1 Jɔn 1:1 - Meta’

¹ Tɨ̀ wɨə ŋwàʼnɨ̀ ə̀ŋwàʼnɨ̀ zɔ̂ ɨ nən ɨmbə̀ʼ Ɨŋgam. Ɨŋgam we wɨə nyaʼa i əŋgu bɔŋ Ŋwìə̀ nyaʼa sɨə tekɨ ɨsɨg. Tɨ̀ nyaʼa zu əməd ənɨ wɨ̀ nyaʼə ghàm ɨ na. Tɨ̀ nyaʼa kàŋ zə əməd mbǎ mbǎ. Tɨ̀ nyaʼa nèŋ əməd bə̀ kàŋ bètɨ̀ əməd mbǎ mbǎ. Ɨŋgam we wɨə ghɨ̀ ni bə̂d jɨg ɨ̀tènɨ̀.

Ikan feg

¹ Tì ya ŋwàʼrà àŋwàʼrì azo̰ inən anìŋ ni ghà inug imbə̀ʼ Ìngam we ne ghìyə̀ bəd jəghə ìtḛ̀. À ya Ìngam we ne ya yaʼi bɔŋ Ŋwiye ya se tànga isəg. Tì ya zug inug kwàʼ ibo ichug anyumə̀ ne wì yaya ghàmà ina. Tì ya bàd aməd kwàʼ mba mba. Tì ya taŋ nèn aməd. Tì ya bə̀ bètì aməd kwàʼ ane ìmba ibo.

1 Jɔn 1:1 교차 참조

Lk 1:2

Mbɨ nyaʼa ŋwàʼnɨ̀ àmei ɨchî nɨ bə̂d mbe nɨ nyaʼa zə ɨnû mbe tɨ ənɨ mbɨ nyaʼa kɔ nyaʼa gha ɨ na. Bə̂d mbɔ̂ yɨ mbe nɨ nyaʼə ghà ɨkə̂n chɔ̀m.

Lk 24:39

Mbə neŋ mbɨ ɨbɔ mbɨ mbɨ ɨwu zə ni à yɨə kaŋ ə mɔ̌. Mbə betɨ əmɨ zə ni à yɨə kàŋ ə mɔ̌, ɨmbə̀ʼ ɨghəm nɨ chəi wə̀d əfub berɨ nyamnyod mbɨ ɨwu ɨchî nɨ mbə zə ni mə berɨ.”

Jn 19:35

Wə̀d we nɨ nyaʼa zə ənû zɔ̂ fə ghà ɨmbə̀ʼ əzɨ əwən, ɨmbə̀ʼ mbə̀n bə̂ bə̀ benɨ. Məd ziə ə kyerɨ ni ənû ze nɨ wɨ̀ ghǎ yɨ ənû rəsìʼ.

Jn 20:27

Ənɨ wɨ̀ nyaʼa ghà əne, wɨ̀ nyaʼa ghà əmbɨ Tomas ni, “Zɨ fe fi əbɔ əgha bə̀ zə mbɨ ɨbɔ. Sem e əbɔ zɨ ɨŋga fum ɨbeŋ. Tɨrə̀ bə̀ bìd e, benɨ!”

Jn 5:26

Ɨchî nɨ ɨ̀tènɨ̀ yeʼ ɨŋga Mbǎʼ ziə, məd wɨə nàʼ ɨ̀tènɨ̀ əmbɨ ə bə̂d, əne wɨ̀ fə bə̀ ghɨ̀ ni Wan nàʼ ɨ̀tènɨ̀ əmbɨ ə bə̂d.

Jn 8:58

Yeso nyaʼa ghà əmbɨ mɨ̀mə̌d ni, “Mə ghà rəsìʼ ɨ nən ni bɔŋ mbɨ nyaʼa sɨə gywɨ ə Abràham, mə nyaʼa fə sɨ əmɨ əŋgu!”

