1 Kɔrèn 2:4 - Meta’

⁴ Ənɨ mə̀ nyaʼə ghà ɨŋgam Ŋwiə̀ ɨ nən, chəi mə̀ nyaʼa nɨŋ ɨwe mbɨ ɨŋgam nəmɨ nəmɨ bɔŋ ghàm. Mə wɨə nyaʼə ghàə̀ yeʼ ɨchî nɨ Əzwî ə nyaʼə chwi ɨnə̂njɨ̀ ɨ num bə̀ nàʼ ɨka ɨ num.

Ikan feg

⁴ Chəyi mə̀ ya ghàmi inug mbo̰ inən ane iwe fɔrɔ ane ìngam nəmi nəmi. Mə yaya ghàmà məyi icheg ne Azwighi Ŋwiye yaya nàʼà ika inum.

1 Kɔrèn 2:4 교차 참조

Ɨ̀fàʼì 20:27

ɨmbə̀ʼ ɨghəm nɨ chəi mə̀ nyaʼa nuŋ ənû ə mɔʼɔ ze nɨ Ŋwìə̀ nyaʼa taŋ nùŋ ɨmbə̀ʼ əwən nɨ chəi mə̀ gha ɨ nən.

Ɨ̀fàʼì 26:28

Agripà nyaʼa biirɨ əmbɨ Pɔ̂l ni, “À kɔndɨ ni à we tɨ̀ à nɨŋ àmei ɨkə nyumə̀ bèŋ əmɨ ənɨ wə̀d Kristo ə?”

Rm 15:13

Ŋwìə̀ we nɨə ghɨ̀ ni mbə̀ berɨ ɨghɨ mbe nɨ mbə̀ə wòmə̀, ghɨ ni ɨghaʼi swi ɨŋga tə fîŋ, mbə̀ bə chub ənɨ əbɔrəbɔd ɨchî nɨ mbə̀ ben əməd, ɨmbə̀ʼ Əzwî ə Zeŋɨ ə ghɨ̀ ni mbə̀ wo ɨmbì wòm ɨnû mbe nɨ Ŋwiə̀ nyaʼa kaʼi.

Rm 15:19

ənjìm ɨnweenɨ-ɨnû nɨ kaanɨ, ənjìm ɨnû yiirɨ bə̀ fɔrɨ ənjìm ɨka we nɨ Əzwî ə Ŋwiə̀ ə nàʼə̀. Əne mə fə ghà ɨkə̂n chɔ̀m ɨmbə̀ʼ ə Kristo ɨŋga ɨsɨ jìm, kɔ rɨ ə Jèrusalèm kad wò pè əbà əbeŋ ze rɨ ə Ilirikùm.

Rm 16:18

ɨmbə̀ʼ ɨghəm nɨ chəi tɨkwɨrɨ bə̂d tɔ̂ ə fàʼ əmbɨ a Ə̀nùŋɨ̀sɨg Kristo. Ɨ mbɨə fàʼ àmei əmbɨ tə rɨbum. Ɨ mbɨə nɨŋ ɨŋgam nɨə nə̀mə̀ wə̀ŋ bə̀ nɨŋ ɨŋgam nɨə bɔtɨə tambɨə bə̂d mbe nɨ chəi mbɨ kyerɨ ənû.

1 Kɔrèn 1:17

Mə wɨə ghà əne ɨmbə̀ʼ ɨghəm nɨ chəi Kristo nyaʼa tom əmɨ ni mə̀ naʼ mɨnib. Wɨ̀ nyaʼa tom əmɨ yeʼ ni mə̀ gha ɨkə̂n chɔ̀m ənɨ ɨŋgam nɨ chəi wɨ nɔʼ rɨ ənɨ ɨwe bə̂d mɨ̀sɔŋɨchù, njɨ chəi ənû ze nɨ tɨə ghà ɨmbə̀ʼ ɨchî nɨ Yeso nyaʼa kwɨ əzed ə baʼnɨ ə wɨrɨ berɨ ɨka.

1 Kɔrèn 2:1

Mbɨ bɔŋgɔb, ənɨ mə̀ nyaʼa yeʼe əsɨ nən, chəi mə̀ nyaʼa gha ɨnû mbe nɨ yeʼ ənə̀mə ɨmbə̀ʼ ə Ŋwìə̀ ɨ nən ənɨ mɨŋgam kyeŋ kɨ̀ mbɨ ɨwe kyeŋ,

1 Kɔrèn 2:13

Chəi tɨə ghà ɨnû mbɔ̂ ənɨ mɨŋgam nɨ tɨ̀ nɨŋ tɨ ənɨ ɨwe bə̂d mɨ̀sɔŋɨchù. Tɨ̀ wɨə ghàə̀ yeʼ ənɨ mɨŋgam nɨ Əzwî ə Ŋwiə̀ ə naʼ ɨ na. Tɨ̀ wɨə nɨŋə mɨŋgam mbe toʼrɨ ɨnû rəsìʼ ɨmbə̀ʼ Əzwî ə Ŋwiə̀ əmbɨ ə bə̂d mbe nɨ Əzwî ə Ŋwiə̀ ə yeʼ ɨŋga mɨ̀mə̌d.

