1 Kɔrèn 16:6 - Meta’

⁶ Ɨghə̀m mə bɨrɨ chubɨ mbɨ nən ənɨ ɨkə nyùmə̀, kɨ̀ mə bè chub əwɔ ənɨ ə nyùmə̀ we nɨ ɨfə ə kɔ əku, ɨmbə̀ʼ mbə̀ weerɨ chà əmɨ əsɨ ze nɨ mɨə wòə̀.

Ikan feg

⁶ Ighəm mɔ̀ʼɔ mə biri chughi abɔ̀ʼ inən ane inun ineg mɔ̀ʼɔ. Kə̀ mə bə̀ chùghi abɔ̀ʼ inən ane nyùmə̀ we ne ifə we taŋ ko ni gha mbə̰ biri wètì ni chà amə ane asiŋi ne mə ghò.

1 Kɔrèn 16:6 교차 참조

Ɨ̀fàʼì 15:3

Ənɨ ɨfetɨ bə̂d Kristo nyaʼa tom mɨ̀mə̌d əne, mbɨ nyaʼa wò chè ə Fonesià fɔrɨ ə Sàmàriyà yènə̀ ghà ɨnû ɨmbə̀ʼ ɨchî nɨ bə̂d mbe nɨ kaʼi mɨ̀Jû fə ben ə Kristo. Əze ə nyaʼa ghɨ̀ ni ɨghaʼi swi ɨŋga fîŋ bə̂d Kristo mɨjìm.

Ɨ̀fàʼì 17:15

Mbaŋə̀ te nɨ nyaʼa wo nɨŋ ə Pɔ̂l nyaʼa wò mbɨ məd əne əne wò pè ə Atèns. Ənɨ mbɨ nyaʼə wɨrɨə bə̀ndɨ̀ə̀, Pɔ̂l nyaʼa tom mɨ̀mə̌d əsɨ Sailàs mbɨ Timotì ni mbɨ zambɨ yeʼe kumnɨ əwi.

Ɨ̀fàʼì 20:38

Mbɨ nyaʼa kàŋ kə̀n əku ɨmbə̀ʼ ɨŋgam we nɨ wɨ̀ nyaʼa ghà əmbɨ mɨ̀mə̌d ni chəi mbɨ bɨrɨ nɔ wɨrɨ zə əwi. Mbɨ nyaʼa ghɨ əne, nɨŋ əməd wò chà ɨŋga əbaŋ ɨgyɨ̀.

Ɨ̀fàʼì 21:5

Ənɨ ɨni mbe nɨ tɨ̀ nyaʼa berɨ chub əŋgu nyaʼa fə mì i, tɨ̀ nyaʼa sàŋ mɨ̀mə̌d, nɔ̀ʼ wò əwa. Bə̂d mɨjìm mbe nɨ nyaʼa ben ə Kristo mbɨ məyi mɨ̀mə̌d fɔrɨ bɔn nyaʼa nɨŋ əwa wò chà. Mbɨ nyaʼa chubɨ mbɨ na pè ənɨ tɨ̀ nyaʼa jwɨ rɨŋga əsɨ ze. Tɨ̀ nyaʼa pè əŋgo rɨ̀bàà, chìndɨ̀ ɨtu ɨnywɨ ə si kɔ̀ŋgɨ̀ ə Ŋwiə̀.

Ɨ̀fàʼì 27:12

Ɨchî nɨ chəi əsɨ ze nɨ mbɨ nyaʼa pè təm nyaʼa kuʼ nɨ tɨ̀ mbɨ chub əŋgu ənɨ ə nyùmə̀ we nɨ ɨfə ə kɔ əku, bə̂d mɨ̀nɔnɔʼ nyaʼa ghà ni mbɨ wo ɨmbì, ɨghə̀m mbə pè ə Fonìz. Fonìz yɨə nyaʼa əsɨ ə kyeŋ ə Kret. Ə zɨə nyaʼə neŋ əbà ze nɨ nyùmə̀ ə jwɨ̀ə̀. Tɨ̀ nyaʼa chub əŋgu pè ənɨ nyùmə̀ ɨfə we nyaʼa chě.

Ɨ̀fàʼì 28:11

Ənɨ əmɨg ə nyaʼa che ətad, tɨ̀ nyaʼa wò nyɨ əbaŋ nɨ nyaʼa əkəm əsɨ ze ənɨ ə nyùmə̀ we nɨ ɨfə nyaʼə kɔ əku. Əbaŋ ze zɨə nyaʼa rɨ ə Àlèzandrià. Mbɨ nyaʼa tɔ bɔn mɨ̀ŋwìə̀ ɨfě əbaŋ ze.

Rm 15:24

mə fə nùŋ ɨŋga mɨ ɨkɔndɨ ni mə bɨrɨ zə əwən ənɨ mɨə chèə̀ wò ə Speìn. Mə mɨ yeʼe, mə bɨrɨ chubɨ moorɨ mbɨ nən ənɨ əkɔb ə nyùmə̀, ɨmbə̀ʼ mbə wèèrɨ̀ chà əmɨ ənɨ mɨə sɨə wɨrɨə wòə̀.

1 Kɔrèn 16:11

Tɨ wə̀d mɔʼɔ təənɨ i əməd. Mbə̀ weerɨ əməd ni wɨ̀ yèn ənɨ əbɔrəbɔd ənɨ wɨə wɨrɨə bə̀ndɨ̀ə̀ yeʼe əsɨ num. Mə wɨə wòm əməd ni wɨ yeʼe mbɨ ə bɔŋgɔb cherə mbe nɨ ben ə Kristo.

2 Kɔrèn 1:16

Mə wɨə nyaʼə kə̀bə̀ ni mə bɨrɨ chè mo əwən ənɨ mɨə wò ə Màsèdonià bə̀ fɔrɨ ənɨ mɨə wɨ̀rə̀ bə̀ndɨ̀ə̀, ɨmbə̀ʼ mbə̀ weerɨ chà əmɨ ənɨ mɨə wò ə Jùdeyà.

Tayitùs 3:12

Ənɨ mə̀ tom ə Atemàs kɨ̀ ə Taikikùs əsɨ ne, kywɨ ənywɨ zə ni à zambɨ yeʼe kumnɨ əmɨ ə Nikopolìs, ɨmbə̀ʼ ɨghəm nɨ mə fə kàʼ ni mə bɨrɨ chub əŋgu ənɨ ə nyùmə̀ we nɨ ɨfə ə kɔ əku.