1 Kɔrèn 4:7 - Meta’

⁷ À kɨə ye nɨ mbə̀ berɨ nɨ chwi ni mbə̀ chè bə̂d cherə ə? À kɨə ye nɨ mbə̀ berɨ nɨ kaʼi Ŋwìə̀ naʼ ɨ nən ə? Wɨ̀ mɨ nyaʼa nàʼ ɨghɨ ɨ nən, njɨ əton nɨ mbə̀ə goŋ ɨgɔ̂ ɨghabɨ ni chəi wɨ̀ nyaʼa naʼ ɨghɨ ɨ nən kɨ ɨmbə̀ʼ ə yè ə?

Ikan feg

⁷ Wə̀d ne gha inən gha wə̀d mɔ̀ʼɔ chè ìywin àkə we? Àkə aghə ne mbə̀ beri ne kayi Ŋwiye nàʼi inən? Aton ne Ŋwiye nàʼi ighi inən mbə se kɔ̀mɔ̀ igo icheg ni gha kayi Ŋwiye nàʼi inən àkə gha?

1 Kɔrèn 4:7 교차 참조

Lk 19:13

Bɔŋ wɨ̀ nyaʼə sɨə nɔ̀ʼə̀, wɨ̀ nyaʼa tɔŋ mbi bə̂d ə̀fàʼì wum, ghàpɨ̀ ɨkab gôl wum əmbɨ mɨ̀mə̌d ɨ mɔʼ mɔʼ. Wɨ̀ nyaʼa ghɨ̀ əne ghà əmbɨ mɨ̀mə̌d ni, 'Mbə̀ ghɨ ɨwin ənɨ ɨkab wɔ̂ pè ənɨ mə bəndɨ.'

Jn 1:16

Ɨ̀chɔ̀m ə swi ɨgwɨ məd, əne ɨ wɨə ghɨ̀ ni tɨ̀ jɨg ɨ̀chɔ̀m we. Ɨ wɨ̀ rəbə naʼ i əbɔrəbɔd naʼ ɨ na ɨghəm jìm.

Jn 3:27

Jɔ̌n nyaʼa wììrɨ̀ ni, “Chəi ənɨ tɨ̀ wə̀d berɨ əghɨ ə mɔʼɔ kɨrɨ ni à yɨə Ŋwìə̀ naʼ ɨ bɔ.

Rm 1:5

Ŋwiə̀ wɨə ghɨ̀ ɨ̀chɔ̀m ənɨ ə na ənjìm ə Wan məd we. Tɨ̀ yɨə bə̀ ə bə̂d tom ɨmbə̀ʼ jaŋ ɨkum məd əkaʼ bə̂d mɨ̀jìm mbe nɨ kaʼi mɨ̀Jû, ɨmbə̀ʼ mbɨ zɨ̀ tə fîŋ ɨgwɨ məd bə̀ zuunɨ əməd.

Rm 12:3

Ɨchî nɨ Ŋwìə̀ fə ghɨ ɨ̀chɔ̀m ənɨ ə num, mə wɨə ghà əmbɨ wə̀d jìm əkaʼ nən ni tɨ wɨ̀ kɔndɨ i ni tə chè ɨchî nɨ tə yeʼ ə, àyɨə wə̀d jìm kɔndɨ ənû ɨmbə̀ʼ i ɨnyod ɨchî nɨ kuʼnɨ. Wə̀d mɔʼ mɔʼ kɔndɨ beenɨ əbɔʼ ɨchî nɨ Ŋwìə̀ naʼ ɨbenɨ ɨ bɔ.

Rm 12:6

Tɨ̀ berɨ mɨneʼe nɨ kwepə beenɨ əbɔʼ ɨchî nɨ Ŋwìə̀ ghɨ ɨ̀chɔ̀m ənɨ ə na. Ɨneʼe wə̀d mɔʼɔ mɨ yeʼ ni wɨ̀ zu ɨkə̂n Ŋwiə̀ ghà, wɨ̀ gha ɨchî nɨ ɨbenɨ məd chwiə.

1 Kɔrèn 15:10

Mə yɨə wə̀d we nɨ mə yeʼ wɨwən ənjìm ɨ̀chɔ̀m Ŋwiə̀. Chəi ɨ̀chɔ̀m we nɨ Ŋwìə̀ nyaʼa ghɨ̌ ənɨ ə num nyaʼa che ətu ə̀kǒ. Àyɨə mə nyaʼa fàʼ rɨkǎ chè mɨ̀mə̌d mɨjìm. Ka à bè yeʼi ni kaʼi mɔ̌ nyaʼa fàʼi, àyɨə Ŋwiə̀ nyaʼa che ənjìm ɨ̀chɔ̀m məd ghɨ̀ mə fàʼ.

1 Kɔrèn 3:5

Àpolòs kɨə we? Pɔ̂l bə̀ ə we? Tɨ̀ yɨə àmei bə̂d ə̀fàʼì mbe nɨ mbə̀ nyaʼa che ənjìm mɨ̀mə̌d ben ə Yeso Kristo. Wə̀d mɔʼ mɔʼ rəbɔʼ na wɨə fàʼ ə̀fàʼì ze nɨ Ə̀nùŋɨ̀sɨg nyaʼa naʼ ɨ bɔ.

1 Kɔrèn 5:6

Ɨchî nɨ mbə̀ə goŋ ɨgɔ̂ rɨka bɔ̀ŋ i. Chəi mbə̀ kyerɨ ni àmei akə ɨfuʼ we nɨə ghɨ̀ ni ŋgə̀ŋ kɔʼ we ə nɔ̀ɔ̀rɨ̀ ŋgə̀ŋ jìm ə?

1 Kɔrèn 7:7

Mə kə̀b ni wə̀d jìm yeʼ ɨghabɨ ə mɔ̌. Àyɨə wə̀d mɔʼ mɔʼ ə berɨ i ɨneʼe nɨ Ŋwìə̀ naʼi. Wə̀d mɔʼ ə berɨ i ɨkwɨ ɨneʼe, wɨ cherə bə̀ berɨ wi.

Jems 1:17

Ɨghɨ chɔ̀m jìm mbɨ ɨneʼe jìm we nɨ bɔŋɨ màànɨ̀ yɨ rɨkaŋ. Mbɨ yɨ rɨ əmbɨ ə Mbǎʼ we nɨ nyaʼa tekɨ ɨghɨjìm mbe nɨ yeʼ ɨkaŋ, nɨ à yɨə məd ə nàʼ ɨzeŋɨ zeŋɨ. Kaʼ məd wɨə kwepɨ i. Kaʼ ɨchî nɨ wɨə beŋ ɨnyod wɨə ghɨ̀ i ni ɨsɨ fin.

1 Pità 4:10

Mbə nɨŋ mɨneʼe mbe nɨ Ŋwìə̀ naʼ əmbɨ wə̀d mɔʼ mɔʼ rəbɔʼ nən wèèrɨ̀ mbə bɔŋgɔb əŋgu. Əne yɨ ɨchî ni Ŋwìə̀ ə chè ənɨ ə njìm ghɨ̀ə̀ tɨkwɨrɨ chɔ̀m jìm ənɨ ə bə̂d.