14 Mbə̀ ghɨ ɨnû jìm ənɨ ɨghaʼi.
14 Mbə̀ faʼa inug ijìm ane àkɔ̀ŋì.
Ɨkə we nɨ mə naʼ ɨ nən yɨ ni: mbə̀ ghaʼ mbə bɔŋgɔb.”
Əghɨ ze nɨ àwɔ̀ ə jɨgə mɨ yeʼə tɔb we aŋgɔb, njɨ zɨə chwi ni chəi àwɔ̀ ə wɨrɨə ghɨ̀ ɨnû mbɨ ɨghaʼi. Tɨrə̀ ben e ni əghɨ ze nɨ àwɔ̀ ə jɨg ə nimnɨ ɨbenɨ wə̀d mɔʼɔ we nɨ Kristo nyaʼa kwɨ ɨgwɨ ətu əməd.
Mbə̀ kaŋ kə̀b yeʼ mɨneʼe mbe nɨ chè mbɔ̂. Mə bɨrɨ chwi ɨnə̂njɨ̀ ɨ nən nɨ bɔŋ chè mɨnə̂njɨ̀ jìm.
Mbə̀ kywɨ ənywɨ zə ni ɨghaʼi yeʼ əghɨ ze nɨə tin əwən wò ɨmbì. Mbə̀ jeŋgɨ kə̀b yeʼ mɨneʼe mbe nɨ Əzwî ə Zeŋɨ ə nàʼə̀, màànɨ̀ ɨneʼe nɨ gha ɨkə̂n Ŋwiə̀.
Mbɨ bɔŋgɔb, mbə̀ nyaʼa fə kyerɨ ə ni ɨnəbɨ Stefanàs yɨə nyaʼə ɨnəbɨ rɨtu nɨ nyaʼa ben ə Kristo ə Àkàiyà. Mɨ̀mə̌d nyaʼa fə sweŋ ə ɨnyod nɨ faʼ əmbɨ ə bə̂d Ŋwiə̀. Əne mə wɨə buʼ ɨ bɔ ɨ nən ni,
Tɨ̀nîn mə wɨə kə̀b ghà ɨmbə̀ʼ tɨjɨg te nɨ mbɨ naʼ ənɨ ɨghɨ ə̀fà əmbɨ mbɨ̀anèŋ: Tɨ̀ kyerɨ ni, “Mba mɨjìm ə berɨ ɨwe,” ɨchî nɨ mbə̀n mɨmɔʼɔ ə ghàə̀. Ɨwe wɨə ghɨ̀ ni bə̂d nɔ ɨnyod, àyɨə ɨghaʼi wɨə korə bə̂d ənɨ mbɨ mɔʼ.
Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,
Ə̀nùŋɨ̀sɨg ghɨ ni ɨghaʼi we nɨ yeʼ əkaʼ nən bə̀ fɔrɨ əkaʼ bə̂d mɨ̀jìm swi gwèə̀, àmei ɨchî nɨ wa bə̀ swi ɨgwɨ nən gwèə̀.
Tɨ̀nîn Timotì fə bə̀ndɨ̀ yeʼe əsɨ na mbɨ ɨkə̂n chɔ̀m ɨmbə̀ʼ ɨchî nɨ mbə̀ nuŋ fîŋ ɨgun ə Kristo fɔrɨ ɨmbə̀ʼ ɨchî ni mbə̀ ghaʼ mbə bɔŋgɔb. Wɨ̀ fə ghà ɨ na ni mbə mbɨə kɔndɨ əwa ɨghəm jìm ənɨ ə fîŋ chɔ̀m bə fɔrɨ ni mbə mbɨə kəb zə əwa àmei ɨchî nɨ tɨə bə̀ kəb zə əwən.
Mba bɔŋgɔb, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən. Tɨ̀ berɨ ghɨ əne ɨchî nɨ zɨə kuʼnɨ, ɨmbə̀ʼ ɨghəm nɨ ə ɨbenɨ wɨə kwiə wò ɨmbì. Mbə mbɨə ghaʼə mbə bɔŋgɔb wò ɨmbì.
Əton nɨ mə gha ənû zɔ̂ ɨ ne yɨ ni bə̂d Kristo berɨ ghaʼ əwən mbənə mbənə. Ɨghaʼi we berɨ jwɨ rɨŋga fîŋ nɨ zeŋɨ, rɨŋga fîŋ nɨ chəi ɨnû rɨbɔ̀ŋ ɨŋga bə̀ fɔrɨ rɨŋga ɨbenɨ we nɨ yeʼ wɨ rəsìʼ.
Wə̀d jìm yim ɨnamɨ mbɨ ɨwumnɨ. Tɨ mbə̀ ghɨ̀ ə ɨfabrɨ-ɨnû, ɨmbə̀ʼ ɨghəm nɨ Ŋwìə̀ bɨrɨ saʼ bə̂d mbe nɨə ghɨ̀ ɨfabrɨ-ɨnû, bə̀ saʼ mbe nɨə ni məyi kɨ̀ mbaŋə̀ əbəŋ əbəŋ.
Ənû nɨ chè ɨnû jìm yɨ ni mbə̀ ghaʼ ə ɨnyod mbənə mbənə kwàʼ rɨŋga fîŋ, ɨmbə̀ʼ ɨghəm nɨ ɨghaʼi wɨə kubrɨ ɨnû rɨbɔ̀ŋ nɔnɔʼ.
Ɨchî nɨ mbə̀ə wumnɨ ə Ŋwìə̀ ə ghɨ ni mbə̀ ghaʼ mbə bɔŋgɔb. Ɨchî nɨ mbə̀ə ghaʼ mbə bɔŋgɔb ə ghɨ ni mbə̀ ghaʼ bə̂d cherə.
