2 Kɔrèn 13:7 - Meta’

⁷ Tɨ̀nîn, tɨ̀ wɨə kɔ̀ŋgɨ̀ ə Ŋwiə̀ ni tɨ̀ mbə tɔ ghɨ ə ənû rɨbɔ̀ŋ. Tɨ̀ wɨə kɔ̀ŋgɨ̀ əne, kaʼi nɨ chwi ni tɨ̀ fə chè ə̀kwàʼnɨ̀ ze. Tɨ̀ wɨə kɔ̀ŋgɨ̀ ɨmbə̀ʼ mbə ghɨ ɨnû mbe nɨ kuʼnɨ, ka à be yeʼi ni zɨə chub ɨghabɨ ni tɨ̀ fə gù ə̀kwàʼnɨ̀ ze.

Ikan feg

⁷ Ìwa ichaʼri Ŋwiye ya gha, imbə̀ʼ mbə̰ nɔ̀ʼ gùg anug. Chəyi te chàʼrà Ŋwiye ane ni chwi gha tè chè àkwàrì. Ka mbə̰ niŋ awa gha tè gùg àkwàʼrì, tì ya chàʼrà Ŋwiye gha, mbə̀ se ghìyə̀ inug chɔ̀m.

2 Kɔrèn 13:7 교차 참조

Matìyò 6:13

Tɨrə̀ ben e ni ənû ə mɔʼɔ numbɨ əwa, àyɨə chɨ əwa rɨ ənɨ ɨnû rɨbɔ̀ŋ.'

Jn 17:15

Chəi mə̀ gha ni à chɨ mɨ̀mə̌d rɨŋga ɨsɨg. Mə ghà yeʼ ni à kən mɨ̀mə̌d tɨ əmbɨ ə wə̀d rɨ̀bɔ̀ŋ.

Rm 1:28

Ɨchî nɨ chəi mbɨ nyaʼa zə ni zɨə kùʼ nɨ kyerɨ ə Ŋwiə̀, Ŋwìə̀ nyaʼa ghɨ̀ ni mbɨ berɨ tɨkɔndɨ rɨbɔ̀ŋ, ɨmbə̀ʼ sɨə ghɨ̀ ɨnû mbe nɨ chəi mbɨ nyaʼa berɨ nɨ ghɨ̀.

Rm 12:17

Tɨ̀ mbə̀ wi ə ɨbə ənɨ ɨbə, àyɨə mbə̀ kywɨ ənywɨ ghɨ̀ yeʼ ɨnû mbe nɨ wə̀d jìm kyerɨ ni à yɨ ɨnû chɔ̀m.

Rm 13:13

Tɨ̀ ghɨ mba ɨnû ɨchî nɨ kuʼnɨ, àmei ɨghabɨ ɨchî nɨ bə̂d ə ghɨ̀ ɨnû əziə. Tɨ rɨ̀ wo a ənɨ ɨchwɨ̂ nɨ bə̂d ə ghɨ̀ ɨnû əbəŋ əbəŋ, kɨ̀ nɨ bə̂d ə nɔə beə. Tɨ rɨ̀ ni a məyi kɨ̀ mbaŋə̀ nɨ kaʼi a ɨwi kɨ̀ a ɨnom, kɨ̀ bè ghɨ ɨnyamnɨ-ɨnû. Tɨ rɨ̀ chɔb a. Tɨ rɨ̀ bɨ ghɨ̀ a ə̀dìì.

Rm 16:10

Mbə̀ chaʼrɨ ə Apelès. Məd fə chwi ni tə yɨə kàŋ ə wə̀d Kristo. Mbə̀ chaʼrɨ bə̂d mbe nɨ yeʼ ɨŋga nəb Àrìstobulùs.

1 Kɔrèn 11:19

Mə kyerɨ ni ə̀ghàbrɨ̀ ə berɨ jwɨ̀ əkaʼ nən ɨmbə̀ʼ mbɨ kyerɨ bə̂d Kristo rəsìʼ.

2 Kɔrèn 10:10

ɨmbə̀ʼ ɨghəm nɨ bə̂d mɔʼɔ mbɨə ghàə̀ ni, “Ɨ̀ŋwàʼnɨ̀ mbe nɨ wɨ̀ ŋwaʼnɨ mbɨə kà əku bə̀ tɔə, àyɨə ənɨ wɨ̀ yeʼ əkaʼ na, ɨ wɨə bɔrə, chəi ɨŋgam məd ə bə̀ yim mɨnib.”

2 Kɔrèn 10:18

Chəi Ə̀nùŋɨ̀sɨg ben wə̀d we nɨ gha ni tə fàʼ chè bə̂d cherə. Ɨ wɨə benɨ yeʼ we nɨ məd ziə ghà ni wɨ̀ fə fàʼ ɨchî chɔ̀m.

2 Kɔrèn 13:6

Mə kaŋ kyerɨ ni mbə bɨrɨ zə ni chəi tɨ̀ kɨrɨ gu ə̀kwàʼnɨ̀ ze.

2 Kɔrèn 13:8

Chəi ənɨ tɨ̀ rɨ̀ ghɨ ənû ə mɔʼɔ ze nɨ chwi ni chəi tɨ̀ ghaʼ rəsìʼ, ɨmbə̀ʼ ɨghəm nɨ tɨ̀ fə təm àmei ɨgun rəsìʼ.

