1 Jɔn 5:6 - Meta’

⁶ Ənɨ Yeso Kristo nyaʼa yeʼe, wɨ̀ nyaʼa chwiə ni tə yɨə Wan Ŋwìə̀ ɨchî nɨ wɨ̀ nyaʼa nɨŋ mɨnib mbɨ ɨchî nɨ wɨ̀ nyaʼa chəmnɨ e ənəm əzed ə baʼnɨ. Chəi wɨ̀ nyaʼa nɨŋ àmei mɨnib, wɨ̀ nyaʼa nɨŋ mɨnib bə̀ chəmnɨ e ənəm. Əzwî ziə ə zɨə ghàə̀ ni ənû zɔ̂ yɨ ənû rəsìʼ, ɨmbə̀ʼ ɨghəm nɨ à yɨə Ŋwìə̀ ə nàʼ Əzwî rəsìʼ.

Ikan feg

⁶ Anyumə̀ ne Yeso Kristo ya yeʼe, wì ya chwi gha zìye ya Ŋwan Ŋwiye icheg ne wì ya niŋi mənib fɔrɔ icheg ne wì ya chəmni anəm igun azed abaʼri. Chəyi wì ya niŋi məyi mənib. Wì ya niŋ mənib bə̀ chə̀mni anəm. Azwighi Ŋwiye zìye ze bḛ gha anug azo̰ ya tesiʼ imbə̀ʼ icheg ne Azwighi Ŋwiye ya ghà tesiʼ.

1 Jɔn 5:6 교차 참조

Matìyò 26:28

Əzɔ̂ yɨ mɨ ənəm nɨ Ŋwìə̀ fə nɨŋ san fɨso fi mbɨ nən. Ənəm zɔ̂ yɨ əze nɨ mbɨ chəmnɨ ɨmbə̀ʼ ɨtu bə̂d mɨ̀nɔnɔʼ, ɨmbə̀ʼ Ŋwìə̀ waʼ ɨnû rɨbɔ̀ŋ mɨ̀mə̌d.

Matìyò 3:16

Ənɨ Yeso nyaʼa fə nɨŋ mɨnib, wɨ̀ nyaʼa jwɨ̀ rɨŋga ɨgyɨ̀ we. Àmei əwu əwən, ɨkaŋ nyaʼa fìʼə̀, əne wɨ̀ nyaʼa zə Əzwî ə Ŋwiə̀ nɨ nyaʼə swiʼə yeʼe ɨgwɨ ɨghabɨ tə̀bə̀ŋə pè naŋ ɨgwɨ məd.

Mk 14:24

Wɨ̀ nyaʼa ghà əmbɨ mɨ̀mə̌d ni, “Əzɔ̂ yɨ mɨ ənəm nɨ Ŋwìə̀ fə nɨŋ san fɨso fi mbɨ nən. Ənəm zɔ̂ yɨ əze nɨ mə̀ chəmnɨ ɨmbə̀ʼ ɨtu ə bə̂d mɨ̀nɔnɔʼ.

Lk 22:20

Ənɨ mbɨ nyaʼa fə jɨg màànɨ̀, wɨ̀ nyaʼa bə̀ nɨŋ toʼ mɨ̀nòʼ ghà ni, “Toʼ zɔ̂ yɨ fɨso fi fe nɨ Ŋwìə̀ san ənɨ mɨ ənəm ze nɨ mbɨ chəmnɨ ɨmbə̀ʼ əwən.

Jn 14:17

Məd yɨ Əzwî ə Zeŋɨ ze nɨ bɨrɨ ghɨ ni bə̂d kyerɨ rəsìʼ. Chəi ənɨ tɨ ɨsɨg nɨŋ əməd ɨmbə̀ʼ ɨghəm nɨ chəi ənɨ tɨ̀ wɨ̀ zə əməd kɨ̀ bè kyerɨ əməd. Mbə bɨrɨ kyerɨ əməd, ɨmbə̀ʼ ɨghəm nɨ məd wɨ i mbɨ nən, bə̀ kyerɨ ni məd wɨ i ɨŋga nən.

