2 Kɔrèn 11:23 - Meta’

²³ Mbɨ wa kɨə bə̂d ə̀fàʼì Kristo ə? Mə wɨə ghàm ɨghabɨ ətəd. Mə chè mɨ̀mə̌d. Mə fə fàʼ rɨ̀kǎ chè mɨ̀mə̌d, mə fə nyɨ ndəŋ ɨghəm nɔnɔʼ, mbɨ fə som əmɨ ɨghəm nɨ chəi ənɨ tɨ̀ mbɨ taŋ, mə fə jwɨ̀ rɨ ɨchû ɨvɨ ɨghəm nɔnɔʼ.

Ikan feg

²³ Mbɔb kə bəd àfàʼì Kristo? Mo inum ya bə̀ wə̀d àfàʼì Kristo ne beri ati chè awɔb. Mə ya ghàmà anìŋ icheg atəd: Mə kirə ika ane ìfàʼì chè awɔb. Mə nyi ndəŋ aghəm nɔʼ nɔʼ. Mbe bə̀ ywìri mə aghəm nɔʼ nɔʼ. Mə bə̀ ghò pè ichug iwu aghəm nɔʼ nɔʼ.

2 Kɔrèn 11:23 교차 참조

Ɨ̀fàʼì 14:19

Mɨ̀Jû mɔʼɔ nyaʼa nɔ̀ʼ rɨ ə Antiɔ̀k bə̀ nɔ̀ʼ rɨ ə Ikoniùm wò ə Listrà. Mbɨ nyaʼa pè fi ɨtu mɨnɔ̂n bə̂d mbe ni mbɨ beenɨ əbɔʼ nən. Əne mbɨ nyaʼa tumbɨ ə Pɔ̂l ənɨ əti. Mbɨ nyaʼa kɔndɨ ni wɨ̀ fə kwɨ, əne mbɨ nyaʼa sùŋ əməd rɨŋga Listrà chà ɨsɨg.

Ɨ̀fàʼì 20:23

Ənû nɨ mə̀ kyerɨ yɨ ni Əzwî ə Zeŋɨ ə zɨə ghà ɨ num ɨsɨ jìm ni ndəŋ fɔrɨ ŋgəʼ mbɨə wòm əmɨ.

Ɨ̀fàʼì 21:11

Wɨ̀ nyaʼa yeʼe əsɨ na, pè nɨŋ ɨ̀kɔ̀bɨ̀ Pɔ̂l kod mbi ɨwu bə̀ kod mbi ɨbɔ ghà ni, “Əzwî ə Zeŋɨ ə ghà ni, 'À yɨ ɨchî nɨ mɨ̀Jû mbe rɨ ə Jèrusalèm bɨrɨ kod mbaŋə̀ ze nɨ berɨ ɨ̀kɔ̀bɨ̀ wɔ̂, əne zɨ̀ əməd ɨŋga tɨkyerɨ-ɨbɔ bə̂d nɨ kaʼi mɨ̀Jû.'”

Ɨ̀fàʼì 25:14

Ɨchî nɨ mbɨ nyaʼa chub əŋgu ɨni nɔnɔʼ, Festùs nyaʼa ghà ənû ɨmbə̀ʼ ɨsaʼi Pɔ̂l əmbɨ Ɨfɔ̂n Agripà ni, “Mbaŋə̀ mɔʼɔ zɨ əgha nɨ Felìz nyaʼa saŋ ə nəb ndəŋ.

Ɨ̀fàʼì 27:1

Ənɨ Festùs nyaʼa ben ni tɨ̀ nyɨ əbaŋ ɨgyɨ̀ wò ə Italì, wɨ̀ nyaʼa nàʼ ə Pɔ̂l mbɨ ə bə̂d ndəŋ cherə əmbɨ ə mbaŋə̀ mɔʼɔ nɨ ɨkum məd nyaʼə Juliùs. Juliùs we yɨə nyaʼə ətu ɨgwɨ mɨ̀sɔgyɨ̀ ɨkɨ fibɨ̀ rɨŋga Ɨnɔ̂n Mɨ̀sɔgyɨ̀ Kaisà.

Ɨ̀fàʼì 28:16

Ənɨ tɨ̀ nyaʼa pè ə Rom, mbɨ nyaʼa sàŋ ə Pɔ̂l ni wɨ̀ chub ənɨ i ɨghəm. Ɨ wɨə nyaʼə chubə mbɨ sɔgyɨ̀ we nɨ nyaʼə nəŋgɨ əməd.

