1 Timotì 2:1 - Meta’

¹ Ənû rɨtu yɨ ni mə wɨə buʼ ɨbɔ ni mbə̀ nɔn ɨghɨ rɨ əmbɨ ə Ŋwiə̀, kɔ̀ŋgɨ̀ əməd, biirɨ ɨghɨ bə̀ nàʼ məben-əwe ɨ bɔ ɨgwɨ ətu ə wə̀d jìm.

Ikan feg

¹ Anug mbègtog ne mə̀ kəbi ni ghà ine ya gha, mbə̀ ya chàʼrà Ŋwiye nɔ̰ ighi ibo. Mbə̀ ya chàʼrà Ŋwiye dèghè ìmbən inug ibo. Mbə̀ ya bə̀ chàʼrà Ŋwiye imbə̀ʼ inug bəd ndəŋ bə̀ nàʼà məyakà abə Ŋwiye. Mbə̀ ya ghìyə̀ ane atog abə bəd məjìm.

1 Timotì 2:1 교차 참조

Ɨ̀fàʼì 17:30

Chəi Ŋwìə̀ nyaʼa zɨ ətu ənɨ ɨnû mbe nɨ bə̂d nyaʼa ghɨ̌ nɨ chəi mbɨ kyerɨ, àyɨə tɨ̀nîn ɨ wɨə ghà əmbɨ ə bə̂d mɨjìm ɨsɨ jìm ni mbɨ beŋ tə fîŋ.

Rm 1:8

Ənû rɨtu yɨ ni, mə wɨə nàʼə̀ məben-əwe əmbɨ mɨ Ŋwiə̀ ənjìm ə Yeso Kristo ɨmbə̀ʼ mbə̀n mɨjìm. Mə wɨə ghɨ̀ əne ɨmbə̀ʼ ɨghəm nɨ bə̂d rɨŋga ɨsɨg jìm mbɨə zu ɨchî nɨ mbə̀ nuŋ fîŋ ɨgun ə Ŋwiə̀.

Rm 6:17

Àyɨə mə wɨə nàʼə̀ məben-əwe əmbɨ ə Ŋwiə̀ ni mbə̀n mbe nɨ nyaʼa kweʼ ben ɨ̀bòʼò əmbɨ ɨnû rɨbɔ̀ŋ, fə bèŋ tə fîŋ rɨjìm sɨə zuunɨ ɨnû mbe nɨ Ŋwìə̀ ə chwi ɨ nən.

1 Kɔrèn 15:3

Ənû ə kyeŋ rɨtu ze nɨ mbɨ nyaʼa gha ɨ num, mə̀ nyaʼa bə̀ ghà ɨ nən. Ənû ze yɨ ni Kristo nyaʼa kwɨ ɨmbə̀ʼ mba ɨnû rɨbɔ̀ŋ, ɨchî nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀.

2 Kɔrèn 8:6

Əne tɨ̀ nyaʼa buʼ ɨbɔ əmbɨ Taitùs, nɨ nyaʼa kɔ ə̀fàʼì zɔ̂, ni wɨ̀ wo ɨmbì màànɨ̀ ə̀fàʼì ə chɔ̀m zɔ̂ əkaʼ nən.

Efesùs 3:13

Əne mə wɨə buʼ ɨbɔ ni tɨ tə fîŋ bɔd i, ɨmbə̀ʼ ɨghəm nɨ mə wɨə zəə ŋgəʼ ɨmbə̀ʼ əwən. Ɨnû mbɔ̂ jìm yɨ ɨmbə̀ʼ weerɨ əwən.

Efesùs 5:20

Mbə̀ kɨə nàʼə̀ məben-əwe əmbɨ ə Ŋwiə̀ nɨ yeʼ Mbǎʼ. Mbə̀ kɨə ghɨ̀ əne ənɨ mɨ̀nyùmə̀ jìm bə̀ fɔrɨ ɨmbə̀ʼ ɨghɨjìm. Mbə̀ ghɨ əne ənɨ ɨkum a Ə̀nùŋɨ̀sɨg Yeso Kristo.

Efesùs 6:18

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm bə̀ fɔrɨ ənɨ mbə̀ə ghɨ̀ ɨnû jìm. Mbə̀ ghɨ əne ɨchî nɨ Əzwî ə naʼ ɨka ɨ nən. Əne mbə̀ chub ɨkyèʼe. Tɨ mbə̀ bɔd ə nɨ kɔŋgɨ ə Ŋwiə̀ ɨgwɨ ə bə̂d məd mɨjìm.

