1 Kɔrèn 2:13 - Meta’

¹³ Chəi tɨə ghà ɨnû mbɔ̂ ənɨ mɨŋgam nɨ tɨ̀ nɨŋ tɨ ənɨ ɨwe bə̂d mɨ̀sɔŋɨchù. Tɨ̀ wɨə ghàə̀ yeʼ ənɨ mɨŋgam nɨ Əzwî ə Ŋwiə̀ ə naʼ ɨ na. Tɨ̀ wɨə nɨŋə mɨŋgam mbe toʼrɨ ɨnû rəsìʼ ɨmbə̀ʼ Əzwî ə Ŋwiə̀ əmbɨ ə bə̂d mbe nɨ Əzwî ə Ŋwiə̀ ə yeʼ ɨŋga mɨ̀mə̌d.

Ikan feg

¹³ Chəyi te ghàmà inug mbo̰ ane tìngam ne beri iwe wə̀d-aku. Tì ya ghàmà yaʼ tìngam tesiʼ ne Azwighi Ŋwiye chwiti ina. Tì ya tòʼrò tìngam te abə bəd mbe ne Azwighi Ŋwiye yaʼi inga inɔb.

1 Kɔrèn 2:13 교차 참조

Lk 12:12

ɨmbə̀ʼ ɨghəm nɨ Əzwî ə Zeŋɨ ə bɨrɨ ghɨ mbə̀ kyerɨ ənû ze nɨ mbə berɨ ghà ənɨ ə nyùmə̀ we.”

Ɨ̀fàʼì 2:4

Əzwî ə Zeŋɨ ə nyaʼa swi ɨŋga mɨ̀mə̌d mɨjìm, əne mbɨ nyaʼa kɔ gham mɨŋgam ɨbeŋ cherə, ɨchî nɨ Əzwî ze ə nyaʼa naʼ ɨka əmbɨ mɨ̀mə̌d.

1 Kɔrèn 1:17

Mə wɨə ghà əne ɨmbə̀ʼ ɨghəm nɨ chəi Kristo nyaʼa tom əmɨ ni mə̀ naʼ mɨnib. Wɨ̀ nyaʼa tom əmɨ yeʼ ni mə̀ gha ɨkə̂n chɔ̀m ənɨ ɨŋgam nɨ chəi wɨ nɔʼ rɨ ənɨ ɨwe bə̂d mɨ̀sɔŋɨchù, njɨ chəi ənû ze nɨ tɨə ghà ɨmbə̀ʼ ɨchî nɨ Yeso nyaʼa kwɨ əzed ə baʼnɨ ə wɨrɨ berɨ ɨka.

1 Kɔrèn 14:2

Chəi wə̀d mɔʼɔ we nɨə ghàm ɨŋgam rɨsɔ̀ʼɔ̀ ə ghàm əmbɨ ə bə̂d. Ɨ wɨə ghàmə̀ yeʼ əmbɨ ə Ŋwiə̀, ɨmbə̀ʼ ɨghəm nɨ chəi wə̀d cherə kyerɨ ənû ze nɨ wɨə ghàə̀. À yɨ Əzwî ə Zeŋɨ ə ghɨ ni wɨ̀ gha ɨnû mbe nɨ yeʼ ənə̀mə.

1 Kɔrèn 2:1

Mbɨ bɔŋgɔb, ənɨ mə̀ nyaʼa yeʼe əsɨ nən, chəi mə̀ nyaʼa gha ɨnû mbe nɨ yeʼ ənə̀mə ɨmbə̀ʼ ə Ŋwìə̀ ɨ nən ənɨ mɨŋgam kyeŋ kɨ̀ mbɨ ɨwe kyeŋ,

1 Kɔrèn 2:14

Ka wə̀d we nɨ chəi Əzwî ə Ŋwiə̀ ɨŋga məd we tɨ wɨ̀ ben ɨnû rəsìʼ mbe nɨ Əzwî ə Ŋwìə̀ ə nàʼə̀, ɨmbə̀ʼ ɨghəm nɨ mbɨ yɨ ənû əneŋ ɨ bɔ. Chəi ənɨ tɨ̀ wɨ̀ kyerɨ ɨnû mbe ɨmbə̀ʼ ɨghəm nɨ àmei Əzwî ə Ŋwiə̀ ze tɨ̀ zɨə ghɨ̀ ni wɨ̀ kyerɨ.

1 Kɔrèn 2:4

Ənɨ mə̀ nyaʼə ghà ɨŋgam Ŋwiə̀ ɨ nən, chəi mə̀ nyaʼa nɨŋ ɨwe mbɨ ɨŋgam nəmɨ nəmɨ bɔŋ ghàm. Mə wɨə nyaʼə ghàə̀ yeʼ ɨchî nɨ Əzwî ə nyaʼə chwi ɨnə̂njɨ̀ ɨ num bə̀ nàʼ ɨka ɨ num.

1 Kɔrèn 9:11

Tɨ̀ mɨ fə kon ɨghɨ mbe nɨ Əzwî ə naʼ ɨ na əkaʼ nən, njɨ zɨə wa nɔʼ əku əwù ze nɨ tɨ̀ biirɨ ɨghɨ mɔʼɔ rɨ nən ə?

Efesùs 5:19

Mbə̀ kwerɨ mɨkyî əkaʼ nən ənɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî. Mbə̀ kwerɨ mɨkyî yiirɨ Ə̀nùŋɨ̀sɨg ɨŋga tə fîŋ.

Kòlosè 3:16

Ɨŋgam ɨmbə̀ʼ ə Kristo kaŋ tèn ɨŋga tə fîŋ kwàʼ ɨchî chɔ̀m. Mbə chwi ɨnû, bə̀ kəərɨ mbə bɔŋgɔb ənɨ ɨwe jìm. Mbə̀ kwerɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî naʼ əmbɨ ə Ŋwiə̀. Mbə̀ ghɨ əne mbɨ ɨghaʼi kyeŋ ɨŋga tə fîŋ.

1 Pità 1:12

Ŋwìə̀ nyaʼa chwi əmbɨ mɨ̀mə̌d ni chəi mbɨ nyaʼə faʼə yeʼ ɨmbə̀ʼ ə ɨghəm. Ɨ mbɨə nyaʼə faʼə yeʼ ɨmbə̀ʼ weerɨ əwən. Ɨ mbɨə nyaʼə ghà ɨnû mbe nɨ mbə̀ nyaʼa fə zu rɨ əmbɨ ə bə̂d mbe nɨ nyaʼa chè ənjìm Əzwî ə Zeŋɨ ze nɨ Ŋwìə̀ cha rɨkaŋ gha ɨkə̂n chɔ̀m. Mbɨ̀aŋgɨrə̀ mbɨə nyaʼə bə̀ kə̀b kyerɨ ənû rəŋgu.

2 Pità 1:16

Chəi tɨ̀ nyaʼa beenɨ əbɔʼ tɨpoʼ əko te nɨ bə̂d nyaʼa nɨŋ ɨwe tekɨ ənɨ tɨ̀ nyaʼə ghà ɨ nən ɨmbə̀ʼ ɨka a Ə̀nùŋɨ̀sɨg Yeso Kristo fɔrɨ ɨmbə̀ʼ nyùmə̀ we nɨ wɨ̀ bɨrɨ wɨrɨ yeʼe. Tɨ̀ yɨə nyaʼə mɨ̀zərɨmbin ənɨ wɨ̀ nyaʼa jɨg ənû ɨfɔ̀n.