1 Kɔrèn 14:2 - Meta’

² Chəi wə̀d mɔʼɔ we nɨə ghàm ɨŋgam rɨsɔ̀ʼɔ̀ ə ghàm əmbɨ ə bə̂d. Ɨ wɨə ghàmə̀ yeʼ əmbɨ ə Ŋwiə̀, ɨmbə̀ʼ ɨghəm nɨ chəi wə̀d cherə kyerɨ ənû ze nɨ wɨə ghàə̀. À yɨ Əzwî ə Zeŋɨ ə ghɨ ni wɨ̀ gha ɨnû mbe nɨ yeʼ ənə̀mə.

Ikan feg

² Bəd mbe ne ghàmà ìngam aben ndəŋ ya ghàmà abə Ŋwiye, kayi abə bəd, imbə̀ʼ icheg ne chəyi tì wə̀d kyèri anug ne mbe ghà. Mbɔb ya ghàmà tesiʼ we ne yaʼi inə̀mbi icheg ne Azwighi Ŋwiye ze nàʼà ika inɔb.

1 Kɔrèn 14:2 교차 참조

Matìyò 13:11

Wɨ̀ nyaʼa wììrɨ̀ əmbɨ mɨ̀mə̌d ni, “Ŋwìə̀ fə nàʼ ɨwe ɨ nən ni mbə̀ kyerɨ ɨnû mbe nɨ yeʼ ənə̀mə ɨmbə̀ʼ ənû ɨfɔ̀n rɨkaŋ, àyɨə chəi wɨ̀ naʼ ɨwe we əmbɨ mɨ̀mə̌d.

Mk 16:17

Bə̂d mbe nɨ benɨ bɨrɨ ghɨ ɨnweenɨ-ɨnû mbɔ̂: mbɨ bɨrɨ chɨ ɨzwî rɨbɔ̀ŋ rɨŋga bə̂d ənɨ mɨ ɨkum; mbɨ bɨrɨ gham mɨŋgam rɨsɔ̀ʼɔ̀;

Mk 4:11

Wɨ̀ nyaʼa wììrɨ̀ əmbɨ mɨ̀mə̌d ni, “Ŋwìə̀ fə nàʼ ɨwe ɨ nən ni mbə̀ kyerɨ ɨnû mbe nɨ yeʼ ənə̀mə ɨmbə̀ʼ ənû ɨfɔ̀n əməd. Àyɨə mbɨ bɨrɨ ghà ɨnû jìm əmbɨ ə bə̂d mbe nɨ chəi əkaʼ nən ənɨ ɨnû mɨgɨ,

Ɨ̀fàʼì 10:46

ɨmbə̀ʼ ɨghəm nɨ mbɨ nyaʼa zu ənɨ mbɨ nyaʼə ghàm mɨŋgam ɨbeŋ cherə, bə̀ fɔrɨ ənɨ mbɨ nyaʼə yiirɨə ə Ŋwiə̀. Pità nyaʼa ghà ni,

Ɨ̀fàʼì 19:6

Ənɨ Pɔ̂l nyaʼa zab mbi ɨbɔ ɨgwɨ mɨ̀mə̌d, Əzwî ə Zeŋɨ ə nyaʼa yeʼe ɨgwɨ mɨ̀mə̌d, mbɨ kɔ gham mɨŋgam rɨsɔ̀ʼɔ̀, bə̀ kɔ ghà ɨkə̂n Ŋwiə̀.

Ɨ̀fàʼì 22:9

Mbaŋə̀ te nɨ nyaʼa mbɨ num, nyaʼa zə ɨzeŋɨ zeŋɨ we, àyɨə chəi mbɨ nyaʼa zu gɨ̂ ze nɨ nyaʼa gham ɨ num.

