1 Jɔn 5:14 - Meta’

¹⁴ Əton nɨ chəi tɨə bɔə ənɨ tɨə kɔŋgɨ ə Ŋwiə̀ yɨ ɨmbə̀ʼ ɨghəm nɨ tɨ̀ fə kyerɨ ni məd wɨə zu ɨnû mbe nɨ tɨə biirɨə əwù ze nɨ tɨ̀ biirɨ ɨchî nɨ wɨ̀ kəbɨ.

Ikan feg

¹⁴ Aton ne chəyi te bɔ anyumə̀ ne te chàʼrà Ŋwiye ya imbə̀ʼ icheg ne tì fə kyeri gha məd we zùghə inug mbe ne te bìre anyumə̀ ne tì biri anug ne məd kə̀bi.

1 Jɔn 5:14 교차 참조

Matìyò 21:22

Mbə mɨ berɨ ɨbenɨ, njɨ Ŋwìə̀ bɨrɨ naʼ ɨghɨjìm mbe nɨ mbə̀ kɔŋgɨ əməd nɔn ɨ bɔ.”

Jn 11:42

Mə kyerɨ ni à wɨə zu ɨnû mbe nɨ mɨə ghà ɨ ne ɨghəm jìm, àyɨə mə kə̀ʼ ghà əzɔ̂ ɨmbə̀ʼ bə̂d mbɔ̂ nɨ təmbɨ ɨban num, ɨmbə̀ʼ mbɨ ben ni à yɨ àwɔ̀ nyaʼa tom əmɨ.”

Jn 14:13

Mə bɨrɨ ghɨ ənû ə mɔʼɔ ze nɨ mbə̀ biirɨ ənɨ mɨ ɨkum, ɨmbə̀ʼ ə bə̂d wumnɨ ə Mbǎʼ ənjìm ə Wan.

Jn 15:7

Mbə mɨ chub ənɨ ənû ə mɔʼ mbɨ num, mɨ ɨŋgam bə̀ chub ɨŋga nən, mbə bɨrɨ biirɨ ənû ə mɔʼɔ ze nɨ mbə̀ kəbɨ, əne mɨ Mbǎʼ bɨrɨ ghɨ ənû ze ɨ nən.

Jn 16:24

Ɨ pè rɨ̀nîn, chəi mbə̀ kɨrɨ biirɨ ənû ə mɔʼɔ tɨ əmbɨ mɨ Mbǎʼ ənɨ mɨ ɨkum. Mbə̀ biirɨ, wɨ̀ bɨrɨ naʼ ɨ nən, ɨmbə̀ʼ ɨghaʼi swi ɨŋga tə fîŋ.”

Jn 9:31

Tɨ̀ kyerɨ ni chəi Ŋwìə̀ ə zwetɨ ɨnû mbe nɨ bə̂d nɨə ghɨ̀ ɨnû rɨbɔ̀ŋ ə ghàə̀, àyɨə məd wɨə zwetɨ rɨ əmbɨ ə bə̂d mbe nɨə wumnɨ əməd bə ghɨ̀ə̀ ɨnû mbe nɨ wɨ̀ kəbɨ.

Efesùs 3:12

Ənɨ ɨfɔtɨ mbɨ Kristo bə̀ fɔrɨ ənjìm ɨbenɨ we nɨ tɨ̀ nuŋ ɨgwɨ məd, tɨ̀ fə berɨ ɨka nɨ wò əsɨ ə Ŋwiə̀ nɨ chəi ɨbɔɔ.

Mə̀Hibrù 10:35

Əne tɨ mbə̀ waʼ əwən ənû nɨ nuŋ fîŋ ɨgun Ə̀nùŋɨ̀sɨg, ɨmbə̀ʼ ɨghəm nɨ əze ə bɨrɨ yeʼe mbɨ ɨchɔʼ ə̀fàʼì kyeŋ.

Mə̀Hibrù 3:14

Tɨ̀ bɨrɨ yeʼ ənɨ ənû ə mɔʼ mbɨ Kristo ənɨ tɨ̀ yim ənû ze nɨ tɨ̀ nyaʼa be benɨ wò pè ənɨ ɨnwǐ.

Mə̀Hibrù 3:6

Kristo wɨə fàʼ ənɨ i fîŋ jìm ɨgwɨ ə nəb Ŋwìə̀ ɨghabɨ ə wan. Tɨ̀ yɨə nəb məd əwù ze nɨ tɨ̀ yim a ɨbenɨ wɨ kàànɨ̀ bə̀ nùŋ ta rɨkɔndɨ àmei ɨgwɨ ɨghɨ mbe nɨ tɨə goŋ ɨgɔ̂ wòmə̀.

Jems 4:3

Mbə mbɨə nɔn ɨghɨ, àyɨə chəi mbɨə nàʼ ɨ nən ɨmbə̀ʼ ɨghəm nɨ mbə mbɨə nɔnə mbɨ rɨkɔndɨ rɨbɔ̀ŋ. Mbə mbɨə nɔn ɨmbə̀ʼ nɨŋ ghɨ̀ ɨnû mbe nɨ tə nyamnyod ə feenɨə.

Jems 5:16

Əne mbə ben tə rɨ̀gùrɨ-ɨnû əkaʼ nən mbənə mbənə, kɔ̀ŋgɨ̀ ə Ŋwiə̀ ɨgwɨ mbə bɔŋgɔb, ɨmbə̀ʼ Ŋwìə̀ ghɨ ni mbə̀ bɔtɨ. Ə̀kɔ̀ŋgɨ̀ ə wə̀d we nɨ təm kùʼnɨ̀, ə berɨ ɨka kyeŋ nɨ ghɨ ənû ze nɨ wɨ̀ kɔŋgɨ ə Ŋwiə̀ nɔn.

1 Jɔn 2:28

Əne tɨ̀nîn, kyɨə bɔn nɨ mə̀ ghaʼi kwàʼ rɨŋgəʼ, mbə̀ chubɨ ənɨ ɨfɔtɨ mbɨ məd, ɨmbə̀ʼ ənɨ wɨ̀ wɨrɨ yeʼe, chəi tɨ̀ bɨrɨ bɔ. Chəi tɨ̀nìd ətu bɨrɨ ghɨ ni tɨ̀ nəmbɨ rɨ bɔ.