1 Kɔrèn 2:14 - Meta’

¹⁴ Ka wə̀d we nɨ chəi Əzwî ə Ŋwiə̀ ɨŋga məd we tɨ wɨ̀ ben ɨnû rəsìʼ mbe nɨ Əzwî ə Ŋwìə̀ ə nàʼə̀, ɨmbə̀ʼ ɨghəm nɨ mbɨ yɨ ənû əneŋ ɨ bɔ. Chəi ənɨ tɨ̀ wɨ̀ kyerɨ ɨnû mbe ɨmbə̀ʼ ɨghəm nɨ àmei Əzwî ə Ŋwiə̀ ze tɨ̀ zɨə ghɨ̀ ni wɨ̀ kyerɨ.

Ikan feg

¹⁴ Wə̀d ne chəyi Azwighi Ŋwiye yaʼi inga məd, chəyi we bḛ inug mbe ne Azwighi Ŋwiye ze chwìte. Aton ya gha tiku inug te ya inug anen abə tengàŋ. Chəyi atog məd biri nɔ̀ʼ zen imbə̀ʼ inug mbe. À ya məyi Azwighi Ŋwiye ze ghìyə̀ gha itog zen abə bəd imbə̀ʼ tiku inug ìto̰.

1 Kɔrèn 2:14 교차 참조

Matìyò 16:23

Àyɨə wɨ̀ nyaʼa bèŋ ghà əmbɨ Pità ni, “Àwɔ̀ Satàn, nɔʼ e rɨ ɨban num! À wɨə kən ɨnə̂njɨ̀ ɨ num, ɨmbə̀ʼ ɨghəm nɨ chəi à nuŋ e ɨkɔndɨ ɨgun ɨghɨ mbe nɨ Ŋwìə̀ kəbɨ. À nùŋ yeʼ ɨgun mbe nɨ bə̂d mɨ̀sɔŋɨchù kəbɨ.”

Jn 10:20

Mɨ̀mə̌d mɨ̀nɔnɔʼ nyaʼa ghà ni, “Əzwî rɨbɔ̀ŋ ə zɨ ɨŋga məd! Ɨ wɨə beə! Mbə kɨə zwetɨ ənû ze nɨ wɨə ghà ɨmbə̀ʼ ə yè ə?”

Jn 12:37

Ka à bè yeʼi ni Yeso wɨə nyaʼə ghɨ̀ ɨnû yiirɨ nɔnɔʼ əkaʼ bə̂d mbe, chəi mbɨ nyaʼa ben əməd,

Jn 14:17

Məd yɨ Əzwî ə Zeŋɨ ze nɨ bɨrɨ ghɨ ni bə̂d kyerɨ rəsìʼ. Chəi ənɨ tɨ ɨsɨg nɨŋ əməd ɨmbə̀ʼ ɨghəm nɨ chəi ənɨ tɨ̀ wɨ̀ zə əməd kɨ̀ bè kyerɨ əməd. Mbə bɨrɨ kyerɨ əməd, ɨmbə̀ʼ ɨghəm nɨ məd wɨ i mbɨ nən, bə̀ kyerɨ ni məd wɨ i ɨŋga nən.

Jn 14:26

Mbǎʼ bɨrɨ cha Ə̀wèèrɨ̀-bə̂d we ənɨ mɨ ɨkum. Məd yɨ Əzwî ə Zeŋɨ ze nɨ bɨrɨ chwi ɨnû jìm ɨ nən bə̀ ghɨ̀ ni mbə̀ kɔndɨ ɨnû jìm mbe nɨ mə̀ fə gha ɨ nən.

Jn 15:26

“Ənɨ Ə̀wèèrɨ̀-bə̂d we nɨ mə bɨrɨ tom ɨ nən tɨ əmbɨ ə Mbǎʼ yeʼe, wɨ̀ bɨrɨ gha ɨnû ɨmbə̀ʼ əmɨ. Məd yɨ Əzwî ze nɨ Mbǎʼ chǎ. Məd bɨrɨ du rəsìʼ əsaŋ.

Jn 5:44

Mbə̀ kɨə wo ben rɨ ye, ənɨ mbə̀ə wumnɨ àmei mbə bɔŋgɔb, nɨ chəi mbə kəb ni Ŋwìə̀, nɨ mei we mɔʼ wumnɨ əwən ə?

Jn 8:43

Chəi mbə ɨtu kɨrɨ zeŋ ɨmbə̀ʼ ɨnû mbe nɨ mɨə ghà ɨmbə̀ʼ ə yè ə? À yɨ ɨmbə̀ʼ ɨghəm nɨ chəi ɨnû mbe kɨrɨ nyɨ ɨŋga mbə ɨtu.

