1 Pità 4:6 - Meta’

⁶ Əzɔ̂ yɨ əton nɨ mbɨ nyaʼa gha ɨkə̂n chɔ̀m fɔrɨ əmbɨ ɨvɨ bə̂d, ka à bè yeʼi ni mbɨ nyaʼa fə saʼ mɨ̀mə̌d ɨchî nɨ mbɨə saʼə bə̂d cherə. Əne yɨ ɨmbə̀ʼ ɨzwî mɨ̀mə̌d yeʼ ɨghabɨ Əzwî ə Ŋwiə̀.

Ikan feg

⁶ À ya aton ne Kristo ya chèti ikən chɔm abə bəd məjìm fɔrɔ abə bəd mbe ne ya fə ku. Wì ya ghì ane ni gha Ŋwiye bə saʼ awɔb icheg ne we sàʼa bəd məjìm imbə̀ʼ inug mbe ne mbi faʼi igun isəg. Ka mbɔb fə jiʼì ku icheg ne bəd mbe kùyə, mbɔb biri ghum yaʼ izɔm icheg Ŋwiye.

1 Pità 4:6 교차 참조

Matìyò 24:9

“Nyùmə̀ we mɨ kùʼ, mbə bə̂d pə̀n bɨrɨ gywɨ əwən nàʼ ni mbɨ chə əwən bə̀ zwiirɨ əwən. Ɨsɨg jìm bɨrɨ ban əwən ɨmbə̀ʼ əmɨ.

Rm 8:2

ɨmbə̀ʼ ɨghəm nɨ ɨkə Əzwî we nɨə ghɨ̀ ni bə̂d jɨg ɨ̀tènɨ̀ ɨchî nɨ mbɨ yeʼ ənɨ ɨfɔtɨ mbɨ Kristo Yeso fə chɨ̀ əmɨ rɨŋga tɨkə te nɨə ghɨ̀ wə̀d ghɨ̀ ɨnû rɨbɔ̀ŋ əne kwɨ.

Gàlesìyà 2:19

Mə wɨə nyaʼə nùŋ rɨ̀kə, əne tɨ̀nîn, mə fə zə ni chəi ənɨ tɨ̀ rɨkə weerɨ əmɨ. Əne mə yɨ ɨghabɨ ə wə̀d nɨ rɨkə fə zwiirɨ, ɨmbə̀ʼ mə̀ chubɨ ɨkǎ fàʼ əmbɨ ə Ŋwiə̀. Mbɨ fə kòmbɨ̀ əmɨ əzed ə baʼnɨ mbɨ Kristo,

Gàlesìyà 5:25

À yɨ Əzwî ə ghɨ̀ ni tɨ̀ yeʼ ɨkǎ, əne tɨ̀ ghɨ ɨnû mbe nɨ Əzwî ə kə̀bə̀.

1 Pità 1:12

Ŋwìə̀ nyaʼa chwi əmbɨ mɨ̀mə̌d ni chəi mbɨ nyaʼə faʼə yeʼ ɨmbə̀ʼ ə ɨghəm. Ɨ mbɨə nyaʼə faʼə yeʼ ɨmbə̀ʼ weerɨ əwən. Ɨ mbɨə nyaʼə ghà ɨnû mbe nɨ mbə̀ nyaʼa fə zu rɨ əmbɨ ə bə̂d mbe nɨ nyaʼa chè ənjìm Əzwî ə Zeŋɨ ze nɨ Ŋwìə̀ cha rɨkaŋ gha ɨkə̂n chɔ̀m. Mbɨ̀aŋgɨrə̀ mbɨə nyaʼə bə̀ kə̀b kyerɨ ənû rəŋgu.

1 Pità 3:18

Kristo nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Wə̀d nɨ nyaʼə ghɨ̀ ɨnû nɨ kuʼnɨ nyaʼa kwɨ ɨgwɨ ətu ə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ wɨ nɨŋ əwa wò əsɨ ə Ŋwiə̀. Mbɨ nyaʼa zwiirɨ nyamnyod məd, àyɨə Əzwî ə Ŋwiə̀ ə nyaʼa ghɨ̀ wɨ̀ wɨrɨ chub ɨka.

1 Pità 3:19

À yɨ Əzwî ze ə nyaʼa ghɨ ni wɨ̀ wo ghà ɨŋgam Ŋwiə̀ əmbɨ ɨzwî mbe nɨ nyaʼa ə ndəŋ.

Ɨnû 14:18

Aŋgɨrə̀ cherə, nɨ nyaʼa berɨ ɨka ɨgwɨ ɨwid, nyaʼa jwɨ̀ rɨ ɨban ɨkwi ɨjə̀ŋ ə̀fààrɨ̀ pè kyeŋ ənɨ ə gɨ̂ kǎ kǎ əmbɨ we nɨ berɨ ɨbi tɔtɔ we ni, “Nɨŋ fe ɨbi tɔtɔ nɨ kwəŋ ɨghɨ əŋgu sopɨ ɨza vaìn tɨ ənɨ ɨzed vaìn mbe rɨ ɨgwɨ ə si, ɨmbə̀ʼ ɨghəm nɨ rɨtam vaìn te rɨ ɨgwɨ ə si fə tə̀nə̀.”