1 Kɔrèn 16:11 - Meta’

¹¹ Tɨ wə̀d mɔʼɔ təənɨ i əməd. Mbə̀ weerɨ əməd ni wɨ̀ yèn ənɨ əbɔrəbɔd ənɨ wɨə wɨrɨə bə̀ndɨ̀ə̀ yeʼe əsɨ num. Mə wɨə wòm əməd ni wɨ yeʼe mbɨ ə bɔŋgɔb cherə mbe nɨ ben ə Kristo.

Ikan feg

¹¹ Ane, imbə̀ʼ wə̀d mɔ̀ʼɔ wèg yi aməd. Anyumə̀ ne məd we bə̀ndə̀ yèʼe abɔ̀ʼ inum, mbə̀ wètì aməd wì yḛ̀ kwàʼ ane àbɔrɔ̀bɔd. Mə we ghɔ̀mɔ̀ aməd gha wì yèʼe abɔ̀ʼ mbin tì məfi mbe ne yaʼi bəd Kristo.

1 Kɔrèn 16:11 교차 참조

Lk 10:16

“Wə̀d mɔʼɔ we nɨ zu ənû ze nɨ mbə̀ gha, fə bə̀ zu əze nɨ mə gha. We nɨ ton əwən, fə bə̀ ton əmɨ. We nɨ ton əmɨ, fə bə̀ ton wə̀d we nɨ nyaʼa tom əmɨ.”

Ɨ̀fàʼì 15:3

Ənɨ ɨfetɨ bə̂d Kristo nyaʼa tom mɨ̀mə̌d əne, mbɨ nyaʼa wò chè ə Fonesià fɔrɨ ə Sàmàriyà yènə̀ ghà ɨnû ɨmbə̀ʼ ɨchî nɨ bə̂d mbe nɨ kaʼi mɨ̀Jû fə ben ə Kristo. Əze ə nyaʼa ghɨ̀ ni ɨghaʼi swi ɨŋga fîŋ bə̂d Kristo mɨjìm.

Ɨ̀fàʼì 15:33

Ənɨ mbɨ nyaʼa fə chub əŋgu ənɨ əkɔb ə nyumə̀, bɔŋgɔb mbe nyaʼa wɨrɨ chà mɨ̀mə̌d ənɨ əbɔrəbɔd əmbɨ mbe nɨ nyaʼa tom mɨ̀mə̌d.

1 Kɔrèn 16:10

Timotì mɨ yeʼe, mbə̀ zə ni wɨ̀ chub ɨchî chɔ̀m əkaʼ nən. Məd wɨə fàʼ əmbɨ Ə̀nùŋɨ̀sɨg ɨchî nɨ mɔ̌ ə bə̀ fàʼə̀.

1 Kɔrèn 16:6

Ɨghə̀m mə bɨrɨ chubɨ mbɨ nən ənɨ ɨkə nyùmə̀, kɨ̀ mə bè chub əwɔ ənɨ ə nyùmə̀ we nɨ ɨfə ə kɔ əku, ɨmbə̀ʼ mbə̀ weerɨ chà əmɨ əsɨ ze nɨ mɨə wòə̀.

2 Kɔrèn 1:16

Mə wɨə nyaʼə kə̀bə̀ ni mə bɨrɨ chè mo əwən ənɨ mɨə wò ə Màsèdonià bə̀ fɔrɨ ənɨ mɨə wɨ̀rə̀ bə̀ndɨ̀ə̀, ɨmbə̀ʼ mbə̀ weerɨ chà əmɨ ənɨ mɨə wò ə Jùdeyà.

1 Tèsàlonikà 4:8

Chəi wə̀d mɔʼɔ we nɨ ton tɨkə tɔ̂ ton wə̀d mɨ̀sɔŋɨchù, wɨ̀ ton yeʼ Ŋwiə̀ we nɨə nàʼ e Əzwî ə Zeŋɨ ɨ nən.

1 Timotì 4:12

Tɨrə̀ ben e ni wə̀d mɔʼɔ təənɨ əwe ɨmbə̀ʼ ɨghəm nɨ àwɔ̀ yeʼ wan kwa. À berɨ yeʼ əmɨg əmbɨ ə bə̂d mbe nɨ ben ə Kristo ɨchî nɨ àwɔ̀ ə ghàmə̀, ɨchî nɨ àwɔ̀ ə ghɨ̀ ɨnû, ɨchî nɨ àwɔ̀ ə ghaʼə bə̂d bə̀ fɔrɨ ɨchî nɨ àwɔ̀ chub ə zeŋɨ zeŋɨ.

Tayitùs 2:15

Gha ɨnû mbɔ̂. Nɨŋ ɨka jìm we nɨ Kristo naʼ ɨ ne tìmbɨ̀ bə̂d əŋgu, bə̀ nɨŋ ghàm əbɔʼ mɨ̀mə̌d. Tɨrə̀ ben e ni wə̀d mɔʼɔ təənɨ əwe.

3 Jɔn 1:6

Mbɨ fə ghà əmbɨ ɨfetɨ wɨ rɨ əgha ɨmbə̀ʼ ɨchî nɨ àwɔ̀ ə ghaʼə bə̂d. À bɨrɨ fə kàŋ ghɨ̀ ənû ə chɔ̀m əwù ze nɨ à naʼ ɨghɨ mbe nɨ mbɨ kəbɨ ənɨ mbɨə sɨə wɨrɨə wò ə. Əze ə bɨrɨ kaŋ bɔ̀ŋ əmbɨ ə Ŋwìə̀,