə nyaʼə ghà ɨŋgam Ŋwiə̀ əŋgu ɨmbə̀ʼ Ə̀nùŋɨ̀sɨg mbɨ ə fîŋ nɨ kǎ. Ə̀nùŋɨ̀sɨg nyaʼa chwi ni ɨŋgam we nɨ mbɨ nyaʼə ghà ɨmbə̀ʼ ɨ̀chɔ̀m məd yɨ ənû rəsìʼ ɨchî nɨ wɨ̀ nyaʼa ghɨ ni mbɨ ghɨ ɨnû yiirɨ bə̀ ghɨ̀ ɨnweenɨ-ɨnû.

Ɨ̀fàʼì 4:13

Ənɨ bə̂d mbe nɨə tekɨ ɨnû mbɨ ə bə̂d kyeŋ mbe rɨŋga əbeŋ nyaʼa zə ɨchî nɨ Pità mbɨ Jɔ̌n nyaʼə ghàmə̀ mbɨ ə fîŋ nɨ kǎ, bə̀ kyerɨ ni chəi mbɨ nyaʼa kyerɨ ə̀ŋwàʼnɨ̀ mbɨ ni mbɨ yɨ ɨnatɨ bə̂d, mbɨ nyaʼa yiirɨ. Mbɨ nyaʼa bə̀ kyerɨ ni ɨ mbɨə nyaʼə yènə̀ mbɨ Yeso.

Ɨ̀fàʼì 9:27

Banabàs nyaʼa nɨŋ ə Sɔ̂l mbɨ wo əsɨ bə̂d tom mbe, pè tòʼrɨ̀ ɨchî nɨ Sɔ̂l nyaʼa zə Ə̀nùŋɨ̀sɨg ɨnə̂njɨ̀, Ə̀nùŋɨ̀sɨg gham ɨ bɔ. Wɨ̀ nyaʼa bə̀ tòʼrɨ̀ ɨchî nɨ Sɔ̂l nyaʼə ghà ɨŋgam Ŋwiə̀ ə Dàmaskɔ̀s ənɨ ɨkum Yeso ənɨ fîŋ nɨ kǎ.

Ɨ̀fàʼì 9:29

Ɨ wɨə nyaʼə ghàmə̀ bə̀ tàŋə̀ mbɨ mɨ̀Jû mbe nɨ nyaʼə ghàm ɨŋgam Grik, àyɨə mbɨ nyaʼa kə̀b zwiirɨ əməd.

1 Kɔrèn 14:19

Àyɨə ɨŋga ɨfetɨ bə̂d Kristo, mə bɨrɨ ghaʼ nɨ gham ɨnû tân ɨmbə̀ʼ kəərɨ bə̂d, nɨ mbɨ bɨrɨ zu ɨtu mɨ̀mə̌d zeŋ, chè ɨchî nɨ mə̀ bɨrɨ gham ɨnû chuʼ wum ənɨ ɨŋgam rɨsɔ̀ʼɔ̀.

2 Kɔrèn 10:1

Mɔ̌ Pɔ̂l, wɨə nɨŋ ɨkum Kristo we nɨ nyaʼə bɔtɨ ɨnyod bə̀ bɔtɨə fîŋ buʼ ɨbɔ ɨ nən. Bə̂d mɔʼɔ rəbɔʼ nən mbɨə ghà ni mə wɨə swi ɨnyod ənɨ mə yeʼ ɨfě nən, àyɨə mə berɨ ɨka fîŋ ənɨ chəi əmɨ mbɨ nən.

2 Kɔrèn 3:11

Əghɨ ze nɨ nyaʼə sɨ̀grə̀ nimə mɨ nyaʼa yeʼe mbɨ ɨzeŋɨ zeŋɨ, njɨ əze nɨ ten i ɨghəm mɔʼ fə yeʼe mbɨ ɨzeŋɨ zeŋɨ nɨ che əbɔ!