1 Kɔrèn 4:20

Ka ənû ɨfɔ̀n ə Ŋwiə̀ yɨ i ənû ɨmbə̀ʼ mɨŋgam, à yɨ ənû ɨmbə̀ʼ ɨka nɨ ghɨ ɨnû mbe nɨ Ŋwìə̀ kəbɨ.

2 Kɔrèn 6:6

Tɨ̀ wɨə chwiə ni tɨ yɨə bə̂d nɨ zeŋɨ. Tɨ̀ wɨə chwiə ni tɨə kyerɨ ənû. Tɨ̀ wɨə yimə fîŋ. Tɨ̀ wɨə ghɨ̀ ɨ̀chɔ̀m. Əzwî ə Zeŋɨ ə zɨ ɨŋga na. Tɨ̀ wɨə ghaʼə bə̂d ənɨ ta fîŋ rɨ̀jìm.

Gàlesìyà 1:10

Mə̀ kɨə kə̀bə̀ ni bə̂d gha ni mə bɔ̀ŋ, kɨ̀ ni Ŋwìə̀ gha ni mə bɔ̀ŋ ə? Kɨ̀ mə̀ kɨə kə̀b ghɨ ni fîŋ rɨ bə̂d bɔŋ ə? Mə mɨ yeʼə kɨrɨ kəb nɨ ghɨ ni bə̂d gha ni mə bɔ̀ŋ, njɨ ka mɔ̌ yɨ əmɨ wə̀d ə̀fàʼì Kristo.

Kòlosè 2:4

Mə wɨə ghà əne ɨmbə̀ʼ tɨ wə̀d mɔʼɔ tambɨ i əwən mbɨ mɨŋgam nəmɨ nəmɨ mɔʼɔ.

1 Tèsàlonikà 1:5

Tɨ̀ kyerɨ əne ɨmbə̀ʼ ɨghəm nɨ tɨ̀ nyaʼa yeʼe əsɨ nən mbɨ ɨkə̂n chɔ̀m. Chəi tɨ̀ nyaʼa yeʼe mbɨ ɨkə̂n chɔ̀m àmei ənɨ ɨŋgam. Tɨ̀ nyaʼa bə̀ ghà ɨkə̂n chɔ̀m ənɨ ɨka we nɨ Əzwî ə Zeŋɨ ə nàʼə̀. Tɨ̀ nyaʼa bə̀ kàŋ chwi ɨchî nɨ tɨ̀ ben ni ɨnû mbe nɨ yeʼ ɨŋga ɨkə̂n chɔ̀m yɨ ɨnû rəsìʼ. Mbə kyerɨ ɨnû mbe nɨ tɨ̀ nyaʼa ghɨ̌ ənɨ tɨ̀ nyaʼa əkaʼ nən. Tɨ̀ wɨə nyaʼa ghɨ ɨnû mbɔ̂ jìm ɨmbə̀ʼ weerɨ əwən.

1 Pità 1:12

Ŋwìə̀ nyaʼa chwi əmbɨ mɨ̀mə̌d ni chəi mbɨ nyaʼə faʼə yeʼ ɨmbə̀ʼ ə ɨghəm. Ɨ mbɨə nyaʼə faʼə yeʼ ɨmbə̀ʼ weerɨ əwən. Ɨ mbɨə nyaʼə ghà ɨnû mbe nɨ mbə̀ nyaʼa fə zu rɨ əmbɨ ə bə̂d mbe nɨ nyaʼa chè ənjìm Əzwî ə Zeŋɨ ze nɨ Ŋwìə̀ cha rɨkaŋ gha ɨkə̂n chɔ̀m. Mbɨ̀aŋgɨrə̀ mbɨə nyaʼə bə̀ kə̀b kyerɨ ənû rəŋgu.

2 Pità 1:16

Chəi tɨ̀ nyaʼa beenɨ əbɔʼ tɨpoʼ əko te nɨ bə̂d nyaʼa nɨŋ ɨwe tekɨ ənɨ tɨ̀ nyaʼə ghà ɨ nən ɨmbə̀ʼ ɨka a Ə̀nùŋɨ̀sɨg Yeso Kristo fɔrɨ ɨmbə̀ʼ nyùmə̀ we nɨ wɨ̀ bɨrɨ wɨrɨ yeʼe. Tɨ̀ yɨə nyaʼə mɨ̀zərɨmbin ənɨ wɨ̀ nyaʼa jɨg ənû ɨfɔ̀n.

2 Pità 2:18

Ɨ mbɨə ghàm mɨŋgam əneŋ goŋ ɨgɔ̂. Ɨ mbɨə nɨŋə ɨnyamnɨ-ɨnû mbe nɨ nyamnyod ə feenɨə tambɨə bə̂d mbe nɨ fə cherə jwɨ̀ rəbɔʼ mbe nɨə chub ɨŋga ɨfebrɨ-ɨnû.