Ɨ̀fàʼì 16:14

Əyi mɔʼɔ rəbɔʼ mbe nɨ nyaʼa zu ɨnû mbe nɨ tɨ̀ nyaʼə ghàə̀ yɨə Lidià. Wɨ̀ yɨə nyaʼa rɨ ə Tìatirà. Ɨ wɨə nyaʼə fènə̀ ngywɨ̌ əka ɨnun. Ɨ wɨə nyaʼə bə̀ wumnɨ ə Ŋwiə̀. Ə̀nùŋɨ̀sɨg nyaʼa fiʼ fîŋ məd ni wɨ̀ zɨ ətu ənɨ ənû ze nɨ Pɔ̂l nyaʼə ghàə̀.

Ɨ̀fàʼì 17:18

Bə̂d ɨwe mɔʼɔ nɨ mbɨ nyaʼə tɔŋ ənɨ mɨ̀Epikurià mbɨ mbɨ mɔʼɔ mbe nɨ mbɨ nyaʼə tɔŋ ənɨ mɨ̀Stoìk nyaʼa wò kumnɨ əməd kɔ tàŋɨ mbɨ məd. Mbɨ mɔʼɔ rəbɔʼ mɨ̀mə̌d nyaʼa gha ni, “Əkywɨ-ɨchù wɔ̂ kɨə kə̀b gha əzi ni yè ə?” Mbɨ cherə nyaʼa ghà ni, “Zɨə chub ɨghabɨ ni ɨ wɨə ghà ɨnû ɨmbə̀ʼ mɨ̀ŋwìə̀ rɨ̀sɔ̀ʼɔ̀.” Mbɨ nyaʼa ghà əne ɨmbə̀ʼ ɨghəm nɨ Pɔ̂l wɨə nyaʼə ghà ɨŋgam Ŋwiə̀ ɨmbə̀ʼ ə Yeso, bə̀ ghà ɨmbə̀ʼ ɨchî nɨ bə̂d bɨrɨ zwemə.

Ɨ̀fàʼì 17:32

Ənɨ mbɨ nyaʼa zu ənɨ Pɔ̂l nyaʼa gha ɨmbə̀ʼ ənû nɨ zwemə, mbɨ mɔʼɔ nyaʼa baʼrɨ əməd, àyɨə mbɨ cherə nyaʼa ghà ni, “Tɨ̀ bɨrɨ wɨrɨ zu ənû zɔ̂ ɨghəm cherə.”

Ɨ̀fàʼì 18:15

Àyɨə ɨchî nɨ mbə̀ə tàŋ ɨmbə̀ʼ mɨŋgam bə̀ tàŋ ɨmbə̀ʼ rɨkum bə̀ tàŋ ɨmbə̀ʼ tə rɨkə, mbə̀ neŋ ənû rəŋgu mbənə mbənə. Ka mə bɨrɨ ben əmɨ nɨ saʼ ɨnû ɨghabɨ mbɔ̂!”

Ɨ̀fàʼì 25:19

Ɨ mbɨə nyaʼə tàŋə̀ mbɨ məd ɨmbə̀ʼ ɨnû nɨ dè ənû ə ŋwiə̀ mɨ̀mə̌d fɔrɨ ɨmbə̀ʼ mbaŋə̀ mɔʼɔ nɨ ɨkum məd nyaʼə Yeso, nɨ nyaʼa fə kwɨ, àyɨə Pɔ̂l wɨə ghàə̀ ni ɨ wɨ ɨkǎ.

1 Kɔrèn 1:18

Ɨŋgam ɨmbə̀ʼ ɨchî nɨ Yeso nyaʼa kwɨ əzed ə baʼnɨ yɨ ənû əneŋ əmbɨ ə bə̂d mbe nɨə nimə, àyɨə əmbɨ mbà mbe nɨə jwɨ̀ rəŋgəʼ, ɨŋgam we ə chwi ɨchî nɨ Ŋwìə̀ berɨ ɨka.

1 Kɔrèn 1:21

Ŋwìə̀ nyaʼa nɨŋ i ɨwe ghɨ̀ ni tɨ bə̂d nɨŋ ə ɨwe bə̂d mɨ̀sɔŋɨchù kyerɨ əməd. Əne zɨə nyaʼa bɔ̀ŋ ɨ bɔ ni wɨ̀ chɨ bə̂d rəŋgəʼ ənjìm ɨchî nɨ mbɨ nyaʼa ben ənû əneŋ ze nɨ tɨ̀ nyaʼə ghàə̀.

1 Kɔrèn 1:23

àyɨə tɨ̀ wɨə ghà ɨmbə̀ʼ ə Kristo nɨ mbɨ nyaʼa kombɨ əzed ə baʼnɨ. Chəi mɨ̀Jû ghaʼ nɨ zu ənû zɔ̂. À yɨə bə̀ ənû əneŋ əmbɨ ə bə̂d mbe nɨ kaʼi mɨ̀Jû.

