1 Pità 4:7 - Meta’

⁷ Ɨnwǐ ɨghɨjìm fə tiinɨ, əne mbə nuŋ mbə ɨtu mbɨ zeŋ bə̀ yimbɨ ə ɨnyod ɨmbə̀ʼ kyerɨ ɨchî nɨ kɔŋgɨ ə Ŋwiə̀.

Ikan feg

⁷ Nyùmə̀ fə tinde ne inug ijìm biri nwḭ̀yḛ̀. Ane, mbə̀ ghiyə ìtən tikɔndi te zen bə̀ ya nyìmbe nyɔd imbə̀ʼ kyeri icheg ni chàʼra Ŋwiye.

1 Pità 4:7 교차 참조

Matìyò 24:42

Əne mbə̀ chub ɨkyèʼe, ɨmbə̀ʼ ɨghəm nɨ chəi mbə̀ kyerɨ əni ze nɨ ə Ə̀nùŋɨ̀sɨg bɨrɨ wɨrɨ yeʼe.

Matìyò 25:13

“Əne mbə̀ chub ɨkyèʼe, ɨmbə̀ʼ ɨghəm nɨ chəi mbə̀ kyerɨ əni ze kɨ̀ ə nyùmə̀ we nɨ Wan Wə̀d bɨrɨ wɨrɨ yeʼe.

Lk 21:34

“Mbə̀ we ə ni tɨ mbə̀ zɨ ə tə fîŋ ənɨ ənû nɨ jɨg əku, ənɨ ənû nɨ nɔ be bə̀ fɔrɨ ənɨ ənû ɨmbə̀ʼ ɨghɨ rɨŋga ɨsɨg, njɨ əni ze ə bɨrɨ saʼ yeʼe ɨgwɨ nən ɨchî nɨ ətam ə gywɨ̀ə̀ nyam,

Lk 21:36

Mbə̀ chub ɨkyèʼe ənɨ mɨ̀nyùmə̀ jìm, kɔŋgɨ ə Ŋwiə̀ ni mbə̀ berɨ ɨka nɨ nod ɨnû jìm mbe nɨ bɨrɨ ghɨ̀. Mbə̀ bə̀ kɔŋgɨ ni mbə mbe tɨ̀ mbə təm ɨfě Wan Wə̀d.”

Lk 22:46

Wɨ̀ nyaʼa zə əne, ghà əmbɨ mɨ̀mə̌d ni, “Mbə kɨə gwen ɨmbə̀ʼ ə ye ə? Mbə nɔʼ kɔ̀ŋgɨ̀ ə Ŋwiə̀ ni tɨ ə̀kwàʼnɨ̀ ə nyɨ i ɨgwɨ nən.”

Rm 12:12

Mbə̀ ghaʼrɨ əwən ɨmbə̀ʼ ɨghɨ mbe nɨ mbə̀ nuŋ rɨkɔndɨ ɨ wòm, yim fîŋ ənɨ mɨ̀nyùmə̀ jìm mbe nɨ mbə̀ə zəə ŋgəʼ bə̀ kɔŋgɨ ə Ŋwiə̀ ənɨ mɨ̀nyùmə̀ jìm.

1 Kɔrèn 15:24

Ənɨ wɨ̀ ghɨ̀ əne ɨnwǐ bɨrɨ sɨ yeʼe. Ənɨ ə nyùmə̀ we, Kristo bɨrɨ nimnɨ ɨzwî jìm mbe nɨ yeʼ ɨkaŋ, nimnɨ ɨzwî jìm mbe nɨ yeʼ ɨŋga ɨfə bə̀ nimnɨ ɨzwî jìm mbe nɨ yeʼ ɨŋga ɨsɨg, sɨ nàʼ ənû ɨfɔ̀n əmbɨ ə Ŋwìə̀ Mbǎʼ.

1 Kɔrèn 7:29

Mbɨ bɔŋgɔb, ənû nɨ mɨə ghàə̀ yɨ ni nyùmə̀ nɨ ɨsɨg wɔ̂ bɨrɨ nwìə̀ fə tiinɨ. Əne ɨ kɔ rɨ̀nîn, mbaŋə̀ te nɨ berɨ məyi chub ɨghabɨ ni chəi mbɨ kɨrɨ nam.

Efesùs 6:18

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm bə̀ fɔrɨ ənɨ mbə̀ə ghɨ̀ ɨnû jìm. Mbə̀ ghɨ əne ɨchî nɨ Əzwî ə naʼ ɨka ɨ nən. Əne mbə̀ chub ɨkyèʼe. Tɨ mbə̀ bɔd ə nɨ kɔŋgɨ ə Ŋwiə̀ ɨgwɨ ə bə̂d məd mɨjìm.

Fìlipì 4:5

Mbə̀ chwi əmbɨ wə̀d jìm ni mbə berɨ ɨbɔtɨ fîŋ. Ə̀nùŋɨ̀sɨg bɨrɨ zambɨ yeʼe.

