1 Kɔrèn 6:9 - Meta’

⁹ Chəi mbə̀ kyerɨ ni chəi bə̂d mbe nɨə ghɨ̀ ɨnû rɨbɔ̀ŋ bɨrɨ jɨg ənû ɨfɔ̀n ə Ŋwiə̀ ə? Tɨ wə̀d mɔʼɔ tambɨ i əwən: chəi bə̂d mbe nɨə ghɨ̀ ɨfabrɨ-ɨnû bɨrɨ nɔ jɨg ənû ɨfɔ̀n ə Ŋwiə̀, kɨ̀ mbe nɨə wumnɨ mbɨ̀anèŋ, kɨ̀ mbe nɨə niirɨə məyi kɨ̀ mbaŋə̀, kɨ̀ mbaŋə̀ nɨə niə tɨ cherə,

Ikan feg

⁹ Àkə Chəyi mbə̀ kyeri gha chəyi bəd ne ghìyə̀ inug izəg biri nyi inga anug ìfɔ̀n Ŋwiye? Imbə̀ʼ wə̀d tàmba yi ìwi nyɔd ka! Chəyi bəd ne fànà biri nyi inga anug ìfɔ̀n Ŋwiye, kə̀ bəd ne ghùmnə mə̀ŋwiye, kə̀ mə̀yi nami ne nɔ̀kɔ̀ mbaŋà ndəŋ fɔrɔ mbaŋà ne nami ne nɔ̀kɔ̀ àyi ndəŋ, kə̀ mbaŋà ne chəyi zi nami ne nɔ̀kɔ̀ àyi, kə̀ mbaŋà ne nɔ̀kɔ̀ mbaŋà,

1 Kɔrèn 6:9 교차 참조

Matìyò 19:29

Wə̀d jìm we nɨ saŋ ti nəb, kɨ̀ mbi bɔŋgɔb mbaŋə̀ kɨ̀ mbɨ məyi, kɨ̀ i mbǎʼ, kɨ̀ i nɨŋ, kɨ̀ mbi bɔn, kɨ̀ mbi ɨsɨ si ɨmbə̀ʼ beenɨ əbɔʼ num, bɨrɨ wɨrɨ berɨ ɨghɨ ɨghəm ɨkɨ fibɨ̀, bə̀ jɨg ɨ̀tènɨ̀ rɨ mì.

Matìyò 25:34

Əne ɨfɔ̂n we bɨrɨ gha əmbɨ ə bə̂d mbe nɨ yeʼ əbɔ ə jɨgɨ ni, 'Mbə̀ yeʼe, kyɨə mbə̀n mbe nɨ mɨ Mbǎʼ fə zɨ əbɔrəbɔd ɨgwɨ nən. Mbə̀ yeʼe jɨg ənû ɨfɔ̀n ze nɨ mɨ Mbǎʼ nyaʼa fə tekɨ nùŋ ɨ nən tɨ ənɨ wɨ̀ nyaʼa tekɨ ɨsɨg.

Lk 21:8

Wɨ̀ nyaʼa wììrɨ̀ ni, “Mbə we əwən ɨmbə̀ʼ tɨ wə̀d mɔʼɔ ghɨ i ni mbə̀ febə, ɨmbə̀ʼ ɨghəm nɨ bə̂d mɨ̀nɔnɔʼ bɨrɨ yeʼe nɨŋ mɨ ɨkum yènə̀ ghàə̀ ni, 'Mə yɨ wɨwən!' fɔrɨ ni, 'Nyùmə̀ fə tiinɨ!' Tɨ̀ mbə beenɨ ə əbɔʼ mɨ̀mə̌d.