1 Kɔrèn 1:25

Bə̂d mɔʼɔ mbɨə kɔndɨə ni ɨchî nɨ Ŋwìə̀ nyaʼa ghɨ̌ mbɨ kòmbɨ̀ ə Kristo əzed ə baʼnɨ yɨ ənû əneŋ. Àyɨə ənû ze ə berɨ ɨwe ɨŋga chè ɨwe bə̂d mɨ̀sɔŋɨchù. Mbɨ mɔʼɔ mbɨə bə̀ kɔndɨə ni ɨchî nɨ Ŋwìə̀ nyaʼa ghɨ̌ mbɨ kòmbɨ̀ ə Kristo ə chwiə ni Ŋwìə̀ ə bɔd. Àyɨə ənû ze ə berɨ ɨka chè ɨka bə̂d mɨ̀sɔŋɨchù.

1 Kɔrèn 15:44

Ənɨ mbɨ konɨ, əghɨ ze ə berɨ nyamnyod əgɔ̂, àyɨə ənɨ mbɨ nɔ ɨkaŋ, Əzwî ə bɨrɨ yeʼ ɨŋga nyamnyod ze.

1 Kɔrèn 15:46

Kaʼi nyamnyod ze nɨ Əzwî ə yeʼ ɨŋga nɨ Ŋwìə̀ nyaʼa be tekɨ. Ŋwìə̀ nyaʼa bè tekɨ nyamnyod əgɔ̂, beenɨ tekɨ ze nɨ Əzwî ə yeʼ ɨŋga.

1 Kɔrèn 2:12

Tɨ̀nîn Əzwî ze nɨ Ŋwìə̀ ə nàʼ ə fə sɨ i ɨŋga na. Chəi əzwî ze nɨ yeʼ ɨŋga ɨsɨg ɨŋga na. Əzwî ze nɨ Ŋwìə̀ ə nàʼ ə zɨ ɨŋga na ɨmbə̀ʼ tɨ̀ kyerɨ mɨneʼe mbe nɨ Ŋwìə̀ naʼ ɨ na.

1 Kɔrèn 3:1

Bɔŋgɔb, chəi ənɨ tɨ̀ mə nyaʼa ghàm ɨ nən ɨchî nɨ tɨ̀ mə nyaʼa ghàm əmbɨ ə bə̂d mbe nɨ Əzwî ə Ŋwiə̀ ə yeʼ ɨŋga mɨ̀mə̌d. Mə nyaʼa berɨ gham ɨ nən ɨghabɨ ni mbə yɨə bə̂d rɨŋga ɨsɨg, kɨ̀ ɨghabɨ ni mbə yɨə bɔn bɔd ənɨ ənû ə Kristo.

Jems 3:15

Kaʼ ɨkwɨ ɨwe wɔ̂ yɨ i we nɨ Ŋwiə̀ ə nàʼə̀. Wɨ yɨ rɨ əmbɨ ə bə̂d rɨ ɨgwɨ ə si, kaʼi rɨ əmbɨ Əzwî ə Ŋwìə̀. Wɨ̀ yɨ rɨ əmbɨ ə Debɨ̀rə̀.

1 Jɔn 2:20

À yeʼ ɨmbə̀ʼ əwən, Wə̀d Zeŋɨ fə zɔʼ əwən, əne mbə̀n mɨjìm fə kyerɨ rəsìʼ.

1 Jɔn 2:27

À yeʼ ɨmbə̀ʼ əwən, Əzwî ze nɨ Kristo nyaʼa cha ɨ nən ə fə ten i ɨŋga nən, əne chəi ənɨ tɨ̀ wə̀d mɔʼɔ wɨrɨ chwi ənû ɨ nən. Əzwî ə zɨə chwi ɨnû jìm ɨ nən. Ɨnû mbe nɨ zɨə chwiə yɨ ɨnû rəsìʼ, nɨ chəi mɨghab ɨŋga. Mbə̀ ghɨ ɨnû mbe əne chubɨ ənɨ ɨfɔtɨ mbɨ Kristo.

1 Jɔn 5:20

Tɨ̀ bə̀ kyerɨ ni Wan Ŋwìə̀ fə yeʼe. Wɨ̀ fə ghɨ̀ ni tɨ̀ kyerɨ ɨnû, ɨmbə̀ʼ tɨ̀ kyerɨ Ŋwìə̀ we nɨ yeʼ wɨ rəsìʼ. Tɨ̀ wɨ ənɨ ɨfɔtɨ mbɨ Ŋwìə̀ we nɨ yeʼ wɨ rəsìʼ. Tɨ̀ wɨə bə̀ ənɨ ɨfɔtɨ mbɨ Wan məd Yeso Kristo. Məd yɨə Ŋwìə̀ rəsìʼ we nɨə ghɨ̀ ni bə̂d jɨg ɨ̀tènɨ̀ rɨ mì.

Jûd 1:19

Ɨ mbɨə ghàbrə̀ bə̂d. Ɨ mbɨə beenɨ əbɔʼ ɨnû mbe nɨ nyamnyod tɨ mɨ̀mə̌d ə kə̀bə̀. Chəi Əzwî ə Ŋwiə̀ ɨŋga mɨ̀mə̌d.