2 Kɔrèn 13:9

Tɨ̀ wɨə ghaʼə ni ənɨ tɨ̀ bɔd, mbə̀ mbɨə kàə̀. Tɨ̀ wɨə kɔ̀ŋgɨ̀ ə Ŋwiə̀ ni mbə̀ bɔŋə màànɨ̀.

2 Kɔrèn 6:4

Àyɨə ɨghabɨ ə bə̂d ə̀fàʼì Ŋwiə̀, tɨ wɨə chwiə ni tɨ yɨə bə̂d ə̀fàʼì chɔ̀m ənɨ tɨkwɨrɨ ɨnə̂njɨ̀ jìm. Tɨ̀ wɨə nyìʼ əton ə ŋgəʼ, tɨ wɨə zə tɨkwɨrɨ ŋgəʼ jìm, ɨnû mbɨə nyèm əwa, ɨnû rɨbɔ̀ŋ nɔnɔʼ mbɨə nyɨ ɨgwɨ na.

2 Kɔrèn 8:21

ɨmbə̀ʼ ɨghəm nɨ tɨ̀ wɨə kə̀b ghɨ ɨnû nɨ kuʼnɨ ɨfě Ŋwiə̀ fɔrɨ ɨfě bə̂d.

Fìlipì 4:8

Mbɨ bɔŋgɔb, ənû nɨ sɨ nwìə̀ yɨ ni, ənû ə mɔʼɔ mɨ bɔ̀ŋ, ənû ə mɔʼɔ mɨ yeʼ əŋgu nɨ bə̂d ə yiirɨə, mbə nuŋ tə rɨkɔndɨ ɨgun ɨnû mbe. Ənû nɨ yeʼ əzɨ rəsìʼ, ənû nɨ tɨ bə̂d wumnɨ, ənû nɨ kuʼnɨ, ənû nɨ zeŋɨ, ənû nɨ bə̂d ə ghaʼə mbɨ ənû nɨ tɨ bə̂d feenɨ, yɨ mbe nɨ tɨ̀ mbə nùŋ tə rɨkɔndɨ ɨgun.

1 Tèsàlonikà 5:23

Ŋwìə̀ ziə we nɨə nàʼ əbɔrəbɔd ghɨ ni mbə̀ zeŋ màànɨ̀. Ŋwìə̀ ghɨ ni Əzwî mbɨ tə fîŋ fɔrɨ tə nyamnyod ghɨ ɨnû nɨ kuʼnɨ ɨmbə̀ʼ tɨ wə̀d mɔʼɔ zə i ənû rɨbɔ̀ŋ ɨgwɨ nən ənɨ ə nyùmə̀ we nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe.

1 Timotì 2:2

Mbə̀ ghɨ əne ɨgwɨ ətu mɨfɔ̀n bə̀ fɔrɨ ɨgwɨ ətu ə bə̂d mɨ̀jìm mbe nɨə tùmbɨ̀ə̀ bə̂d, ɨmbə̀ʼ tɨ̀ nyeʼ bɔtɨ chubɨ bə̀ chub ənɨ əbɔrəbɔd, əne nàʼ ɨwumnɨ əmbɨ ə Ŋwiə̀ ənɨ tɨkwɨrɨ ɨnə̂njɨ̀ jìm bə̀ fɔrɨ ni tɨ̀ ghɨ̀ ɨnû nɨ kuʼnɨ.

2 Timotì 2:15

Kywɨ ənywɨ ghɨ̀ ni Ŋwìə̀ ben ə̀fàʼì ze nɨ àwɔ̀ ə fàʼə̀, ɨmbə̀ʼ à yeʼ wə̀d ə̀fàʼì nɨ chəi e ətu ə nìrə̀, bə yeʼ we nɨə chwi ɨŋgam we nɨ yeʼ wɨ rəsìʼ ənɨ ɨnə̂njɨ̀ nɨ kuʼnɨ.

2 Timotì 4:18

Ə̀nùŋɨ̀sɨg bɨrɨ chɨ̀ əmɨ rɨŋga tɨkwɨrɨ ŋgəʼ jìm, əne nɨŋ əmɨ kwàʼ ənɨ əbɔrəbɔd wò zɨ̀ ɨŋga ənû ɨfɔ̀n əməd ze nɨ yeʼ ɨkaŋ. Ɨwumnɨ yeʼ wɨ məd koŋ koŋ. À yɨ əne.

Jems 1:12

Ŋwìə̀ zɨ əbɔrəbɔd ɨgun ə wə̀d we nɨə nyìʼ ənɨ ə̀kwàʼnɨ̀ ə nyɨ ɨgwɨ məd, ɨmbə̀ʼ ɨghəm nɨ ənɨ wɨ̀ chè ə̀kwàʼnɨ̀ ze, wɨ̀ bɨrɨ nɨŋ ɨneʼe. Ɨneʼe we yɨ ɨ̀tènɨ̀ rɨ mì we nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.

1 Pità 2:12

Mbə mɨchî əkaʼ bə̂d mbe nɨ kaʼi mɨ̀Jû berɨ bɔ̀ŋ, ɨmbə̀ʼ ka mbɨ bè gha ə ni mbə yɨə bə̂d nɨə ghɨ̀ ɨnû rɨbɔ̀ŋ, mbɨ bɨrɨ zə ɨnû chɔ̀m mbe nɨ mbə̀ə ghɨ̀ əne yiirɨ ə Ŋwiə̀ əni ze nɨ wɨ̀ bɨrɨ wɨrɨ yeʼe.