1 Timotì 4:3 - Meta’

³ Ɨ mbɨə tonə ni tɨ bə̂d nam ə mbɨ ni tɨ mbɨ jɨg ə tɨkwɨrɨ ɨghɨjɨg mɔʼɔ. Ŋwiə̀ nyaʼa tekɨ rɨjɨg tɔ̂ ni bə̂d mbe nɨ ben əməd bə̀ kyerɨ rəsìʼ naʼ məben-əwe ɨ bɔ jɨg.

Ikan feg

³ Mbɔb ya gha, imbə̀ʼ bəd nama awɔb, bə̀ gha, imbə̀ʼ bəd jəghə awɔb tiku tijəg mɔ̀ʼɔ. Ŋwiye ya tangi ighi mbo̰ ijìm gha bəd mbe ne bḛ aməd bə̀ kyèri tesiʼ, mbe jəg, nàʼ məyakà ibo.

1 Timotì 4:3 교차 참조

Matìyò 14:19

Wɨ̀ nyaʼa nɨŋ əne ghà əmbɨ mɨnɔ̂n bə̂d mbe ni mbɨ chub ɨgwɨ ɨfu. Ənɨ mbɨ nyaʼa chubɨ, wɨ̀ nyaʼa nɨŋ chiŋ ŋgə̀ŋ te rɨ̀tân mbɨ əgwi ze əbe, neŋ ɨkaŋ, kɔŋgɨ ə Ŋwiə̀, bəʼrɨ, nàʼ əmbɨ mbi mə̀mə̀ə̀nɨ̀-ɨnû ni mbɨ naʼ əmbɨ mɨnɔ̂n bə̂d mbe.

Matìyò 15:11

kaʼi əghɨ ze nɨə nyɨ ɨŋga ɨchû wə̀d ə ghɨ̀ə̀ ni tɨ wɨ̀ zeŋ i. Əze nɨə ghɨ̀ə̀ ni tɨ wɨ̀ zeŋ i yɨ əze nɨə jwɨ̀ rɨŋga ɨchû məd.”

Matìyò 15:36

Ənɨ mbɨ nyaʼa chubɨ, wɨ̀ nyaʼa nɨŋ chiŋ ŋgə̀ŋ te sambe bə̀ nɨŋ əgwi ze, kɔŋgɨ ə Ŋwiə̀, bəʼrɨ, nàʼ əmbɨ mə̀mə̀ə̀nɨ̀-ɨnû mbe ni mbɨ nàʼ əmbɨ mɨnɔ̂n bə̂d mbe.

Lk 24:30

Ənɨ wɨ̀ nyaʼa chubɨ ɨ jɨg mbɨ mɨ̀mə̌d, wɨ̀ nyaʼa nɨŋ chiŋ ŋgə̀ŋ, kɔŋgɨ ə Ŋwiə̀, bəʼrɨ, nàʼ əmbɨ mɨ̀mə̌d.

Jn 6:23

Ɨbaŋ ɨgyɨ̀ mɔʼɔ rɨ ə Tìberiàs nyaʼa wo təm ɨban əsɨ ze nɨ Yeso nyaʼa nɨŋ ŋgə̀ŋ, kɔŋgɨ ə Ŋwiə̀, nàʼ əmbɨ ɨnɔ̂n bə̂d we ni wɨ̀ jɨg.

Ɨ̀fàʼì 27:35

Ənɨ wɨ̀ nyaʼa ghà əne, wɨ̀ nyaʼa nɨŋ ŋgə̀ŋ, nàʼ məben-əwe əmbɨ ə Ŋwiə̀ ɨfě mɨ̀mə̌d mɨjìm, bəʼ kɔ jɨgɨ.

Rm 14:17

Mbə̀ kyerɨ ni ka ənû ɨfɔ̀n ə Ŋwiə̀ yɨ i ənû nɨ jɨg bə̀ nɔ. À yɨ ənû nɨ ghɨ ɨnû nɨ kùʼnɨ̀, ənû nɨ chub ənɨ əbɔrəbɔd mbɨ ənû nɨ chub ənɨ ɨghaʼi ɨchî nɨ tɨ̀ yeʼ ənɨ ɨfɔtɨ mbɨ Əzwî ə Zeŋɨ.

Rm 14:3

Tɨ we nɨə jɨg ɨghɨjìm təənɨ i we nɨ chəi wɨə jɨg ɨghɨjìm. Tɨ we nɨ chəi wɨə jɨg ɨghɨjìm bɨ sob i ɨsaʼi ɨgwɨ we nɨə jɨg ɨghɨjìm, ɨmbə̀ʼ ɨghəm nɨ Ŋwìə̀ fə nɨŋ əməd ənɨ wi.

Rm 14:6

Wə̀d we nɨ zə ni əni ə mɔʼɔ ə chè mbɨ cherə, wɨə ghɨ̀ əne ɨmbə̀ʼ wumnɨ Ə̀nùŋɨ̀sɨg. We nɨə jɨg ɨghɨjìm, wɨə jɨg ɨmbə̀ʼ wumnɨ Ə̀nùŋɨ̀sɨg, ɨmbə̀ʼ ɨghəm nɨ mɨ̀mə̌d mɨjìm mbɨə nàʼə̀ məben-əwe əmbɨ ə Ŋwiə̀ ɨmbə̀ʼ ɨghɨjɨg mbe. We nɨ chəi wɨə jɨg ɨghɨjìm, wɨə ghɨ̀ əne ɨmbə̀ʼ wumnɨ Ə̀nùŋɨ̀sɨg. Məd wɨə bə̀ nàʼə̀ məben-əwe əmbɨ Ŋwiə̀ ɨmbə̀ʼ ɨghɨjɨg mbe.

