1 Kɔrèn 5:10 - Meta’

¹⁰ Kaʼi mə̀ gha bə̂d rɨŋga ɨsɨg wɔ̂ nɨə ghɨ̀ ɨfabrɨ-ɨnû, kɨ̀ mbe nɨə ghɨ̀ əjə, kɨ̀ mbe nɨə jɨə, kɨ̀ mbe nɨə wumnɨ mbɨ̀anèŋ. Mbə mɨ kəb ghɨ əne, njɨ mbə berɨ jwɨ rɨŋga ɨsɨg wɔ̂.

Ikan feg

¹⁰ Chəyi mə ghàmà yaʼ imbə̀ʼ bəd ne chəyi mbi bḛ Ŋwiye ne ghìyə̀ ifanì inug, kə̀ bəd ne ghə̀ʼrə̀ ighi ijìm, kə̀ məji, kə̀ bəd ne ghùmnə mə̀ŋwiye. Àkə ane, nji mbə̰ bèrì ni fə dù inga isəg gho̰.

1 Kɔrèn 5:10 교차 참조

Lk 18:11

Ənɨ mbɨ nyaʼa wò əne, Farisiî we nyaʼa nɔʼ təm kɔ̀ŋgɨ̀ ə Ŋwiə̀ ɨmbə̀ʼ i ɨnyod ghà ni, 'Ŋwìə̀, məben-əwe ni chəi əmɨ ɨghabɨ ə bə̂d cherə mbe nɨə fè ɨghɨ bə̂d ənɨ ɨka, kɨ̀ ɨghabɨ mbe nɨ chəi mbɨə ghɨ̀ ɨnû nɨ kuʼnɨ, kɨ̀ ɨghabɨ mbe nɨə ni məyi bə̂d cherə, kɨ̀ be ɨghabɨ əfetɨ mɨ̀tagsɨ̀ wɔ̂.

Jn 15:19

À kɨ nɨ mbə̀ nyaʼə bə̂d rɨŋga ɨsɨg, njɨ ɨsɨg nyaʼa ghaʼ əwən ɨchî nɨ wɨ̀ ghaʼ mbi bə̂d. Àyɨə mə nyaʼa chɔʼ əwən rɨŋga ɨsɨg ɨmbə̀ʼ ɨghəm nɨ ka mbə̀ yɨ ə bə̂d rɨŋga ɨsɨg. Əzɔ̂ yɨ əton nɨ ɨsɨg ə bàn əwən.

Jn 17:6

“Mə fə ghɨ̀ ni bə̂d mbe nɨ à nyaʼa chɨ rɨŋga ɨsɨg nàʼ ɨ num kyerɨ əwe. À yɨə nyaʼa mbe bə̂d, əne à nyaʼa fə nàʼ mɨ̀mə̌d ɨ num. Mbɨ fə ghɨ̀ ənû ze nɨ à nyaʼa ghǎ əmbɨ mɨ̀mə̌d.

Jn 17:9

“Mə wɨə kɔ̀ŋgɨ̀ əwe ɨmbə̀ʼ mɨ̀mə̌d. Chəi mɨə kɔ̀ŋgɨ̀ əwe ɨmbə̀ʼ ɨsɨg. Mə wɨə kɔ̀ŋgɨ̀ əwe yeʼ ɨmbə̀ʼ bə̂d mbe nɨ à nyaʼa naʼ ɨ num ɨmbə̀ʼ ɨghəm nɨ à yɨ mbe bə̂d.

Jn 8:23

Wɨ̀ nyaʼa wììrɨ̀ əmbɨ mɨ̀mə̌d ni, “Mbə yɨ rɨ ɨgwɨ ə si, mə yɨ rɨkaŋ. Mbə yɨ rɨŋga ɨsɨg wɔ̂, ka mɔ̌ yɨ əmɨ rɨŋga ɨsɨg wɔ̂.

1 Kɔrèn 1:20

Zɨə nɨə yeʼ əne, njɨ əzɔ̂ ə nùŋ wə̀d we nɨ kɔndɨ ni tə berɨ ɨwe ə yi, nùŋ wə̀d we nɨə chwi rɨ̀kə̌ ə yi, bə̀ nùŋ wə̀d we nɨə tàŋ ɨnû ənɨ ə nyùmə̀ wɔ̂ ə yi? Ɨmbə̀ʼ Ŋwìə̀ fə ghɨ̀ ni ɨwe bə̂d rɨŋga ɨsɨg beŋ ənɨ ənû əneŋ ə?

1 Kɔrèn 10:27

Wə̀d mɔʼɔ we nɨ chəi wɨ̀ ben ə Kristo mɨ won əwən ni mbə̀ wo jɨg, əne mbə bə̀ ben nɨ wò, mbə̀ pe jɨg əghɨ ze nɨ wɨ̀ nuŋ ɨfě nən, zɨ rɨ biirɨ ənû ə mɔʼɔ ze nɨ bɨrɨ ghɨ̀ ni tə fîŋ saʼ əwən.

