1 Kɔrèn 3:13 - Meta’

¹³ mbɨ bɨrɨ zə ə̀fàʼì əməd ɨchî nɨ wɨ̀ korɨ, ɨmbə̀ʼ ɨghəm nɨ Əni ze nɨ Kristo bɨrɨ wɨrɨ yeʼe pè saʼ ɨsɨg, ə bɨrɨ chwi ɨkwɨ nəb we nɨ wə̀d we korɨ. Ɨwid bɨrɨ du ə̀fàʼ ə wə̀d əsaŋ. Ɨwid we bɨrɨ zweʼrɨ ɨkwɨ ə̀fàʼì ze nɨ wə̀d mɔʼ mɔʼ fə fàʼi.

Ikan feg

¹³ Àfàʼì wə̀d biri chwi aghi ne ze yaʼi àzewən igun aneg ze ne Kristo biri ywiri yeʼe. Igun aneg ze, iywid biri chwi iku nəb ne wə̀d kɔ̀ri asaŋ. Àfàʼì wə̀d ijìm biri chè inga iywid.

1 Kɔrèn 3:13 교차 참조

Matìyò 10:15

Mə ghà rəsìʼ ɨ nən ni, à bɨrɨ sɨ əni ze nɨ Ŋwìə̀ ə sob mɨsaʼi, wɨ̀ bɨrɨ diirɨ bə̂d mbe rɨ ə Sodòm bə̀ dììrɨ̀ mbe rɨ ə Gòmorà chè ɨchî nɨ wɨ̀ bɨrɨ diirɨ bə̂d mbe rɨŋga əsɨ ze.

Matìyò 16:27

Wan Wə̀d bɨrɨ yeʼe mbɨ mbi mbɨ̀aŋgɨrə̀ mbɨ ɨka we nɨ Mbǎʼ məd naʼ ɨ bɔ. Wɨ̀ bɨrɨ pè chɔʼ ə̀fàʼì wə̀d mɔʼ mɔʼ ɨchî nɨ wɨ̀ fàʼi.

Lk 2:35

Wɨ̀ bɨrɨ du ɨnû nɔnɔʼ mbe nɨ bə̂d ə kɔndɨ ɨŋga tə fîŋ. Ə̀kə̀nɨ̀ ə bɨrɨ zum e fîŋ ɨghabɨ ni à yɨ ɨbi bid.”

Rm 2:16

Ɨkə̂n chɔ̀m we nɨ mɨə ghàə̀ ə chwi ni əni ze nɨ Ŋwìə̀ bɨrɨ saʼ ɨsɨg ənjìm ə Yeso Kristo, wɨ̀ bɨrɨ bɨ saʼ tɨkɔndɨ te nɨ yeʼ ənə̀mə.

Rm 2:5

Àyɨə ɨchî nɨ à berɨ fîŋ nɨ kǎ, nɨ chəi ənɨ tɨ̀ mbɨ bèŋ, əne kyerɨ ni Ŋwìə̀ wɨ rəbə sə i ɨtəm sə əbɔʼ ne. Əne wɨ̀ bɨrɨ zɨ ɨchə nɨ ka ɨgwɨ ne əni ze nɨ wɨə sob mɨsaʼi ɨchî nɨ kuʼnɨ.

1 Kɔrèn 1:8

Məd bɨrɨ ghɨ ni mbə̀ təm kàànɨ̀ wò pè ənɨ ɨnwǐ, ɨmbə̀ʼ tɨ wɨ̀ zə i ənû rɨbɔ̀ŋ ə mɔʼɔ ɨgwɨ nən əni ze nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe.

1 Kɔrèn 3:12

Wə̀d mɔʼɔ mɨ kod nəb ɨgun əchɨ ze ənɨ ə gôl, ənɨ ə sɨrɨvà, ənɨ əti ɨka ənun, ənɨ ɨzed, ənɨ ɨgwəŋ kɨ ənɨ ɨzaŋ,

1 Kɔrèn 4:5

Əne tɨ mbə̀ sob ə ɨsaʼi ɨgun ə wə̀d mɔʼɔ bɔŋ nyùmə̀ sɨə kùʼə̀. Mbə̀ womə pè ənɨ Ə̀nùŋɨ̀sɨg wɨrɨ yeʼe. Məd bɨrɨ du ɨnû mbe nɨ bə̂d ə ghɨ̀ ɨŋga ɨsɨ firɨ, bə̀ chwi rɨkɔndɨ te nɨ yeʼ ɨŋga fîŋ rɨ bə̂d. Ənɨ ə nyùmə̀ we, Ŋwìə̀ bɨrɨ naʼ məben-əwe əmbɨ wə̀d jìm ɨchî nɨ zɨə kuʼ əmbɨ wə̀d mɔʼ mɔʼ.

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

2 Timotì 1:18

Mə wɨə kɔ̀ŋgɨ̀ Ə̀nùŋɨ̀sɨg Yeso ni wɨ̀ diirɨ əməd əni ze nɨ wɨ̀ bɨrɨ saʼ ɨsɨg! À kyerɨ e ɨchî nɨ wɨ̀ nyaʼa weerɨ əmɨ ə Efesùs.

