2 Kɔrèn 11:26 - Meta’

²⁶ Mə wɨə nyaʼə kɨə yènə̀. Mə nyaʼa nɨrə koŋ ɨŋga ɨgyɨ̀ kyeŋ. Mɨjɨ ka ka nyaʼa nɨrə zwiirɨ əmɨ. Mbɨ bə̂d əbeŋ nyaʼa nɨrə zwiirɨ əmɨ. Bə̂d mbe nɨ kaʼi mɨ̀Jû nyaʼa nɨrə zwiirɨ əmɨ. Mə nyaʼa nɨrə kwɨ ɨŋga ɨsɨ kyeŋ. Mə nyaʼa nɨrə kwɨ ɨŋga ɨbad rɨkwàʼi. Mə nyaʼa nɨrə kwɨ ɨŋga rɨ̀bàà. Bɔŋgɔb mɨghab nyaʼa nɨrə zwiirɨ əmɨ.

Ikan feg

²⁶ Mə yḛ tigha̰ nɔʼ nɔʼ. Mə ya ŋa kùwə inga tigyi kyen kyen. Məji ya bə̀ kùg mə. Ìmbum tìbəd ya ŋa zwète mə. Bəd ne kayi mə̀Ju ya bə̀ ŋa zwète mə. Mbi ya fə ŋa zwète amə inga ikye aben fɔrɔ inga tibad zɔbi. Mə ya chwed iwu inga ngəʼ inga tìbà. Mə ya bə̀ chè inga ngəʼ fɔrɔ ikye abo abə bəd ne bèmnè inug ne ya chwi ìwɔb ìfe icheg bəd Kristo.

2 Kɔrèn 11:26 교차 참조

Ɨ̀fàʼì 13:45

Àyɨə ənɨ mɨ̀Jû nyaʼa zə mɨnɔ̂n bə̂d mbe, ə̀dìì ə nyaʼa swi ɨŋga fîŋ tɨ mɨ̀mə̌d, əne mbɨ nyaʼa kɔ zɔm ə Pɔ̂l ghàə̀ ni ənû ze nɨ wɨə ghàə̀ yɨ mɨghab.

Ɨ̀fàʼì 13:50

Àyɨə mɨ̀Jû mbe nyaʼa no məyi kyeŋ kyeŋ mbe nɨ nyaʼa nuŋ fîŋ ɨgun ə Ŋwiə̀ bə̀ no bə̂d kyeŋ mbe rɨŋga əsɨ ze. Əne mbɨ nyaʼa kɔ nwendɨ tɨkyerɨ-ɨwu Pɔ̂l mbɨ Banabàs, əne fid mɨ̀mə̌d rɨŋga əbà əbeŋ ze.

Ɨ̀fàʼì 14:19

Mɨ̀Jû mɔʼɔ nyaʼa nɔ̀ʼ rɨ ə Antiɔ̀k bə̀ nɔ̀ʼ rɨ ə Ikoniùm wò ə Listrà. Mbɨ nyaʼa pè fi ɨtu mɨnɔ̂n bə̂d mbe ni mbɨ beenɨ əbɔʼ nən. Əne mbɨ nyaʼa tumbɨ ə Pɔ̂l ənɨ əti. Mbɨ nyaʼa kɔndɨ ni wɨ̀ fə kwɨ, əne mbɨ nyaʼa sùŋ əməd rɨŋga Listrà chà ɨsɨg.

Ɨ̀fàʼì 14:5

Bə̂d mbe nɨ kaʼi mɨ̀Jû mbɨ mɨ̀Jû fɔrɨ bə̂d mbe nyaʼə tekɨ ɨnû ɨŋga əbeŋ mɨ̀Jû nyaʼa kə̀b ni njɨ mbə chə bə̂d tom mbe bə̀ tumbɨ mɨ̀mə̌d ənɨ əti.

Ɨ̀fàʼì 15:40

Àyɨə Pɔ̂l nyaʼa chɔʼ ə Sailàs mbɨ wò ɨnɔ̂n. Bə̂d mbe nɨ nyaʼa ben ə Kristo nyaʼa kɔ̀ŋgɨ̀ ə Ŋwiə̀ ɨgwɨ mɨ̀mə̌d ni Ə̀nùŋɨ̀sɨg ghɨ ɨ̀chɔ̀m ənɨ mɨ̀mə̌d.

