2 Kɔrèn 1:5 - Meta’

⁵ Tɨ̀ wɨə zəə ŋgəʼ ənɨ ɨnû nɔnɔʼ ɨchî nɨ Kristo nyaʼə bə̀ zəə, əne ənjìm ə Kristo, Ŋwìə̀ wɨə nəərɨ əwa ənɨ mɨnə̂njɨ̀ nɔnɔʼ.

Ikan feg

⁵ Icheg ne Kristo ya taŋ zə̰ ngəʼ imbə̀ʼ awa, à ya bə̀ ane ne mba ina biri bə zə̰ ngəʼ imbə̀ʼ aməd. Ŋwiye biri taŋ nəri ìta fìŋ anjìm Kristo.

2 Kɔrèn 1:5 교차 참조

Lk 2:25

Mbaŋə̀ mɔʼɔ zɨə nyaʼa ə Jèrusalèm nɨ ɨkum məd nyaʼə Simiòn. Ɨ wɨə nyaʼə ghɨ̀ ɨnû nɨ kuʼnɨ. Ɨ wɨə nyaʼə nùŋ i fîŋ ɨgun ə Ŋwiə̀. Ɨ wɨə nyaʼə bə̀ wòmə̀ nyùmə̀ we nɨ Ŋwìə̀ bɨrɨ chɨ mɨ̀Izre rəŋgəʼ. Əzwî ə Zeŋɨ ə nyaʼa ɨgwɨ məd.

Ɨ̀fàʼì 9:4

Wɨ̀ nyaʼa feŋ ə si, əne zu gɨ̂ nɨ nyaʼa ghà ɨ bɔ ni, “Sɔ̂l! Sɔ̂l! À kɨə nwèndɨ̀ tum rɨkyerɨ-ɨwu ɨmbə̀ʼ ə yè ə?”

Rm 8:17

Tɨ̀ mɨ yeʼ bɔn, əne yɨ ni tɨ̀ yɨ mə̀jɨnəb Ŋwiə̀ nɨ fɔtɨ ənû əjɨnəb mbɨ Kristo. Əne yɨ ənɨ tɨ̀ zə ŋgəʼ mbɨ məd ɨmbə̀ʼ bɨ berɨ ɨwumnɨ we nɨ Ŋwìə̀ bɨrɨ naʼ ɨ bɔ.

Fìlipì 1:20

Ənû nɨ mə kàŋ kə̀b bə̀ kyerɨ ni zɨə bɨrɨ jwɨ ənɨ ənû nɨ mə̀ fə bə̀ nùŋ mɨ ɨkɔndɨ ɨ wòm yɨ ni chəi mɨ ətu ə bɨrɨ nɔ nìd ɨmbə̀ʼ ənû ze nɨ mɨə ghɨ̀ə̀. Àyɨə ənɨ mɨ̀nyùmə̀ jìm, màànɨ̀ rɨ̀nîn, mə berɨ ɨka fîŋ ɨmbə̀ʼ wumnɨ ə Kristo mbɨ mɨ ɨ̀tènɨ̀ jìm, kɨ̀ à kɨ ənɨ mə̀ yeʼ ɨkǎ kɨ̀ ənɨ mə̀ fə kwɨ,

Fìlipì 2:1

Ɨchî nɨ mbə̀ yeʼ ənɨ ɨfɔtɨ mbɨ Kristo zɨə tìmbɨ̀ əwən. Ɨchî nɨ wɨ̀ ghaʼ əwən wɨə nəərɨ əwən. Mbə mbɨ ənɨ ɨfɔtɨ mbɨ Əzwî ə Ŋwìə̀. Mbə mbɨə ghɨ̀ ɨ̀chɔ̀m ənɨ mbə bɔŋgɔb. Mbɨ mbɨə kə̀n ənɨ wə̀d mɔʼɔ we rəbɔʼ nən nɨə zəə ŋgəʼ.

Fìlipì 3:10

Mə wɨə kəb kyerɨ ə Kristo. Mə wɨə bə̀ kəb kyerɨ ɨka we nɨ Kristo nyaʼa berɨ ənɨ wɨ̀ nyaʼa zwemə. Mə wɨə kə̀b zə ŋgəʼ ɨchî nɨ wɨ̀ nyaʼa zə, bə̀ kə̀b kwɨ ɨchî nɨ wɨ̀ nyaʼa bə kwɨ

Kòlosè 1:24

Mə wɨə ghaʼə rɨ̀nîn ɨchî nɨ mɨə zəə ŋgəʼ ɨmbə̀ʼ əwən, ɨmbə̀ʼ ɨghəm nɨ mə wɨə màànɨ̀ ɨchî nɨ Kristo nyaʼa zə ŋgəʼ ɨmbə̀ʼ i nyamnyod. Nyamnyod ze yɨ ɨfetɨ bə̂d məd.

2 Timotì 3:11

À fə kyerɨ e ɨchî nɨ mbɨ nyaʼə nwèndɨ̀ tum rɨkyerɨ-ɨwu bə̀ kyerɨ ɨchî nɨ mə̀ nyaʼə zəə ŋgəʼ. À fə kyerɨ e ənû ze nɨ nyaʼa ghɨ ənɨ ə num ə Antiɔ̀k, ə Ikoniùm fɔrɨ ə Listrà, ɨchî nɨ mə nyaʼa nyiʼ ənɨ mbɨ nyaʼə nwèndɨ̀ tum rɨkyerɨ-ɨwu kwàʼ rɨkǎ. À yɨ Ə̀nùŋɨ̀sɨg nyaʼa chɨ əmɨ rɨŋga ŋgəʼ tɔ̂ rɨ̀jìm.

1 Pità 4:13

Àyɨə mbə̀ ghaʼ ɨchî nɨ mbə̀ə zəə ŋgəʼ ɨchî nɨ Kristo nyaʼa bə zə. Ɨghaʼi bɨrɨ swi ɨŋga tə fîŋ ənɨ wɨ̀ wɨrɨ yeʼe ɨŋga ɨzeŋɨ zeŋɨ məd.