1 Kɔrèn 4:6 - Meta’

⁶ Tɨ̀nîn, kyɨə bɔŋgɔb, mə fə nɨŋ mɨ ənû mbɨ əzɨ Àpolòs ɨghabɨ əmɨgɨ. Mə nɨŋ əne ɨmbə̀ʼ weerɨ əwən, ɨmbə̀ʼ mbə̀ kwembɨ ənû rɨ na ɨmbə̀ʼ ɨŋgam we nɨə ghàə̀ ni, “Mbə̀ ghɨ àmei ɨnû mbe nɨ yeʼ ɨŋga Ə̀ŋwàʼnɨ̀ ə Ŋwiə̀.” Mbə mɨ ghɨ̀ əne, chəi mbə̀ bɨrɨ nɔ wə̀d mɔʼ, əne tə̀ə̀nɨ̀ wɨ cherə.

Ikan feg

⁶ Amad anìŋ, ìmbum məfi fɔrɔ ìtum njàbi, mə ya ghà inug mbo̰ inən ni gha mbə̀ niŋ amə tì Àpolòs ane aneni anug si bèrì iwe. Mbə̰ mə̀ zug inug mbo̰, mbi biri wètì awən ni kyeri aton imbə̀ʼ ìngam we ne gha, “Imbə̀ʼ àghò fàʼà awe chè anug ne mbi ŋwàʼri inga Àŋwàʼrì Ŋwiye.” Ane, imbə̀ʼ mbə̰ kɔmɔ awən igo imbə̀ mɔ̀ʼɔ, se kə̀nə̀ ìywin.

1 Kɔrèn 4:6 교차 참조

Ɨ̀fàʼì 18:24

À nyaʼa ənɨ ə nyùmə̀ we, Jû mɔʼɔ nɨ ɨkum məd nyaʼə Àpolòs nyaʼa wò ə Efesùs. Mbɨ nyaʼa gywɨ əməd ə Àlèzandrià. Wɨ̀ nyaʼa berɨ ɨŋgam ɨchû bə̀ kyerɨ ɨnû mbe nɨ yeʼ ɨŋga Ə̀ŋwàʼnɨ̀ ə Ŋwiə̀ kwàʼ ɨchî chɔ̀m.

Ɨ̀fàʼì 19:1

Ənɨ Àpolòs nyaʼə Kɔrèn, Pɔ̂l nyaʼa chè ətu ətu ɨŋga ɨsɨ mbe rɨŋga əbà əbeŋ ze wò ə Efesùs. Wɨ̀ nyaʼa pè zə bə̂d mɔʼɔ nɨ nyaʼa ben ə Kristo.

Rm 12:3

Ɨchî nɨ Ŋwìə̀ fə ghɨ ɨ̀chɔ̀m ənɨ ə num, mə wɨə ghà əmbɨ wə̀d jìm əkaʼ nən ni tɨ wɨ̀ kɔndɨ i ni tə chè ɨchî nɨ tə yeʼ ə, àyɨə wə̀d jìm kɔndɨ ənû ɨmbə̀ʼ i ɨnyod ɨchî nɨ kuʼnɨ. Wə̀d mɔʼ mɔʼ kɔndɨ beenɨ əbɔʼ ɨchî nɨ Ŋwìə̀ naʼ ɨbenɨ ɨ bɔ.

1 Kɔrèn 1:12

Ənû nɨ mɨə ghàə̀ yɨ ni wɨ mɔʼ rəbɔʼ nən wɨə ghàə̀ ni tə wɨə beenɨ əbɔʼ ə Pɔ̂l, wɨ cherə wɨə ghàə̀ ni tə wɨə beenɨ əbɔʼ ə Àpolòs, wɨ cherə wɨə ghàə̀ ni tə wɨə beenɨ əbɔʼ ə Sefàs, wɨ cherə wɨə bə̀ yɨə ghàə̀ ni tə wɨə beenɨ əbɔʼ ə Kristo.

1 Kɔrèn 1:19

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mə bɨrɨ chwi əmbɨ ə bə̂d mbe nɨ kɔndɨ ni mbə̀ berɨ ɨwe ni mbɨ yɨ ɨneŋ, bə̀ chwi əmbɨ mbe nɨ kɔndɨ ni mbə kyerɨ ənû ni chəi mbɨ kyerɨ ənû ə mɔʼɔ.”

1 Kɔrèn 1:31

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Wə̀d we nɨə kəb goŋ ɨgɔ̂, wɨ̀ goŋ ɨmbə̀ʼ ənû ze nɨ Ə̀nùŋɨ̀sɨg ghɨ̌.”

1 Kɔrèn 13:4

Ɨghaʼi wɨə ghɨ̀ ni wə̀d yim fîŋ. Ɨ wɨə bə̀ ghɨ̀ ni wə̀d ghɨ ɨ̀chɔ̀m. Ka ɨghaʼi wɨə ghɨ̀ i ni wə̀d ghɨ ə̀dìì, kɨ̀ ni wə̀d goŋ ɨgɔ̂, kɨ̀ ni wə̀d nɔ ɨnyod.

