2 Kɔrèn 13:14 - Meta’

¹⁴ Ɨ̀chɔ̀m Ə̀nùŋɨ̀sɨg Yeso Kristo, ɨghaʼi Ŋwiə̀ mbɨ ɨfɔtɨ we nɨ tɨ̀ berɨ mbɨ Əzwî ə Zeŋɨ yeʼ mbɨ mbə̀n mɨjìm.

Ikan feg

¹⁴ Anɔŋisəg Yeso Kristo ghiyə ìchɔ̀mì inən, Ŋwiye bə kɔ̀ŋ awən, Azwighi Ŋwiye bə yaʼ ane ifɔti tì inən mbə̰ məjìm.

2 Kɔrèn 13:14 교차 참조

Matìyò 6:13

Tɨrə̀ ben e ni ənû ə mɔʼɔ numbɨ əwa, àyɨə chɨ əwa rɨ ənɨ ɨnû rɨbɔ̀ŋ.'

Jn 4:10

Yeso nyaʼa wììrɨ̀ ɨ bɔ ni, “À mɨ kəʼ kyerɨ əghɨ ze nɨ Ŋwìə̀ ə nàʼə̀, bə̀ kyerɨ wə̀d we nɨə biirɨ mɨnib rɨ ne, njɨ à kəʼ ghà ni wɨ̀ naʼ mɨnib mbe nɨə nàʼ ɨ̀tènɨ̀ ɨ ne.”

Jn 4:14

àyɨə chəi ədɔʼ ə mɨnib ə bɨrɨ nɔ wɨrɨ ne wə̀d we nɨ nɔ mɨnib mbe nɨ mə̀ bɨrɨ naʼ ɨ bɔ. Mɨnib mbe nɨ mə̀ bɨrɨ naʼ ɨ bɔ bɨrɨ yeʼ jwɨ̀-əmboŋ nɨə koŋ ɨŋga məd bə̀ nàʼ ɨ̀tènɨ̀ rɨ mì ɨ bɔ.”

Jn 7:38

Wə̀d mɔʼɔ we nɨ ben ənû ze nɨ mɨə ghàə̀, wɨ̀ yeʼe nɨŋ nɔ. Zɨə bɨrɨ yeʼ ɨ bɔ ɨchî nɨ mbɨ ŋwaʼnɨ ɨŋga Ə̀ŋwàʼnɨ̀ ə Ŋwiə̀ ni, 'Mɨgyɨ̂ nɨə nàʼ ɨ̀tènɨ̀ bɨrɨ koŋ rɨŋga fîŋ məd.'”

Ɨ̀fàʼì 15:11

Àyɨə tɨ̀ benɨ ni tɨ̀ bɨrɨ jwɨ rəŋgəʼ ənjìm ɨ̀chɔ̀m Ə̀nùŋɨ̀sɨg Yeso, àmei ɨchî nɨ mɨ̀mə̌d bɨrɨ bɨ jwɨ̀.”

Rm 1:7

Mə wɨə ŋwàʼnɨ̀ əmbɨ ə bə̂d mɨjìm mbe nɨ yeʼ ə Rom. Ŋwìə̀ ə ghaʼ əwən kwàʼ rɨŋgəʼ, əne wɨ̀ fə tɔŋ əwən ni mbɨ yeʼ mbi bə̂d. Ŋwìə̀ a Mbǎʼ mbɨ Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən.

Rm 16:20

Ŋwiə̀ we nɨə nàʼ əbɔrəbɔd bɨrɨ zambɨ baŋ ə Satàn, əne ghɨ̀ ni mbə̀ berɨ ɨka ɨgwɨ məd. A Ə̀nùŋɨ̀sɨg Yeso Kristo ghɨ ɨ̀chɔ̀m ənɨ ə nən.

Rm 16:23

Gayùs, nɨ mɨə chub əkwɨ məd mbɨ ə bə̂d Kristo mbe nɨə fetɨ ɨŋga nəb məd bə̀ chàʼrɨ̀ əwən. Erastùs, nɨə nuŋ ɨkab ɨŋga əsɨ zɔ̂ mbɨ Kwatùs, wa aŋgɔb, bə̀ chàʼrɨ̀ əwən. [

Rm 16:27

Mbə̀ naʼ ɨwumnɨ we nɨ ten i koŋ, ənjìm ə Yeso Kristo, əmbɨ ə Ŋwìə̀ we mɔʼ nɨ berɨ ɨwe! À yɨ əne.

