1 Kɔrèn 13:3 - Meta’

³ Mə mɨ nàʼ ɨghɨjìm mbe nɨ mə̀ berɨ əmbɨ ə bə̂d ɨkwaŋ, bə̀ nàʼ ka àbei mɨ ɨnyod ni mbɨ tɔn ə, àyɨə chəi mə̀ ghaʼ bə̂d, chəi mə̀ bɨrɨ jɨg əghɨ ə mɔʼɔ rəŋgu.

Ikan feg

³ Ka mə nàʼ ighi ijìm ne mə beri abə bəd ne chəyi àzɔb, bə̀ nàʼ ka bèyi ìmə nyɔd gha mbe to̰, àmə chəyi mə̀ kɔ̀ŋɔ̀ bəd, chəyi mə̀ biri bèrì chùd mɔ̀ʼɔ ka.

1 Kɔrèn 13:3 교차 참조

Matìyò 23:5

Ɨ mbɨə ghɨ̀ ɨnû jìm ɨmbə̀ʼ bə̂d zə mɨ̀mə̌d. Ɨ mbɨə tekɨə mbə mbɨ̀rɨkub gôb nɨ mbɨ zɨ ɨŋgam Ŋwiə̀ ɨŋga ni mbɨ kaŋ faŋ. Ɨ mbɨə nyaʼə taə tə ngywɨ̌ ghɨ̀ rɨtɔŋ jeŋgɨ sà.

Lk 18:22

Ənɨ Yeso nyaʼa zu ənû zɔ̂, wɨ̀ nyaʼa ghà ɨ bɔ ni, “À kɨrɨ kwaŋ əghɨ ə mɔʼɔ. Ndə̀ wo fèndɨ̀ ɨghɨjìm mbe nɨ à berɨ, ghàpɨ̀ ɨkab we əmbɨ ə bə̂d ɨkwaŋ, əne à bɨrɨ berɨ mbɔ̂n ɨkaŋ. À mɨ ghɨ̀ əne, à yeʼe beenɨ əbɔʼ num.”

Lk 18:28

Pità nyaʼa ghà ni, “Zə, tɨ̀ fə sàŋ mba ɨkwɨ beenɨ əbɔʼ ne.”

Lk 19:8

Sàkiò nyaʼa nɔ̀ʼ təm rətiə ghà əmbɨ Ə̀nùŋɨ̀sɨg ni, “Masà, zə, mə bɨrɨ naʼ əba rɨ ənɨ mbɨ ɨghɨ əmbɨ ə bə̂d ɨkwaŋ. Mə mɨ fə fɨ̀g wə̀d mɔʼɔ, mə bɨrɨ wì ɨghəm kwè.”

Jn 12:43

Mɨ̀Farisiî nyaʼa ghaʼ ni bə̂d wumnɨ mɨ̀mə̌d chè ɨchî nɨ tɨ̀ Ŋwìə̀ wumnɨ mɨ̀mə̌d.

Jn 13:37

Pità nyaʼa biirɨ ɨ bɔ ni, “Ə̀nùŋɨ̀sɨg, əton nɨ chəi ənɨ tɨ mə beenɨ əbɔʼ ne tɨ̀nîn kɨ ni ye ə? Mə fə tekɨ mɨ ɨnyod nɨ kwɨ ɨmbə̀ʼ əwe!”

Jn 15:13

Chəi ɨghaʼi mɔʼɔ əŋgu nɨ tɨ̀ wɨ chè wɔ̂ ni: wə̀d nyaʼa kwɨ ɨgwɨ ətu mbi mɨ̀sə̀ʼ.

Jn 6:63

À yɨ Əzwî ə Ŋwiə̀ ə nàʼ ɨ̀tènɨ̀. Chəi ənɨ tɨ wə̀d mɨ̀sɔŋɨchù nàʼ ɨ̀tènɨ̀. Mɨŋgam mbe nɨ mə̀ fə gha ɨ nən yɨ rɨ əmbɨ Əzwî ə Ŋwìə̀. Ɨ mbɨə bə̀ nàʼ ɨ̀tènɨ̀.

Ɨ̀fàʼì 21:13

Àyɨə Pɔ̂l nyaʼa wììrɨ̀ ni, “Mbə̀ kɨ əni ghɨ̀ə̀ ye ə? Mbə̀ kɨə chweŋə mɨsɨ bə̀ wɔ̀ʼrɨ̀ mbɨ ɨwu ə? Mə fə tekɨ mɨ ɨnyod nɨ nyɨ ə ndəŋ bə̀ fɔrɨ nɨ kwɨ ə Jèrusalèm ɨmbə̀ʼ Ə̀nùŋɨ̀sɨg Yeso.”

Gàlesìyà 5:26

Tɨ rɨ̀ nɔ a ɨnyod. Tɨ rɨ̀ ghɨ a ni bə̂d cherə sə ɨtəm. Tɨ rɨ̀ ghɨ a ə̀dìì.

Fìlipì 2:3

Tɨ mbə̀ ghɨ ə ɨghabɨ ni àmei mbə̀nə berɨ ɨghɨ. Tɨ mbə̀ bɨ ghɨ ə ɨnû nɨ chwi ni mbə mbɨə nɔ̀ ɨnyod, àyɨə mbə swi ɨnyod kɔndɨ ni bə̂d cherə ə chè əwən.

1 Timotì 4:8

Ənû nɨ ghɨ ɨnû mbe nɨ bɨrɨ ghɨ ni ɨnyod kaanɨ ə bɔ̀ŋ, àyɨə ənû nɨ ghɨ mbe nɨ chwi ni à wɨə wumnɨ ə Ŋwiə̀ ə bɔ̀ŋ chè ənɨ ɨnû jìm, ɨmbə̀ʼ ɨghəm nɨ Ŋwìə̀ fə kàʼ ɨ̀tènɨ̀ rɨ mì ɨ ne tɨ̀nîn bə̀ fɔrɨ ənɨ ə nyùmə̀ we nɨ bɨrɨ yeʼe.

Mə̀Hibrù 13:9

Tɨ mbə̀ ben əwən ni tɨkwɨrɨ ɨnû rɨ̀sɔ̀ʼ jìm mbe nɨ bə̂d ə chwiə beŋ tə fîŋ tɨ ənɨ ɨnə̂njɨ̀ rəsìʼ. À yɨ ɨ̀chɔ̀m Ŋwiə̀ bɨrɨ ghɨ ni tə fîŋ kaanə, kaʼi ənû nɨ zuunɨ rɨkə ɨmbə̀ʼ tɨjɨg. Chəi tɨkə te ə wèèrɨ̀ bə̂d mbe nɨə beenɨ əbɔʼ rɨwən.