Ɨ̀fàʼì 28:30

Pɔ̂l nyaʼa chub əŋgu ɨghəm ɨwu be ɨ swi. Ɨ wɨə nyaʼə chub ɨŋga nəb nɨ wɨ̀ nyaʼə chwɨə. Ɨ wɨə nyaʼə nɨŋə bə̂d mɨjìm mbe nɨ nyaʼə wò əsɨ məd.

Ɨ̀fàʼì 9:16

Mə bɨrɨ chwi ŋgəʼ jìm ze nɨ wɨ̀ berɨ zə ɨmbə̀ʼ əmɨ ɨ bɔ.”

Rm 8:36

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨmbə̀ʼ əwe, bə̂d mbɨə zwiirɨ əwa ɨni jìm. Ɨ mbɨə nɨŋ əwa ɨghabɨ ni tɨ̀ yɨə njɨ̀g nɨ mbɨə wo kyemɨ.”

1 Kɔrèn 15:10

Mə yɨə wə̀d we nɨ mə yeʼ wɨwən ənjìm ɨ̀chɔ̀m Ŋwiə̀. Chəi ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num nyaʼa che ətu ə̀kǒ. Àyɨə mə nyaʼa fàʼ rɨkǎ chè mɨ̀mə̌d mɨjìm. Ka à bè yeʼi ni kaʼi mɔ̌ nyaʼa fàʼi, àyɨə Ŋwiə̀ nyaʼa che ənjìm ɨ̀chɔ̀m məd ghɨ̀ mə fàʼ.

1 Kɔrèn 3:5

Àpolòs kɨə we? Pɔ̂l bə̀ ə we? Tɨ̀ yɨə àmei bə̂d ə̀fàʼì mbe nɨ mbə̀ nyaʼa che ənjìm mɨ̀mə̌d ben ə Yeso Kristo. Wə̀d mɔʼ mɔʼ rəbɔʼ na wɨə fàʼ ə̀fàʼì ze nɨ Ə̀nùŋɨ̀sɨg nyaʼa naʼ ɨ bɔ.

1 Kɔrèn 4:1

Bə̂d berɨ neŋ əwa ni tɨ̀ yɨə bə̂d ə̀fàʼì Kristo fɔrɨ bə̂d nɨ Ŋwìə̀ ghɨ ni mbɨ gha ɨnû mbe nɨ yeʼ ənə̀mə ɨmbə̀ʼ əməd.

1 Kɔrèn 4:11

Ɨ pe rɨ̀nîn, tɨ̀ wɨə chubə njì, ədɔʼ ə zɨə ne əwa, tɨ̀ wɨə zɨ̀ ɨta ngywɨ̌, bə̂d mbɨə som əwa, chəi tɨ̀ berɨ ɨkwɨ.

1 Kɔrèn 4:9

Zɨə chub ɨ num ɨghabɨ ni Ŋwìə̀ fə nùŋ əwa, mbà bə̂d tom, ni tɨ̀ yeʼ bə̂d nɨ sɨ nwìə̀ ənɨ ɨwaŋ ɨmbə̀ʼ ə bə̂d zə əwa. Tɨ̀ yɨ ɨghabɨ ə bə̂d nɨ mbɨ fə sob ɨsaʼi ni mbɨ zwiirɨ mɨ̀mə̌d, ɨmbə̀ʼ ɨghəm nɨ ɨsɨg wɨə nèŋ əwa, mbɨ̀aŋgɨrə̀ mbɨə nèŋ əwa, bə̂d mɨ̀sɔŋɨchù bə̀ nèŋ əwa.

2 Kɔrèn 10:7

Mbə mbɨə neŋ ɨghɨ àmei əsaŋ əsaŋ. Wə̀d mɔʼɔ mɨ kyerɨ ni tə yɨə wə̀d Kristo, wɨ̀ bə kyerɨ ni tɨ̀ yɨə bə̀ə bə̂d Kristo ɨghabɨ ə məd.

2 Kɔrèn 11:5

Chəi mə̀ kɔndɨ ni mə kə chè “bə̂d tom Kristo mbe nɨə ghàə̀ ni mbə chè mbɨ mɨjìm.”

2 Kɔrèn 3:6

Wɨ̀ fə ghɨ̀ ni tɨ̀ kuʼ nɨ fàʼ əton fɨso fi. Ka fɨso fi fe yɨ i əghɨ nɨ mbɨ ŋwaʼnɨ. Fɨso fe yɨ rɨ əmbɨ ə Əzwî. Tɨkə te nɨ mbɨ ŋwaʼnɨ tɨə yeʼe mbɨ ɨvɨ, àyɨə Əzwî ə zɨə nàʼ ɨ̀tènɨ̀.

