1 Kɔrèn 8:10 - Meta’

¹⁰ Wə̀d mɔʼɔ we nɨ fîŋ məd bɔrɨ mɨ zə əwe, àwɔ̀ nɨ berɨ ɨwe, nɨ àwɔ̀ ə jɨg ɨŋga mbàn anèŋ, ka wɨ̀ wa bɨrɨ ghaʼi nɨ bɨ jɨg ɨghɨ mbe nɨ mbɨ naʼ ənɨ ɨghɨ ə̀fà əmbɨ mbɨ̀anèŋ ə?

Ikan feg

¹⁰ Mbə̰ mbe ne gha mbə̰ bèrì iwe, mbə̀ niŋ gha, wə̀d ne ibḛfiŋ məd bɔri wè bàd awən ne mbə̰ mbe jə̀ghə inga jə mə̀ŋwiye, imbə̀ʼ àze biri ghì gha wì se jə̀ghə ane ighi mbe ne mbe nàʼà abə mə̀ŋwiye?

1 Kɔrèn 8:10 교차 참조

Ɨ̀fàʼì 15:20

Àyɨə tɨ̀ ŋwaʼnɨ əmbɨ mɨ̀mə̌d ni tɨ mbɨ jɨg ə tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ, ni tɨ mbɨ ghɨ̀ ə ɨfabrɨ-ɨnû, ni tɨ mbɨ kud ə nyam te nɨ mbɨ sweenɨ mbɨ ni tɨ mbɨ jɨg ə ənəm.

Rm 14:14

Ɨchî nɨ mə̀ yeʼ ənɨ ɨfɔtɨ mbɨ Ə̀nùŋɨ̀sɨg Yeso, mə kyerɨ ni chəi əghɨjɨg ə mɔʼɔ nɨ zɨ̀ rɨka zeŋ i ɨfě Ŋwiə̀. Əghɨjɨg ə mɔʼɔ ze tɨ̀ zɨə chubɨ zɨ rɨ zeŋ əmbɨ wə̀d we nɨ kɔndɨ ni zɨ rɨka zeŋ i.

Rm 14:23

Ŋwiə̀ bɨrɨ zɨ ɨsaʼi ɨgun ə bə̂d mbe nɨə bid ɨkwɨ əghɨjɨg ə mɔʼɔ bɔŋ wɨrɨ jɨg, ɨmbə̀ʼ ɨghəm nɨ chəi mbɨə jɨg ənjìm ɨbenɨ. Ənû ə mɔʼɔ ze nɨ wə̀d ə ghɨ̀ə̀ nɨ chəi zɨə yeʼe rɨ ənɨ ɨbenɨ yɨ ənû rɨbɔ̀ŋ.

1 Kɔrèn 10:32

Mbə̀ we əwən ni tɨ mbə̀ ghɨ ə ənû ə mɔʼɔ ze nɨ bɨrɨ ghɨ ni mɨ̀Jû kɨ̀ bə̂d mbe nɨ kaʼi mɨ̀Jû kɨ̀ bə̂d rɨŋga ɨfetɨ bə̂d Ŋwiə̀ gu ənû.

1 Kɔrèn 8:4

Əne, mə wɨə kəb gha ɨmbə̀ʼ tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ: Tɨ̀ kyerɨ ni, “Kaʼ anèŋ yɨ i əghɨ nɨ yeʼ ɨkǎ” ɨchî nɨ mbə̀n mɨmɔʼɔ ə ghàə̀. Tɨ̀ bə̀ kyerɨ ni, “Ŋwìə̀ mei we mɔʼ” ɨchî nɨ mbə̀n mɨmɔʼɔ ə bə̀ ghàə̀.

1 Kɔrèn 8:7

Àyɨə kaʼi wə̀d jìm kyerɨ ənû zɔ̂. Bə̂d mɔʼɔ mbe nɨ fə jeŋgɨ mə̀d mbɨ mbɨ̀anèŋ mɨ yeʼə jɨgə tɨkwɨ rɨjɨg tɔ̂, ɨ mbɨə kɨrɨ kɔndɨə ni à yɨ rɨjɨg nɨ mbɨ naʼ ənɨ əghɨ ə̀fà əmbɨ mbɨ̀anèŋ. Əne fîŋ tɨ mɨ̀mə̌d te nɨ bɔrɨ tɨə saʼə mɨ̀mə̌d, mbɨ sɨə kɔndɨə ni mbə mbɨ rɨzeŋ.

1 Kɔrèn 8:9

Mbə̀ we əwən ni tɨ ɨchî nɨ tɨ mbə̀ jɨg əghɨ ə mɔʼɔ kɨ̀ ɨchî nɨ chəi ənɨ tɨ̀ mbə̀ jɨg ə ghɨ ni bə̂d mbe nɨ ɨbenɨ mɨ̀mə̌d bɔd gu ənû.