Rm 5:5

Ka ɨchî nɨ tɨ̀ nuŋ ɨkɔndɨ wɨə tam i əwa, ɨmbə̀ʼ ɨghəm nɨ Ŋwìə̀ fə chwi ni tə ghaʼ əwa, əne wɨ̀ fə zɨ̀ ɨghaʼi ɨŋga ta fîŋ ənjìm Əzwî ə Zeŋɨ ze nɨ wɨ̀ naʼ ɨ na.

Rm 8:39

kɨ̀ ɨghɨ mbe nɨ yeʼ ɨkaŋ, kɨ̀ mbe nɨ yeʼ ɨŋga si, kɨ̀ əghɨ ə mɔʼɔ ə cherə rəbɔʼ ɨghɨ mbe nɨ Ŋwiə̀ tekɨ, mbe tɨ̀ mbɨ ghabrɨ əwa tɨ ənɨ ɨchî nɨ Ŋwìə̀ ghaʼ əwa ɨchî nɨ tɨ̀ yeʼ ənɨ ɨfɔtɨ mbɨ Kristo Yeso, a Ə̀nùŋɨ̀sɨg.

Rm 8:9

Àyɨə chəi mbə̀n ə ghɨ̀ ɨnû mbe nɨ nyamnyod ə feenɨə. Mbə mbɨə ghɨ̀ yeʼ mbe nɨ Əzwî ə ghà ɨ nən, əne yɨ əwù ze nɨ Əzwî ə Ŋwiə̀ ə kaŋ yeʼ ɨŋga nən. Ka wə̀d we nɨ chəi Əzwî ə Kristo ɨŋga məd yɨ i wə̀d Kristo.

1 Kɔrèn 12:13

Tɨ̀ nyaʼa nɨŋ mɨnib ənjìm Əzwî ze ə mɔʼ. Əne tɨ̀ fə fɔtɨ sɨə nyamnyod mɔʼ. Ŋwìə̀ nyaʼa zɨ̀ Əzwî ze ə mɔʼ ɨŋga ta fîŋ, kɨ̀ tɨ̀ yɨ mɨ̀Jû kɨ̀ bə̂d nɨ kaʼi mɨ̀Jû, kɨ̀ tɨ̀ yɨ ɨ̀bòʼò kɨ̀ bə̂d nɨ yeʼ ənɨ ə ɨghəm.

1 Kɔrèn 14:16

À bə̀ kàŋ kɔndɨ ni ənɨ àwɔ̀ ə yiirɨ ə Ŋwiə̀ ənɨ e əzwî, tɨ̀ wə̀d mɔʼɔ we nɨ yeʼe əkaʼ nən, nɨ chəi ətu əməd ə zeŋ ɨmbə̀ʼ ənû ze nɨ àwɔ̀ ə ghàə̀, ghà ni “À yɨ əne” ɨchî nɨ àwɔ̀ ə kɔ̀ŋgɨ̀ ə Ŋwiə̀ nàʼə̀ məben-əwe ɨ bɔ ə? Tɨ̀ wɨ̀ yiirɨ ə Ŋwiə̀ mbɨ ne nɨ chəi wɨ̀ kyerɨ ənû ze nɨ àwɔ̀ ə ghàə̀ ə?

1 Kɔrèn 16:23

Ə̀nùŋɨ̀sɨg Yeso ghɨ ɨ̀chɔ̀m ənɨ ə nən.

1 Kɔrèn 3:16

Chəi mbə̀ kyerɨ ni mbə yɨə mbàn Ŋwìə̀ mbɨ ni Əzwî ə Ŋwiə̀ ə zɨ ɨŋga nən ə?

1 Kɔrèn 6:19

Chəi mbə̀ kyerɨ ni tə nyamnyod yɨə mbàn əmbɨ Əzwî ə Zeŋɨ ze nɨ yeʼ ɨŋga nən, nɨ Ŋwìə̀ nyaʼa naʼ ɨ nən ə? Ka tə nyamnyod yɨ i tən.

