1 Kɔrèn 15:13 - Meta’

¹³ À mɨ yeʼ ni chəi bə̂d bɨrɨ zwemə, əne chəi Ŋwìə̀ nyaʼa bə̀ zwemnɨ ə Kristo.

Ikan feg

¹³ Àmə yaʼ ni gha chəyi bəd ku biri zweme, nji chəyi Ŋwiye ya bə zwèmne Kristo.

1 Kɔrèn 15:13 교차 참조

Ɨ̀fàʼì 23:8

Mɨ̀Sadusiî mbɨə nyaʼə ghàə̀ ni ka bə̂d bɨrɨ zwemɨ ə fɔrɨ ni chəi mbɨ̀aŋgɨrə̀ kɨ̀ ɨzwî əŋgu. Àyɨə mɨ̀Farisiî nyaʼa ben ɨnû mbɔ̂ jìm.

Rm 8:11

À mɨ yeʼ nɨ Əzwî ə wə̀d we nɨ nyaʼa zwemnɨ ə Yeso ə yeʼ ɨŋga nən, njɨ məd we nɨ nyaʼa zwemnɨ ə Kristo bɨrɨ bɨ naʼ ɨ̀tènɨ̀ əmbɨ tə nyamnyod te nɨə kwɨə. Wɨ̀ bɨrɨ ghɨ əne ənjìm Əzwî əməd ze nɨ yeʼ ɨŋga nən.

Rm 8:23

Ka àmei ɨghɨ mbe nɨ Ŋwìə̀ nyaʼa tekɨ mbe ə chwèmə̀. Mba bə nɨ Əzwî ə Ŋwiə̀ ə yeʼ ɨŋga na, nɨ Əzwî ze ə yeʼ ɨneʼe rɨtu we nɨ Ŋwìə̀ naʼ ɨ na, wɨə bə̀ chwèm ɨŋga ta fîŋ ɨchî nɨ tɨə wòmə̀ ni Ŋwìə̀ nɨŋ əwa ənɨ mbi bɔn, ɨmbə̀ʼ choʼ ta nyamnyod tɨ ənɨ ŋgəʼ jìm.

1 Kɔrèn 15:12

Mbɨ mɨ yeʼə ghàə̀ ni Ŋwìə̀ nyaʼa zwemnɨ ə Kristo, njɨ zɨə sɨ wɨrɨ chè rɨ yè nɨ bə̂d mɔʼɔ rəbɔʼ nən ə ghà ni chəi bə̂d bɨrɨ zwemə ə?

1 Kɔrèn 15:14

À mɨ bə̀ yeʼ nɨ chəi Ŋwìə̀ nyaʼa zwemnɨ ə Kristo, njɨ ɨŋgam Ŋwiə̀ we nɨ tɨə ghàə̀ yɨ ətu ə̀kǒ. Ə ɨbenɨ yɨə bə̀ ətu ə̀kǒ.

1 Kɔrèn 15:20

À yɨ rəsìʼ ni Ŋwìə̀ nyaʼa zwemnɨ ə Kristo. À yɨə bə̀ rəsìʼ ni Kristo yɨə wə̀d rɨtu nɨ Ŋwìə̀ zwemnɨ rəbɔʼ bə̂d mbe nɨ nyaʼa fə kwɨ.

1 Tèsàlonikà 4:14

Tɨ̀ ben ni Yeso nyaʼa kwɨ wɨrɨ zwemə. Tɨ̀ bə̀ ben ni Ŋwìə̀ bɨrɨ wɨrɨ nɨŋ bə̂d mbe nɨ nyaʼa ben Yeso bɔŋ kwɨ ni mbɨ chub mbɨ Yeso.

2 Timotì 4:8

Əne Ə̀nùŋɨ̀sɨg we nɨə saʼə bə̂d ɨchî nɨ kuʼnɨ bɨrɨ naʼ əjwɨ-əgu ɨ num əni ze nɨ wɨ̀ bɨrɨ yeʼe ɨ saʼ ɨsɨg. Wɨ̀ bɨrɨ naʼ ɨmbə̀ʼ ɨghəm nɨ mə wɨə ghɨ̀ ɨnû nɨ kuʼnɨ. Chəi wɨ̀ bɨrɨ naʼ àmei ɨ num. Wɨ̀ bɨrɨ bɨ naʼ əmbɨ ə bə̂d mbe nɨə wòmə̀ ni wɨ̀ wɨrɨ yeʼe.

Mə̀Hibrù 13:20

Ŋwìə̀ we nɨə nàʼ əbɔrəbɔd, nɨ nyaʼa che ənjìm ənəm ze nɨ wɨ̀ nyaʼa nɨŋ san fɨso fe nɨ ten i koŋ əne zwemnɨ ə Yeso a Ə̀nùŋɨ̀sɨg nɨ yeʼ ənə̂ŋgɨ̀-njɨ̀g nɨ dabə,

Mə̀Hibrù 2:14

Əne ɨchî nɨ bɔn mbe berɨ nyamnyod mbɨ ənəm, məd ziə nyaʼa bə̀ yeʼ wə̀d mɨ̀sɔŋɨchù, ɨmbə̀ʼ ənjìm ɨvɨ məd, wɨ̀ bɨrɨ nimnɨ əməd we nɨ berɨ ɨka ɨgwɨ ɨvɨ, əne yɨə Debɨ̀rə̀.

1 Pità 1:3

Tɨ̀ yiirɨ ə Ŋwiə̀ we nɨ yeʼ Mbǎʼ a Ə̀nùŋɨ̀sɨg Yeso Kristo! Məd wɨə dììrɨ̀ əwa kwàʼ ɨchî chɔ̀m. Wɨ̀ fə ghɨ̀ tɨ̀ jɨg ɨ̀tènɨ̀ fi ɨchî nɨ wɨ̀ zwemnɨ ə Yeso Kristo. Əzɔ̂ ə fə ghɨ̀ ni tɨ̀ nuŋ rɨkɔndɨ wom ɨnû mbe nɨ Ŋwìə̀ kaʼ ɨ na.

Ɨnû 1:18

Mɔ̌ yɨə we nɨ yeʼ ɨkǎ. Mə nyaʼa kwɨ, àyɨə zə, mə wɨ ɨkǎ koŋ. Mə berɨ ɨka ɨgwɨ ɨvɨ bə̀ fɔrɨ ɨgwɨ əbeŋ ɨvɨ bə̂d.