1 Jɔn 3:6 - Meta’

⁶ Chəi wə̀d we nɨ yeʼ ənɨ ɨfɔtɨ mbɨ məd bɨrɨ kɨrɨ wò ɨmbì nɨ ghɨ̀ ɨnû rɨbɔ̀ŋ. Chəi ətu ə wə̀d we nɨə kɨrɨ wò ɨmbì nɨ ghɨ̀ ɨnû rɨbɔ̀ŋ ə kɨrɨ zeŋ ɨmbə̀ʼ əməd. Chəi wɨ̀ be kweʼ kyerɨ wə̀d we nɨ wɨ̀ yeʼ wɨwən.

Ikan feg

⁶ Ane, chəyi wə̀d ne chùghə ane ifɔti tì məd ne chè imbìghè ni ghì inug tibɔ̀ŋ. Wə̀d ne chè imbìghè ni ghì inug tibɔ̀ŋ, chəyi tengàŋ kyèri aməd kə̀ kyeri iku wə̀d ne məd yaʼi iwiwən.

1 Jɔn 3:6 교차 참조

2 Kɔrèn 3:18

Mba mɨjìm mbe nɨ chəi ngywɨ̌ kən ta rɨfě, nɨ tɨə zə ɨzeŋɨ zeŋɨ Ə̀nùŋɨ̀sɨg ɨchî nɨ wɨə mèŋnɨ̀ ɨghabɨ ni à yɨ ɨŋga əneŋ ɨfě, fə bèŋ ɨghabɨ əməd ɨchî nɨ tɨə teə wò ɨmbì ɨmbì. Ɨzeŋɨ zeŋɨ we yɨ rɨ əmbɨ Ə̀nùŋɨ̀sɨg we nɨ yeʼ Əzwî.

2 Kɔrèn 4:6

Ŋwiə̀ we nɨ nyaʼa gha ni, “Ɨzeŋɨ zeŋɨ te ɨŋga ɨsɨ firɨ,” fə te ɨŋga ta fîŋ ɨmbə̀ʼ naʼ ɨzeŋɨ zeŋɨ ɨ na, ɨmbə̀ʼ tɨ̀ kyerɨ ɨzeŋɨ zeŋɨ Ŋwiə̀ we nɨə te ənɨ ɨfě Kristo.

1 Jɔn 2:28

Əne tɨ̀nîn, kyɨə bɔn nɨ mə̀ ghaʼi kwàʼ rɨŋgəʼ, mbə̀ chubɨ ənɨ ɨfɔtɨ mbɨ məd, ɨmbə̀ʼ ənɨ wɨ̀ wɨrɨ yeʼe, chəi tɨ̀ bɨrɨ bɔ. Chəi tɨ̀nìd ətu bɨrɨ ghɨ ni tɨ̀ nəmbɨ rɨ bɔ.

1 Jɔn 2:3

Tɨ̀ mɨ yeʼə nùŋə̀ rɨkə rɨ Ŋwiə̀, njɨ zɨə chwi ni tɨ̀ ə kyerɨ əməd.

1 Jɔn 2:4

Wə̀d mɔʼɔ we nɨ ghà ni tə kyerɨ əməd, àyɨə chəi wɨə nùŋə̀ rɨkə məd, yɨə wə̀d mɨghab. Chəi rəsìʼ ɨŋga ɨnû mbe nɨ wɨə ghàə̀.

1 Jɔn 3:2

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ̀ yɨə bɔn Ŋwiə̀ tɨ̀nîn. Chəi zɨə kɨrɨ zeŋ ni tɨ̀ kɨə wò yeʼ rɨ ye ənɨ ə Kristo wɨrɨ yeʼe. Ənû nɨ tɨ̀ kyerɨ yɨ ni tɨ̀ bɨrɨ yeʼ ɨghabɨ əməd, ɨmbə̀ʼ ɨghəm nɨ tɨ̀ bɨrɨ zə əməd ɨchî nɨ wɨ̀ yeʼ ə.

1 Jɔn 3:9

Chəi wə̀d we nɨ yeʼ wə̀d Ŋwiə̀ we tɨ̀ wɨ̀ kɨrɨ wò ɨmbì nɨ ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mɨchî Ŋwiə̀ mbɨ ɨŋga məd. Chəi ənɨ tɨ̀ wɨ̀ wɨrɨ ghɨ̀ ənû rɨbɔ̀ŋ ɨmbə̀ʼ ɨghəm nɨ məd yɨə wə̀d Ŋwìə̀.

1 Jɔn 4:8

We nɨ chəi wɨ̀ ghaʼ mbi bɔŋgɔb rɨka kyerɨ i ə Ŋwiə̀. Mbə̀ kyerɨ ni Ŋwìə̀ wɨə ghaʼə bə̂d.

1 Jɔn 5:18

Tɨ̀ ə kyerɨ ni chəi wə̀d Ŋwìə̀ mɔʼɔ əŋgu nɨə wò ɨmbì kɨrɨ ghɨ̀ ɨnû rɨbɔ̀ŋ. Wan Ŋwìə̀ wɨə nəŋgɨ əməd, əne chəi ənɨ tɨ Satàn wɨrɨ ghɨ ənû ə mɔʼɔ ənɨ məd.

3 Jɔn 1:11

Wum aŋgɔb nɨ mə̀ ghaʼi kwàʼ rɨŋgəʼ, tɨrə̀ mɨ̀g e ənû rɨbɔ̀ŋ. Mɨg yeʼ ənû ə chɔ̀m. Wə̀d we nɨə ghɨ̀ ɨ̀chɔ̀m yɨə wə̀d Ŋwiə̀. Chəi wə̀d we nɨə ghɨ̀ ɨnû rɨbɔ̀ŋ kweʼ zə ə Ŋwiə̀.