1 Timotì 5:8 - Meta’

⁸ Wə̀d mɨ ton nɨ nəŋgɨ mbi ɨfurɨ, màànɨ̀ mbe nɨ yeʼ ɨnəbɨ məd, əne wɨ̀ fə waʼ i ɨbenɨ. Wɨ̀ fə bə̂ chè wə̀d we nɨ chəi wɨ̀ ben ə Kristo.

Ikan feg

⁸ Wə̀d mə to̰ yi ni wètì ìmbi ifud, ako ako bəd mbe ne yaʼi inəbi məd, tengàŋ fə waʼ ìwi ibḛfiŋ. Iku wə̀d we bə chè wə̀d ne chəyi wì bḛ Kristo.

1 Timotì 5:8 교차 참조

Matìyò 18:17

Wɨ̀ mɨ ton zwetɨ i əmbɨ mɨ̀mə̌d, gha ənû rəŋgu əmbɨ ɨfetɨ bə̂d Ŋwiə̀. Wɨ̀ mɨ ton zwetɨ i əmbɨ ɨfetɨ bə̂d Ŋwiə̀, à sɨ ghɨ̀ mbɨ məd ɨghabɨ ni chəi wɨ̀ kyerɨ ə Ŋwiə̀ kɨ̀ ɨghabɨ ni məd yɨ əfetɨ mɨ̀tagsɨ̀.

Matìyò 7:11

Əne mbə̀n mbe nɨə ghɨ̀ ɨnû rɨbɔ̀ŋ mɨ kyerɨ ɨchî nɨ naʼ ɨghɨ chɔ̀m əmbɨ mbə bɔn, njɨ ə Mbǎʼ we nɨ yeʼ ɨkaŋ bɨrɨ kaŋ naʼ ɨghɨ chɔ̀m əmbɨ ə bə̂d mbe nɨ nɔnɨ!

Jn 15:22

À mɨ yeʼ nɨ chəi mə̀ nyaʼa yeʼe ɨŋga ɨsɨg pè gham əmbɨ mɨ̀mə̌d, njɨ chəi mbɨ nyaʼa ghɨ ɨnû rɨbɔ̀ŋ. Àyɨə tɨ̀nîn, chəi mbɨ berɨ ənû nɨ ghà ɨmbə̀ʼ ɨchî nɨ ɨ mbɨə kɨrɨ ghɨ ɨnû rɨbɔ̀ŋ.

1 Kɔrèn 6:6

Àyɨə mə wɨə zəə yeʼ ni wə̀d Kristo wɨə nɨŋə wə̀d Kristo cherə mbɨ wò ɨfě bə̂d mbe nɨ chəi mbɨ ben ə Kristo ni mbɨ saʼ mɨ̀mə̌d!

2 Kɔrèn 12:14

Mə wɨə tekɨ mɨ ɨnyod nɨ yeʼe əsɨ nən ənɨ ɨghəm nɨ pe tad. Chəi mə bɨrɨ chə əwən ɨmbə̀ʼ ɨghəm nɨ chəi mə kəb ɨkab. Mə kə̀b yeʼ əwən. Kaʼi bɔn berɨ nuŋ ɨghɨ əmbɨ mbə mɨ̀mbǎʼ fɔrɨ əmbɨ mbə mɨ̀nɨ̌ŋ. À yɨə mɨ̀mbǎʼ mbɨ mɨ̀nɨ̌ŋ berɨ nuŋ ɨghɨ əmbɨ mbə bɔn.

2 Kɔrèn 6:15

Tɨ̀ Kristo mbɨ Belià zɨ̀ ɨnû ənɨ mbɨ mɔʼ ə? À kɨ ənû ə ye nɨ wə̀d we nɨ ben ə Ŋwiə̀ berɨ mbɨ we nɨ chəi wɨ̀ ben əməd ə?

Gàlesìyà 6:10

Əne, tɨ̀ mɨ berɨ əpan, tɨ̀ ghɨ ɨ̀chɔ̀m ənɨ ə wə̀d jìm, màànɨ̀ ənɨ mbe nɨ ben ə Kristo.

2 Timotì 2:12

Tɨ̀ mɨ nyiʼ, tɨ̀ bɨrɨ bɨ tumbɨ ɨsɨg mbɨ məd. Tɨ̀ mɨ ton əməd, wɨ̀ bɨrɨ bɨ ton əwa.

