1 Timotì 3:6 - Meta’

⁶ Tɨ wɨ̀ yeʼi wə̀d nɨ cherə ben ənû ə Kristo, ɨmbə̀ʼ tɨ wɨ̀ nɔ i ɨnyod, Ŋwìə̀ chə əməd ɨchî nɨ wɨ̀ nyaʼa chə ə Debɨ̀rə̀.

Ikan feg

⁶ Imbə̀ʼ tengàŋ yaʼ yi wə̀d ne cherè bḛ Kristo, nji wì biri se nɔ̀ nyɔd. Ane, Ŋwiye biri chə aməd icheg ne wì ya bə chə Debrə̀.

1 Timotì 3:6 교차 참조

Lk 10:18

Yeso nyaʼa wììrɨ̀ əmbɨ mɨ̀mə̌d ni, “Mə kə̀ʼ zə ə Satàn nɨ feŋ rɨkaŋ ɨchî nɨ ɨbi mbə̀ŋ ə ŋwàŋə̀.

1 Kɔrèn 3:1

Bɔŋgɔb, chəi ənɨ tɨ̀ mə nyaʼa ghàm ɨ nən ɨchî nɨ tɨ̀ mə nyaʼa ghàm əmbɨ ə bə̂d mbe nɨ Əzwî ə Ŋwiə̀ ə yeʼ ɨŋga mɨ̀mə̌d. Mə nyaʼa berɨ gham ɨ nən ɨghabɨ ni mbə yɨə bə̂d rɨŋga ɨsɨg, kɨ̀ ɨghabɨ ni mbə yɨə bɔn bɔd ənɨ ənû ə Kristo.

1 Kɔrèn 8:1

Tɨ̀nîn mə wɨə kə̀b ghà ɨmbə̀ʼ tɨjɨg te nɨ mbɨ naʼ ənɨ ɨghɨ ə̀fà əmbɨ mbɨ̀anèŋ: Tɨ̀ kyerɨ ni, “Mba mɨjìm ə berɨ ɨwe,” ɨchî nɨ mbə̀n mɨmɔʼɔ ə ghàə̀. Ɨwe wɨə ghɨ̀ ni bə̂d nɔ ɨnyod, àyɨə ɨghaʼi wɨə korə bə̂d ənɨ mbɨ mɔʼ.

2 Kɔrèn 12:7

Ɨ ghɨ ni tɨ mə nɔ əmɨ ɨnyod ɨmbə̀ʼ ɨnû yiirɨ kyeŋ mbe nɨ Ŋwìə̀ nyaʼa chwi ɨ num, wɨ̀ nyaʼa zɨ əwɔn ɨŋga mɨ nyamnyod, nɨ yeʼ əghɨ nɨ Satàn nyaʼa tom ni zɨə chə əmɨ, ɨmbə̀ʼ tɨ mə nɔ əmɨ ɨnyod.

1 Timotì 3:7

Bə̂d mbe nɨ kaʼi bə̂d Kristo berɨ gha ɨnû chɔ̀m ɨmbə̀ʼ əməd, ɨmbə̀ʼ tɨ wɨ̀ berɨ i tɨ̀nìd ətu əne feŋ ɨŋga ətam ə Debɨ̀rə̀.

1 Timotì 6:4

wɨə nɔ̀ ɨnyod. Chəi wɨ̀ kyerɨ ənû ə mɔʼɔ. Wɨ̀ berɨ fîŋ rɨbɔ̀ŋ. Fîŋ ze zɨə ghɨ̀ ni wɨ̀ ghanə chɔbə bə̀ tàŋ ɨmbə̀ʼ əton ənɨ mɨŋgam əko mɔʼɔ. Əchɔb mbɨ ə tàŋ mbɨə yeʼe mbɨ ə̀dìì, mbɨə yeʼe mbɨ ɨnû nɨ ghabrɨ bə̂d, mbɨə yeʼe mbɨ ənû nɨ gham ɨnû rɨbɔ̀ŋ ɨmbə̀ʼ bə̂d cherə, mbɨə yeʼe mbɨ ɨnû nɨ kɔndɨ ɨnû rɨbɔ̀ŋ ɨmbə̀ʼ bə̂d cherə,

2 Timotì 3:4

Mbɨ bɨrɨ sɨə fènə̀ bə̂d, sɨə ghɨ̀ ɨnû zɨ rɨ kɔndɨ, bə̀ sɨə nɔ ɨnyod. Mbɨ bɨrɨ sɨə ghaʼ ɨnû mbe nɨ nyamnyod tɨ mɨ̀mə̌d ə feenɨə chè ɨchî nɨ mbɨ ghaʼ ə Ŋwiə̀.

1 Pità 2:2

Ɨghabɨ ə bɔn bɔd nɨə kɨrɨ nyɔŋ ɨbən, mbə kəb yeʼ ɨbən zeŋɨ we nɨ əzwî ə nàʼə̀, ɨmbə̀ʼ mbə mɨ nyɔŋ, mbə bɨrɨ kwi kàànɨ̀, Ŋwìə̀ chɨ̀ əwən rəŋgəʼ.

1 Pità 5:5

Ŋgwàʼ bə̂d, mbə̀ zuunɨ bə̂d mbe nɨ fə kaanɨ chè əwən. Mbə̀n mɨjìm swi ə ɨnyod fàʼ əmbɨ mbə bɔŋgɔb ɨmbə̀ʼ ɨghəm nɨ, “Ŋwìə̀ wɨə bànə̀ bə̂d mbe nɨə nɔ ɨnyod, àyɨə ɨ wɨə ghɨ̀ ɨ̀chɔ̀m ənɨ mbe nɨə swi ɨnyod.”

2 Pità 2:4

Wɨ̀ bɨrɨ ghɨ əne ɨmbə̀ʼ ɨghəm nɨ wɨ̀ nyaʼa bə̀ chə mbɨ̀aŋgɨrə̀ mbe nɨ nyaʼa ghɨ ɨnû rɨbɔ̀ŋ. Wɨ̀ nyaʼa màʼ mɨ̀mə̌d ɨŋga əsɨ ɨchə, nɨ yeʼ əsɨ nɨ wɨ̀ kod mɨ̀mə̌d ənɨ mɨ̀kàrə̀ ɨŋga ɨsɨ mbe nɨə finə kììm, ɨmbə̀ʼ mbɨ chub əŋgu pè əni ze nɨ wɨ̀ bɨrɨ saʼ ɨsɨg.

Jûd 1:6

Mə wɨə bə̀ nɔ̀ɔ̀rɨ̀ mbə ɨtu ɨmbə̀ʼ mbɨ̀aŋgɨrə̀ mbe nɨ chəi mbɨ nyaʼa yim ɨsɨ mbe nɨ Ŋwìə̀ nyaʼa naʼ əmbɨ mɨ̀mə̌d. Mbɨ nyaʼa sàŋ əsɨ ze nɨ mbɨ nyaʼə chub əŋgu. Ŋwìə̀ fə kod mɨ̀mə̌d ənɨ mɨ̀kàrə̀ koŋ əne nùŋ ɨŋga ɨsɨ mbe rɨ əton nɨə finə kììm. Mbɨ bɨrɨ chub əŋgu sɨə wòm Əni ə kyeŋ ze nɨ Ŋwìə̀ bɨrɨ saʼ ɨsɨg.