1 Timotì 1:13 - Meta’

¹³ Ka à bè yeʼi ni mə wɨə nyaʼə ghà ɨnû rɨbɔ̀ŋ ɨgwɨ məd, nwèndɨ̀ə̀ tɨkyerɨ-ɨwu bə̂d mbe nɨ nyaʼə beenɨ əbɔʼ məd bə̀ zɔ̀m əməd, àyɨə wɨ̀ nyaʼa dììrɨ̀ əmɨ ɨmbə̀ʼ ɨghəm nɨ chəi mə nyaʼa kyerɨ ənû ze nɨ mə nyaʼə ghɨ̀ə̀. Wɨ̀ nyaʼa bə̀ dììrɨ̀ əmɨ ɨmbə̀ʼ ɨchî nɨ chəi mə̀ nyaʼa bə kɨrɨ ben əməd.

Ikan feg

¹³ Ka mə yaya chɔ̀ʼɔ ibɔʼì ighog abə bəd Kristo, bə̀ kaʼa inug ako zìyè igun inɔb, bə̀ kìghə̀ inug, Ŋwiye ya chwi àsɔ̀mnəfiŋ inum. Aton ya gha, mə yaya ghìyə̀ inug mbe abəŋ fɔrɔ imbə̀ʼ icheg ne chəyi mə̀ ya nɔŋi ibḛfiŋ igun Kristo.

1 Timotì 1:13 교차 참조

Lk 12:47

“Mbɨ bɨrɨ som wə̀d ə̀fàʼì we ɨchî rɨbɔ̀ŋ, ɨmbə̀ʼ ɨghəm nɨ wɨ̀ nyaʼa kyerɨ ənû ze nɨ mbǎʼ ə̀fàʼì məd nyaʼa kəbɨ, àyɨə chəi wɨ̀ nyaʼa tekɨ i ɨnyod ɨ ghɨ ənû rəŋgu.

Lk 23:34

Yeso nyaʼa ghà ni, “Mɨ Mbǎʼ, waʼ ɨnû rɨbɔ̀ŋ mɨ̀mə̌d, ɨmbə̀ʼ ɨghəm nɨ chəi mbɨ kyerɨ ənû ze nɨ mbɨə ghɨ̀ə̀.” Mɨ̀sɔgyɨ̀ mbe nyaʼa sɔ̀ŋ mbaŋ ɨmbə̀ʼ ghàpɨ̀ ngywɨ̌ rɨ məd.

Ɨ̀fàʼì 22:4

Mə wɨə nyaʼə nwèndɨ̀ rɨkyerɨ-ɨwu bə̂d mbe nɨ nyaʼə beenɨ əbɔʼ Ɨnə̂njɨ̀ wɔ̂ nɨ Kristo nyaʼə chwiə. Mə wɨə nyaʼə zwiirɨə mbɨ mɔʼɔ. Mə wɨə nyaʼə gywɨ̀ə̀ mbaŋə̀ mbɨ məyi korə wò nàʼə̀ ni mbɨ zɨ ə ndəŋ.

Ɨ̀fàʼì 3:17

“Mbɨ bɔŋgɔb, mə kyerɨ ni chəi mbə̀nə mbɨ ə bə̂d mbe nɨə tekɨ ɨnû ɨŋga əbeŋ mɨ̀Jû nyaʼa kyerɨ ənû ze nɨ mbə̀ nyaʼə ghɨ̀ə̀.

Ɨ̀fàʼì 8:3

Sɔ̂l nyaʼa kə̀b ni njɨ tə nimnɨ bə̂d Kristo. Əne wɨ̀ nyaʼa kɔ ghanə nyɨrə nəb, yènə̀ sùŋə̀ bə̂d mbe nɨ nyaʼa ben ə Kristo, mbaŋə̀ mbɨ məyi, wò zɨ ə ndəŋ.

Ɨ̀fàʼì 9:1

À nyaʼa ənɨ ə nyùmə̀ we, Sɔ̂l nyaʼa wò ɨmbì kàʼə̀ ni tə bɨrɨ zwiirɨ mə̀mə̀ə̀nɨ̀-ɨnû Ə̀nùŋɨ̀sɨg. Əne wɨ̀ nyaʼa wò əsɨ ətu ɨgwɨ ə bə̂d mbàn Ŋwìə̀,

Ɨ̀fàʼì 9:13

Ànàniàs nyaʼa wììrɨ̀ ni, “Ə̀nùŋɨ̀sɨg, bə̂d mɨ̀nɔnɔʼ fə ghà ɨ num ɨmbə̀ʼ mbaŋə̀ zɔ̂. Mbɨ fə ghà ɨmbə̀ʼ ɨchî nɨ wɨ̀ fə zɨ ŋgəʼ nɔnɔʼ ɨgwɨ mbe bə̂d ə Jèrusalèm.