2 Timotì 3:5

Mbɨ bɨrɨ sɨə ghɨ̀ ɨghabɨ ə bə̂d nɨ kyerɨ ə Ŋwiə̀, àyɨə mbɨ bɨrɨ ton ɨka Ŋwiə̀ we nɨ tɨ̀ wɨ ghɨ ni mbɨ yeʼ bə̂d Ŋwiə̀ rəsìʼ. Tɨrə̀ berɨ e ənû ə mɔʼɔ nɨ ghɨ̀ mbɨ tɨkwɨrɨ bə̂d tɔ̂.

Tayitùs 1:16

Ɨ mbɨə ghàə̀ ni mbə kyerɨ ə Ŋwiə̀, àyɨə ənû mbe nɨ mbɨə ghɨ̀ə̀ mbɨə chwiə ni ɨ mbɨə ton əməd. Chəi bə̂d ghaʼ mɨ̀mə̌d. Chəi mbɨə zuunɨ ə Ŋwiə̀. Mbɨ rɨka kaŋ kuʼ əwən nɨ ghɨ ənû ə chɔ̀m ə mɔʼɔ.

2 Pità 2:1

Bə̂d ɨ̀kə̀n mɨghab mbɨə nyaʼa əkaʼ bə̂d mbɨ rəŋwe àmei ɨchî nɨ məchwiə̀-ɨnû mɨghab bɨrɨ bɨ yeʼ əkaʼ nən. Mbɨ bɨrɨ nyaʼrɨ yeʼe mbɨ mɨŋgam mɨghab ɨmbə̀ʼ ə Ŋwiə̀. Mɨŋgam mɨghab mbe yɨ mɨŋgam nɨ bɨrɨ nimnɨ bə̂d. Mbɨ bɨrɨ bɨ ton Mbǎʼ ə̀fàʼì mɨ̀mə̌d we nɨ nyaʼa choʼ ɨtu mɨ̀mə̌d. Mbɨ mɨ ghɨ̀ əne, Ŋwìə̀ bɨrɨ zambɨ nimnɨ mɨ̀mə̌d.

Jûd 1:4

Mə wɨə ghà əne ɨmbə̀ʼ ɨghəm nɨ bə̂d mɔʼɔ nɨ chəi mbɨə wumnɨ ə Ŋwiə̀ fə nyaʼrɨ yeʼe nyɨ əkaʼ nən. Ɨ mbɨə bèŋ ɨ̀chɔ̀m a Ŋwìə̀ ɨmbə̀ʼ ghɨ ɨnyamnɨ-ɨnû. Ɨ mbɨə bə̀ ton ə Yeso Kristo nɨ àmei məd yeʼ a Mbǎʼ ə̀fàʼì bə̀ yeʼ a Ə̀nùŋɨ̀sɨg we mɔʼ. Ə̀ŋwàʼnɨ̀ ə Ŋwìə̀ ə nyaʼa fə ghà rəŋwe ni Ŋwìə̀ bɨrɨ zɨ ɨsaʼi ɨgwɨ mɨ̀mə̌d.

Ɨnû 2:13

Mə kyerɨ əsɨ ze nɨ àwɔ̀ ə chub əŋgu, əne yɨ əsɨ ze nɨ ətən ɨfɔ̀n ə Satàn ə yeʼ əŋgu. Yim mɨ ɨkum wɨ wò ɨmbì. Chəi à nyaʼa sob nɨ nuŋ fîŋ ɨgwɨ num, ka àbei ənɨ ə nyùmə̀ Antipàs we nɨ nyaʼə ghà ɨnû ɨmbə̀ʼ əmɨ ənɨ i fîŋ jìm. Mbɨ nyaʼa zwiirɨ əməd əkaʼ nən əsɨ ze nɨ Satàn ə chubə.

Ɨnû 3:8

Mə kyerɨ ɨnû mbe nɨ àwɔ̀ ə ghɨ̀ə̀. Zə, mə fə fìʼ ɨchû nəb ɨ ne nɨ chəi wə̀d nɨ tɨ̀ wɨ̀ wùb. Mə kyerɨ ni e ɨka ə kə, àyɨə à fə ghɨ̀ ɨnû mbe nɨ mə̀ nyaʼa gha ɨ ne. Mə bə̀ kyerɨ ni chəi à ton əmɨ.