Ɨ̀fàʼì 20:32

“Tɨ̀nîn mə fə zɨ̀ əwən ɨŋga rɨkyerɨ-ɨbɔ Ŋwiə̀ bə̀ zɨ̀ ɨŋga ɨŋgam məd we nɨə ghɨ̀ə̀ ni wɨ̀ ghɨ̀ ɨ̀chɔ̀m ənɨ nən. Ɨkə̂n chɔ̀m we tɨ̀ wɨ ghɨ̀ mbə kwi kàànɨ̀ bə̀ ghɨ̀ mbə jɨg ɨghɨ mbe nɨ Ŋwiə̀ nuŋ əmbɨ ə bə̂d mɨ̀jìm mbe nɨ wɨ̀ zeŋnɨ.

Ɨ̀fàʼì 24:25

Àyɨə ənɨ Pɔ̂l nyaʼə kɔ gha ɨmbə̀ʼ ɨnû nɨ kuʼnɨ, ɨmbə̀ʼ ənû nɨ yimbɨ ɨnyod bə̀ fɔrɨ ɨmbə̀ʼ ənû nɨ Ŋwiə̀ bɨrɨ saʼ wə̀d jìm, Felìz nyaʼa bɔ ghà ni, “À we tɨ̀ à sɨ wò e rɨ̀nîn. Ənɨ mə wɨrɨ berɨ əpan ə cherə, mə bɨrɨ tɔŋ e.”

Rm 1:18

Ŋwìə̀ we nɨ yeʼ ɨkaŋ wɨə chwi ni tə wɨə sə ɨtəm əbɔʼ ə bə̂d mbe nɨ chəi mbɨə wumnɨ əməd. Ɨ wɨə bə̀ sə əbɔʼ mbe nɨə ghɨ̀ ɨzɨg, ɨmbə̀ʼ ɨghəm nɨ ɨzɨg mɨ̀mə̌d wɨə kənə ni tɨ bə̂d kyerɨ ə rəsìʼ ɨmbə̀ʼ əməd.

1 Kɔrèn 15:33

Tɨ wə̀d mɔʼɔ tambɨ i əwən, àyɨə mbə̀ kyerɨ ni: “Mɨsə̀ʼ rɨbɔ̀ŋ mbɨə chə̀kɨ̀ə̀ bə̂d chɔ̀m.”

1 Kɔrèn 15:50

Bɔŋgɔb, ənû ze nɨ mɨə ghà ɨ nən yɨ ni, chəi əghɨ ze nɨ berɨ nyamnyod bə̀ berɨ ənəm ə ze tɨ̀ zɨə jɨg ənû ɨfɔ̀n ə Ŋwìə̀. Chə bəi əghɨ ze nɨə kwɨə ə ze tɨ̀ zɨə jɨg ɨghɨ mbe nɨ chəi mbɨə kwɨə.

1 Kɔrèn 3:16

Chəi mbə̀ kyerɨ ni mbə yɨə mbàn Ŋwìə̀ mbɨ ni Əzwî ə Ŋwiə̀ ə zɨ ɨŋga nən ə?

1 Kɔrèn 5:1

Mə fə kàŋ zu ənɨ bə̂d ə ghàə̀ ni əfabɨrɨ-ənû ə zɨ əkaʼ nən, nɨ yeʼ ɨkwɨ mɔʼɔ we nɨ chə bei əkaʼ bə̂d mbe nɨ chəi mbɨə wumnɨ ə Ŋwiə̀. Mə fə zu ni mbaŋə̀ mɔʼɔ zɨə ni ɨwi i mbǎʼ.

1 Kɔrèn 5:10

Kaʼi mə̀ gha bə̂d rɨŋga ɨsɨg wɔ̂ nɨə ghɨ̀ ɨfabrɨ-ɨnû, kɨ̀ mbe nɨə ghɨ̀ əjə, kɨ̀ mbe nɨə jɨə, kɨ̀ mbe nɨə wumnɨ mbɨ̀anèŋ. Mbə mɨ kəb ghɨ əne, njɨ mbə berɨ jwɨ rɨŋga ɨsɨg wɔ̂.