Rm 16:25

Tɨ̀ yiirɨ ə Ŋwiə̀ we nɨ tɨ̀ wɨ̀ ghɨ̀ mbə təm kàànɨ̀ ənjìm ɨkə̂n chɔ̀m, ənjìm ɨŋgam we nɨ mɨə ghà ɨmbə̀ʼ ə Yeso Kristo bə̀ fɔrɨ ənjìm ɨnû mbe nɨ nyaʼa ənə̀mə tɨ əŋwe rəŋwe nɨ mbɨ fə du əsaŋ.

1 Kɔrèn 12:10

Ŋwìə̀ wɨə nàʼ ɨka əmbɨ wə̀d mɔʼ ni wɨ̀ ghɨ ɨnû yiirɨ. Ɨ wɨə nàʼ ɨneʼe əmbɨ wɨ cherə ni wɨ̀ gha ɨkə̂n Ŋwiə̀. Ɨ wɨə nàʼ ɨneʼe əmbɨ wɨ cherə ni wɨ̀ kyerɨ ɨkwepɨ rəbɔʼ mɨneʼe mbe nɨ Əzwî ə Zeŋɨ ə nàʼ rəbɔʼ mbe nɨ chəi Əzwî ə Zeŋɨ ə nàʼə̀. Ɨ wɨə nàʼ ɨneʼe əmbɨ wɨ cherə ni wɨ̀ gham mɨŋgam tɨkwɨrɨkwɨ. Ɨ wɨə bə̀ nàʼ ɨneʼe əmbɨ wɨ cherə ni wɨ̀ toʼrɨ mɨŋgam mbe.

1 Kɔrèn 12:28

Ŋwìə̀ fə chɔʼ bə̂d ɨŋga ɨfetɨ bə̂d Kristo. Mbɨ rɨtu yɨə bə̂d tom, mbe nɨ pe ənɨ mbɨ be yɨə bə̂d ɨ̀kə̀n, mbe nɨ pè ənɨ mbɨ tad yɨ məchwiə̀-ɨnû, beenɨ mbe nɨə ghɨ̀ ɨnû yiirɨ, beenɨ mbe nɨə vɨ̀ ɨwɔn, beenɨ mbe nɨə wèèrɨ̀ mbɨ cherə, beenɨ mbe nɨə tekɨ ɨchî nɨ ɨnû bɨrɨ yènɨ̀, beenɨ mbe nɨə ghàm mɨŋgam tɨkwɨrɨkwɨ.

1 Kɔrèn 13:1

Mə mɨ yeʼə ghàm ənɨ mɨŋgam bə̂d mɨ̀sɔŋɨchù kɨ̀ ənɨ ɨŋgam mbɨ̀aŋgɨrə̀, àyɨə chəi mə̀ ghaʼ bə̂d, mə yɨ ɨghabɨ mɨ̀kakaŋ nɨə ja ɨsɨ, kɨ̀ ɨghabɨ ə ŋgòŋ nɨ mbɨə buʼə.

1 Kɔrèn 13:2

Mə mɨ berɨ ɨneʼe nɨ gha ɨkə̂n Ŋwiə̀, bə̀ kyerɨ ɨnû jìm mbe nɨ yeʼ ənə̀mə bə̀ berɨ ɨwe jìm, mə mɨ berɨ ɨbenɨ nɨ tɨ̀ mə ghàm tɨwum mə̀nə̀, àyɨə chəi mə ghaʼ bə̂d, mə yɨ əghɨ əko.

1 Kɔrèn 14:16

À bə̀ kàŋ kɔndɨ ni ənɨ àwɔ̀ ə yiirɨ ə Ŋwiə̀ ənɨ e əzwî, tɨ̀ wə̀d mɔʼɔ we nɨ yeʼe əkaʼ nən, nɨ chəi ətu əməd ə zeŋ ɨmbə̀ʼ ənû ze nɨ àwɔ̀ ə ghàə̀, ghà ni “À yɨ əne” ɨchî nɨ àwɔ̀ ə kɔ̀ŋgɨ̀ ə Ŋwiə̀ nàʼə̀ məben-əwe ɨ bɔ ə? Tɨ̀ wɨ̀ yiirɨ ə Ŋwiə̀ mbɨ ne nɨ chəi wɨ̀ kyerɨ ənû ze nɨ àwɔ̀ ə ghàə̀ ə?