1 Kɔrèn 6:13

Wə̀d cherə we tɨ̀ wɨ̀ ghà ni, “Ɨghɨ mbe nɨ bə̂d jɨgɨ mbɨə chèə̀ wò ɨŋga ɨbum mbɨ ni ɨbum wɨ əŋgu ɨmbə̀ʼ yim ɨghɨjɨg.” À yɨ əne, àyɨə Ŋwìə̀ bɨrɨ zɨ ɨnwǐ ənɨ ɨnû mbɔ̂ be. Chəi tɨ̀ berɨ nɨ nɨŋ nyamnyod ghɨ̀ ɨfabrɨ-ɨnû əŋgu. Tɨ̀ berɨ nɨŋ fàʼ yeʼ əmbɨ ə Ŋwiə̀. À yɨ Ə̀nùŋɨ̀sɨg ə nəŋgɨə nyamnyod.

1 Kɔrèn 7:28

À mɨ nam, chəi à ghɨ ənû rɨbɔ̀ŋ. Wan əyi mɨ nam, chəi wɨ̀ ghɨ ənû rɨbɔ̀ŋ. Àyɨə bə̂d mbe nɨ namɨ bɨrɨ berɨ ŋgəʼ nɔnɔʼ ɨŋga ɨsɨg wɔ̂. Əne chəi mə kəb ni ŋgəʼ ze nyɨ ɨgwɨ nən.

1 Kɔrèn 8:8

Ka rɨjɨg bɨrɨ ghɨ i ni tɨ̀ yeʼ bə̂d chɔ̀m ɨfě Ŋwìə̀. Chəi tɨ̀ bɨrɨ sam əghɨ ə mɔʼɔ əwù ze nɨ chəi tɨ̀ jɨgɨ. Chəi tɨ̀ bɨrɨ bɨ jɨg njìm mɔʼɔ əwù ze nɨ tɨ̀ jɨgɨ.

Kòlosè 2:16

Əne tɨ wə̀d mɔʼɔ zɨ i ɨsaʼi ɨgwɨ nən ɨmbə̀ʼ rɨjɨg, kɨ̀ ɨmbə̀ʼ əghɨ nɨ nɔ, kɨ̀ ɨmbə̀ʼ ənû nɨ jɨg əchwɨ̂, kɨ̀ ɨmbə̀ʼ əchwɨ̂ ɨmɨg fi, kɨ̀ ɨmbə̀ʼ əni əkwɨ.

Kòlosè 3:17

Əne ɨnû jìm mbe nɨ mbə̀ə ghɨ̀ə̀, kɨ̀ ənɨ mbe nɨ mbə̀ə ghàə̀, mbə ghɨ ənɨ ɨkum Ə̀nùŋɨ̀sɨg Yeso. Mbə mɨə ghɨ̀ə̀ əne, mbə bɨrɨ yeʼə chè ənjìm məd nàʼə̀ məben-əwe əmbɨ Ŋwiə̀ Mbǎʼ.

1 Timotì 2:4

Məd ə kə̀b ni wə̀d jìm kyerɨ rəsìʼ ɨmbə̀ʼ jwɨ rəŋgəʼ.

1 Timotì 4:4

Ɨghɨjìm mbe nɨ Ŋwìə̀ nyaʼa tekɨ ə bɔŋ. Chəi əghɨ ə mɔʼɔ nɨ tɨ bə̂d ton. Àyɨə bə̂d berɨ naʼ məben-əwe ɨ bɔ ɨmbə̀ʼ ɨghɨjìm mbe nɨ wɨ̀ naʼ əmbɨ mɨ̀mə̌d,

1 Timotì 5:14

Əne mə wɨə kəərɨə mɨku əyi mbe nɨ chəi mbɨ kɨrɨ nunə ni mbɨ wɨrɨ nam, gywɨ bɔn, nəŋgɨ bə̂d mbe nɨ yeʼ ɨŋga nəb tɨ mɨ̀mə̌d, ɨmbə̀ʼ tɨ bə̂d pə̀n berɨ ə əpan nɨ gha ɨnû rɨbɔ̀ŋ ɨgwɨ na,

Mə̀Hibrù 13:4

Wə̀d jìm yim ɨnamɨ mbɨ ɨwumnɨ. Tɨ mbə̀ ghɨ̀ ə ɨfabrɨ-ɨnû, ɨmbə̀ʼ ɨghəm nɨ Ŋwìə̀ bɨrɨ saʼ bə̂d mbe nɨə ghɨ̀ ɨfabrɨ-ɨnû, bə̀ saʼ mbe nɨə ni məyi kɨ̀ mbaŋə̀ əbəŋ əbəŋ.

Mə̀Hibrù 13:9

Tɨ mbə̀ ben əwən ni tɨkwɨrɨ ɨnû rɨ̀sɔ̀ʼ jìm mbe nɨ bə̂d ə chwiə beŋ tə fîŋ tɨ ənɨ ɨnə̂njɨ̀ rəsìʼ. À yɨ ɨ̀chɔ̀m Ŋwiə̀ bɨrɨ ghɨ ni tə fîŋ kaanə, kaʼi ənû nɨ zuunɨ rɨkə ɨmbə̀ʼ tɨjɨg. Chəi tɨkə te ə wèèrɨ̀ bə̂d mbe nɨə beenɨ əbɔʼ rɨwən.