2 Kɔrèn 1:24 - Meta’

²⁴ Chəi tɨə nyèm əwən ni mbə̀ ben ɨnû mbe nɨ tɨə ghàə̀. Tɨ̀ kyerɨ ni mbə fə nùŋ fîŋ zɨ̀ kàànɨ ɨgun ə Kristo. Àyɨə tɨ̀ wɨə fàʼə̀ mbɨ nən ɨmbə̀ʼ ɨghaʼi swi ɨŋga tə fîŋ.

Ikan feg

²⁴ Chəyi azo̰ chwi gha, tì ya nyə̀ŋə̀ awən gha mbə̰ mənyìʼ bḛ inug mɔ̀ʼɔ. Tì ya kə̀bə̀ ni fɔti fàʼ tì inən ni gha ìwən ibḛfiŋ təm kà. Tì mə ghì ane, mbə̰ biri ya taŋ gyènde.

2 Kɔrèn 1:24 교차 참조

Matìyò 24:49

əne kɔ som bə̂d ə̀fàʼì cherə, bə̀ kɔ jɨgə bə̀ nɔə mbɨ ɨtəd mɨnòʼ.

Rm 1:12

Əne yɨ ni, ɨbenɨ we tɨ̀ berɨ ɨgun ə Kristo tìmbɨ̀ əwa mbǎ mbǎ, wən tìmbɨ̀ wum, wum bə̀ tìmbɨ̀ wən.

Rm 11:20

Əze yɨ rəsìʼ. Mbɨ nyaʼa sopɨ rɨtəb te, əne yɨ mɨ̀Jû, ɨmbə̀ʼ ɨghəm nɨ chəi mbɨ nyaʼa benɨ, àyɨə mbən ə təm kàànɨ̀ àmei ɨmbə̀ʼ ɨchî nɨ mbə̀ benɨ. Əne tɨ mbə̀ nɔ ə ɨnyod, àyɨə mbə̀ we əwən ɨmbə̀ʼ ənû ze nɨ tɨ̀ zɨə ghɨ̀.

Rm 5:2

Ənjìm ɨchî nɨ tɨ̀ ben əməd, tɨ̀ fə bə̀ nyɨ ɨŋga ɨ̀chɔ̀m we nɨ tɨ̀ yeʼ ɨŋga tɨ̀nîn. Əne tɨ̀ goŋ ɨgɔ̂ nùŋ ta rɨkɔndɨ wòm ni tɨ̀ bɨrɨ chubɨ mbɨ ə Ŋwiə̀ ɨŋga ɨwumnɨ məd.

1 Kɔrèn 15:1

Mbɨ bɔŋgɔb, mə wɨə kə̀b nɔɔrɨ mbə ɨtu ɨmbə̀ʼ ɨkə̂n chɔ̀m we nɨ mə̀ nyaʼa gha ɨ nən, mbə zu benɨ, əne fə təm ɨgun kàànɨ̀.

1 Kɔrèn 3:5

Àpolòs kɨə we? Pɔ̂l bə̀ ə we? Tɨ̀ yɨə àmei bə̂d ə̀fàʼì mbe nɨ mbə̀ nyaʼa che ənjìm mɨ̀mə̌d ben ə Yeso Kristo. Wə̀d mɔʼ mɔʼ rəbɔʼ na wɨə fàʼ ə̀fàʼì ze nɨ Ə̀nùŋɨ̀sɨg nyaʼa naʼ ɨ bɔ.

2 Kɔrèn 11:20

Mbə mbɨə benə wə̀d mɔʼɔ we nɨ beŋ əwən ənɨ ɨ̀bòʼò, kɨ̀ we nɨ tambɨ əwən fè mbə ɨghɨ, kɨ̀ we nɨ nyem əwən ɨmbə̀ʼ jɨg mbə ɨghɨ, kɨ̀ we nɨ ghɨ ɨghabɨ ni tə yɨə Wə̀d kyeŋ mɔʼɔ, kɨ̀ we nɨ tum əbɔ ənɨ ə ɨfě.

2 Kɔrèn 4:5

Chəi tɨə ghà ɨmbə̀ʼ a ɨnyod. Tɨ̀ wɨə ghàə̀ yeʼ ni Yeso Kristo yɨ Ə̀nùŋɨ̀sɨg. Tɨ̀ wɨə bə̀ ghàə̀ ni tɨ̀ yɨ ɨ̀bòʼò ɨ nən ɨmbə̀ʼ ə Yeso.

2 Kɔrèn 5:7

Tɨ̀ wɨ ɨkǎ ɨmbə̀ʼ ɨbenɨ, kaʼi ɨmbə̀ʼ ɨghɨ mbe nɨ tɨə zəə.

1 Pità 5:3

Tɨ mbə̀ nyem ə bə̂d mbe nɨ mbɨ zɨ ɨŋga tə rɨkyerɨ-ɨbɔ, àyɨə mbə̀ yeʼ əmbɨ mɨ̀mə̌d ɨghabɨ əmɨg.