1 Kɔrèn 14:26

Mbɨ bɔŋgɔb, tɨ̀ gha ni yè ə? Ənɨ mbə̀ bomnɨ, wə̀d mɔʼɔ naʼ ɨkyî, wɨ cherə chwi ənû, wɨ cherə gha ənû ze nɨ Ŋwìə̀ gha ɨ bɔ, wɨ cherə gham ɨŋgam rɨsɔ̀ʼɔ̀, wɨ cherə toʼrɨ ɨŋgam we. Mbə̀ sɨə ghɨ̀ ɨnû jìm ɨmbə̀ʼ mbə̀n mɨjìm təm kàànɨ̀.

1 Kɔrèn 15:51

Mbə̀ zwetɨ mə̀ gha ənû nɨ yeʼ ənə̀mə ɨ nən. Ka mba mɨjìm bɨrɨ kwɨ a, àyɨə Ŋwìə̀ bɨrɨ kwepɨ mbà mɨjìm

1 Kɔrèn 2:10

Àyɨə Ŋwìə̀ fə chwi ɨnû mbe ɨ na ənjìm Əzwî əməd. Əzwî ze ə zɨə kyèʼ ɨnû jìm, ka àbei ɨnû mbe nɨ yeʼ ənə̀mə ɨmbə̀ʼ ə Ŋwiə̀.

1 Kɔrèn 2:7

Tɨ̀ wɨə ghàmə̀ yeʼ ɨmbə̀ʼ ɨwe we nɨ Ŋwiə̀ ə nàʼə̀. Ɨwe we wɨ ənə̀mə, nɨ chəi bə̂d kyerɨ, nɨ bɔŋ Ŋwìə̀ nyaʼa sɨə tekɨ ɨsɨg, wɨ̀ nyaʼa fə ghà ni tə bɨrɨ che ənjìm ɨwe we nàʼ ɨwumnɨ ɨ na.

Efesùs 6:19

Mbə̀ kɔŋgɨ ə Ŋwiə̀ ɨgwɨ num bə, ni Ŋwìə̀ naʼ ɨŋgam ɨ num ənɨ mɨə ghàmə̀, ɨmbə̀ʼ mə̀ ghàm mbɨ fîŋ nɨ kaanɨ əne ghɨ̀ bə̂d kyerɨ ənû ze nɨ yeʼ ənə̀mə ɨmbə̀ʼ ɨkə̂n chɔ̀m.

Kòlosè 2:2

Əton yɨ ni mə wɨə kəb nəərɨ fîŋ tɨ mɨ̀mə̌d ni mbɨ ghaʼ mbə bɔŋgɔb əne chub ənɨ ənû mɔʼ, ɨmbə̀ʼ mbɨ berɨ mbɔ̂n ze nɨ bɨrɨ ghɨ ni mbɨ berɨ ɨwe bə̀ jeŋgɨ kyerɨ ɨnû mbe nɨ yeʼ ənə̀mə ɨmbə̀ʼ ə Ŋwiə̀. Ɨnû mbe nɨ yeʼ ənə̀mə yɨə Kristo ziə.

1 Timotì 3:16

Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.

1 Timotì 3:9

Mbɨ berɨ yim rəsìʼ we nɨ Ŋwìə̀ ghɨ ni bə̂d kyerɨ. Mbɨ berɨ ghɨ əne mbɨ ə fîŋ nɨ zeŋɨ.

Ɨnû 10:7

Àyɨə ənɨ aŋgɨrə̀ we nɨ pe ənɨ mbɨ sambe fə i taŋ, Ŋwiə̀ bɨrɨ ghɨ ɨnû mbe nɨ yeʼ ənə̀mə, ɨchî nɨ wɨ̀ nyaʼa fə ghǎ əmbɨ mbi bə̂d ə̀fàʼì mbe nɨ yeʼ bə̂d ɨ̀kə̀n ɨməd.”