1 Kɔrèn 5:11

Àyɨə rɨ̀nîn, mə wɨə ŋwàʼnɨ̀ ɨ nən yeʼ ni tɨ mbə̀ jɨg ə̀sə̀ʼ mbɨ wə̀d mɔʼɔ we nɨ gha ni tə ben ə Kristo, àyɨə ɨ wɨə kɨrɨ ghɨ ɨfabrɨ-ɨnû, kɨ̀ ɨ wɨə ghɨ̀ əjə, kɨ̀ ɨ wɨə wumnɨ mbɨ̀anèŋ, kɨ̀ ɨ wɨə chə̀kɨ̀ rɨkum bə̂d, kɨ̀ ɨ wɨə nɔə beə, kɨ̀ ɨ wɨə jɨə. Tɨ mbə̀ be jɨg ə mbɨ ɨkwɨ wə̀d wɔ̂.

1 Kɔrèn 5:9

Mə nyaʼa ŋwaʼnɨ ɨ nən ni tɨ mbə̀ jɨg ə̀sə̀ʼ mbɨ ə bə̂d mbe nɨə ghɨ̀ ɨfabrɨ-ɨnû.

2 Kɔrèn 4:4

Mbə̀ zə ni ŋwìə̀ we rɨŋga ɨsɨg wɔ̂ fə kən fîŋ bə̂d mbe nɨ chəi mbɨ ben ə Kristo, ɨmbə̀ʼ tɨ mbɨ zə ə ɨzeŋɨ zeŋɨ rɨ ənɨ ɨkə̂n chɔ̀m ɨmbə̀ʼ Kristo. Kristo wɨ ɨghabɨ ə Ŋwiə̀.

Efesùs 2:2

Mbə mbɨə nyaʼə ghɨ̀ ɨnû rɨbɔ̀ŋ mbe ɨchî nɨ mbə̀ nyaʼə beenɨ əbɔʼ ɨnû rɨŋga ɨsɨg, bə̀ beenɨ əbɔʼ wə̀d we nɨə tùmbɨ̀ ɨzwî mbe nɨ yeʼ ɨŋga ɨfə, nɨ yeʼ ɨzwî mbe nɨə fàʼ rɨ̀nîn ɨŋga bə̂d mbe nɨ ghɨ̀ rɨ̀zuə̀ əmbɨ ə Ŋwiə̀.

Fìlipì 2:15

ɨmbə̀ʼ tɨ bə̂d gha ə ɨnû rɨbɔ̀ŋ ɨmbə̀ʼ əwən, fɔrɨ ɨmbə̀ʼ mbə̀ zeŋ ɨghabɨ ə bɔn Ŋwiə̀ nɨ chəi ɨgu ənû ɨgwɨ mɨ̀mə̌d. Ɨgu ənû yɨ əkaʼ bə̂d mbe nɨə ghɨ̀ ɨnû rɨbɔ̀ŋ bə̀ ghɨ̀ ɨnû nɨ chəi mbɨ kuʼnɨ. Mbə̀ berɨ chub əkaʼ mɨ̀mə̌d ɨchî nɨ rɨtəmɨ ə te ɨŋga ɨsɨg.

1 Jɔn 4:5

Bə̂d ɨ̀kə̀n mɨghab mbɔ̂ yɨə bə̂d rɨŋga ɨsɨg, əne ɨnû mbe nɨ mbɨə ghàə̀ yɨ ɨnû rɨŋga ɨsɨg. Ɨsɨg wɨə zwetɨ ɨnû mbe mbɨə ghàə̀.

1 Jɔn 4:7

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ̀ wo ɨmbì nɨ ghaʼ mba bɔŋgɔb, ɨmbə̀ʼ ɨghəm nɨ à yɨə Ŋwìə̀ ə ghɨ̀ə̀ ni bə̂d ghaʼ mbə bɔŋgɔb. Wə̀d we nɨ ghaʼ mbi bɔŋgɔb yɨə wə̀d Ŋwìə̀, əne məd ə kyerɨ ə Ŋwìə̀.

1 Jɔn 5:19

Tɨ̀ ə kyerɨ ni tɨ yɨə bə̂d Ŋwiə̀. Tɨ̀ bə̀ kyerɨ ni ɨsɨg jìm wɨ əton ə Satàn.

Ɨnû 12:9

Mbɨ nyaʼa màʼ tɨ̀sɔ̀ʼɔ̀ jɔ ze ɨgwɨ ə si, nɨ yeʼ jɔ ze nɨ nyaʼa rəŋwe, nɨ mbɨə tɔŋ ənɨ ə Debɨ̀rə̀ kɨ ə Satàn. Jɔ ze zɨə nyaʼə tambɨ ɨsɨg jìm. Mbɨ nyaʼa màʼ əməd mbɨ mbɨ̀aŋgɨrə̀ məd mɨjìm ɨgwɨ ə si.