1 Jɔn 2:18 - Meta’

¹⁸ Mbɨ bɔn, nyùmə̀ we nɨ ɨsɨg ə wò nwìə̀ fə tiinɨ. Mbə nyaʼa fə zu ni wə̀d pə̀n Kristo wɨə yeʼe. Tɨ̀nîn bə̂d pə̀n Kristo nɔnɔʼ fə yeʼe. Əzɔ̂ ə fə ghɨ̀ tɨ̀ kyerɨ ni nyùmə̀ we nɨ ɨsɨg ə wò nwìə̀ fə tiinɨ.

Ikan feg

¹⁸ Ìmbum bɔn ne mə̀ taŋ kɔ̀ŋ, nyùmə̀ we ne isəg gho̰ biri nwḭ̀yḛ̀ fə tinde. Mbə̰ ya fə zug gha Wə̀d ìpàb Kristo we yèʼe. Amad anìŋ, bəd ìpàb Kristo nɔʼ nɔʼ fə yeʼe. Àzo̰ fə ghì tì kyèri gha nyùmə̀ we ne isəg gho̰ biri nwḭ̀yḛ̀ fə tinde.

1 Jɔn 2:18 교차 참조

Matìyò 24:11

Bə̂d ɨ̀kə̀n Ŋwiə̀ mɨghab nɔnɔʼ bɨrɨ jwɨ̀ əne fèbrɨ̀ bə̂d mɨ̀nɔnɔʼ.

Matìyò 24:24

Mə wɨə ghà əne ɨmbə̀ʼ ɨghəm nɨ bə̂d mbe nɨ Ŋwìə̀ zɔʼɔ mɨ̀ghab mbɨ ə bə̂d ɨ̀kə̀n Ŋwiə̀ mɨ̀ghab bɨrɨ nɨ jwɨ̀, əne ghɨ̀ ɨnweenɨ-ɨnû ka ka bə̀ ghɨ̀ ɨnû yiirɨ, ɨmbə̀ʼ ɨchî mɨ chwiə, mbɨ fèbrɨ̀ bə̂d mbe nɨ Ŋwìə̀ fə chɔʼɔ.

Matìyò 24:5

ɨmbə̀ʼ ɨghəm nɨ bə̂d mɨ̀nɔnɔʼ bɨrɨ yeʼe, əne nɨŋ mɨ ɨkum yènə̀ ghàə̀ ni, 'Mɔ̌ yɨə Wə̀d we nɨ Ŋwiə̀ zɔʼɔ.' mbɨ bɨrɨ gha əne fèbrɨ̀ bə̂d mɨ̀nɔnɔʼ.

Mk 13:6

Bə̂d mɨ̀nɔnɔʼ bɨrɨ yeʼe nɨŋ mɨ ɨkum yènə̀ ghàə̀ ni, 'Mɔ̌ yɨə wə̀d we nɨ Ŋwìə̀ zɔʼɔ!' Mbɨ bɨrɨ gha əne fèbrɨ̀ bə̂d mɨ̀nɔnɔʼ.

Jn 21:5

Wɨ̀ nyaʼa ghà əmbɨ mɨ̀mə̌d ni, “Mbɨ bɔn, mbə wa fə gywɨ̀ əgwi ə mɔʼɔ ə?” Mbɨ nyaʼa wììrɨ̀ ni, “Chə̂.”

Rm 13:11

Kaʼi əjìm əze, mbə̀ fə kàŋ kyerɨ ə nyùmə̀ wɔ̂ rɨ̀nîn. À yɨə nyùmə̀ ɨ nən nɨ nɔʼ rɨ əŋgwenɨ, ɨmbə̀ʼ ɨghəm nɨ ənû nɨ jwɨ rəŋgəʼ fə tiinɨ ɨban na tɨ̀nîn chè rɨ ənɨ nyùmə̀ we nɨ tɨ̀ nyaʼa be benɨ.

Rm 13:12

Ɨzimɨ fə kà chè, ɨtuʼ fə sɨə wo chɨg. Əne tɨ̀ waʼ ɨnû mbe nɨ bə̂d ə ghɨ̀ ɨŋga ɨsɨ firɨ, əne tìŋ ɨghɨ bid ɨmbə̀ʼ zɔŋ ənɨ ɨsɨ ə zeŋə.

Mə̀Hibrù 1:2

Àyɨə ɨŋga nyùmə̀ wɔ̂ nɨ sɨ nwìə̀, wɨ̀ fə ghàm ɨ na ənjìm i Wan we nɨ wɨ̀ nyaʼa nuŋ ənɨ əjɨnəb ɨgwɨ ɨghɨjìm. Wɨ̀ nyaʼa bə̀ chè ənjìm məd tekɨ ɨsɨg.

