1 Kɔrèn 16:10 - Meta’

¹⁰ Timotì mɨ yeʼe, mbə̀ zə ni wɨ̀ chub ɨchî chɔ̀m əkaʼ nən. Məd wɨə fàʼ əmbɨ Ə̀nùŋɨ̀sɨg ɨchî nɨ mɔ̌ ə bə̀ fàʼə̀.

Ikan feg

¹⁰ Timotì mə yèʼe abɔ̀ʼ inən, mbə̀ niŋ aməd nyìmi kwàʼ icheg chɔm imbə̀ʼ icheg ne məd we bə̀ fàʼà abə Anɔŋisəg icheg inum.

1 Kɔrèn 16:10 교차 참조

Ɨ̀fàʼì 16:1

Pɔ̂l mbɨ Sailàs nyaʼa wò pè ə Də̂be fɔrɨ ə Listrà. Mbaŋə̀ mɔʼɔ nɨ nyaʼa ben ə Kristo wɨə nyaʼa əŋgu nɨ ɨkum məd nyaʼə Timotì. Ɨŋgɔb məd yɨə nyaʼə əyi Jû nɨ nyaʼa ben ə Kristo, àyɨə mbǎʼ məd yɨə nyaʼə wə̀d rɨ ə Gris.

Ɨ̀fàʼì 19:22

Əne wɨ̀ nyaʼa tom mbaŋə̀ rɨ̀be rəbɔʼ te nɨ nyaʼə wèèrɨ̀ əməd, əne yɨə Timotì mbɨ Erastùs, ni mbɨ wo ə Màsèdonià. Məd ziə nyaʼa chub ə Esià ənɨ əkɔb ə nyumə̀.

Rm 16:21

Timotì nɨə fàʼə̀ mbɨ num wɨə bə̀ chàʼrɨ̀ əwən. Lusiùs mbɨ Jasɨ̀n fɔrɨ ə Sosipatà, nɨ yeʼ mbɨ ɨfurɨ, mbɨə bə̀ chàʼrɨ̀ əwən.

1 Kɔrèn 15:58

Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ̀. Tɨ mbə̀ ben ə ni əghɨ ə mɔʼɔ chiʼ əwən. Mbə̀ faʼ ə̀fàʼì ze nɨ Ə̀nùŋɨ̀sɨg zɨ ɨŋga tə rɨkyerɨ-ɨbɔ. Mbə̀ faʼ əne wò ɨmbì. Mbə mɨ yeʼe ghɨ̀ əne, mbə̀ kyerɨ ni chəi ənû ə mɔʼɔ ze nɨ mbə̀ ghɨ əmbɨ Ə̀nùŋɨ̀sɨg ə bɨrɨ che ətu ə̀kǒ.

1 Kɔrèn 16:11

Tɨ wə̀d mɔʼɔ təənɨ i əməd. Mbə̀ weerɨ əməd ni wɨ̀ yèn ənɨ əbɔrəbɔd ənɨ wɨə wɨrɨə bə̀ndɨ̀ə̀ yeʼe əsɨ num. Mə wɨə wòm əməd ni wɨ yeʼe mbɨ ə bɔŋgɔb cherə mbe nɨ ben ə Kristo.

1 Kɔrèn 4:17

Əzɔ̂ yɨ əton nɨ mɨə tom ə Timotì əsɨ nən. Məd yɨ mɨ wan nɨ mə̀ ghaʼi kwàʼ rɨŋgəʼ. Məd wɨə fàʼ əmbɨ Ə̀nùŋɨ̀sɨg ənɨ i fîŋ jìm. Məd bɨrɨ nɔɔrɨ mbə ɨtu ɨmbə̀ʼ ɨnû mbe nɨ mə̀ nyaʼə ghɨ̀ ənɨ mə̀ nyaʼa ben ə Kristo Yeso, nɨ yeʼ ɨnû mbe nɨ mɨə chwi ɨsɨ jìm ɨŋga rɨfetɨ bə̂d Kristo rɨjìm.

2 Kɔrèn 1:1

À yɨə mɔ̌ Pɔ̂l, nɨ mə̀ yeʼ wə̀d tom Kristo Yeso ɨchî nɨ Ŋwìə̀ kəbɨ, ŋwaʼnɨ ə̀ŋwàʼnɨ̀ zɔ̂. Mə wɨə ŋwàʼnɨ̀ əmbɨ ɨfetɨ bə̂d Ŋwiə̀ we nɨ yeʼ ə Kɔrèn. Mə wɨə bə̀ ŋwàʼnɨ̀ əmbɨ ə bə̂d Ŋwiə̀ mɨjìm mbe nɨ yeʼ əbà əbeŋ ze rɨ ə Àkàiyà. Mɔ̌ mbɨ Timotì nɨ yeʼ wa aŋgɔb chàʼrɨ̀ əwən.

2 Kɔrèn 6:1

Ɨchî nɨ tɨə fàʼ ɨnɔ̂n mbɨ ə Ŋwiə̀, əne tɨ̀ wɨə buʼ ɨbɔ ɨ nən ni tɨ mbə̀ ben ə ni ɨ̀chɔ̀m we nɨ Ŋwiə̀ ghɨ ənɨ ə nən che ətu ə̀kǒ.

1 Tèsàlonikà 3:2

Tɨ̀ nyaʼa tom wa aŋgɔb Timotì ni wɨ̀ yeʼe ghɨ tə fîŋ kaanə bə̀ tìmbɨ̀ əwən ɨchî nɨ mbə nuŋ fîŋ ɨgun ə Kristo. Məd wɨə fàʼ əmbɨ ə Ŋwiə̀ mbɨ na ɨchî nɨ tɨə ghà ɨkə̂n chɔ̀m ɨmbə̀ʼ ə Kristo.

1 Tèsàlonikà 4:12

Mbə ghɨ əne ɨmbə̀ʼ bə̂d mbe nɨ kaʼi bə̂d Kristo wumnɨ əwən fɔrɨ ɨmbə̀ʼ tɨ mbə̀ kəb ə ni bə̂d cherə naʼ ɨghɨ mbe nɨ mbə̀ kəbɨ.