1 Kɔrèn 9:21 - Meta’

²¹ Ənɨ mə̀ yeʼ əkaʼ bə̂d mbe nɨ chəi mbɨə nùŋ rɨkə, mə yɨ ɨghabɨ ə wə̀d nɨ chəi wɨə nùŋ rɨkə, ka à be yeʼi ni chəi mɨə nùŋ rɨkə te, àyɨə mə wɨ əton rɨkə Kristo, ɨmbə̀ʼ mə̀ ghɨ ni bə̂d mbe nɨ chəi mbɨə nùŋ tɨkə rɨ Ŋwiə̀ ben ə Kristo.

Ikan feg

²¹ Anyumə̀ ne mə̀ yaʼi tì bəd ne kayi mə̀Ju, ne chəyi mbi kyeri mə̀nɔ̀ʼɔ̀ Muse, mə̀ ya ghìyə̀ inug icheg wə̀d abɔ̀ʼ inɔb ni ghì gha mbe bḛ Kristo. Kayi ni gha chəyi mə zùgrə mə̀nɔ̀ʼɔ̀ Ŋwiye. Mo ya kwàʼ wə̀d ne zùgrə mə̀nɔ̀ʼɔ̀ Kristo. Mə ya zùgrə mə̀nɔ̀ʼɔ̀ Kristo ni ghì gha bəd ne chəyi mbi beri mə̀nɔ̀ʼɔ̀ mbe pum.

1 Kɔrèn 9:21 교차 참조

Ɨ̀fàʼì 15:28

Zɨə bɔ̀ŋ əmbɨ Əzwî ə Zeŋɨ bə̀ bɔ̀ŋ ɨ na ni tɨ rɨ̀ nyeŋ a ɨnû cherə ɨgwɨ nən chè rɨ ənɨ mbɔ̂ nɨ mbə berɨ nɨ ghɨ̀.

Ɨ̀fàʼì 16:4

Ɨchî nɨ mbɨ nyaʼə yèn ɨsɨ ɨsɨ, mbɨ nyaʼə yènə̀ ghàə̀ tɨkə te nɨ bə̂d tom mbɨ ə bə̂d mbe nɨ nyaʼə chà ɨfetɨ we rɨ ə Jèrusalèm nyaʼa ben ni mbɨ nuŋ ə. Mbɨ nyaʼa ghà əmbɨ mɨ̀mə̌d ni mbɨ nuŋ tɨkə te rɨjìm.

Ɨ̀fàʼì 21:25

À yeʼ ɨmbə̀ʼ bə̂d mbe ni kaʼi mɨ̀Jû nɨ fə ben ə Kristo, tɨ̀ fə cha ə̀ŋwàʼnɨ̀ əmbɨ mɨ̀mə̌d nɨ gha ni tɨ̀ fə sob ni tɨ mbɨ jɨg ə əghɨ ə mɔʼɔ ze nɨ mbɨ naʼ ənɨ əghɨ ə̀fà əmbɨ mbɨ̀anèŋ, ni tɨ mbɨ jɨg ə ənəm, ni tɨ mbɨ kud ə nyam nɨ mbɨ sweenɨ fɔrɨ ni tɨ mbɨ ghɨ̀ ə ɨfabrɨ-ɨnû.”

Rm 2:12

Bə̂d mɨjìm mbe nɨə ghɨ̀ ɨnû rɨbɔ̀ŋ, nɨ chəi mbɨ kyerɨ tɨkə rɨ Mose, bɨrɨ nim ɨghabɨ bə̂d nɨ chəi mbɨ kyerɨ tɨkə te. Àyɨə Ŋwìə̀ bɨrɨ nɨŋ tɨkə rɨ Mose saʼ bə̂d mɨ̀jìm mbe nɨ kyerɨ rɨkə, àyɨə ɨ mbɨə kɨrɨ ghɨ ɨnû rɨbɔ̀ŋ,

Rm 2:14

Ənɨ bə̂d mbe nɨ kaʼi mɨ̀Jû, nɨ chəi mbɨ kyerɨ tɨkə rɨ Mose, ghɨ ɨnû mbe nɨ yeʼ ɨŋga rɨ̀kə̌ ɨchî nɨ zɨə nɔʼ rɨŋga fîŋ tɨ mɨ̀mə̌d, əne mbɨ fə chwi ni tɨkə te tɨ ɨŋga fîŋ tɨ mɨ̀mə̌d, ka à be yeʼi ni chəi mbɨ kyerɨ tɨkə rɨ Mose.

Rm 7:22

Mə kàŋ ghaʼ tɨkə rɨ Ŋwiə̀ ənɨ mɨ fîŋ jìm,

Rm 7:25

Mə wɨə nàʼə̀ məben-əwe əmbɨ ə Ŋwiə̀ ənjìm ə Yeso Kristo a Ə̀nùŋɨ̀sɨg! Ɨŋga mɨ fîŋ, mɔ̌ yɨ ə̀bòʼò əmbɨ tɨkə rɨ Ŋwiə̀, àyɨə əmbɨ mɨ nyamnyod, mɔ̌ yɨə ə̀bòʼò əmbɨ rɨkə te nɨə ghɨ̀ ni wə̀d ghɨ ɨnû rɨbɔ̀ŋ.

Rm 8:4

Ŋwiə̀ nyaʼa ghɨ̀ əne ɨmbə̀ʼ ɨnû mbe nɨ kuʼnɨ ɨchî nɨ zɨə yeʼ ɨŋga rɨ̀kə̌ mbɨ jwɨ ənɨ rəsìʼ ɨŋga mba mbe nɨə chub ɨchî nɨ Əzwî ə kəbɨ, kaʼi ɨchî nɨ nyamnyod kəbɨ.

Gàlesìyà 3:2

Mbə̀ sɨ mə biirɨ àmei ənû zɔ̂ ə mɔʼ ɨ nən: Ŋwìə̀ wa nyaʼa nàʼ əzwî ɨ nən ɨmbə̀ʼ ɨchî nɨ mbə̀ nyaʼa ghɨ ɨnû mbe nɨ yeʼ ɨŋga rɨ̀kə̌, kɨ̀ ɨmbə̀ʼ ɨchî nɨ mbə̀ nyaʼa ben ənû ze nɨ mbə̀ nyaʼa zu ə?

Gàlesìyà 6:2

Wə̀d mɔʼɔ mɨ yeʼ ə ŋgəʼ, mbə̀ weerɨ əməd. Mbə mɨ ghɨ̀ əne, njɨ mbə fə nùŋ ɨkə we nɨ Kristo nyaʼa naʼ ɨ na.

Mə̀Hibrù 8:10

Ə̀nùŋɨ̀sɨg ə ghà ni, fɨso fe nɨ mə̀ bɨrɨ san mbɨ mɨ̀Izre yɨ ni: ənɨ ɨni mbe fə che i, mə bɨrɨ zɨ tum rɨkə ɨŋga ɨtu mɨ̀mə̌d, bə̀ ŋwàʼnɨ̀ ɨŋga fîŋ tɨ mɨ̀mə̌d. Mə bɨrɨ yeʼ Ŋwìə̀ mɨ̀mə̌d, mɨ̀mə̌d bə̀ yeʼ mbɨ bə̂d.