1 Kɔrèn 3:19

ɨmbə̀ʼ ɨghəm nɨ ənû ze nɨ bə̂d rɨŋga ɨsɨg wɔ̂ kɔndɨ ni à yɨ ɨwe, Ŋwìə̀ wɨə zəə ni à yɨ ənû əneŋ. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ŋwìə̀ wɨə gywɨ̀ə̀ bə̂d mbe nɨ kɔndɨ ni mbə berɨ ɨwe àmei ənjìm ɨwe mɨ̀mə̌d.”

1 Kɔrèn 3:21

Əne tɨ wə̀d mɔʼɔ goŋ i ɨgɔ̂ ni tə wɨə beenɨ əbɔʼ wə̀d mɨ̀sɔŋɨchù mɔʼɔ, ɨmbə̀ʼ ɨghəm nɨ Ŋwìə̀ fə nàʼ ɨghɨjìm ɨ nən.

1 Kɔrèn 5:2

Àyɨə mbə mbɨə seenɨə! Njɨ ɨmbə̀ʼ ə̀kə̀nɨ̀ ə kə̀ʼ swi ɨŋga tə fîŋ mbə chɨ̀ mbaŋə̀ ze nɨ ghɨ̀ ənû zɔ̂ rəkaʼ nən ə?

1 Kɔrèn 5:6

Ɨchî nɨ mbə̀ə goŋ ɨgɔ̂ rɨka bɔ̀ŋ i. Chəi mbə̀ kyerɨ ni àmei akə ɨfuʼ we nɨə ghɨ̀ ni ŋgə̀ŋ kɔʼ we ə nɔ̀ɔ̀rɨ̀ ŋgə̀ŋ jìm ə?

1 Kɔrèn 8:1

Tɨ̀nîn mə wɨə kə̀b ghà ɨmbə̀ʼ tɨjɨg te nɨ mbɨ naʼ ənɨ ɨghɨ ə̀fà əmbɨ mbɨ̀anèŋ: Tɨ̀ kyerɨ ni, “Mba mɨjìm ə berɨ ɨwe,” ɨchî nɨ mbə̀n mɨmɔʼɔ ə ghàə̀. Ɨwe wɨə ghɨ̀ ni bə̂d nɔ ɨnyod, àyɨə ɨghaʼi wɨə korə bə̂d ənɨ mbɨ mɔʼ.

1 Kɔrèn 9:23

Mə wɨə ghɨ̀ ɨnû mbɔ̂ jìm ɨmbə̀ʼ jaŋ ɨkə̂n chɔ̀m. Mə wɨə ghɨ̀ əne ɨmbə̀ʼ mə̀ bə̀ berɨ əbɔrəbɔd ze nɨ ɨkə̂n chɔ̀m ə ghɨ̀ ni bə̂d berɨ.

2 Kɔrèn 10:12

Chəi tɨ̀ bɨrɨ tɔ mɨg ta rɨtəb kɨ̀ bè mɨ̀g à ɨnyod mbɨ mɨ̀mə̌d mɔʼɔ mbe nɨə goŋ ɨgɔ̂ ni mbə mbɨə fàʼə̀ chè bə̂d cherə. Mbɨ yɨ ɨneŋ, ɨmbə̀ʼ ɨghəm nɨ ɨ mbɨə mɨ̀g ə ɨnyod mbənə mbənə. Ɨ mbɨə bə̀ mɨ̀g tə rɨtəb mbənə mbənə.

2 Kɔrèn 10:15

Chəi tɨ̀ bɨrɨ goŋ ɨgɔ̂ ɨmbə̀ʼ ə̀fàʼì ze nɨ bə̂d cherə faʼi. À ɨkɔndɨ yɨ ni ɨchî nɨ ə ɨbenɨ ə kwiə, a ə̀fàʼì əkaʼ nən ə bɨrɨ bə̀ sɨə nɔʼə wò ɨmbì,

2 Kɔrèn 10:7

Mbə mbɨə neŋ ɨghɨ àmei əsaŋ əsaŋ. Wə̀d mɔʼɔ mɨ kyerɨ ni tə yɨə wə̀d Kristo, wɨ̀ bə kyerɨ ni tɨ̀ yɨə bə̀ə bə̂d Kristo ɨghabɨ ə məd.

2 Kɔrèn 11:4

Mə wɨə ghà əne ɨmbə̀ʼ ɨghəm nɨ mbə mbɨə zàmbɨ̀ə̀ benə wə̀d mɔʼɔ we nɨ yeʼe ghà ɨnû ɨ nən ɨmbə̀ʼ ə Yeso cherə chè rɨ ənɨ we nɨ tɨ̀ nyaʼa gha ɨ nən ɨmbə̀ʼ əməd, kɨ̀ ɨmbə̀ʼ əzwî ə cherə chè rɨ ənɨ əze nɨ mbə nyaʼa nɨŋɨ, kɨ̀ mbə zu ɨkə̂n chɔ̀m cherə chè rɨ ənɨ we nɨ mbə nyaʼa benɨ.

