1 Kɔrèn 6:12 - Meta’

¹² Wə̀d mɔʼɔ we tɨ̀ wɨ̀ ghà ni, “Mə we tɨ̀ mə ghɨ̀ ɨnû jìm.” À yɨ əne, àyɨə kaʼi ɨnû jìm bɨrɨ weerɨ əwe. Mə kyerɨ ni, “Mə we tɨ̀ mə ghɨ̀ ɨnû jìm,” àyɨə chəi mə bɨrɨ ben ə̀bòʼò əmbɨ ənû ə mɔʼɔ.

Ikan feg

¹² Wə̀d we tì wì gha, “Mə we tì mə ghì inug ijìm.” A ze yi ane, si ya gha, chəyi tì inug ijìm wètì wə̀d. Mə kyèri gha, “Mə we tì mə ghì inug ijìm.” Si ya gha, kayi inug ijìm ne tì mə ghì biri wètì amə. Mə we tì mə ghì inug ijìm. Si ya gha, chəyi aghi mɔ̀ʼɔ biri ghì mə bə̀ŋə̀ ane àbòʼì.

1 Kɔrèn 6:12 교차 참조

Jn 5:10

Əne bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa biirɨ əmbɨ ə mbaŋə̀ ze nɨ Yeso nyaʼa vɨ əməd ni, “Tə̀chɔ̀ŋ yɨ əni əkwɨ, əne chəi ta rɨkə chwi ni à beʼ e matə̀ ɨgwɨ əni zɔ̂.”

Rm 7:14

Tɨ̀ kyerɨ ni tɨkə yɨ rɨ əmbɨ Əzwî, àyɨə chəi əzwî ɨŋga num. Mbɨ fə fen əmɨ ənɨ ə̀bòʼò əmbɨ ɨnû rɨbɔ̀ŋ.

1 Kɔrèn 8:4

Əne, mə wɨə kəb gha ɨmbə̀ʼ tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ: Tɨ̀ kyerɨ ni, “Kaʼ anèŋ yɨ i əghɨ nɨ yeʼ ɨkǎ” ɨchî nɨ mbə̀n mɨmɔʼɔ ə ghàə̀. Tɨ̀ bə̀ kyerɨ ni, “Ŋwìə̀ mei we mɔʼ” ɨchî nɨ mbə̀n mɨmɔʼɔ ə bə̀ ghàə̀.

1 Kɔrèn 9:12

Bə̂d mɔʼɔ mɨ berɨ ɨka nɨ biirɨ ɨghɨ mbɔ̂ rɨ nən, njɨ chəi tɨ̀ berɨ ɨka chè mɨ̀mə̌d ə? Àyɨə chəi tɨ̀ nɨŋ ɨka we. Tɨ̀ fə nyiʼ ɨnû jìm ɨmbə̀ʼ tɨ rɨ̀ kən a ɨkə̂n chɔ̀m we nɨ tɨə ghà ɨmbə̀ʼ ə Kristo.

1 Kɔrèn 9:27

Mə wɨə yimbɨ mɨ ɨnyod ɨmbə̀ʼ wɨ ben ə̀bòʼò ɨ num, ɨmbə̀ʼ mə mɨ ghà ɨkə̂n chɔ̀m əmbɨ ə bə̂d cherə, tɨ mə̀ sam əmɨ ɨchwɨ we.

2 Tès 3:9

Tɨ̀ wɨə nyaʼə ghɨ̀ əne, kaʼi ɨmbə̀ʼ ɨghəm nɨ chəi tɨ̀ nyaʼa berɨ ɨka we nɨ biirɨ ə̀wèèrɨ̀ rɨ nən. Tɨ̀ wɨə nyaʼə ghɨ̀ əne ɨmbə̀ʼ mbə̀ faʼ àmei ɨchî nɨ mbə̀ nyaʼa zə ənɨ tɨə fàʼə̀.

Jûd 1:12

Bə̂d mbɔ̂ yɨ ɨghabɨ tɨfiŋɨ nɨə fiinɨ əwən ənɨ mbɨə jɨgə tɨjɨg ɨghaʼi mbɨ nən. Chəi ɨtu ə nìd mɨ̀mə̌d ənɨ mbɨə jɨgə mbɨ nən. Ɨ mbɨə nəŋgɨ àmei tə nyamnyod. Mbɨ yɨ ɨghabɨ pàʼ nɨ ɨfə ə tinə, nɨ chəi tɨə ghɨ̀ ni mbə̀ŋ nɔ. Mbɨ yɨ ɨghabɨ ɨzed mbe nɨ chəi tɨə kɔ rɨtam, ka àbei ənɨ ə nyùmə̀ we nɨ ɨzed ə kɔ rɨtam. Mbɨ yɨ ɨghabɨ ɨzed nɨ mbɨ fə chɔʼ rɨ ə si, mbɨ kwɨ.