Fìlipì 1:3

Mə wɨə nàʼə̀ məben-əwe əmbɨ mɨ Ŋwìə̀ ənɨ mɨ̀nyùmə̀ jìm mbe nɨ mə kɔndɨ əwən.

Fìlipì 4:6

Tɨ mbə̀ nwìʼ ə ɨnyod ɨmbə̀ʼ ənû ə mɔʼɔ, àyɨə mbə kɔŋgɨ ə Ŋwiə̀ ɨmbə̀ʼ ɨnû jìm, nɔn ɨnû jìm mbe nɨ mbə kwaŋɨ bə̀ nàʼ məben-əwe ɨ bɔ.

1 Tèsàlonikà 3:12

Ə̀nùŋɨ̀sɨg ghɨ ni ɨghaʼi we nɨ yeʼ əkaʼ nən bə̀ fɔrɨ əkaʼ bə̂d mɨ̀jìm swi gwèə̀, àmei ɨchî nɨ wa bə̀ swi ɨgwɨ nən gwèə̀.

2 Tès 1:3

Mba bɔŋgɔb, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən. Tɨ̀ berɨ ghɨ əne ɨchî nɨ zɨə kuʼnɨ, ɨmbə̀ʼ ɨghəm nɨ ə ɨbenɨ wɨə kwiə wò ɨmbì. Mbə mbɨə ghaʼə mbə bɔŋgɔb wò ɨmbì.

1 Timotì 2:4

Məd ə kə̀b ni wə̀d jìm kyerɨ rəsìʼ ɨmbə̀ʼ jwɨ rəŋgəʼ.

1 Timotì 5:5

Ɨku əyi we nɨ chəi wə̀d nɨə nəŋgɨ əməd, nɨ yeʼ tə̀zìʼ wi, fə nùŋ ti rɨkɔndɨ ɨgun ə Ŋwiə̀. Ɨ wɨə wò ɨmbì nɔn ɨnû rɨ əmbɨ ə Ŋwiə̀ bə̀ kɔ̀ŋgɨ̀ əməd ɨzimɨ mbɨ əziə.

2 Timotì 2:24

Tɨ wə̀d ə̀fàʼì Ə̀nùŋɨ̀sɨg yeʼi wə̀d nɨə tàŋə̀. Wɨ̀ berɨ yeʼ wə̀d nɨə ghɨ̀ ɨ̀chɔ̀m ənɨ ə wə̀d jìm. Wɨ̀ berɨ yeʼ wə̀d nɨ kyerɨ ɨchî nɨ chwi ɨnû. Wɨ̀ berɨ bɨ yeʼ wə̀d nɨə yimə fîŋ.

Tayitùs 2:11

Ŋwìə̀ nyaʼa ghɨ̀ ni bə̂d kyerɨ ɨ̀chɔ̀m məd, ɨmbə̀ʼ wɨ̀ chɨ mɨ̀mə̌d mɨjìm rəŋgəʼ.

Tayitùs 3:2

Tɨ mbɨ gha ə ənû rɨbɔ̀ŋ ɨgwɨ ə wə̀d. Mbɨ chub ənɨ əbɔrəbɔd, ghɨ̀ ɨ̀chɔ̀m bə̀ chwi ɨbɔtɨ fîŋ ənɨ wə̀d jìm.

Mə̀Hibrù 6:11

Tɨ̀ wɨə kə̀bə̀ ni wə̀d mɔʼ mɔʼ rəbɔʼ nən wo ɨmbì àmei əne, fàʼ ənɨ i fîŋ jìm wò pè ənɨ ɨnwǐ, ɨmbə̀ʼ mbə̀ berɨ ɨghɨ mbe nɨ mbə̀ nuŋ tə rɨkɔndɨ ɨ wòm.

Jems 5:16

Əne mbə ben tə rɨ̀gùrɨ-ɨnû əkaʼ nən mbənə mbənə, kɔ̀ŋgɨ̀ ə Ŋwiə̀ ɨgwɨ mbə bɔŋgɔb, ɨmbə̀ʼ Ŋwìə̀ ghɨ ni mbə̀ bɔtɨ. Ə̀kɔ̀ŋgɨ̀ ə wə̀d we nɨ təm kùʼnɨ̀, ə berɨ ɨka kyeŋ nɨ ghɨ ənû ze nɨ wɨ̀ kɔŋgɨ ə Ŋwiə̀ nɔn.