1 Pità 1:20

Ŋwiə̀ nyaʼa fə chɔʼ əməd bɔŋ wɨ̀ nyaʼə sɨə tekɨ ɨsɨg. Wɨ̀ fə ghɨ̀ ni bə̂d kyerɨ əməd ɨŋga ɨni mbɔ̂ nɨ sɨ nwìə̀. Wɨ̀ nyaʼa ghɨ̀ əne ɨmbə̀ʼ weerɨ əwən.

1 Pità 1:5

Ŋwìə̀ fə chè ənjìm i ɨka kən əwən ɨchî nɨ mbə̀ nuŋ fîŋ ɨgun ə Kristo, ɨmbə̀ʼ mbə̀ jwɨ rəŋgəʼ əwu rənjìm.

1 Pità 4:7

Ɨnwǐ ɨghɨjìm fə tiinɨ, əne mbə nuŋ mbə ɨtu mbɨ zeŋ bə̀ yimbɨ ə ɨnyod ɨmbə̀ʼ kyerɨ ɨchî nɨ kɔŋgɨ ə Ŋwiə̀.

2 Pità 2:1

Bə̂d ɨ̀kə̀n mɨghab mbɨə nyaʼa əkaʼ bə̂d mbɨ rəŋwe àmei ɨchî nɨ məchwiə̀-ɨnû mɨghab bɨrɨ bɨ yeʼ əkaʼ nən. Mbɨ bɨrɨ nyaʼrɨ yeʼe mbɨ mɨŋgam mɨghab ɨmbə̀ʼ ə Ŋwiə̀. Mɨŋgam mɨghab mbe yɨ mɨŋgam nɨ bɨrɨ nimnɨ bə̂d. Mbɨ bɨrɨ bɨ ton Mbǎʼ ə̀fàʼì mɨ̀mə̌d we nɨ nyaʼa choʼ ɨtu mɨ̀mə̌d. Mbɨ mɨ ghɨ̀ əne, Ŋwìə̀ bɨrɨ zambɨ nimnɨ mɨ̀mə̌d.

2 Pità 3:3

Ənû rɨtu nɨ mbə̀ berɨ nɨ kyerɨ yɨ ni ɨŋga ɨni mbe nɨ sɨ nwìə̀, məbaʼrɨ-bə̂d bɨrɨ yeʼe pè baʼrɨ əwən. Mbɨ bɨrɨ beenɨ əbɔʼ ɨnû mbe nɨ nyamnyod tɨ mɨ̀mə̌d ə feenɨə.

1 Jɔn 2:22

Wə̀d mɨghab kɨə we? Kaʼ à wa kɨ i wə̀d we nɨə ghàə̀ ni ka Yeso yɨ i wə̀d we nɨ Ŋwìə̀ zɔʼ ə? Wə̀d we nɨ ton ə Mbǎʼ bə̀ ton Wan yɨə wə̀d pə̀n Kristo.

1 Jɔn 4:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ ben ə wə̀d jìm we nɨ gha ni Əzwî ə Ŋwiə̀ ə zɨ ɨŋga məd, àyɨə mbə̀ zweʼrɨ ɨzwî jìm ɨmbə̀ʼ zə ni mbɨ yɨ rɨ əmbɨ ə Ŋwiə̀ kɨ̀ chə, ɨmbə̀ʼ ɨghəm nɨ bə̂d ɨ̀kə̀n mɨghab nɔnɔʼ fə jàŋ ɨŋga ɨsɨg.

1 Jɔn 4:3

Chəi Əzwî ə Ŋwìə̀ ɨŋga wə̀d jìm we nɨ chəi wɨ̀ ben ə Yeso. Əzwî ze nɨ yeʼ ɨŋga məd yɨ rɨ əmbɨ ə wə̀d pə̀n Kristo. Mbə nyaʼa fə zu ni əzwî ze ə bɨrɨ yeʼe, əne tɨ̀nîn ə zɨə sɨ i ɨŋga ɨsɨg.

2 Jɔn 1:7

Mətambɨ-bə̂d mɨ̀nɔnɔʼ fə jàŋ ɨŋga ɨsɨg. Chəi mbɨ ben ni Yeso Kristo nyaʼa yeʼe ɨŋga ɨsɨg ɨŋga nyamnyod wə̀d mɨ̀sɔŋɨchù. Ɨkwɨ wə̀d ɨghabɨ wɔ̂ yɨ ətambɨ-bə̂d fɔrɨ wə̀d pə̀n Kristo.

Jûd 1:18

Mbɨ nyaʼa ghà ɨ nən ni, “Ɨŋga ɨni mbe nɨ sɨ nwìə̀, məbaʼrɨ-bə̂d bɨrɨ yeʼe. Mbɨ bɨrɨ beenɨ əbɔʼ ɨnû mbe nɨ nyamnyod tɨ mɨ̀mə̌d ə feenɨə. Ɨnû mbe mbɨə ghɨ̀ə̀ ni tɨ mbɨ wumnɨ ə Ŋwiə̀.”