1 Jɔn 3:22 - Meta’

²² Məd wɨə nàʼ ɨghɨjìm mbe nɨ tɨ̀ biirɨ ɨ bɔ. Ɨ wɨə ghɨ̀ əne ɨmbə̀ʼ ɨghəm nɨ tɨ̀ wɨə nùŋ tɨkə rɨ məd bə̀ ghɨ̀ ɨnû mbe nɨ bɔŋ ɨ bɔ.

Ikan feg

²² Ŋwiye we nàʼà ighi ijìm mbe ne te kə̀bə̀ ina imbə̀ʼ icheg ne tì we zùgrə mə̀nɔ̀ʼɔ̀ məd bə̀ fàʼà inug ijìm ne bɔŋi ibo.

1 Jɔn 3:22 교차 참조

Matìyò 17:5

Ənɨ wɨ̀ nyaʼə kɨrɨ ghàmə̀, pàʼ nɨ nyaʼə fuə bə̀ teə nyaʼa kubrɨ mɨ̀mə̌d mɨjìm. Gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd. Mbə̀ zu ənû ze nɨ wɨə ghàə̀!”

Matìyò 21:22

Mbə mɨ berɨ ɨbenɨ, njɨ Ŋwìə̀ bɨrɨ naʼ ɨghɨjìm mbe nɨ mbə̀ kɔŋgɨ əməd nɔn ɨ bɔ.”

Mk 11:24

Əne mə ghà ɨ nən ni, ɨnû jìm mbe nɨ mbə̀ kɔŋgɨ ə Ŋwiə̀ nɔnə ɨ bɔ, mbə̀ ben ni mbə fə berɨ, əne mbɨ bɨrɨ yeʼ mbən.

Jn 14:13

Mə bɨrɨ ghɨ ənû ə mɔʼɔ ze nɨ mbə̀ biirɨ ənɨ mɨ ɨkum, ɨmbə̀ʼ ə bə̂d wumnɨ ə Mbǎʼ ənjìm ə Wan.

Jn 15:10

Mbə mɨ nùŋ tum rɨkə, mə bɨrɨ ghaʼ əwən, ɨchî nɨ mə̀ fə bə nùŋ tɨkə tɨ mɨ Mbǎʼ, əne məd ə bə̀ ghaʼ əmɨ.

Jn 15:7

Mbə mɨ chub ənɨ ənû ə mɔʼ mbɨ num, mɨ ɨŋgam bə̀ chub ɨŋga nən, mbə bɨrɨ biirɨ ənû ə mɔʼɔ ze nɨ mbə̀ kəbɨ, əne mɨ Mbǎʼ bɨrɨ ghɨ ənû ze ɨ nən.

Jn 6:29

Yeso nyaʼa wììrɨ̀ əmbɨ mɨ̀mə̌d ni, “Ənû ze nɨ Ŋwìə̀ kəbɨ yɨ ni: mbə̀ ben wə̀d we nɨ wɨ̀ nyaʼa tomɨ.”

Jn 8:29

Məd we nɨ nyaʼa tom əmɨ wɨ i mbɨ num. Chəi wɨ̀ saŋ əmɨ rə̀zìʼ, ɨmbə̀ʼ ɨghəm nɨ mə wɨə ghɨ̀ àmei ɨnû mbe nɨ bɔŋ ɨ bɔ.”

Jn 9:31

Tɨ̀ kyerɨ ni chəi Ŋwìə̀ ə zwetɨ ɨnû mbe nɨ bə̂d nɨə ghɨ̀ ɨnû rɨbɔ̀ŋ ə ghàə̀, àyɨə məd wɨə zwetɨ rɨ əmbɨ ə bə̂d mbe nɨə wumnɨ əməd bə ghɨ̀ə̀ ɨnû mbe nɨ wɨ̀ kəbɨ.

Ɨ̀fàʼì 17:30

Chəi Ŋwìə̀ nyaʼa zɨ ətu ənɨ ɨnû mbe nɨ bə̂d nyaʼa ghɨ̌ nɨ chəi mbɨ kyerɨ, àyɨə tɨ̀nîn ɨ wɨə ghà əmbɨ ə bə̂d mɨjìm ɨsɨ jìm ni mbɨ beŋ tə fîŋ.

Ɨ̀fàʼì 20:21

Mə wɨə nyaʼə ghà əmbɨ mɨ̀Jû bə̀ ghà əmbɨ ə bə̂d mbe nɨ kaʼi mɨ̀Jû ni mbɨ beŋ tə fîŋ wumnɨ ə Ŋwiə̀, bə̀ nùŋ fîŋ ɨgun a Ə̀nùŋɨ̀sɨg Yeso.