Kòlosè 4:2

Mbə̀ kɔŋgɨ ə Ŋwiə̀ ənɨ mɨ̀nyùmə̀ jìm. Mbə mɨ yeʼə kɔ̀ŋgɨ̀ə̀, mbə̀ chub ɨkyèʼe bə̀ nàʼə̀ məben-əwe ɨ bɔ.

2 Timotì 4:5

À yeʼ ɨmbə̀ʼ əwe, àwɔ̀ Timotì, yimbɨ e ɨnyod ənɨ ənû jìm. Nyiʼ fîŋ ənɨ à zəə ŋgəʼ. À berɨ fàʼ ɨmbə̀ʼ zə ni bə̂d yeʼe əsɨ Kristo. Ghɨ ɨnû jìm mbe nɨ Ŋwìə̀ zɨ ɨŋga te rɨkyerɨ-ɨbɔ.

Tayitùs 2:12

Ɨ̀chɔ̀m we wɨə ghɨ̀ ni tɨ̀ ton ɨnû mbe nɨə ghɨ̀ə̀ ni tɨ rɨ̀ wumnɨ a Ŋwiə̀ bə̀ ton nɨ beenɨ əbɔʼ ɨnû rɨŋga ɨsɨg. Ɨ wɨə ghɨ̀ ni tɨ yimbɨ ɨnyod, wumnɨ ə Ŋwiə̀ bə̀ chub ɨŋga ɨsɨg wɔ̂ ɨchî nɨ kuʼnɨ.

Mə̀Hibrù 10:25

Tɨ rɨ̀ waʼ a ənû nɨ kɨə fetɨ, ɨchî nɨ bə̂d mɔʼɔ ə ghɨ̀ə̀, àyɨə tɨ̀ timbɨ a ɨnyod mbǎ mbǎ. Mbə jeŋgɨ ghɨ̀ əne ɨchî nɨ mbə̀ zə ni əni ze nɨ Ə̀nùŋɨ̀sɨg bɨrɨ wɨrɨ yeʼe fə tiinɨ.

Mə̀Hibrù 9:26

À kɨ nɨ wɨ̀ nyaʼa ghɨ̀ əne, njɨ wɨ̀ nyaʼa berɨ zə ŋgəʼ ɨghəm nɔnɔʼ tɨ ənɨ Ŋwìə̀ nyaʼa tekɨ ɨsɨg. Àyɨə ɨchî nɨ zɨə yeʼ əne, wɨ̀ nyaʼa fə jwɨ̀ fən ɨghəm mɔʼ ənɨ ɨsɨg ə sɨə wo nwìə̀, ɨmbə̀ʼ waʼ ɨnû rɨbɔ̀ŋ ɨchî nɨ wɨ̀ nyaʼa naʼ i ɨnyod ənɨ əghɨ ə̀fà.

1 Pità 1:13

Mbə̀ tekɨ tə fîŋ ɨmbə̀ʼ ghɨ ɨnû mbe nɨ Ŋwiə̀ kəbɨ. Mbə̀ yimbɨ ə ɨnyod kwàʼ ɨchî chɔ̀m. Mbə̀ jeŋgɨ nuŋ tə rɨkɔndɨ àmei ɨgun ɨ̀chɔ̀m we nɨ Ŋwìə̀ bɨrɨ ghɨ ənɨ ə nən ənɨ Yeso Kristo wɨrɨ yeʼe.

1 Pità 3:7

Əndəŋ əndəŋ, mbə̀n mɨnom berɨ wumnɨ mbə məyi bə̀ chubɨ mbɨ mɨ̀mə̌d ɨchî nɨ kuʼnɨ. Mbə mɨə yeʼə ghɨ̀ əne, njɨ mbə̀ kyerɨ ni mɨ̀mə̌d ə bɔd chè əwən. Mbə ghɨ əne ɨmbə̀ʼ ɨghəm nɨ Ŋwiə̀ bɨrɨ naʼ ɨ̀tènɨ̀ əmbɨ mbə̀n mɨ̀jìm. Mbə ghɨ əne ɨmbə̀ʼ tɨ əghɨ ə mɔʼɔ ə kən i ə ə̀kɔ̀ŋgɨ̀.

1 Pità 5:8

Mbə̀ yimbɨ ɨnyod bə̀ chub ɨkyèʼe. Ə wə̀d pə̀n, əne yɨə Debɨ̀rə̀ wɨə yènə̀ zùʼə̀ ɨghabɨ ə ŋgwàbaʼ. Ɨ wɨə kə̀bə̀ wə̀d mɔʼɔ we nɨ wɨ̀ bɨrɨ nimnɨ.

Ɨnû 16:15

Ə̀nùŋɨ̀sɨg Yeso ə ghà ni, “Mbə̀ zə, mə bɨrɨ yeʼe ɨghabɨ ɨjɨ! Ŋwìə̀ zɨ əbɔrəbɔd ɨgun ə wə̀d we nɨ chub ɨkyèʼe bə̀ tekɨ ti ngywɨ̌ nùŋ ɨmbə̀ʼ tɨ wɨ̀ yen i tɨ̀sɔ̀ʼ ɨkyerɨ, ətu əməd ə bə̀ nìd ɨmbə̀ʼ ɨchî nɨ bə̂d ə nèŋ əməd!”