1 Kɔrèn 2:6 - Meta’

⁶ Ənɨ tɨ̀ yeʼ əkaʼ bə̂d Kristo mbe nɨ fə kaanɨ, tɨ̀ wɨə ghàm ɨŋgam ɨwe. Ka ɨwe we yɨ i rɨ əmbɨ ə bə̂d mbe rɨŋga ɨsɨg wɔ̂, kɨ̀ rɨ əmbɨ ɨzwî mbe nɨə tùmbɨ̀ ɨsɨg wɔ̂, nɨ ɨka mɨ̀mə̌d bɨrɨ mì.

Ikan feg

⁶ Anyumə̀ ne tì yaʼi tì bəd ne fə təmi kà inga anug Kristo, tì ya ghàmà ane iwe. Si ya gha, ìwa iwe kayi iwe ne bəd inga isəg beri, kə̀ ne itog bəd ne sàʼa isəg gho̰ beri, ne ìwɔb ìfɔ̀n biri mèg.

1 Kɔrèn 2:6 교차 참조

Matìyò 13:22

Ɨghɨ mbe nɨ nyaʼa feŋ ɨŋga ɨ̀jə̀ŋɨ̀ yɨ ɨghabɨ bə̂d mbe nɨ zu ɨŋgam Ŋwiə̀, əne ənû nɨ nwiʼ ɨnyod ɨmbə̀ʼ ɨghɨ rɨŋga ɨsɨg mbɨ ənû nɨ berɨ mbɔ̂n, mbɨ fumnɨ ɨŋgam we, chəi wɨ kɔ rɨtam.

Matìyò 19:21

Yeso nyaʼa ghà ɨ bɔ ni, “À mɨ kə̀b bɔ̀ŋ màànɨ̀, ndə̀ wo fèndɨ̀ ɨghɨjìm mbe nɨ à berɨ, wò nàʼ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”

Matìyò 5:48

Əne mbə berɨ bɔŋ màànɨ̀ ɨchî nɨ ə Mbǎʼ rɨkaŋ bə̀ bɔ̀ŋ màànɨ̀.

Lk 16:8

“Mbǎʼ ə̀fàʼì we nyaʼa yiirɨ wə̀d kòb we nɨ nyaʼə nəŋgɨ ɨghɨ məd. Wɨ̀ nyaʼa yiirɨ əməd ɨmbə̀ʼ ɨchî nɨ wɨ̀ nyaʼa berɨ ɨwe, ɨmbə̀ʼ ɨghəm nɨ bə̂d rɨŋga ɨsɨg wɔ̂ ə berɨ ɨwe əku nɨ fàʼ mbɨ ə bə̂d mbe nɨ yeʼ ɨghabɨ mɨ̀mə̌d chè mbe nɨ yeʼ ɨŋga ɨzeŋɨ zeŋɨ.”

1 Kɔrèn 1:28

Ŋwìə̀ nyaʼa chɔʼ bə̂d mbe nɨ bə̂d ə tìbrɨ̀ə̀ mbɨ mbe nɨ bə̂d ə tə̀ə̀nɨ̀ ɨŋga ɨsɨg, nɨ yeʼ mbe nɨ bə̂d ə kɔndɨ ni à yɨ ɨghɨ əko, ɨmbə̀ʼ nimnɨ mbe nɨ bə̂d ə kɔndɨ ni mbɨ yɨə bə̂d kyeŋ.

1 Kɔrèn 12:8

Ŋwìə̀ wɨə nàʼ Əzwî ze nɨə ghɨ̀ ni bə̂d gha ɨŋgam ɨwe əmbɨ wə̀d mɔʼ. Ɨ wɨə bə̀ chè àmei ənjìm Əzwî ze ghɨ̀ ni wɨ cherə gha ɨŋgam nɨ chwiə ni wɨ̀ kyerɨ ənû.

1 Kɔrèn 14:20

Mbɨ bɔŋgɔb, tɨ tə rɨkɔndɨ yeʼi ɨghabɨ tɨ bɔn kwa. Mbə̀ yeʼ ɨghabɨ ə bɔn bɔd ənɨ zɨə de ɨnû rɨbɔ̀ŋ, àyɨə mbə̀ berɨ tɨkɔndɨ bə̂d kyeŋ.