2 Kɔrèn 4:11

Ənɨ tɨ̀ yeʼ ɨka, tɨ̀ wɨ ɨchû ɨvɨ ənɨ mɨ̀nyùmə̀ jìm ɨmbə̀ʼ ə Yeso, ɨmbə̀ʼ bə̂d zə ɨ̀tènɨ̀ məd ɨŋga ta nyamnyod te nɨə kwɨə.

2 Kɔrèn 6:9

Bə̂d mɔʼɔ mbɨə ghɨ̀ mbɨ na ɨghabɨ ni chəi mbɨ kyerɨ əwa, àyɨə mbɨ kàŋ jeŋgɨ kyerɨ. Bə̂d mɔʼɔ mbɨə som əwa, àyɨə chəi mbɨ kɨrɨ zwiirɨ əwa.

Gàlesìyà 6:17

Nɔ̀ʼ tɨ rə̀chɔ̀ŋ, tɨ wə̀d mɔʼɔ wɨrɨ chə i əmɨ, ɨmbə̀ʼ ɨghəm nɨ ɨnweenɨ mbɨ ɨgwɨ num nɨ chwi ni mɔ̌ yɨə sɨə wə̀d Kristo.

Efesùs 3:1

À yɨ ɨmbə̀ʼ ənû zɔ̂ nɨ Ŋwìə̀ fɔtɨ bə̂d ənɨ mbɨ mɔʼ nɨ mɔ̌, Pɔ̂l, yeʼ wə̀d ndəŋ ɨmbə̀ʼ mbə̀n mbe nɨ kaʼi mɨ̀Jû. Mə yɨə wə̀d ndəŋ ɨmbə̀ʼ ɨghəm nɨ mə wɨə ghà ɨkə̂n chɔ̀m ɨmbə̀ʼ ə Kristo Yeso.

Efesùs 4:1

Mɔ̌, nɨ mə̀ yeʼ wə̀d ndəŋ ɨmbə̀ʼ ɨchî nɨ mɨə fàʼ əmbɨ Ə̀nùŋɨ̀sɨg, wɨə buʼ ɨbɔ ɨ nən ni mbə̀ chub ɨchî nɨ kuʼnɨ, nɨ yeʼ ɨchî we nɨ Ŋwiə̀ tɔŋ əwən ni mbə̀ chubɨ.

Efesùs 6:20

Mə wɨ ə nəb ndəŋ ɨmbə̀ʼ ɨghəm nɨ mə̀ təm ənɨ ɨkum Yeso Kristo. Mbə̀ kɔŋgɨ ə Ŋwiə̀ ni mə̀ gha ɨkə̂n we mbɨ fîŋ nɨ kǎ, ɨchî nɨ mə̀ kaŋ berɨ nɨ ghàm.

Fìlipì 1:13

Zɨə nyaʼa ghɨ̀ ni mɨ̀sɔgyɨ̀ mɨjìm mbe nɨ nyaʼə nəŋgɨ ə tɔʼ mbɨə bə̂d cherə mɨjìm kyerɨ ni mə wɨ ə nəb ndəŋ ɨmbə̀ʼ ɨchî nɨ mɨə ghà ɨkə̂n chɔ̀m ɨmbə̀ʼ ə Kristo.

Fìlipì 2:17

Kɨ̀ mə be kwɨ, mɨ ənəm ə bɨrɨ yeʼ ɨghabɨ ɨchəmnɨ nɨ mbɨ zɨ ɨgun ɨghɨ ə̀fà. Ɨghɨ ə̀fà mbe yɨ ɨbenɨ we nɨ mbə̀ nuŋ ɨgun ə Ŋwiə̀. Əne mɨ ɨnyod wɨə bɔ̀ŋə̀, mə bə̀ ghaʼrɨ ɨchî nɨ mbə̀n ə bə̀ ghaʼrɨə.

Kòlosè 1:24

Mə wɨə ghaʼə rɨ̀nîn ɨchî nɨ mɨə zəə ŋgəʼ ɨmbə̀ʼ əwən, ɨmbə̀ʼ ɨghəm nɨ mə wɨə màànɨ̀ ɨchî nɨ Kristo nyaʼa zə ŋgəʼ ɨmbə̀ʼ i nyamnyod. Nyamnyod ze yɨ ɨfetɨ bə̂d məd.

Kòlosè 1:29

Mə wɨə ghɨ̀ ɨnû mbɔ̂ ənɨ ɨka jìm we nɨ Kristo naʼ ɨ num.

