1 Timotì 4:14 - Meta’

¹⁴ Tɨrə̀ waʼ e ɨneʼe we nɨ à berɨ, nɨ Əzwî ə Zeŋɨ ə nyaʼa naʼ ɨ ne ənɨ ə nyùmə̀ we nɨ bə̂d ɨ̀kə̀n Ŋwiə̀ nyaʼa gha ɨnû ɨmbə̀ʼ əwe, bə̂d nɨə chà ɨfetɨ bə̀ zab mbə ɨbɔ ɨgwɨ ne.

Ikan feg

¹⁴ Imbə̀ʼ àghò waʼra awe ineʼi we ne Ŋwiye nàʼi ine. Ŋwiye ya nàʼ ineʼi ine anjìm Azwighi məd anyumə̀ ne bədkə̀n Ŋwiye ya gha inug imbə̀ʼ awe, itog bəd Kristo bə̀ nɔŋi ìmbɔb ibo igun ine, chàʼra Ŋwiye ine.

1 Timotì 4:14 교차 참조

Ɨ̀fàʼì 11:30

Mbɨ nyaʼa ghɨ̀ ənû ze, əne tom ə Banabàs mbɨ Sɔ̂l mbɨ ɨkab we nɨ mbɨ nyaʼa fetɨ ni mbɨ wo nàʼ əmbɨ ə bə̂d mbe nɨ nyaʼə chà ɨfetɨ bə̂d Kristo we rɨ ə Jèrusalèm.

Ɨ̀fàʼì 13:3

Ənɨ mbɨ nyaʼa fə chub rɨ jɨg bə̀ kɔ̀ŋgɨ̀ ə Ŋwiə̀ màànɨ̀, mbɨ nyaʼa zab mbə ɨbɔ ɨgwɨ mɨ̀mə̌d, chà mɨ̀mə̌d ni mbɨ wò ə.

Ɨ̀fàʼì 19:6

Ənɨ Pɔ̂l nyaʼa zab mbi ɨbɔ ɨgwɨ mɨ̀mə̌d, Əzwî ə Zeŋɨ ə nyaʼa yeʼe ɨgwɨ mɨ̀mə̌d, mbɨ kɔ gham mɨŋgam rɨsɔ̀ʼɔ̀, bə̀ kɔ ghà ɨkə̂n Ŋwiə̀.

Ɨ̀fàʼì 22:5

Ətu ɨgwɨ ə bə̂d mbàn Ŋwìə̀ mbɨ mə̀saʼ əbeŋ mɨjìm mbe tɨ mbɨ ben ni ənû zɔ̂ nɨ mɨə ghà ɨ nən yɨ ənû rəsìʼ. Mə nyaʼa nɨŋ ɨ̀ŋwàʼnɨ̀ rɨ əmbɨ mɨ̀mə̌d ɨ wò nàʼ əmbɨ mɨ̀Jû mbe nɨ nyaʼa ə Dàmaskɔ̀s. Əne mə nyaʼa wò əŋgu ɨmbə̀ʼ gywɨ bə̂d Kristo, kod nɨŋ yeʼe ə Jèrusalèm ɨmbə̀ʼ mbɨ chə mɨ̀mə̌d.

Ɨ̀fàʼì 6:6

Mbɨ nyaʼa nuŋ mbaŋə̀ tɔ̂ sambe ɨfě bə̂d tom mbe, əne mbɨ nyaʼa kɔŋgɨ ə Ŋwiə̀ bə̀ zab mbə ɨbɔ ɨgwɨ mɨ̀mə̌d.

Ɨ̀fàʼì 8:17

Ənɨ Pità mbɨ Jɔ̌n nyaʼa zab mbə ɨbɔ ɨgwɨ mɨ̀mə̌d, Əzwî ə Zeŋɨ ə nyaʼa yeʼe ɨgwɨ mɨ̀mə̌d.

1 Tèsàlonikà 5:19

Tɨ̀ mbə̀ kən ə ə̀fàʼì ze nɨ Əzwî ə Zeŋɨ ə fàʼ ɨŋga nən.

1 Timotì 1:18

Mə ghà ɨ ne, àwɔ̀ Timotì mɨ wan, ni à ghɨ ɨnû mbɔ̂ beenɨ əbɔʼ mbe nɨ wə̀d ɨ̀kə̀n Ŋwìə̀ nyaʼa ghǎ ɨmbə̀ʼ əwe. À mɨ beenɨ əbɔʼ ɨnû mbe, à we tɨ̀ à zɔ̀ŋ ɨchî nɨ kuʼnɨ ɨmbə̀ʼ ɨkə̂n chɔ̀m we nɨ yeʼ wɨ rəsìʼ.

1 Timotì 4:15

Ghɨ ɨnû mbɔ̂ nɨ mə̀ gha ɨ ne, bə̀ jeŋgɨ zɨ̀ e fîŋ ɨgun, ɨmbə̀ʼ bə̂d mɨ̀jìm zə ɨchî nɨ e ə̀fàʼì ə wò ɨmbì.

1 Timotì 5:17

Zə ni mbɨ naʼ ɨwumnɨ əmbɨ ə bə̂d mbe nɨə chà ɨfetɨ bə̂d Kristo bə̀ jeŋgɨ chɔʼ ə̀fàʼì mɨ̀mə̌d, maanɨ mbe nɨə fàʼ rɨkǎ nɨ ghà ɨŋgam Ŋwiə̀ bə̀ fɔrɨ ni chwi ɨnû ɨmbə̀ʼ ə Kristo.

1 Timotì 5:19

Tɨrə̀ ben e ni mbɨ zɨ ɨsaʼi ɨgun ə wə̀d mɔʼɔ rəbɔʼ mbe nɨə chà ɨfetɨ, kɨrɨ ənɨ bə̂d mɨbe kɨ̀ bə̂d mɨ̀tad yeʼe mbɨ ɨsaʼi we ɨghabɨ mɨ̀zərɨmbin.

1 Timotì 5:22

Tɨrə̀ kɨə zàmbɨ̀ə̀ zab e mbe ɨbɔ ɨgun ə bə̂d ənɨ àwɔ̀ ə zɔʼə mɨ̀mə̌d ənɨ ə bə̂d nɨə chà ɨfetɨ. Tɨrə̀ zɨ e əbɔ ɨŋga ɨnû rɨbɔ̀ŋ bə̂d cherə. Nuŋ e ɨnyod ni wɨ chub ɨzeŋɨ zeŋɨ.

1 Timotì 6:12

Kaŋ zɔ̀ŋ ɨchî chɔ̀m ɨmbə̀ʼ ɨbenɨ we nɨ à nuŋ ɨgun ə Kristo. À berɨ kywɨ ənywɨ kwàʼ rɨkǎ ɨmbə̀ʼ jɨg ɨ̀tènɨ̀ rɨ mì. Ŋwìə̀ nyaʼa tɔŋ əwe ni à jɨg ɨ̀tènɨ̀ we ənɨ à nyaʼa ben ɨfě mɨ̀zərɨmbin nɔnɔʼ ni àwɔ̀ yɨə wə̀d Kristo.

2 Timotì 1:6

Ɨchî nɨ à ben ə Kristo əni, mə wɨə kə̀bə̀ ni à nɔɔrɨ ɨneʼe we nɨ yeʼ ɨŋga ne, nɨ Ŋwìə̀ nyaʼa naʼ ɨ ne ənɨ ə nyùmə̀ we nɨ mə nyaʼa zab mbɨ ɨbɔ ɨgwɨ ne.