2 Kɔrèn 12:1 - Meta’

¹ Mə berɨ goŋ ɨgɔ̂. Ka à bè yeʼi ni chəi njìm əŋgu, àyɨə mə bɨrɨ wo ɨmbì ghà ɨghɨ mbe nɨ mə nyaʼa zə ɨŋga tɨ̀taanɨ njə̀m bə̀ ghà mbe nɨ Ə̀nùŋɨ̀sɨg nyaʼa chwi ɨ num.

Ikan feg

¹ Mə bèrì ikɔmi igo, ka chəyi jiʼì chùd mɔ̀ʼɔ inga. Mbə̀ si mə̀ məti inug ne Anɔŋisəg ya chwi inum inga anatì njə̀m fɔrɔ mbe ne wì ya ghi mə kyeri.

2 Kɔrèn 12:1 교차 참조

Jn 16:7

Mə ghà rəsìʼ ɨ nən ni zɨə kàŋ bɔ̀ŋ ni mə̀ wo ə, ɨmbə̀ʼ ɨghəm nɨ mə mɨ rɨka wo əmɨ, njɨ chəi Ə̀wèèrɨ̀-bə̂d we bɨrɨ yeʼe ɨ nən. Mə mɨ wò, mə bɨrɨ cha əməd ɨ nən.

Jn 18:14

À yɨə Kaifàs nyaʼa kəərɨ bə̂d mbe nɨ nyaʼə tekɨ ɨnû ɨŋga əbeŋ mɨ̀Jû ni zɨə bɨrɨ kaŋ bɔ̀ŋ əku ənɨ wə̀d mɔʼ kwɨ ɨgwɨ ətu ə bə̂d mɨjìm.

Ɨ̀fàʼì 18:9

À nyaʼa ɨzimɨ mɔʼɔ, Ə̀nùŋɨ̀sɨg nyaʼa ghà əmbɨ Pɔ̂l ɨŋga rɨ̀taanɨ njə̀m ni, “Tɨrə̀ bɔ e! Ndə̀ ɨmbì ghàm əmbɨ ə bə̂d! Tɨrə̀ tɔ kəm e rəziə!

Ɨ̀fàʼì 23:11

À nyaʼa ɨzimɨ we, Ə̀nùŋɨ̀sɨg nyaʼa təm ɨban ə Pɔ̂l ghà ni, “Yim fîŋ! Ɨchî nɨ à fə gha ənû ɨmbə̀ʼ əmɨ ə Jèrusalèm, à berɨ bɨ gha ə Rom.”

1 Kɔrèn 10:23

Bə̂d mɔʼɔ mbɨə ghàə̀ ni, “Tɨ̀ we tɨ̀ rɨ̀ ghɨ̀ ɨnû jìm.” À yɨ əne, àyɨə chəi ɨnû jìm mbe tɨ̀ mbɨ wèèrɨ̀ əwən. “Tɨ̀ we tɨ̀ rɨ̀ ghɨ̀ ɨnû jìm,” ɨchî nɨ mbɨ gha, àyɨə chəi ɨnû jìm ə ghɨ̀ ni ɨbenɨ kaanə.

1 Kɔrèn 14:6

Mbɨ bɔŋgɔb, mə mɨ yeʼe əsɨ nən tɨ̀nîn pè kɔ ghàm ɨ nən ənɨ ɨŋgam rɨsɔ̀ʼɔ̀, ə ze ə kɨə wo weerɨ əwən ənɨ ə ye ə? Chəi zɨə bɨrɨ weerɨ əwən, kɨrɨ ənɨ mə̀ yeʼe mbɨ ənû nɨ Ŋwìə̀ chwi ɨ num, kɨ̀ mbɨ ənû nɨ Ŋwìə̀ kə̀bɨ ni mbə̀ kyerɨ, kɨ̀ mbɨ ɨkə̂n Ŋwiə̀, kɨ̀ mbɨ ənû nɨ kəərɨ əwən.

1 Kɔrèn 6:12

Wə̀d mɔʼɔ we tɨ̀ wɨ̀ ghà ni, “Mə we tɨ̀ mə ghɨ̀ ɨnû jìm.” À yɨ əne, àyɨə kaʼi ɨnû jìm bɨrɨ weerɨ əwe. Mə kyerɨ ni, “Mə we tɨ̀ mə ghɨ̀ ɨnû jìm,” àyɨə chəi mə bɨrɨ ben ə̀bòʼò əmbɨ ənû ə mɔʼɔ.