2 Kɔrèn 12:19

Mbə mbɨə wa kə̀ʼə̀ kɔndɨə ni ənɨ ə nyùmə̀ wɔ̂ jìm, tɨ̀ wɨə kə̀ʼə̀ chɨ̀ ɨnû rɨ ɨgwɨ na ɨfě nən ə? Tɨ wɨə kə̀ʼə̀ ghàm ɨfě Ŋwiə̀ ɨghabɨ ə bə̂d nɨ yeʼ ənɨ ɨfɔtɨ mbɨ Kristo. Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨghɨjìm mbe nɨ tɨə ghɨ̀ə̀ yɨ nɨ ghɨ ni mbə̀ təm kàànɨ̀.

2 Kɔrèn 12:20

Mə wɨə bɔə ni mə mɨ yeʼe, chəi mə bɨrɨ zə əwən ɨchî nɨ mə̀ kəb ni mbə̀ yeʼ ə. Mə wɨə bə̀ bɔə ni chəi mbə bɨrɨ zə əmɨ ɨchî nɨ mbə̀ kəb ni mə yeʼ ə. Mə wɨə bɔə ni ɨghə̀m mə bɨrɨ zə bə̂d nɨə tàŋə̀, zə mbe nɨə ghɨ̀ ə̀dìì, zə mbe nɨə sə ɨtəm, zə mbe nɨə siə, zə mbe nɨə chəkɨ rɨkum mbɨ cherə, zə mbe nɨə ghɨ̀ mɨniə, zə mbe nɨə tərə bə̀ zə mbe nɨə bùùrɨ̀ ɨsɨ.

2 Kɔrèn 12:6

Mə mɨ kəb goŋ ɨgɔ̂, chəi mə bɨrɨ yeʼ əneŋ, ɨmbə̀ʼ ɨghəm nɨ mə bɨrɨ gha rəsìʼ. Àyɨə chəi mə bɨrɨ goŋ ɨgɔ̂, ɨmbə̀ʼ tɨ wə̀d mɔʼɔ kɔndɨ i ni mə chè wə̀d we nɨ mə̀ yeʼ wɨwən. Wɨ̀ neŋ yeʼ ɨnû mbe nɨ mɨə ghɨ̀ə̀ kɨ̀ mbe nɨ mɨə ghàə̀.

2 Kɔrèn 4:15

Ɨnû mbɔ̂ jìm yɨ ɨmbə̀ʼ weerɨ əwən, ɨmbə̀ʼ ɨ̀chɔ̀m we nɨə jàŋə̀ wò əmbɨ ə bə̂d mɨ̀nɔnɔʼ, ɨ we tɨ̀ wɨ ghɨ̀ ni bə̂d naʼ məben-əwe əmbɨ ə Ŋwiə̀, ɨmbə̀ʼ wumnɨ əməd.

Kòlosè 2:18

Tɨ mbə ben ə ni wə̀d mɔʼɔ ghɨ ni mbə̀ nim ɨneʼe we nɨ Ŋwiə̀ kaʼ ɨ nən ɨchî nɨ wɨə nyeŋ əwən ni mbə swi ɨnyod bə̀ nyèŋə̀ ni mbə̀ wumnɨ mbɨ̀aŋgɨrə̀. Bə̂d mbe nɨə ghɨ̀ əne mbɨə ghàə̀ ni mbə zə ɨnû mbe ɨŋga rɨ̀taanɨ njə̀m. Ɨ mbɨə nɔ̀ ɨnyod ɨmbə̀ʼ ɨghɨ mbe nɨ mbɨ kɔndɨ ni mbə kyerɨ, àyɨə chəi mbɨ berɨ əton nɨ nɔ ɨnyod.

1 Tèsàlonikà 1:5

Tɨ̀ kyerɨ əne ɨmbə̀ʼ ɨghəm nɨ tɨ̀ nyaʼa yeʼe əsɨ nən mbɨ ɨkə̂n chɔ̀m. Chəi tɨ̀ nyaʼa yeʼe mbɨ ɨkə̂n chɔ̀m àmei ənɨ ɨŋgam. Tɨ̀ nyaʼa bə̀ ghà ɨkə̂n chɔ̀m ənɨ ɨka we nɨ Əzwî ə Zeŋɨ ə nàʼə̀. Tɨ̀ nyaʼa bə̀ kàŋ chwi ɨchî nɨ tɨ̀ ben ni ɨnû mbe nɨ yeʼ ɨŋga ɨkə̂n chɔ̀m yɨ ɨnû rəsìʼ. Mbə kyerɨ ɨnû mbe nɨ tɨ̀ nyaʼa ghɨ̌ ənɨ tɨ̀ nyaʼa əkaʼ nən. Tɨ̀ wɨə nyaʼa ghɨ ɨnû mbɔ̂ jìm ɨmbə̀ʼ weerɨ əwən.

2 Timotì 2:10

Əne mə wɨə nyìʼ əton ɨnû jìm ɨmbə̀ʼ bə̂d mbe nɨ Ŋwiə̀ chɔʼɔ jwɨ rəŋgəʼ bə̀ berɨ ɨwumnɨ we nɨ ten i koŋ ɨchî nɨ mbɨ yeʼ ənɨ ɨfɔtɨ mbɨ Kristo Yeso.