1 Kɔrèn 5:11

Àyɨə rɨ̀nîn, mə wɨə ŋwàʼnɨ̀ ɨ nən yeʼ ni tɨ mbə̀ jɨg ə̀sə̀ʼ mbɨ wə̀d mɔʼɔ we nɨ gha ni tə ben ə Kristo, àyɨə ɨ wɨə kɨrɨ ghɨ ɨfabrɨ-ɨnû, kɨ̀ ɨ wɨə ghɨ̀ əjə, kɨ̀ ɨ wɨə wumnɨ mbɨ̀anèŋ, kɨ̀ ɨ wɨə chə̀kɨ̀ rɨkum bə̂d, kɨ̀ ɨ wɨə nɔə beə, kɨ̀ ɨ wɨə jɨə. Tɨ mbə̀ be jɨg ə mbɨ ɨkwɨ wə̀d wɔ̂.

1 Kɔrèn 6:10

kɨ̀ mɨjɨ, kɨ̀ bə̂d mbe nɨə ghɨ̀ əjə, kɨ̀ mbe nɨə nɔə beə, kɨ̀ mbe nɨə chə̀kɨ̀ rɨkum bə̂d, kɨ̀ mɨjɨ bagɨ.

1 Kɔrèn 6:18

Mbə̀ ton ɨfabrɨ-ɨnû! Chəi ɨnû rɨbɔ̀ŋ jìm cherə mbe nɨ bə̂d ə ghɨ̀ ə bètɨ̀ə̀ nyamnyod, àyɨə wə̀d we nɨə ghɨ̀ ɨfabrɨ-ɨnû wɨə ghɨ̀ ɨnû rɨbɔ̀ŋ ənɨ i nyamnyod.

1 Kɔrèn 6:19

Chəi mbə̀ kyerɨ ni tə nyamnyod yɨə mbàn əmbɨ Əzwî ə Zeŋɨ ze nɨ yeʼ ɨŋga nən, nɨ Ŋwìə̀ nyaʼa naʼ ɨ nən ə? Ka tə nyamnyod yɨ i tən.

1 Kɔrèn 9:24

Chəi mbə̀ kyerɨ ni ənɨ ə̀nòtɨ̀, bə̂d mɨ̀jìm mbɨə nòrə̀, àyɨə àmei wə̀d mɔʼ we ə nɨŋ ɨchwɨ ə? Əne mbə̀ notə ənɨ ɨkwɨ ɨnə̂njɨ̀ nɨ tɨ̀ mbə̀ nɨŋ ɨchwɨ we.

2 Kɔrèn 12:21

Mə wɨə bɔə ni ənɨ mə̀ wɨrɨ yeʼe, Ŋwìə̀ we nɨ mɨə wumnɨə bɨrɨ swi əmɨ ɨfě nən. Mə wɨə bə̀ bɔə ni mə bɨrɨ dì ɨmbə̀ʼ bə̂d mɨ̀nɔnɔʼ mbe nɨ nyaʼa kweʼ ghɨ̀ ɨnû rɨbɔ̀ŋ àyɨə chəi mbɨ kɨrɨ beŋ tə fîŋ tɨ ənɨ ɨnyɔɔnɨ-ɨnû, tɨ ənɨ ɨfabrɨ-ɨnû bə̀ fɔrɨ tɨ ənɨ ɨnyamnɨ-ɨnû mbe nɨ mbɨ nyaʼə ghɨ̀ə̀.

Gàlesìyà 6:7

Tɨ mbə̀ tambɨ ə ɨnyod. Chəi wə̀d nɨ tɨ̀ wɨ̀ baʼrɨ ə Ŋwiə̀. Wə̀d bɨrɨ kwəŋ àmei əghɨ ze nɨ wɨ̀ konɨ.