Ɨ̀fàʼì 17:13

Àyɨə ənɨ mɨ̀Jû mbe rɨ ə Tèsàlonikà nyaʼa zu ni Pɔ̂l wɨə ghà ɨŋgam Ŋwiə̀ ə Berià, mbɨ nyaʼa bə̀ wò əŋgu pè kɔ no bə̂d bə̀ tɔbə fîŋ tɨ mɨ̀mə̌d.

Ɨ̀fàʼì 17:5

Àyɨə ənɨ mɨ̀Jû mɔʼɔ nyaʼa zə əne, mbɨ nyaʼa kɔ ghɨ̀ ə̀dìì. Mbɨ nyaʼa wò fetɨ mbɨ̀rɨtan rɨ ɨtu ɨzib ənɨ ɨnɔ̂n. Mbɨ̀ritan mbe nyaʼa wò bù əchɔb ɨŋga əsɨ ze, nòrə̀ wò əkwɨ Jasɨ̀n, nɨ nyaʼa əsɨ ze nɨ Pɔ̂l mbɨ Sailàs nyaʼə chub əŋgu. Ɨ mbɨə nyaʼə kə̀b ə Pɔ̂l mbɨ Sailàs ɨmbə̀ʼ mbə mɨ zə mɨ̀mə̌d, mbə chɨ chà ɨsɨg əmbɨ ə bə̂d.

Ɨ̀fàʼì 18:12

Ənɨ Galiò nyaʼə gɔmnà əbà əbeŋ ze rɨ ə Àkàiyà, mɨ̀Jû mɔʼɔ rɨ əsɨ ze nyaʼa fɔtɨ wò gywɨ̀ ə Pɔ̂l nɨŋ wò ə nəb ɨsaʼi.

Ɨ̀fàʼì 19:1

Ənɨ Àpolòs nyaʼə Kɔrèn, Pɔ̂l nyaʼa chè ətu ətu ɨŋga ɨsɨ mbe rɨŋga əbà əbeŋ ze wò ə Efesùs. Wɨ̀ nyaʼa pè zə bə̂d mɔʼɔ nɨ nyaʼa ben ə Kristo.

Ɨ̀fàʼì 19:23

À nyaʼa ənɨ ə nyùmə̀ we, əchɔb ə ka ka ə nyaʼa jwɨ̀ ə Efesùs ɨmbə̀ʼ Ɨnə̂njɨ̀ we nɨ Ə̀nùŋɨ̀sɨg nyaʼa chwiə.

Ɨ̀fàʼì 20:19

Mə nyaʼa kàŋ swi ɨnyod, fàʼ əmbɨ Ə̀nùŋɨ̀sɨg mbɨ mɨsɨ əghə, ka à bè yeʼi ni mə wɨə nyaʼə zə ŋgəʼ ɨchî nɨ mɨ̀Jû mɔʼɔ nyaʼa taŋ mɨnaŋ ɨmbə̀ʼ zwiirɨ əmɨ.

Ɨ̀fàʼì 20:3

Wɨ̀ nyaʼa chub əŋgu əmɨg ətad. Ənɨ wɨ̀ nyaʼə tekɨ ɨnyod nɨ baanɨ wo ə Sirià, wɨ̀ nyaʼa zu ni mɨ̀Jû mɔʼɔ mbɨə nyaʼə taŋ mɨnaŋ ɨmbə̀ʼ zwiirɨ əwi, əne wɨ̀ nyaʼa nuŋ ɨŋga i fîŋ ni tə bɨrɨ bəndɨ wo che ə Màsèdonià bɔŋ sɨə wò ə Sirià.

Ɨ̀fàʼì 23:10

Ənɨ tàŋ ze nyaʼa beŋ ənɨ əchɔb nɨ ka, ətu ɨgwɨ mɨ̀sɔgyɨ̀ nyaʼa bɔ ni mbaŋə̀ te bɨrɨ təndɨ ə Pɔ̂l tɨkə rɨkə. Əne wɨ̀ nyaʼa ghà əmbɨ mɨ̀sɔgyɨ̀ mbe ni mbɨ swiʼi wò nɨŋ ə Pɔ̂l ənɨ ɨ̀kǎ, wò ɨŋga ɨkam mɨ̀mə̌d.

