1 Kɔrèn 13:2 - Meta’

² Mə mɨ berɨ ɨneʼe nɨ gha ɨkə̂n Ŋwiə̀, bə̀ kyerɨ ɨnû jìm mbe nɨ yeʼ ənə̀mə bə̀ berɨ ɨwe jìm, mə mɨ berɨ ɨbenɨ nɨ tɨ̀ mə ghàm tɨwum mə̀nə̀, àyɨə chəi mə ghaʼ bə̂d, mə yɨ əghɨ əko.

Ikan feg

² Ka mə bèrì ineʼi ni ghà ikən Ŋwiye, bə̀ kyèri inug ijìm ne yaʼi inə̀mbi, bə̀ bèrì iwe ijìm, bə̀ bèrì ibḛfiŋ ne tì mə ghàm ghì tiwum kye asiŋi ne ti yaʼi angu, àmə chəyi mə̀ kɔ̀ŋɔ̀ bəd, mo ya kwàʼ ati ako.

1 Kɔrèn 13:2 교차 참조

Matìyò 13:11

Wɨ̀ nyaʼa wììrɨ̀ əmbɨ mɨ̀mə̌d ni, “Ŋwìə̀ fə nàʼ ɨwe ɨ nən ni mbə̀ kyerɨ ɨnû mbe nɨ yeʼ ənə̀mə ɨmbə̀ʼ ənû ɨfɔ̀n rɨkaŋ, àyɨə chəi wɨ̀ naʼ ɨwe we əmbɨ mɨ̀mə̌d.

Matìyò 17:20

Wɨ̀ nyaʼa wììrɨ̀ əmbɨ mɨ̀mə̌d ni, “À yɨ ɨmbə̀ʼ ɨghəm nɨ mbə̀ berɨ ɨbenɨ nɨ kə. Mə ghà rəsìʼ ɨ nən ni, mbə mɨ berɨ ɨbenɨ nɨ kə ɨghabɨ sǎm ə̀wɔ̀mɨ, mbə bɨrɨ gha əmbɨ ɨwum wɔ̂ ni, 'Nɔʼ rɨ əgha wò ə yɨə,' wɨ bə̀ nɔ̀ʼ wò. Chəi ənû ə mɔʼɔ bɨrɨ chè əwən.”

Matìyò 21:19

Wɨ̀ nyaʼa zə əzed ə fîg ɨban ɨnə̂njɨ̀, əne wɨ̀ nyaʼa wo nèŋ àyɨə chəi wɨ̀ nyaʼa zə fɨtam ɨkaŋ. Wɨ̀ nyaʼa zə àmei rɨfuʼ wən. Əne wɨ̀ nyaʼa ghà əmbɨ əzed ze ni, “Chəi à bɨrɨ wɨrɨ nɔ kɔ fɨtam.” Àmei əwu əwən, əzed ze ə nyaʼa zom i.

Matìyò 21:21

Yeso nyaʼa wììrɨ̀ əmbɨ mɨ̀mə̌d ni, “Mə ghà rəsìʼ ɨ nən ni, mbə mɨ berɨ ɨbenɨ nɨ chəi mbə̀ə bìrə̀, njɨ chəi mbə bɨrɨ ghɨ àmei ənû zɔ̂ nɨ mə̀ ghɨ ənɨ əzed ə fîg. Mbə mbe tɨ̀ mbə bə̀ ghà əmbɨ ɨwum wɔ̂ ni, 'Mən e wò feŋ ɨŋga rɨ̀bàà', wɨ bə̀ ghɨ̀ əne.

Ɨ̀fàʼì 13:1

Bə̂d ɨ̀kə̀n Ŋwiə̀ mbɨ məchwiə̀-ɨnû nyaʼa ɨŋga ɨfetɨ bə̂d Kristo we rɨ ə Antiɔ̀k. Mbɨ yɨə nyaʼə Banabàs, mbɨ Simiòn nɨ mbɨ nyaʼə bə̀ tɔŋ ənɨ Naijà, mbɨ Lusiùs nɨ nyaʼa rɨ ə Sìrin, mbɨ Maniàn nɨ nyaʼa kwi mbɨ Herɔ̀d nɨ nyaʼə gɔmnà, mbɨ Sɔ̂l.