2 Kɔrèn 12:11

Mə fə bèŋ ənɨ əneŋ! À yɨə mbə̀nə nyem əmɨ ni mə̀ ghɨ əne. Njɨ à yɨə mbə̀nə nyaʼa berɨ gha ni mə wɨə fàʼ ɨchî nɨ kuʼnɨ. Ka à bè yeʼi ni mə yɨ əghɨ əko, àyɨə chəi mə kə chè “bə̂d tom Kristo mbe nɨə ghàə̀ ni mbə chè mbɨ mɨjìm.”

2 Kɔrèn 12:5

Mə bɨrɨ goŋ ɨgɔ̂ ɨmbə̀ʼ ə mbaŋə̀ ɨghabɨ zɔ̂, àyɨə chəi mə bɨrɨ goŋ ɨgɔ̂ ɨmbə̀ʼ mɨ ɨghəm. Mə bɨrɨ goŋ àmei ɨmbə̀ʼ ɨnû mbe nɨ chwiə ni mə bɔd.

2 Kɔrèn 12:7

Ɨ ghɨ ni tɨ mə nɔ əmɨ ɨnyod ɨmbə̀ʼ ɨnû yiirɨ kyeŋ mbe nɨ Ŋwìə̀ nyaʼa chwi ɨ num, wɨ̀ nyaʼa zɨ əwɔn ɨŋga mɨ nyamnyod, nɨ yeʼ əghɨ nɨ Satàn nyaʼa tom ni zɨə chə əmɨ, ɨmbə̀ʼ tɨ mə nɔ əmɨ ɨnyod.

2 Kɔrèn 12:9

Àyɨə wɨ̀ nyaʼa wììrɨ̀ ɨ num ni, “Ɨ̀chɔ̀m we nɨ mɨə ghɨ̀ə̀ ə kuʼ ɨ ne, ɨmbə̀ʼ ɨghəm nɨ wə̀d bɨrɨ zə mɨ ɨka jìm ənɨ wɨ̀ fə bɔrɨ.” Əne mə bɨrɨ jeŋgɨ ghaʼ ɨmbə̀ʼ ɨchî nɨ mə bɔrɨ, ɨmbə̀ʼ ɨka Kristo we tɨ̀ wɨ chub ɨŋga num.

2 Kɔrèn 8:10

Ɨkə we nɨ mə̀ berɨ nɨ naʼ ɨ nən ɨmbə̀ʼ ənû zɔ̂ yɨ ni: zɨə kùʼ ni mbə̀ maanɨ ənû ze nɨ mbə̀ nyaʼa be kɔ əghəm əwu. Mbə yɨə bə̂d rɨtu nɨ nyaʼa be kəb wèèrɨ̀. Mbə yɨə bə̀ ə bə̂d rɨtu nɨ nyaʼa ghɨ əne.

Gàlesìyà 1:12

Kaʼi wə̀d mɨ̀sɔŋɨchù mɔʼɔ nyaʼa gha ɨkə̂n chɔ̀m wɔ̂ ɨ num, kɨ̀ ni à yɨə wə̀d mɔʼɔ nyaʼa chwi ɨ num. À yɨə Yeso Kristo ziə nyaʼa chwi ɨ num.

Gàlesìyà 2:2

Mə nyaʼa wò ɨmbə̀ʼ ɨghəm nɨ à yɨə Ŋwìə̀ nyaʼa chwi ɨ num ni mə̀ wo əŋgu. Mə nyaʼa wò pè tòʼrɨ̀ ɨkə̂n chɔ̀m we nɨ mə nyaʼə ghà əmbɨ ə bə̂d mbe nɨ kaʼi mɨ̀Jû. Mə nyaʼa tòʼrɨ̀ àmei əmbɨ ə bə̂d mbe nɨ nyaʼə chà ɨfetɨ we rɨ ə Jèrusalèm. Mə nyaʼa ghɨ̀ əne ɨmbə̀ʼ tɨ ə̀fàʼì ze nɨ mɨə fàʼə̀ kɨ̀ əze nɨ mə nyaʼa fə faʼi, ə che ətu ə̀kǒ.

Efesùs 3:3

Ŋwiə̀ nyaʼa ghɨ̀ mə kyerɨ ɨnû mbe nɨ yeʼ ənə̀mə, ɨchî nɨ mə fə kəʼ ŋwàʼnɨ̀ ənɨ akə ɨŋgam.

1 Tèsàlonikà 4:15

Ənû zɔ̂ nɨ tɨə ghà ɨ nən yɨ ənû nɨ Ə̀nùŋɨ̀sɨg ziə nyaʼa ghǎ. Wɨ̀ nyaʼa ghà ni ka mbà mbe nɨ yeʼ ɨkǎ ənɨ ə nyùmə̀ we nɨ Ə̀nùŋɨ̀sɨg wɨrɨ yeʼe bɨrɨ be wò a ɨmbì mbe nɨ fə kwɨ.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.