1 Pità 4:10 - Meta’

¹⁰ Mbə nɨŋ mɨneʼe mbe nɨ Ŋwìə̀ naʼ əmbɨ wə̀d mɔʼ mɔʼ rəbɔʼ nən wèèrɨ̀ mbə bɔŋgɔb əŋgu. Əne yɨ ɨchî ni Ŋwìə̀ ə chè ənɨ ə njìm ghɨ̀ə̀ tɨkwɨrɨ chɔ̀m jìm ənɨ ə bə̂d.

Ikan feg

¹⁰ Wə̀d imɔʼ imɔʼ ya wètè mə̀mbin ane ineʼi we ne Ŋwiye ghì ìchɔ̀mì ibo, nàʼ ibo. Wì ya ghìyə̀ ane abə bəd ane ikuchèg ijìm, ane fìŋ ifibì.

1 Pità 4:10 교차 참조

Matìyò 20:28

Chəi Wan Wə̀d nyaʼa yeʼe ni bə̂d faʼ ɨ bɔ. Wɨ̀ nyaʼa yeʼe ɨmbə̀ʼ faʼ əmbɨ ə bə̂d. Wɨ̀ nyaʼa bə̀ kwɨ ɨmbə̀ʼ choʼ ɨtu bə̂d mɨ̀nɔnɔʼ.”

Matìyò 24:14

Bə̂d bɨrɨ gha ɨkə̂n chɔ̀m wɔ̂ ɨmbə̀ʼ ənû ɨfɔ̀n rɨkaŋ ɨŋga ɨsɨg jìm, ɨmbə̀ʼ ɨbeŋ jìm zu. Mbɨ mɨ ghɨ̀ əne, ɨnwǐ ɨsɨg bɨrɨ sɨ yeʼe.

Matìyò 24:21

ɨmbə̀ʼ ɨghəm nɨ bə̂d bɨrɨ zə ŋgəʼ əku ənɨ ə nyùmə̀ we, chè ŋgəʼ jìm ze nɨ kweʼ jwɨ̀ kɔ rɨ ənɨ Ŋwìə̀ nyaʼa tekɨ ɨsɨg yeʼe pè rɨ̀nîn. Chəi ɨkwɨ ŋgəʼ cherə bɨrɨ wɨrɨ jwɨ̀ ɨghabɨ wɔ̂.

Matìyò 24:45

“Wə̀d ə̀fàʼì we nɨə fàʼ ənɨ i fîŋ jìm bə̀ berɨ ɨwe, nɨ mbǎʼ ə̀fàʼì məd nuŋ ni wɨ̀ nəŋgɨ bə̂d ə̀fàʼì ɨŋga i nəb, bə̀ nàʼ ɨghɨjɨg əmbɨ mɨ̀mə̌d ənɨ ə nyùmə̀ nɨ kuʼu kɨ wi ə?

Matìyò 25:17

Əne bə̂, we nɨ nyaʼa nɨŋ ɨ̀bàm ɨkab gôl be, nyaʼa bə̀ jɨg njìm ɨ̀bàm cherə be.

Matìyò 25:44

“Mbɨ bɨrɨ bɨ wììrɨ̀ ni, 'Ə̀nùŋɨ̀sɨg, à kɨ əwù zi nɨ tɨ̀ nyaʼa zə e ənɨ njì rɨ nyaʼə zaŋ e, kɨ̀ ənɨ ədɔʼ ə nyaʼə ne e, kɨ̀ ənɨ à nyaʼə rɨ̀sɔ̀ʼ ɨkyerɨ, kɨ̀ ənɨ à nyaʼə wɔ̀nə̀, kɨ̀ ənɨ à nyaʼa ə nəb ndəŋ, nɨ chəi tɨ̀ nyaʼa weerɨ əwe ə?'

Mk 10:45

Mə wɨə ghà əne ɨmbə̀ʼ ɨghəm nɨ chəi Wan Wə̀d nyaʼa yeʼe ni bə̂d faʼ ɨ bɔ. Wɨ̀ nyaʼa yeʼe ɨ fàʼ əmbɨ ə bə̂d, bə̀ kwɨ ɨmbə̀ʼ choʼ ɨtu bə̂d mɨ̀nɔnɔʼ.”