1 Tèsàlonikà 3:2

Tɨ̀ nyaʼa tom wa aŋgɔb Timotì ni wɨ̀ yeʼe ghɨ tə fîŋ kaanə bə̀ tìmbɨ̀ əwən ɨchî nɨ mbə nuŋ fîŋ ɨgun ə Kristo. Məd wɨə fàʼ əmbɨ ə Ŋwiə̀ mbɨ na ɨchî nɨ tɨə ghà ɨkə̂n chɔ̀m ɨmbə̀ʼ ə Kristo.

1 Timotì 4:6

À mɨ ghà ɨnû mbɔ̂ nɨ mə gha ɨ ne əmbɨ ə bə̂d Kristo bə̀ beenɨ əbɔʼ mɨŋgam mbe nɨə ghɨ̀ ni ɨbenɨ kaanə bə̀ beenɨ əbɔʼ rəsìʼ we nɨ à nyaʼa fə zu, njɨ à bɨrɨ kaŋ yeʼ wə̀d ə̀fàʼì Kristo Yeso chɔ̀m.

2 Timotì 1:16

Mə wɨə kɔ̀ŋgɨ̀ Ə̀nùŋɨ̀sɨg ni wɨ̀ diirɨ bə̂d mbe rɨŋga nəb Ònèsiforùs, ɨmbə̀ʼ ɨghəm nɨ məd wɨə nyaʼa kɨə zùtɨ̀ mɨ fîŋ. Chəi ətu əməd ə nyaʼa nid ɨmbə̀ʼ əmɨ ɨchî nɨ mə nyaʼa ə nəb ndəŋ.

2 Timotì 1:8

Əne tɨ e ətu ə nid i nɨ gha ɨmbə̀ʼ a Ə̀nùŋɨ̀sɨg, kɨ̀ nɨ gha ɨmbə̀ʼ ɨchî nɨ mə̀ yeʼ wə̀d ndəŋ ɨmbə̀ʼ əməd. Àyɨə tekɨ ɨnyod nɨ zə ɨkwɨ ŋgəʼ we nɨ mɨə zə ɨmbə̀ʼ ɨkə̂n chɔ̀m. À bɨrɨ ghɨ əne ənjìm ɨka we nɨ Ŋwìə̀ naʼ ɨ ne.

2 Timotì 2:9

À yɨ ɨmbə̀ʼ ɨkə̂n chɔ̀m wɔ̂ nɨ mɨə zəə ŋgəʼ pè ənɨ mbɨ fə kod əmɨ ənɨ mɨ̀kàrə̀ mbɔ̂ ɨghabɨ ni mə fə gù ɨkə. Ɨ mbe tɨ̀ mbɨ kod əmɨ, àyɨə chəi ənɨ tɨ̀ mbɨ kod ɨŋgam Ŋwiə̀ ənɨ mɨ̀kàrə̀.

2 Timotì 3:11

À fə kyerɨ e ɨchî nɨ mbɨ nyaʼə nwèndɨ̀ tum rɨkyerɨ-ɨwu bə̀ kyerɨ ɨchî nɨ mə̀ nyaʼə zəə ŋgəʼ. À fə kyerɨ e ənû ze nɨ nyaʼa ghɨ ənɨ ə num ə Antiɔ̀k, ə Ikoniùm fɔrɨ ə Listrà, ɨchî nɨ mə nyaʼa nyiʼ ənɨ mbɨ nyaʼə nwèndɨ̀ tum rɨkyerɨ-ɨwu kwàʼ rɨkǎ. À yɨ Ə̀nùŋɨ̀sɨg nyaʼa chɨ əmɨ rɨŋga ŋgəʼ tɔ̂ rɨ̀jìm.

Filemɔ̀n 1:9

àyɨə ɨchî nɨ mə ghaʼ əwe, mə kə̀b yeʼ nɨ buʼ ɨbɔ ɨ ne. À yɨə mɔ̌ Pɔ̂l, nɨ mbɨ zɨ əmɨ ə ndəŋ ɨmbə̀ʼ ɨghəm nɨ mə təm ənɨ ɨkum Kristo Yeso,

Mə̀Hibrù 10:34

Mbə mbɨə nyaʼə dììrɨ̀ə̀ bə̂d mbe nɨ nyaʼa ə nəb ndəŋ. Ənɨ mbɨ nyaʼa fe mbə ɨghɨ, mbə̀ nyaʼa ben ənɨ ɨghaʼi. Mbə mbɨə nyaʼa ghɨ̀ əne ɨmbə̀ʼ ɨghəm nɨ mbə̀ nyaʼa kyerɨ ni mbə berɨ ɨghɨ nɨ bɔŋ chè mbe, nɨ yeʼ ɨghɨ nɨ bɨrɨ ten i koŋ.