Jn 14:6

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Jn 15:26

“Ənɨ Ə̀wèèrɨ̀-bə̂d we nɨ mə bɨrɨ tom ɨ nən tɨ əmbɨ ə Mbǎʼ yeʼe, wɨ̀ bɨrɨ gha ɨnû ɨmbə̀ʼ əmɨ. Məd yɨ Əzwî ze nɨ Mbǎʼ chǎ. Məd bɨrɨ du rəsìʼ əsaŋ.

Jn 16:13

Ənɨ Əzwî ze nɨə ghɨ̀ ni bə̂d kyerɨ rəsìʼ ə yeʼe, wɨ̀ bɨrɨ chwi rəsìʼ jìm ɨ nən. Ka wɨ̀ bɨrɨ gham i ənɨ i ɨghəm. Wɨ̀ bɨrɨ ghà yeʼ ənû ze nɨ wɨ̀ zǔ. Wɨ̀ bɨrɨ zeŋnɨ mbə ɨtu ɨmbə̀ʼ ɨnû mbe nɨ yeʼ ɨmbì.

Jn 3:5

Yeso nyaʼa wììrɨ̀ ni, “Mə ghà rəsìʼ ɨ ne ni chəi wə̀d nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə ənɨ mɨnib bə̀ fɔrɨ ənɨ Əzwî ə Ŋwìə̀.

Jn 4:10

Yeso nyaʼa wììrɨ̀ ɨ bɔ ni, “À mɨ kəʼ kyerɨ əghɨ ze nɨ Ŋwìə̀ ə nàʼə̀, bə̀ kyerɨ wə̀d we nɨə biirɨ mɨnib rɨ ne, njɨ à kəʼ ghà ni wɨ̀ naʼ mɨnib mbe nɨə nàʼ ɨ̀tènɨ̀ ɨ ne.”

Jn 4:14

àyɨə chəi ədɔʼ ə mɨnib ə bɨrɨ nɔ wɨrɨ ne wə̀d we nɨ nɔ mɨnib mbe nɨ mə̀ bɨrɨ naʼ ɨ bɔ. Mɨnib mbe nɨ mə̀ bɨrɨ naʼ ɨ bɔ bɨrɨ yeʼ jwɨ̀-əmboŋ nɨə koŋ ɨŋga məd bə̀ nàʼ ɨ̀tènɨ̀ rɨ mì ɨ bɔ.”

Jn 6:55

ɨmbə̀ʼ ɨghəm nɨ mɨ nyamnyod yɨ tɨjɨg rəsìʼ, mɨ ənəm yɨə bə̀ mɨnoʼ rəsìʼ.

Ɨ̀fàʼì 8:36

Ənɨ mbɨ nyaʼə yènə̀ wò ɨgwɨ ɨnə̂njɨ̀ we, mbɨ nyaʼa pè əsɨ nɨ ətuŋ ə nyaʼa əŋgu, əne wə̀d kyeŋ we nyaʼa ghà ni, “Zə, à yɨ mɨnib mbɔ̂! À kɨə ye nɨ tɨ̀ zɨə kən ni tɨ mə̀ nɨŋ əmɨ mɨnib ə?” [

Rm 3:25

Ŋwiə̀ nyaʼa chà əməd ənɨ əghɨ ə̀fà ɨmbə̀ʼ ənəm əməd ə so mba ɨnû rɨbɔ̀ŋ ənjìm ɨchî nɨ tɨ̀ nuŋ fîŋ ɨgwɨ məd. Ŋwìə̀ nyaʼa chwi ənjìm ɨnyiʼ fîŋ ni tə wɨə ghɨ̀ ɨnû nɨ kuʼnɨ ɨchî nɨ chəi wɨ̀ nyaʼa chə bə̂d mbe nɨ nyaʼa be ghɨ̀ ɨnû rɨbɔ̀ŋ.

Efesùs 1:7

Ŋwìə̀ fə choʼ mba ɨtu ənjìm ənəm ə Kristo ze nɨ wɨ̀ nyaʼa chəmnɨ əzed ə baʼnɨ. Wɨ̀ fə bə̀ waʼ mba ɨgu ənû ənjìm ɨ̀chɔ̀m məd we nɨ kaŋ nɔʼ.