1 Kɔrèn 2:1

Mbɨ bɔŋgɔb, ənɨ mə̀ nyaʼa yeʼe əsɨ nən, chəi mə̀ nyaʼa gha ɨnû mbe nɨ yeʼ ənə̀mə ɨmbə̀ʼ ə Ŋwìə̀ ɨ nən ənɨ mɨŋgam kyeŋ kɨ̀ mbɨ ɨwe kyeŋ,

1 Kɔrèn 2:13

Chəi tɨə ghà ɨnû mbɔ̂ ənɨ mɨŋgam nɨ tɨ̀ nɨŋ tɨ ənɨ ɨwe bə̂d mɨ̀sɔŋɨchù. Tɨ̀ wɨə ghàə̀ yeʼ ənɨ mɨŋgam nɨ Əzwî ə Ŋwiə̀ ə naʼ ɨ na. Tɨ̀ wɨə nɨŋə mɨŋgam mbe toʼrɨ ɨnû rəsìʼ ɨmbə̀ʼ Əzwî ə Ŋwiə̀ əmbɨ ə bə̂d mbe nɨ Əzwî ə Ŋwiə̀ ə yeʼ ɨŋga mɨ̀mə̌d.

1 Kɔrèn 2:8

Chəi wə̀d mɔʼɔ rəbɔʼ mbe nɨə tùmbɨ̀ ɨsɨg wɔ̂ nyaʼa kyerɨ ənû zɔ̂. À kɨ nɨ mbɨ nyaʼa kyerɨ, njɨ chəi mbɨ nyaʼa kombɨ Ə̀nùŋɨ̀sɨg we nɨ mbɨə naʼ ɨwumnɨ ɨ bɔ.

1 Kɔrèn 3:1

Bɔŋgɔb, chəi ənɨ tɨ̀ mə nyaʼa ghàm ɨ nən ɨchî nɨ tɨ̀ mə nyaʼa ghàm əmbɨ ə bə̂d mbe nɨ Əzwî ə Ŋwiə̀ ə yeʼ ɨŋga mɨ̀mə̌d. Mə nyaʼa berɨ gham ɨ nən ɨghabɨ ni mbə yɨə bə̂d rɨŋga ɨsɨg, kɨ̀ ɨghabɨ ni mbə yɨə bɔn bɔd ənɨ ənû ə Kristo.

2 Kɔrèn 1:12

Tɨ̀nîn, ənû ze nɨ tɨə goŋ ɨgɔ̂ ɨgun yɨ ni, ta fîŋ ə zeŋ ni tɨ̀ wɨə ghɨ̀ ɨnû nɨ zeŋɨ mbɨ ni tɨ̀ wɨə bə̀ ghɨ̀ ɨnû mbe nɨ yeʼ mbɨ rəsìʼ ɨchî nɨ tɨ̀ yeʼ ɨŋga ɨsɨg, màànɨ̀ ɨchî nɨ tɨ̀ yeʼ əkaʼ nən. À yɨ ɨ̀chɔ̀m we nɨ Ŋwìə̀ nyaʼa ghɨ ənɨ ə num nyaʼa ghɨ ni mə̀ ghɨ əne, kaʼi ɨwe bə̂d mɨ̀sɔŋɨchù.

2 Kɔrèn 13:11

Mbɨ bɔŋgɔb, ɨ màànɨ̀, tɨ̀ bɨrɨ wɨrɨ zəənɨ. Mbə̀ kywɨ ənywɨ zə ni mbə̀ ghɨ mbə mɨchî bɔŋ ə. Mbə̀ zu ɨnû mbe nɨ mə buʼ ɨbɔ gha ɨ nən. Mbə̀ fɔtɨ mbə mɨchû ənɨ wɨ mɔʼ bə̀ chub ənɨ əbɔrəbɔd. Mbə mɨ ghɨ̀ əne Ŋwìə̀ we nɨ ɨghaʼi mbɨ əbɔrəbɔd yeʼ rɨ bɔ bɨrɨ yeʼ mbɨ nən.

2 Kɔrèn 4:3

À mɨ yeʼ nɨ ngywɨ̌ kən ɨkə̂n chɔ̀m, njɨ zɨə kən àmei əmbɨ ə bə̂d mbe nɨə nimə.