Lk 12:42

Ə̀nùŋɨ̀sɨg nyaʼa wììrɨ̀ ni, “Wə̀d ə̀fàʼì we nɨə fàʼ ənɨ i fîŋ jìm bə̀ berɨ ɨwe, nɨ mbǎʼ ə̀fàʼì məd nuŋ ni wɨ̀ nəŋgɨ mbi bə̂d ə̀fàʼì, bə̀ nàʼ ɨghɨjɨg əmbɨ mɨ̀mə̌d ənɨ ə nyùmə̀ kuʼu kɨ wi ə?

Lk 19:13

Bɔŋ wɨ̀ nyaʼə sɨə nɔ̀ʼə̀, wɨ̀ nyaʼa tɔŋ mbi bə̂d ə̀fàʼì wum, ghàpɨ̀ ɨkab gôl wum əmbɨ mɨ̀mə̌d ɨ mɔʼ mɔʼ. Wɨ̀ nyaʼa ghɨ̀ əne ghà əmbɨ mɨ̀mə̌d ni, 'Mbə̀ ghɨ ɨwin ənɨ ɨkab wɔ̂ pè ənɨ mə bəndɨ.'

Lk 8:3

Jòanà nɨ nyaʼa ɨwi Chuzà we nɨ nyaʼə wə̀d ə̀fàʼì Herɔ̀d mbɨ Sùsanà mbɨ məyi cherə nɔnɔʼ. Məyi mbɔ̂ mbɨə nyaʼə wèèrɨ̀ ə Yeso bə̀ wèèrɨ̀ mə̀mə̀ə̀nɨ̀-ɨnû ɨməd rɨŋga mbə ɨ̀bàmɨ̀.

Rm 15:25

Tɨ̀nîn, mə wɨ ɨnə̂njɨ̀ wò ə Jèrusalèm ɨ wo naʼ ɨghɨ əmbɨ ə bə̂d Ŋwiə̀ mbe nɨ yeʼ əŋgu.

Rm 15:27

Mbɨ nyaʼa ghaʼ nɨ ghɨ̀ əne ənɨ ə ɨghəm. Təsìʼ yɨ ni, mbɨ nyaʼa berɨ ghɨ əne ɨmbə̀ʼ ɨghəm nɨ ɨchî nɨ bə̂d mbe nɨ kaʼi mɨ̀Jû fə fɔtɨ mbɨ mɨ̀Jû ɨ jɨg əbɔrəbɔd ze nɨ Əzwî ə Ŋwiə̀ ə nàʼə̀, əne bə̂, mbɨ berɨ bɨ weerɨ mɨ̀Jû mbɨ ɨghɨ mbe nɨ mbɨ berɨ.

1 Kɔrèn 15:10

Mə yɨə wə̀d we nɨ mə yeʼ wɨwən ənjìm ɨ̀chɔ̀m Ŋwiə̀. Chəi ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num nyaʼa che ətu ə̀kǒ. Àyɨə mə nyaʼa fàʼ rɨkǎ chè mɨ̀mə̌d mɨjìm. Ka à bè yeʼi ni kaʼi mɔ̌ nyaʼa fàʼi, àyɨə Ŋwiə̀ nyaʼa che ənjìm ɨ̀chɔ̀m məd ghɨ̀ mə fàʼ.

1 Kɔrèn 3:10

Ŋwìə̀ nyaʼa ghɨ̀ ɨ̀chɔ̀m ənɨ ə num, ghɨ̀ mə bɔm əchɨ ə nəb ɨghabɨ əbɔm nəb nɨ jeŋgɨ kyerɨ ə̀fàʼì. Wə̀d cherə wɨə kod ɨgun əchɨ ze. Àyɨə wə̀d mɔʼ mɔʼ we i ɨchî nɨ wɨə kod ɨgun əchɨ ze,

1 Kɔrèn 4:7

À kɨə ye nɨ mbə̀ berɨ nɨ chwi ni mbə̀ chè bə̂d cherə ə? À kɨə ye nɨ mbə̀ berɨ nɨ kaʼi Ŋwìə̀ naʼ ɨ nən ə? Wɨ̀ mɨ nyaʼa nàʼ ɨghɨ ɨ nən, njɨ əton nɨ mbə̀ə goŋ ɨgɔ̂ ɨghabɨ ni chəi wɨ̀ nyaʼa naʼ ɨghɨ ɨ nən kɨ ɨmbə̀ʼ ə yè ə?