Rm 11:25

Mbɨ bɔŋgɔb, mə kə̀b ni mbə̀ kyerɨ ənû ze nɨ yeʼ ənə̀mə, ɨmbə̀ʼ tɨ mbə̀ kɔndɨ ə ni mbə we əku. Ənû ze yɨ ni: Ŋwiə̀ fə ghɨ̀ ni fîŋ tɨ mɨ̀Izre tu. Tɨ bɨrɨ tu wò pè ənɨ ɨnun bə̂d mbe nɨ kaʼi mɨ̀Jû nɨ berɨ yeʼe əmbɨ ə Ŋwiə̀ fə kuʼu.

Rm 15:14

Mbɨ bɔŋgɔb, mə kàŋ kyerɨ ɨmbə̀ʼ əwən ni ɨ̀chɔ̀m ə swi ɨŋga tə fîŋ, ni mbə kyerɨ ɨnû jìm mbɨ ni mbə mbe tɨ̀ mbə kəərɨ mbə bɔŋgɔb.

Rm 16:25

Tɨ̀ yiirɨ ə Ŋwiə̀ we nɨ tɨ̀ wɨ̀ ghɨ̀ mbə təm kàànɨ̀ ənjìm ɨkə̂n chɔ̀m, ənjìm ɨŋgam we nɨ mɨə ghà ɨmbə̀ʼ ə Yeso Kristo bə̀ fɔrɨ ənjìm ɨnû mbe nɨ nyaʼa ənə̀mə tɨ əŋwe rəŋwe nɨ mbɨ fə du əsaŋ.

1 Kɔrèn 11:4

Mbaŋə̀ jìm ze nɨ zɨ əghɨ ə mɔʼɔ kubrɨ e ətu ənɨ wɨə kɔ̀ŋgɨ̀ ə Ŋwiə̀ kɨ̀ ənɨ wɨə ghà ɨkə̂n Ŋwiə̀ wɨə tìbrɨ̀ ə Kristo nɨ yeʼ ətu ɨgwɨ məd.

1 Kɔrèn 12:28

Ŋwìə̀ fə chɔʼ bə̂d ɨŋga ɨfetɨ bə̂d Kristo. Mbɨ rɨtu yɨə bə̂d tom, mbe nɨ pe ənɨ mbɨ be yɨə bə̂d ɨ̀kə̀n, mbe nɨ pè ənɨ mbɨ tad yɨ məchwiə̀-ɨnû, beenɨ mbe nɨə ghɨ̀ ɨnû yiirɨ, beenɨ mbe nɨə vɨ̀ ɨwɔn, beenɨ mbe nɨə wèèrɨ̀ mbɨ cherə, beenɨ mbe nɨə tekɨ ɨchî nɨ ɨnû bɨrɨ yènɨ̀, beenɨ mbe nɨə ghàm mɨŋgam tɨkwɨrɨkwɨ.

1 Kɔrèn 13:1

Mə mɨ yeʼə ghàm ənɨ mɨŋgam bə̂d mɨ̀sɔŋɨchù kɨ̀ ənɨ ɨŋgam mbɨ̀aŋgɨrə̀, àyɨə chəi mə̀ ghaʼ bə̂d, mə yɨ ɨghabɨ mɨ̀kakaŋ nɨə ja ɨsɨ, kɨ̀ ɨghabɨ ə ŋgòŋ nɨ mbɨə buʼə.

1 Kɔrèn 13:3

Mə mɨ nàʼ ɨghɨjìm mbe nɨ mə̀ berɨ əmbɨ ə bə̂d ɨkwaŋ, bə̀ nàʼ ka àbei mɨ ɨnyod ni mbɨ tɔn ə, àyɨə chəi mə̀ ghaʼ bə̂d, chəi mə̀ bɨrɨ jɨg əghɨ ə mɔʼɔ rəŋgu.