2 Kɔrèn 8:9

Mbə kyerɨ ɨ̀chɔ̀m we nɨ Ə̀nùŋɨ̀sɨg Yeso Kristo nyaʼa ghɨ̌, nɨ ka à bè yeʼi ni wɨ̀ nyaʼa berɨ mbɔ̂n, àyɨə wɨ̀ nyaʼa bèŋ ənɨ wə̀d ɨkwaŋ ɨmbə̀ʼ əwən, ɨmbə̀ʼ ənjìm ɨchî nɨ wɨ̀ kwaŋɨ, mbə mbe tɨ̀ mbə berɨ mbɔ̂n.

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

Efesùs 2:18

À yɨə Kristo ghɨ ni mba mɨjìm, əne yɨ mɨ̀Jû mbɨ ə bə̂d nɨ kaʼi mɨ̀Jû, tɨ̀ berɨ ɨnə̂njɨ̀ nɨ wò əmbɨ ə Mbǎʼ ənjìm Əzwî ə Zeŋɨ.

Efesùs 2:22

Ənɨ ɨfɔtɨ mbɨ məd, ɨ mbɨə bə̀ bɔmə mbə̀n mbe nɨ kaʼi mɨ̀Jû ənɨ əsɨ ze nɨ Ŋwiə̀ nɨ yeʼ əzwî ə chub əŋgu.

Efesùs 5:9

ɨmbə̀ʼ ɨghəm nɨ ɨzeŋɨ zeŋɨ mɨ yeʼə te ɨgun ə bə̂d, mbɨ bɨrɨ ghɨ ɨnû nɨ bɔŋɨ bə̀ kuʼnɨ bə̀ yeʼ mbɨ rəsìʼ.

Efesùs 6:23

Ŋwiə̀ Mbǎʼ, mbɨ Ə̀nùŋɨ̀sɨg Yeso Kristo naʼ əbɔrəbɔd, nàʼ ɨghaʼi bə̀ nàʼ ɨbenɨ əmbɨ ə bɔŋgɔb mɨjìm.

Fìlipì 2:1

Ɨchî nɨ mbə̀ yeʼ ənɨ ɨfɔtɨ mbɨ Kristo zɨə tìmbɨ̀ əwən. Ɨchî nɨ wɨ̀ ghaʼ əwən wɨə nəərɨ əwən. Mbə mbɨ ənɨ ɨfɔtɨ mbɨ Əzwî ə Ŋwìə̀. Mbə mbɨə ghɨ̀ ɨ̀chɔ̀m ənɨ mbə bɔŋgɔb. Mbɨ mbɨə kə̀n ənɨ wə̀d mɔʼɔ we rəbɔʼ nən nɨə zəə ŋgəʼ.

1 Jɔn 1:3

Ɨnû mbe nɨ tɨ̀ nyaʼa zə bə̀ zu yɨ mbɔ̂ tɨə ghà ɨ nən. Əne yɨ ɨmbə̀ʼ mbə̀ fɔtɨ mbɨ na ənɨ ɨfɔtɨ we nɨ tɨ̀ berɨ mbɨ Mbǎʼ bə̀ berɨ mbɨ Wan məd Yeso Kristo.

1 Jɔn 3:16

Ɨchî nɨ tɨ̀ rɨ̀ kyerɨ ənû ze nɨ ɨghaʼi kaŋ yeʼ wɨwən yɨ ni: Kristo nyaʼa kwɨ ɨgwɨ mba ɨtu. Əne mbà bə, tɨ̀ berɨ bɨ kwɨ ɨgwɨ ɨtu mba bɔŋgɔb.

1 Jɔn 3:24

Bə̂d mɨ̀jìm mbe nɨ nuŋ tɨkə rɨ Ŋwiə̀ mbɨ ənɨ ɨfɔtɨ mbɨ məd. Məd ziə wɨ̀ bə̀ ənɨ ɨfɔtɨ mbɨ mɨ̀mə̌d. Tɨ̀ ə kyerɨ ni məd wɨ ənɨ ənû ə mɔʼ mbɨ na ənjìm Əzwî ze nɨ wɨ̀ naʼ ɨ na.

Jûd 1:21

Mbə̀ chub kyerɨ ni Ŋwìə̀ ə ghaʼ əwən ɨchî nɨ mbɨə wòmə̀ ni a Ə̀nùŋɨ̀sɨg Yeso Kristo diirɨ əwən, ghɨ̀ mbə̀ jɨg ɨ̀tènɨ̀ rɨ mì.