2 Kɔrèn 4:4

Mbə̀ zə ni ŋwìə̀ we rɨŋga ɨsɨg wɔ̂ fə kən fîŋ bə̂d mbe nɨ chəi mbɨ ben ə Kristo, ɨmbə̀ʼ tɨ mbɨ zə ə ɨzeŋɨ zeŋɨ rɨ ənɨ ɨkə̂n chɔ̀m ɨmbə̀ʼ Kristo. Kristo wɨ ɨghabɨ ə Ŋwiə̀.

Efesùs 2:2

Mbə mbɨə nyaʼə ghɨ̀ ɨnû rɨbɔ̀ŋ mbe ɨchî nɨ mbə̀ nyaʼə beenɨ əbɔʼ ɨnû rɨŋga ɨsɨg, bə̀ beenɨ əbɔʼ wə̀d we nɨə tùmbɨ̀ ɨzwî mbe nɨ yeʼ ɨŋga ɨfə, nɨ yeʼ ɨzwî mbe nɨə fàʼ rɨ̀nîn ɨŋga bə̂d mbe nɨ ghɨ̀ rɨ̀zuə̀ əmbɨ ə Ŋwiə̀.

Kòlosè 1:28

Tɨ̀ wɨə ghà ənû ɨmbə̀ʼ ə Kristo əmbɨ ə wə̀d jìm. Tɨ̀ wɨə nɨŋ ɨwe we nɨ Ŋwìə̀ naʼ ɨ na patɨə mɨ̀mə̌d bə̀ chwi ɨnû əmbɨ wə̀d jìm, ɨmbə̀ʼ tɨ nɨŋ wə̀d jìm we nɨ fə kwi kàànɨ ɨchî nɨ wɨ̀ yeʼ ənɨ ɨfɔtɨ mbɨ Kristo wò ɨfě Ŋwiə̀.

Kòlosè 4:12

Epafràs, nɨ yeʼ wə̀d ə̀fàʼì Kristo, nɨ bə̀ yeʼ wə̀d rəbɔʼ nən wɨə chàʼrɨ̀ əwən. Ɨ wɨə kɔ̀ŋgɨ̀ ə Ŋwiə̀ kwàʼ rɨka ɨghəm jìm kɔndɨ əwən ni mbə̀ təm kàànɨ̀ bə̀ jeŋgɨ kyerɨ ɨnû jìm mbe nɨ Ŋwìə̀ kə̀bɨ.

Mə̀Hibrù 5:14

Ɨghɨjɨg nɨ kaanɨ yɨ əmbɨ ə bə̂d kyeŋ mbe nɨ fə kwembɨ ɨnû mə̀d əne kyerɨ ɨkwepɨ rəbɔʼ ɨnû chɔ̀m mbɨ ɨnû rɨbɔ̀ŋ.

Mə̀Hibrù 6:1

Tɨ̀ saŋ ɨnû mbe nɨ tɨ̀ nyaʼa be kwembɨ ɨmbə̀ʼ ə Kristo, əne wò ɨmbì kwembɨ mbe nɨ fə kaanɨ. Tɨ rɨ wɨrɨ gha a ɨnû rɨtu mbe ni bə̂d beŋ tə fîŋ tɨ ənɨ ɨnû mbe nɨə zwiirɨə bə̂d mbɨ ni bə̂d nuŋ fîŋ ɨgun ə Ŋwiə̀.

Jems 3:15

Kaʼ ɨkwɨ ɨwe wɔ̂ yɨ i we nɨ Ŋwiə̀ ə nàʼə̀. Wɨ yɨ rɨ əmbɨ ə bə̂d rɨ ɨgwɨ ə si, kaʼi rɨ əmbɨ Əzwî ə Ŋwìə̀. Wɨ̀ yɨ rɨ əmbɨ ə Debɨ̀rə̀.

Jems 3:2

Mba mɨjìm mbɨə fàn ɨnû ənɨ mɨnə̂njɨ̀ nɔnɔʼ. Wə̀d mɔʼɔ mɨ yeʼ əŋgu nɨ chəi wɨə fàn ənɨ ɨnû mbe nɨ wɨə ghàə̀, njɨ məd ə bɔŋ màànɨ̀, bə̀ kyerɨ ɨchî nɨ yimbɨ i ɨnyod jìm.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.