Kòlosè 1:4

Tɨ̀ wɨə nàʼ ɨmbə̀ʼ ɨghəm nɨ tɨ̀ fə zu ɨchî nɨ mbə̀ nuŋ fîŋ ɨgun ə Kristo Yeso bə̀ zu ɨchî nɨ mbə̀ə ghaʼə bə̂d Ŋwiə̀ mɨ̀jìm.

1 Timotì 3:16

Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.

Tayitùs 3:5

wɨ̀ nyaʼa chɨ̀ əwa rəŋgəʼ. Chəi wɨ̀ nyaʼa ghɨ əne ɨmbə̀ʼ ɨnû chɔ̀m mɔʼɔ mbe nɨ tɨ̀ nyaʼa ghɨ̌. Wɨ̀ nyaʼa chɨ̀ əwa yeʼ ɨmbə̀ʼ ɨghəm nɨ wɨ̀ diirɨ əwa əne che ənjìm Əzwî ə Zeŋɨ sò əwa tɨ̀ zeŋ, bèŋ əwa tɨ̀ sɨ ɨghabɨ ə bɔn bɔd bə̀ nàʼ ɨ̀tènɨ̀ fi ɨ na.

Mə̀Hibrù 10:29

Zɨə nɨə yeʼ əne, njɨ mbə kɔn əzən ni à kɨ ɨkwɨ ɨchə nɨ kaanɨ rɨ ye nɨ tɨ̀ mbɨ nàʼ əmbɨ ə wə̀d we nɨ təənɨ Wan Ŋwìə̀, tìbrɨ̀ ənəm ze nɨ mbɨ nyaʼa nɨŋ san fɨso fe nɨ nyaʼa zeŋnɨ əməd, bə̀ zɔ̀m Əzwî ə Ŋwiə̀ ze nɨə ghɨ̀ ɨ̀chɔ̀m ənɨ ə na ə?

Mə̀Hibrù 12:24

Mbə fə yeʼe əsɨ ə Yeso we nɨ nyaʼa yeʼe mbɨ fɨso fi. Mbə fə bə̀ yeʼe əsɨ ənəm ze nɨ mbɨ nyaʼa ŋwiirɨ. Ənəm ze ə zɨə ghà ənû nɨ bɔŋ chè əze nɨ ənəm ə Abèl ə nyaʼa ghǎ.

Mə̀Hibrù 13:20

Ŋwìə̀ we nɨə nàʼ əbɔrəbɔd, nɨ nyaʼa che ənjìm ənəm ze nɨ wɨ̀ nyaʼa nɨŋ san fɨso fe nɨ ten i koŋ əne zwemnɨ ə Yeso a Ə̀nùŋɨ̀sɨg nɨ yeʼ ənə̂ŋgɨ̀-njɨ̀g nɨ dabə,

Mə̀Hibrù 9:14

njɨ ənəm ə Kristo ə bɨrɨ zeŋnɨ əwa chè. Əzwî ze nɨ ten i koŋ ə nyaʼa ghɨ̀ ni Kristo naʼ i ɨnyod əmbɨ ə Ŋwiə̀ ənɨ əghɨ ə̀fà nɨ chəi ənɔʼɔ ɨmbə̀ʼ zeŋnɨ ta fîŋ tɨ ənɨ ɨnû rɨbɔ̀ŋ mbe nɨə ghɨ̀ ni bə̂d kwɨ. Əne yɨ ɨmbə̀ʼ tɨ̀ faʼ əmbɨ ə Ŋwìə̀ we nɨ yeʼ ɨkǎ.

Mə̀Hibrù 9:7

Àmei ətu ɨgwɨ ə bə̂d mbàn Ŋwìə̀ ə nyɨ ɨŋga ətu ə nəb ze rɨŋga. Ɨ wɨə ghɨ̀ əne àmei ɨghəm mɔʼ ɨŋga əghəm əwu. Wɨ̀ mɨ kəb nyɨ, wɨ̀ bɨrɨ nɨŋ ənəm nɨ wɨ̀ bɨrɨ chəmnɨ ɨmbə̀ʼ e ətu fɔrɨ ɨmbə̀ʼ ɨnû rɨbɔ̀ŋ mbe nɨ bə̂d ə ghɨ̀ə̀ nɨ chəi mbɨ kyerɨ.