Ɨ̀fàʼì 9:5

Sɔ̂l nyaʼa biirɨ ni, “Àwɔ̀ kɨə we, Ə̀nùŋɨ̀sɨg ə?” Gɨ̂ ze nyaʼa wììrɨ̀ ni, “À yɨə mɔ̌ Yeso we nɨ àwɔ̀ ə nwèndɨ̀ rɨkyerɨ-ɨwu məd.

1 Kɔrèn 15:9

À yɨ əne ɨmbə̀ʼ ɨghəm nɨ rəbɔʼ bə̂d tom Kristo mɨ̀jìm, mɔ̌ yɨə we nɨ kə chè. Chəi mə̀ kuʼ nɨ tɨ̀ mbɨ tɔŋ əmɨ ənɨ ə wə̀d tom, ɨmbə̀ʼ ɨghəm nɨ mə wɨə nyaʼə nwèndɨ̀ rɨkyerɨ-ɨwu bə̂d mbe nɨ nyaʼa ɨŋga ɨfetɨ bə̂d Ŋwiə̀.

1 Kɔrèn 7:25

Tɨ̀nîn, ɨmbə̀ʼ məyi mbe nɨ chəi mbɨ kɨrɨ nam: chəi mə berɨ ɨkə rɨ əmbɨ Ə̀nùŋɨ̀sɨg nɨ gha ɨ nən. Àyɨə mə bɨrɨ naʼ mɨ ɨkɔndɨ ɨghabɨ wə̀d nɨ Ə̀nùŋɨ̀sɨg fə diirɨ əne ghɨ̀ mə yeʼ wə̀d nɨ tɨ̀ mbə ben ənû ze nɨ mɨə ghàə̀.

Gàlesìyà 1:13

Mbə nyaʼa fə zu ɨchî nɨ mə nyaʼə ghɨ̀ ɨnû ənɨ mə nyaʼa kɨrɨ ɨŋga ənû ə Ŋwiə̀ mɨ̀Jû. Mbə nyaʼa zu ɨchî nɨ mə̀ nyaʼə nwèndɨ̀ rɨkyerɨ-ɨwu bə̂d mbe nɨ nyaʼa ɨŋga ɨfetɨ bə̂d Ŋwiə̀ kwàʼ ənɨ ɨkǎ. Mbə nyaʼa bə̀ zu ɨchî nɨ mə̀ nyaʼə bə̀ kə̀b nimnɨ ɨfetɨ we.

Fìlipì 3:6

Ɨ zɨ ətu ənɨ ənû ə mɔʼɔ, mə wɨə nyaʼə nwèndɨ̀ rɨkyerɨ-ɨwu bə̂d Kristo. Ɨ təm kùʼnɨ̀ ɨchî nɨ rɨkə chwiə, chəi bə̂d kweʼ ghà ənû rɨbɔ̀ŋ ɨmbə̀ʼ əmɨ.

1 Timotì 1:16

Àyɨə Ŋwìə̀ nyaʼa dììrɨ̀ əmɨ ɨmbə̀ʼ Kristo Yeso chwi ɨchî nɨ wɨ̀ kaŋ jeŋgɨ yim fîŋ ɨmbə̀ʼ əmɨ, mɔ̌ we nɨ yeʼ wə̀d ɨnû rɨbɔ̀ŋ nɨ bə̌ chè mbɨ mɨjìm. Wɨ̀ nyaʼa ghɨ̀ əne ɨmbə̀ʼ mə yeʼ ənweenɨ əmbɨ ə bə̂d mɨjìm mbe nɨ bɨrɨ nɨ ben əməd əne jɨg ɨ̀tènɨ̀ rɨ mì.

Mə̀Hibrù 4:16

Əne tɨ̀ nɨŋ fîŋ nɨ kǎ tindɨ ɨban ətən ɨfɔ̀n ə Ŋwiə̀ we nɨə ghɨ̀ ɨ̀chɔ̀m, ɨmbə̀ʼ məd we tɨ̀ wɨ̀ dììrɨ̀ əwa bə̀ ghɨ̀ ɨ̀chɔ̀m ənɨ ə na ənɨ ə nyùmə̀ we nɨ tɨ̀ kəb ə̀wèèrɨ̀.

1 Pità 2:10

À nyaʼa ənɨ ə nyùmə̀ mɔʼɔ, ka mbə yɨə nyaʼə əwən bə̂d Ŋwiə̀, àyɨə tɨ̀nîn mbə yɨə sɨə bə̂d ɨməd. À nyaʼa ənɨ ə nyùmə̀ mɔʼɔ, chəi Ŋwìə̀ nyaʼa kɨrɨ diirɨ əwən, àyɨə tɨ̀nîn wɨ̀ fə dììrɨ̀ əwən.