Ɨ̀fàʼì 1:3

Ənɨ wɨ̀ nyaʼa fə zə ŋgəʼ, kwɨ, wɨrɨ zwemə, wɨ̀ nyaʼa chwi i ɨnyod əmbɨ mɨ̀mə̌d ənɨ ɨnweenɨ nɔnɔʼ ɨmbə̀ʼ mbɨ kyerɨ ni tə wɨ ɨkǎ. Ɨ wɨə nyaʼə jwɨ̀ ɨfě mɨ̀mə̌d ɨŋga ɨni ɨwum kwè. Wɨ̀ nyaʼa mɨ jwɨ̀, wɨ̀ ghà əmbɨ mɨ̀mə̌d ɨmbə̀ʼ ənû ɨfɔ̀n ə Ŋwiə̀.

Ɨ̀fàʼì 4:20

Chəi tɨ̀ bɨrɨ sob nɨ gha ɨnû mbe nɨ tɨ̀ fə zə bə̀ zu.”

Mə̀Hibrù 2:3

Tɨ̀ kɨə wò nod ɨchə we rɨ ye ənɨ chəi tɨ̀ zɨ ətu ənɨ ənû ə kyeŋ ze ni Ŋwìə̀ bɨrɨ chɨ̀ əwa rəŋgəʼ ə? À yɨ Ə̀nùŋɨ̀sɨg ziə nyaʼa bè ghà ɨmbə̀ʼ əzɨ əwən. Bə̂d mbe nɨ nyaʼa zu nyaʼa bə̀ ghɨ̀ tɨ̀ kyerɨ ni à yɨ rəsìʼ ni Ŋwìə̀ bɨrɨ chɨ̀ əwa rəŋgəʼ.

1 Jɔn 4:14

Tɨ̀ nyaʼa fə zə, əne tɨ̀ wɨə ghà əmbɨ ə bə̂d ni Mbǎʼ nyaʼa tom i Wan ni wɨ̀ yeʼ wə̀d nɨə chɨ̀ ɨsɨg jìm rəŋgəʼ.

1 Jɔn 5:7

Mɨ̀zərɨmbin mɨ̀tad mbɨə ghàə̀ ni ənû zɔ̂ yɨ ənû rəsìʼ.

Ɨnû 1:11

ni, “Ŋwaʼnɨ ɨnû mbe nɨ àwɔ̀ ə zəə. À mɨ ŋwàʼnɨ̀, à tom əmbɨ rɨfetɨ bə̂d Kristo te sambe: əmbɨ ɨfetɨ wɨ rɨ ə Efesùs, əmbɨ we rɨ ə Smainà, əmbɨ we rɨ ə Pegamùm, əmbɨ we rɨ ə Tìatirà, əmbɨ we rɨ ə Sadìs, əmbɨ we rɨ ə Fìlàdelfià fɔrɨ əmbɨ we rɨ ə Laodisià.”

Ɨnû 1:8

Ə̀nùŋɨ̀sɨg Ŋwìə̀ we nɨ yeʼ rɨ̀nîn, nɨ nyaʼa bei əŋgu, nɨ bɨrɨ wɨrɨ yeʼe, ə ghà ni, “Mɔ̌ yɨə Alfà fɔrɨ ə Omegà.”

Ɨnû 19:13

Wɨ̀ nyaʼa zɨ̀ ngywɨ̌ nɨ mbɨ nyaʼa chub ɨŋga ənəm. Ɨkum məd yɨ Ɨŋgam Ŋwiə̀.

Ɨnû 2:8

Ə̀nùŋɨ̀sɨg nyaʼa bə̀ ghà ɨ num ni: “Ŋwaʼnɨ əmbɨ aŋgɨrə̀ we nɨ yeʼ ɨŋga ɨfetɨ bə̂d Kristo we rɨ ə Smainà ni, 'Ɨŋgam wɔ̂ yɨ rɨ əmbɨ wɨ rɨtu nɨ bə̀ yeʼ we nɨ sɨ nwìə̀, nɨ nyaʼa kwɨ wɨrɨ zwemə.