2 Timotì 3:9

Àyɨə chəi mbɨ bɨrɨ wo əsa əgha, ɨmbə̀ʼ ɨghəm nɨ bə̂d mɨ̀jìm bɨrɨ zə ənû əneŋ mɨ̀mə̌d, ze ɨchî nɨ mbɨ nyaʼa zə əzɨ ə Janès mbɨ Jambrès.

2 Timotì 4:8

Əne Ə̀nùŋɨ̀sɨg we nɨə saʼə bə̂d ɨchî nɨ kuʼnɨ bɨrɨ naʼ əjwɨ-əgu ɨ num əni ze nɨ wɨ̀ bɨrɨ yeʼe ɨ saʼ ɨsɨg. Wɨ̀ bɨrɨ naʼ ɨmbə̀ʼ ɨghəm nɨ mə wɨə ghɨ̀ ɨnû nɨ kuʼnɨ. Chəi wɨ̀ bɨrɨ naʼ àmei ɨ num. Wɨ̀ bɨrɨ bɨ naʼ əmbɨ ə bə̂d mbe nɨə wòmə̀ ni wɨ̀ wɨrɨ yeʼe.

Mə̀Hibrù 10:25

Tɨ rɨ̀ waʼ a ənû nɨ kɨə fetɨ, ɨchî nɨ bə̂d mɔʼɔ ə ghɨ̀ə̀, àyɨə tɨ̀ timbɨ a ɨnyod mbǎ mbǎ. Mbə jeŋgɨ ghɨ̀ əne ɨchî nɨ mbə̀ zə ni əni ze nɨ Ə̀nùŋɨ̀sɨg bɨrɨ wɨrɨ yeʼe fə tiinɨ.

1 Pità 1:7

Ɨnû mbɔ̂ yɨ nɨ zweʼrɨ əwən ɨ zə ni ə ɨbenɨ ə bə̀ kàŋ kàànɨ̀ ə. Ka àbei ə gôl nɨ tɨ mbɨ chə̀kɨ̀, ɨ mbɨə zweʼrɨ ənɨ mbɨ tɔn ɨŋga ɨsweŋ ɨwid ənam. Əne mbɨ berɨ bɨ zweʼrɨ ə ɨbenɨ we nɨ yeʼ əghɨ əka ɨnun chè ə gôl. Ɨbenɨ we mɨ kàànɨ̀, Ŋwìə̀ ziə bɨrɨ yiirɨ əwən, mbə bə̀ berɨ ɨzeŋɨ zeŋɨ mbɨ ɨwumnɨ ənɨ ə nyùmə̀ we nɨ Yeso Kristo bɨrɨ wɨrɨ yeʼe.

1 Pità 4:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ yiirɨ ə ni ɨ̀kwàʼnɨ̀ ka ka mbɨə yeʼe ɨgwɨ nən ɨmbə̀ʼ zweʼrɨ ə ɨbenɨ. Zɨə bɨrɨ yeʼ ɨghabɨ ni ɨnû rɨ̀sɔ̀ʼ mɔʼɔ mbɨə ghɨ̀ ənɨ ə nən.

2 Pità 3:10

Àyɨə əni ze nɨ Ə̀nùŋɨ̀sɨg bɨrɨ wɨrɨ yeʼe ə zɨ ɨghabɨ ɨchî nɨ ɨjɨ ə yeʼe. Əni ze, ɨkaŋ bɨrɨ jùʼ rɨkǎ nim. Ɨwid bɨrɨ tɔn ɨghɨjìm mbe nɨ yeʼ ɨkaŋ, mbɨ sam. Ɨwid bɨrɨ tɔn si bə̀ tɔ̀n ɨghɨjìm mbe nɨ yeʼ ɨgwɨ ə si, mbɨ nim.

2 Pità 3:7

À yɨə bə̀ àmei ənɨ ɨŋgam nɨ Ŋwìə̀ fə nuŋ ni tə bɨrɨ nimnɨ ɨkaŋ wɔ̂ nɨ yeʼ rɨ̀nîn bə̀ nimnɨ si zɔ̂ nɨ yeʼ rɨ̀nîn ɨŋga ɨwid. Ŋwìə̀ fə nùŋ ni ɨkaŋ mbɨ ə si chubɨ pè əni ze nɨ wɨ̀ bɨrɨ saʼ mɨ̀mə̌d bə̀ nimnɨ bə̂d mbe nɨ chəi mbɨə wumnɨ əməd.

Ɨnû 20:12

Mə nyaʼa zə ɨvɨ bə̂d, əne yɨ ɨvɨ bə̂d kyeŋ mbɨ ɨvɨ bə̂d kwa. Ɨvɨ bə̂d mbe nyaʼa təmbɨ ɨfě ətən ɨfɔ̀n ze. Mbɨ nyaʼa fìʼ ɨ̀ŋwàʼnɨ̀. Mbɨ nyaʼa bə̀ fìʼ ə̀ŋwàʼnɨ̀ ə cherə. Əze yɨ ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa saʼ ɨvɨ bə̂d mbe beenɨ əbɔʼ ɨnû mbe nɨ mbɨ nyaʼa ŋwaʼnɨ ɨŋga ɨ̀ŋwàʼnɨ̀ mbe, əne yɨ əbɔʼ ɨnû mbe nɨ mbɨ nyaʼa ghɨ̌.