Ɨ̀fàʼì 25:3

wɨ̀ ghɨ ɨ̀chɔ̀m ənɨ ə nən chà ə Pɔ̂l ə Jèrusalèm. Mbɨ nyaʼa ghà əne ɨmbə̀ʼ ɨghəm nɨ mbɨ nyaʼa fə taŋ ni mbə bɨrɨ nəmbɨ ɨnə̂njɨ̀, wòm əməd zwiirɨ.

Ɨ̀fàʼì 27:42

Mɨ̀sɔgyɨ̀ mbe nyaʼa taŋ ni mbə bɨrɨ zwiirɨ bə̂d ndəŋ mbe mɨjìm, ɨmbə̀ʼ tɨ wɨ mɔʼɔ zɔʼ i rɨ̀bàà we norə.

Rm 15:19

ənjìm ɨnweenɨ-ɨnû nɨ kaanɨ, ənjìm ɨnû yiirɨ bə̀ fɔrɨ ənjìm ɨka we nɨ Əzwî ə Ŋwiə̀ ə nàʼə̀. Əne mə fə ghà ɨkə̂n chɔ̀m ɨmbə̀ʼ ə Kristo ɨŋga ɨsɨ jìm, kɔ rɨ ə Jèrusalèm kad wò pè əbà əbeŋ ze rɨ ə Ilirikùm.

Rm 8:35

À kɨə we bɨrɨ ghabrɨ əwa tɨ ənɨ ɨchî nɨ Kristo ghaʼ əwa ə? À kɨə ŋgəʼ, kɨ̀ à kɨ ɨnû ka ka, kɨ̀ à kɨ ənû nɨ nwendɨ tɨkyerɨ-ɨwu, kɨ̀ à kɨ ə njì kǎ kǎ, kɨ̀ à kɨ ənû nɨ yen tɨ̀sɔ̀ʼ ɨkyerɨ, kɨ̀ à kɨ ənû nɨ nim, kɨ̀ à kɨ ənû nɨ kwɨ ɨchû ɨbi ə?

1 Kɔrèn 15:30

Ŋgəʼ kɨə beenɨ əbɔʼ na ənɨ mɨ̀nyùmə̀ jìm ɨmbə̀ʼ ə yè ə?

1 Kɔrèn 15:32

À mɨ yeʼ ni mə kaŋ kə̀ʼ zɔ̀ŋ mbɨ ə “nyam rɨ tɔtɔ” ə Efesùs, ɨchî nɨ bə̂d mɨ̀sɔŋɨchù ə kɔndɨə, njɨ njìm nɨ mə̀ bɨrɨ jɨg kɨ ə ye ə? À mɨ yeʼ nɨ chəi Ŋwìə̀ bɨrɨ zwemnɨ bə̂d, njɨ tɨ̀ ghɨ ənû ze nɨ mbɨ ŋwaʼnɨ ni, “Tɨ̀ jɨg bə̀ nɔ, ɨmbə̀ʼ ɨghəm nɨ ɨsɔ tɨ̀ bɨrɨ kwɨ.”

2 Kɔrèn 11:32

Ənɨ mə nyaʼa ə Dàmaskɔ̀s, gɔmnà we nɨ nyaʼa əton ɨfɔ̀n Aretàs nyaʼa chà mɨ̀sɔgyɨ̀ ni mbɨ nəŋgɨ əsɨ ze ɨmbə̀ʼ gywɨ əmɨ.

Gàlesìyà 2:4

Ənû zɔ̂ ə nyaʼa kɔ ɨchî nɨ bɔŋgɔb mɨ̀ghab mɔʼɔ nyaʼa nyaʼrɨ yeʼe nyɨ əkaʼ na kə̀b kyerɨ ɨchî nɨ tɨ̀ nyaʼa chubɨ ənɨ a ɨghəm ɨchî nɨ tɨ̀ ɨfɔtɨ mbɨ Kristo Yeso. Mbɨ nyaʼa kə̀b yeʼ ni tɨ̀ ben ə̀bòʼò əton tɨkə rɨ Mose.