2 Kɔrèn 6:1

Ɨchî nɨ tɨə fàʼ ɨnɔ̂n mbɨ ə Ŋwiə̀, əne tɨ̀ wɨə buʼ ɨbɔ ɨ nən ni tɨ mbə̀ ben ə ni ɨ̀chɔ̀m we nɨ Ŋwiə̀ ghɨ ənɨ ə nən che ətu ə̀kǒ.

2 Kɔrèn 9:1

Chəi əton ɨ num nɨ ŋwaʼnɨ ɨ nən ɨmbə̀ʼ ə̀wèèrɨ̀ ze nɨ mbə̀ə kəb cha əmbɨ ə bə̂d Ŋwiə̀ mbe nɨ yeʼ ə Jèrusalèm.

Efesùs 3:8

Ka à bè yeʼi ni mə kə chè wɨ kwa rəbɔʼ bə̂d Ŋwiə̀ mɨ̀jìm, àyɨə Ŋwiə̀ nyaʼa ghɨ̀ ɨ̀chɔ̀m ənɨ ə num ni mə̀ gha əmbɨ ə bə̂d mbe nɨ kaʼi mɨ̀Jû ɨmbə̀ʼ mbɔ̂n ze nɨ chəi zɨ̀ bɨrɨ nɔ mì, nɨ tɨ̀ berɨ àmei ɨchî nɨ mbɨ kyerɨ ə Kristo.

Efesùs 4:11

À yɨə məd nyaʼa naʼ mɨneʼe əmbɨ ə bə̂d; wɨ̀ nyaʼa ghɨ̀ mbɨ mɔʼɔ ənɨ ə bə̂d tom, ghɨ̀ mbɨ mɔʼɔ ənɨ ə bə̂d ɨ̀kə̀n, ghɨ̀ mbɨ mɔʼɔ ənɨ ə bə̂d mbe nɨə jàŋ ɨkə̂n chɔ̀m, ghɨ̀ mbɨ mɔʼɔ ənɨ ə bə̂d nɨə nəŋgɨə bə̀ chwi ɨnû əmbɨ ə bə̂d Ŋwiə̀.

2 Timotì 1:18

Mə wɨə kɔ̀ŋgɨ̀ Ə̀nùŋɨ̀sɨg Yeso ni wɨ̀ diirɨ əməd əni ze nɨ wɨ̀ bɨrɨ saʼ ɨsɨg! À kyerɨ e ɨchî nɨ wɨ̀ nyaʼa weerɨ əmɨ ə Efesùs.

Tayitùs 1:7

Ətu ɨgwɨ ɨfetɨ bə̂d Kristo yɨə wə̀d nɨə nəŋgɨ ə̀fàʼì ə Ŋwiə̀. Wɨ̀ berɨ yeʼ wə̀d nɨ chəi ɨgu ənû ɨgwɨ məd. Tɨ wɨ̀ yeʼi wə̀d nɨə seenɨə, kɨ̀ wə̀d nɨə kɨə sə ɨtəm, kɨ̀ wə̀d nɨə nɔə beə, kɨ̀ wə̀d nɨə zɔ̀ŋə̀, kɨ̀ wə̀d nɨə ghɨ̀ ədɔʼ ənɨ ɨkab.

Mə̀Hibrù 6:10

Ŋwìə̀ wɨə ghɨ̀ àmei ɨnû nɨ kuʼnɨ. Kaʼ məd bɨrɨ neb i ɨnû mbe nɨ mbə̀ fə ghɨ. Kaʼ məd bɨrɨ bɨ neb i ɨghaʼi we nɨ mbɨə chwi ɨ bɔ ənɨ mbə̀ nyaʼə weerɨ bə̂d məd bə̀ kɨrɨ wò ɨmbì wèèrɨ̀ə̀.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

1 Pità 5:12

À yɨə Sailàs weerɨ əmɨ ni mə ŋwaʼnɨ akə ə̀ŋwàʼnɨ̀ wɔ̂ ɨ nən. Məd yɨ aŋgɔb nɨ mə̀ kyerɨ ni wɨ̀ nuŋ fîŋ ɨgun ə Kristo. Mə ŋwàʼnɨ̀ ə̀ŋwàʼnɨ̀ zɔ̂ ɨmbə̀ʼ timbɨ əwən fɔrɨ nɨ ghɨ mbə̀ kyerɨ ni Ŋwìə̀ wɨə kàŋə̀ ghɨ̀ ɨ̀chɔ̀m ənɨ ə nən. Mbə təm kàànɨ ɨŋga ɨ̀chɔ̀m we.