Kòlosè 3:5

Əne mbə zwiirɨ ɨghɨ rɨ ɨgwɨ ə si mbe nɨ tə nyamnyod ə feenɨə. Əne yɨ ənû nɨ niirɨ məyi kɨ̀ mbaŋə̀ əbəŋ əbəŋ, ənû nɨ ghɨ ɨnyɔɔnɨ-ɨnû, ənû nɨ feenɨ əyi kɨ̀ mbaŋə̀, tɨkɔndɨ ɨmbə̀ʼ ɨnû rɨbɔ̀ŋ, ənû nɨ ghɨ əjə. (Əjə yɨ ənû nɨ wumnɨ anèŋ.)

Mə̀Hibrù 12:14

Mbə̀ kywɨ ənywɨ zə ni mbə̀ chub ənɨ əbɔrəbɔd mbɨ ə bə̂d mɨ̀jìm, bə̀ kywɨ ənywɨ zə ni mbə̀ chub ɨzeŋɨ zeŋɨ, ɨmbə̀ʼ ɨghəm nɨ chəi wə̀d we nɨ rɨka zeŋ i bɨrɨ nɔ zə Ə̀nùŋɨ̀sɨg.

Mə̀Hibrù 12:16

Mbə̀ zə ni tɨ wə̀d mɔʼɔ ni i məyi kɨ̀ mbaŋə̀ əbəŋ əbəŋ, bə̀ zə ni tɨ wə̀d mɔʼɔ chub i nɨ chəi wɨə bɔ ə Ŋwìə̀ ɨchî nɨ Esaò nyaʼa ghɨ̌. Wɨ̀ nyaʼa fen i ɨkyěŋ ɨghabɨ ə wan-fə̀d ənɨ əkaŋ əghɨjɨg.

Mə̀Hibrù 13:4

Wə̀d jìm yim ɨnamɨ mbɨ ɨwumnɨ. Tɨ mbə̀ ghɨ̀ ə ɨfabrɨ-ɨnû, ɨmbə̀ʼ ɨghəm nɨ Ŋwìə̀ bɨrɨ saʼ bə̂d mbe nɨə ghɨ̀ ɨfabrɨ-ɨnû, bə̀ saʼ mbe nɨə ni məyi kɨ̀ mbaŋə̀ əbəŋ əbəŋ.

Jems 1:16

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ wə̀d mɔʼɔ tambɨ i əwən.

1 Jɔn 3:7

Mbɨ bɔn nɨ mə̀ ghaʼi kwàʼ rɨŋgəʼ, tɨ mbə̀ ben ə ni wə̀d mɔʼɔ tambɨ əwən. Wə̀d we nɨə ghɨ̀ ɨnû nɨ kuʼnɨ ə təm kùʼnɨ̀ ɨchî nɨ Kristo bə təm kùʼnɨ̀.

Ɨnû 21:8

Àyɨə ɨkwèd, bə̂d nɨ chəi mbɨ wɨrɨ ben ə Kristo, mbe nɨə ghɨ̀ ɨnû rɨbɔ̀ŋ yiirɨ yiirɨ, mbe nɨə zwiirɨə mbɨ cherə, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə ghɨ̀ mɨ̀sà, mbe nɨə wumnɨ mbɨ̀anèŋ mbɨ ə bə̂d mɨghab mɨ̀jìm, bɨrɨ nwi ɨŋga əsɨ ze nɨ ɨwid kyeŋ we nɨ sɔlfò ə ghɨ̀ ni wɨ berɨə. Wɔ̂ yɨ ɨvɨ we nɨ pe ənɨ wɨ be.”

Ɨnû 22:15

Bə̂d mbe nɨ yeʼ ɨsɨg yɨə mbe nɨ chəi mɨnə̂njɨ̀ mɨ̀mə̌d kuʼnɨ. Mbɨ yɨ mbe nɨə ghɨ̀ mɨ̀sà, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə zwiirɨ mbɨ cherə, mbe nɨə wumnɨ mbɨ̀anèŋ mbɨ wə̀d jìm we nɨə ghaʼə mɨghab bə̀ ghɨ̀ ɨnû mɨghab mɨghab.