1 Pità 1:2

Ŋwìə̀ Mbǎʼ nyaʼa chɔʼ əwən ni mbə̀ yeʼ mbi bə̂d ɨchî nɨ wɨ̀ nyaʼa fə nuŋɨ. Əzwî əməd ə fə ghɨ̀ mbə zeŋ, ɨmbə̀ʼ mbə̀ zuunɨ ə Yeso Kristo bə̀ ghɨ̀ ni ənəm əməd ze nɨ wɨ̀ nyaʼa chəmnɨ ə zeŋnɨ əwən. Ɨ̀chɔ̀m Ŋwiə̀ mbɨ əbɔrəbɔd əməd yeʼe ɨgwɨ nən ɨ ə̀bù ə̀bù.

1 Pità 3:21

Mɨnib mbɔ̂ nɨ mbɨ nyaʼə nəŋ ɨgun nyaʼa təm ənɨ ənû nɨ bə̂d ə nɨŋə mɨnib. À yɨ mɨnib mbe ə chɨ̀ əwən rəŋgəʼ tɨ̀nîn. Kaʼ ənû nɨ nɨŋ mɨnib yɨ i ənû nɨ chɨ rɨfiŋ tɨ ənɨ ɨnyod. À yɨ ənû nɨ mbə̀ kaʼ əmbɨ ə Ŋwiə̀ mbɨ ə fîŋ nɨ zeŋɨ. Ənû nɨ nɨŋ mɨnib ə zɨə chɨ̀ əwən rəŋgəʼ ənjìm ɨchî nɨ Yeso Kristo nyaʼa zwemə.

1 Jɔn 1:7

Tɨ̀ mɨ yeʼ ɨŋga ɨzeŋɨ zeŋɨ, ɨchî nɨ məd ziə bə yeʼ ɨŋga ɨzeŋɨ zeŋɨ, njɨ tɨ̀ wɨ ənɨ ɨfɔtɨ mbǎ mbǎ, əne ənəm ə Yeso, Wan məd, ə zɨə sò mba ɨnû rɨbɔ̀ŋ jìm.

1 Jɔn 4:10

Wɔ̂ yɨə kaŋ ɨghaʼi rəsìʼ. Kaʼi ni tɨ̀ nyaʼa ghaʼ ə Ŋwiə̀, àyɨə ni məd ziə nyaʼa ghaʼ əwa əne tom i Wan ni wɨ̀ yeʼ əghɨ ə̀fà ze nɨ wɨ̀ bɨrɨ chè ənjìm məd waʼ mba ɨnû rɨbɔ̀ŋ.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.

Ɨnû 5:9

Mbɨ nyaʼa kwerɨ ɨkyî fi ghà ni, “Àwɔ̀ ə kàŋ kùʼ nɨ nɨŋ ə̀ŋwàʼnɨ̀ ze, kyeʼrɨ mɨneŋ mbe, fiʼi, ɨmbə̀ʼ ɨghəm nɨ mbɨ nyaʼa kyem əwe, əne ənjìm ənəm ze nɨ à nyaʼa chəmnɨ, à fə choʼ bə̂d nàʼ əmbɨ ə Ŋwiə̀ rɨŋga mɨnəbɨ jìm, rɨŋga mɨŋgam jìm, rɨŋga ɨsɨ jìm bə̀ fɔrɨ rɨŋga ɨbeŋ jìm.

Ɨnû 7:14

Mə nyaʼa wììrɨ̀ ɨ bɔ ni, “Chəi mə̀ kyerɨ, kyɨə masà. Àwɔ̀ ə kyerɨ.” Wɨ̀ nyaʼa ghà ɨ num ni, “Mbɔ̂ yɨə bə̂d mbe nɨ fə chè ɨŋga ŋgəʼ ze nɨ chè əbɔ, àyɨə chəi mbɨ kwɨ. Mbɨ fə sò tə ngywɨ̌ ɨŋga ənəm ə Wan njɨ̀g tɨ sɨə fuə.