2 Kɔrèn 4:13

Tɨ̀ berɨ ɨkwɨ ɨbenɨ mɔʼ mbɨ məd we nɨ nyaʼa ŋwaʼnɨ ni, “Mə nyaʼa benɨ, əne mə fə ghàm.” Mba bə̂ tɨ bə̀ benɨ, əne tɨ̀ wɨə ghàmə̀.

2 Kɔrèn 7:4

Mɨ fîŋ zɨə kaŋ ɨgwɨ nən. Mə wɨə kàŋə̀ nɔ ɨnyod ɨmbə̀ʼ əwən. Mbə fə tìmbɨ̀ əmɨ kwàʼ ɨchî chɔ̀m. Ɨŋga a ŋgəʼ jìm, ɨghaʼi nɨ chè əbɔ ə swi ɨŋga mɨ fîŋ ɨmbə̀ʼ əwən.

Fìlipì 1:14

Ɨchî nɨ mə yeʼ ə nəb ndəŋ ə fə ghɨ̀ ni bɔŋgɔb nɔnɔʼ rəbɔʼ mbe nɨ ben ə Kristo jeŋgɨ ghà ɨŋgam Ŋwiə̀ ənɨ ə fîŋ nɨ kǎ fɔrɨ ənɨ chəi mbɨə bə̀ bɔ ə.

Fìlipì 1:20

Ənû nɨ mə kàŋ kə̀b bə̀ kyerɨ ni zɨə bɨrɨ jwɨ ənɨ ənû nɨ mə̀ fə bə̀ nùŋ mɨ ɨkɔndɨ ɨ wòm yɨ ni chəi mɨ ətu ə bɨrɨ nɔ nìd ɨmbə̀ʼ ənû ze nɨ mɨə ghɨ̀ə̀. Àyɨə ənɨ mɨ̀nyùmə̀ jìm, màànɨ̀ rɨ̀nîn, mə berɨ ɨka fîŋ ɨmbə̀ʼ wumnɨ ə Kristo mbɨ mɨ ɨ̀tènɨ̀ jìm, kɨ̀ à kɨ ənɨ mə̀ yeʼ ɨkǎ kɨ̀ ənɨ mə̀ fə kwɨ,

Kòlosè 4:4

Mbə̀ kɔŋgɨ ə Ŋwiə̀ ni mə̀ gha ɨnû mbe mbɨ zeŋ, àmei ɨchî nɨ mə kəʼ berɨ ghɨ̀.

1 Tèsàlonikà 2:2

Bə̂d mbe rɨ ə Filipì nyaʼa ghɨ̀ tɨ̀ zə ŋgəʼ. Mbɨ nyaʼa bə̀ naʼ tɨ̀nìd ətu na ɨchî nɨ mbə̀ kyerɨ. Àyɨə Ŋwìə̀ nyaʼa nàʼ ɨka ɨ na ni tɨ̀ gha ɨkə̂n chɔ̀m ɨ nən, ka à bè yeʼi ni chəi bə̂d mɨ̀nɔnɔʼ nyaʼa kəb ni tɨ̀ gha ɨkə̂n we.

1 Timotì 3:13

Bə̂d mbe nɨə weerɨ ɨŋga ɨfetɨ bə̂d Kristo mɨ faʼ ɨchî chɔ̀m, bə̂d bɨrɨ wumnɨ mɨ̀mə̌d. Ɨ mbe tɨ̀ mbɨ ghàm mbɨ ɨka fîŋ ɨmbə̀ʼ ɨbenɨ we nɨ mbɨ berɨ ɨgun ə Kristo Yeso.

Filemɔ̀n 1:8

Mə we tɨ̀ mə berɨ fîŋ nɨ ka ɨchî nɨ mə̀ yeʼ ənɨ ɨfɔtɨ mbɨ Kristo nɨ gha ɨ ne ni à ghɨ ənû ze nɨ kuʼnɨ,