Fìlipì 4:18

Mə fə berɨ ɨghɨjìm mbe nɨ mə nyaʼa kwaŋɨ mbɨ nɔʼ chè. Mə fə berɨ ɨghɨjìm mbe nɨ mə̀ kwaŋɨ tɨ̀nîn nɨ Èpàfroditùs fə naʼ ɨkab we nɨ mbə̀ tom ɨ num. Ɨkab we yɨ ɨghabɨ ɨghɨ ə̀fà nɨə nyùʼrɨ ɨfɔ chɔ̀m əne ghɨ̀ə̀ ni fîŋ Ŋwìə̀ bɔŋ ə.

Kòlosè 1:10

Tɨ̀ wɨə kɔ̀ŋgɨ̀ əməd ɨmbə̀ʼ wɨ̀ ghɨ ni mbə̀ chub ɨchî nɨ Ə̀nùŋɨ̀sɨg kəbɨ. Tɨ̀ wɨə bə̀ kɔ̀ŋgɨ̀ə̀ ni mbə̀ sɨə ghɨ̀ ɨnû jìm mbe nɨ bɨrɨ ghɨ ni fîŋ məd bɔŋ ə. Ɨchî nɨ mbə̀ə chubə bɨrɨ ghɨ ni mbə ghɨ ɨ̀chɔ̀m ənɨ tɨkwɨrɨ ɨnə̂njɨ̀ nɔnɔʼ bə̀ ghɨ̀ ni mbə sɨə jeŋgɨə kyerɨ ə Ŋwiə̀ wò ɨmbì.

Mə̀Hibrù 13:21

naʼ ɨghɨ chɔ̀m jìm ɨ nən ɨmbə̀ʼ mbə ghɨ ɨnû mbe nɨ wɨ̀ kəbɨ. Wɨ̀ che ənjìm ə Yeso Kristo ghɨ̀ ɨnû mbe nɨ bɔŋ ɨ bɔ ɨŋga na. Tɨ̀ wumnɨ ə Yeso Kristo koŋ koŋ. À yɨ əne.

Jems 1:5

Wə̀d mɔʼɔ rəbɔʼ nən mɨ kwaŋ ɨwe, wɨ̀ nɔn rɨ əmbɨ ə Ŋwiə̀. Məd wɨə nàʼ ɨghɨ əmbɨ ə bə̂d mɨ̀jìm əbu əbu. Ɨ wɨə bə̀ nàʼ ənɨ ə fîŋ chɔ̀m. Wɨ̀ bɨrɨ naʼ ɨwe ɨ bɔ.

Jems 4:3

Mbə mbɨə nɔn ɨghɨ, àyɨə chəi mbɨə nàʼ ɨ nən ɨmbə̀ʼ ɨghəm nɨ mbə mbɨə nɔnə mbɨ rɨkɔndɨ rɨbɔ̀ŋ. Mbə mbɨə nɔn ɨmbə̀ʼ nɨŋ ghɨ̀ ɨnû mbe nɨ tə nyamnyod ə feenɨə.

Jems 5:16

Əne mbə ben tə rɨ̀gùrɨ-ɨnû əkaʼ nən mbənə mbənə, kɔ̀ŋgɨ̀ ə Ŋwiə̀ ɨgwɨ mbə bɔŋgɔb, ɨmbə̀ʼ Ŋwìə̀ ghɨ ni mbə̀ bɔtɨ. Ə̀kɔ̀ŋgɨ̀ ə wə̀d we nɨ təm kùʼnɨ̀, ə berɨ ɨka kyeŋ nɨ ghɨ ənû ze nɨ wɨ̀ kɔŋgɨ ə Ŋwiə̀ nɔn.

1 Jɔn 2:3

Tɨ̀ mɨ yeʼə nùŋə̀ rɨkə rɨ Ŋwiə̀, njɨ zɨə chwi ni tɨ̀ ə kyerɨ əməd.

1 Jɔn 5:14

Əton nɨ chəi tɨə bɔə ənɨ tɨə kɔŋgɨ ə Ŋwiə̀ yɨ ɨmbə̀ʼ ɨghəm nɨ tɨ̀ fə kyerɨ ni məd wɨə zu ɨnû mbe nɨ tɨə biirɨə əwù ze nɨ tɨ̀ biirɨ ɨchî nɨ wɨ̀ kəbɨ.