1 Kɔrèn 13:8

Chəi ɨghaʼi ə nɔ mìə̀. À yeʼ ɨmbə̀ʼ ənû nɨ gha ɨkə̂n Ŋwìə̀, zɨə bɨrɨ nwìə̀. À yeʼ ɨmbə̀ʼ ənû nɨ gham mɨŋgam rɨsɔ̀ʼɔ̀, zɨə bɨrɨ nwìə̀. À yeʼ ɨmbə̀ʼ ənû nɨ berɨ ɨwe, zɨə bɨrɨ bɨ nwìə̀.

1 Kɔrèn 14:29

Bə̂d ɨkə̂n mɨbe kɨ̀ mɨtad ghamə. Ə̀bùʼ ə bə̂d ə jeŋgɨ kɔndɨ mbə ɨtu ɨmbə̀ʼ ɨnû mbe nɨ mbɨə ghàə̀.

1 Kɔrèn 14:39

Əne, kyɨə bɔŋgɔb, mbə̀ kaŋ zɨ̀ ətu nɨ zə ni mbə̀ ghà ɨkə̂n Ŋwiə̀, àyɨə tɨ mbə̀ təmnɨ ə ənû nɨ gham mɨŋgam rɨsɔ̀ʼɔ̀.

1 Kɔrèn 14:4

Wə̀d we nɨə ghàm mɨŋgam rɨsɔ̀ʼɔ̀ wɨə ghɨ̀ ni məd ziə təm kàànɨ̀. We nɨə ghà ɨkə̂n Ŋwiə̀ wɨə ghɨ̀ yeʼ ni ɨfetɨ bə̂d Kristo təm kàànɨ̀.

1 Kɔrèn 15:51

Mbə̀ zwetɨ mə̀ gha ənû nɨ yeʼ ənə̀mə ɨ nən. Ka mba mɨjìm bɨrɨ kwɨ a, àyɨə Ŋwìə̀ bɨrɨ kwepɨ mbà mɨjìm

1 Kɔrèn 16:22

À mɨ yeʼ nɨ chəi wə̀d mɔʼɔ ghaʼ Ə̀nùŋɨ̀sɨg, ndɔ̀n yɨ zɨ məd. A Ə̀nùŋɨ̀sɨg, yeʼe!

1 Kɔrèn 4:1

Bə̂d berɨ neŋ əwa ni tɨ̀ yɨə bə̂d ə̀fàʼì Kristo fɔrɨ bə̂d nɨ Ŋwìə̀ ghɨ ni mbɨ gha ɨnû mbe nɨ yeʼ ənə̀mə ɨmbə̀ʼ əməd.

1 Kɔrèn 7:19

Mbɨ mɨ fə nè wə̀d kɨ̀ chəi mbɨ kɨrɨ ne əməd, ka əze yɨ i ənû ə mɔʼɔ. Ənû nɨ kuʼnɨ yɨ ni mbɨ nuŋ tɨkə rɨ Ŋwiə̀.

1 Kɔrèn 8:4

Əne, mə wɨə kəb gha ɨmbə̀ʼ tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ: Tɨ̀ kyerɨ ni, “Kaʼ anèŋ yɨ i əghɨ nɨ yeʼ ɨkǎ” ɨchî nɨ mbə̀n mɨmɔʼɔ ə ghàə̀. Tɨ̀ bə̀ kyerɨ ni, “Ŋwìə̀ mei we mɔʼ” ɨchî nɨ mbə̀n mɨmɔʼɔ ə bə̀ ghàə̀.

2 Kɔrèn 12:11

Mə fə bèŋ ənɨ əneŋ! À yɨə mbə̀nə nyem əmɨ ni mə̀ ghɨ əne. Njɨ à yɨə mbə̀nə nyaʼa berɨ gha ni mə wɨə fàʼ ɨchî nɨ kuʼnɨ. Ka à bè yeʼi ni mə yɨ əghɨ əko, àyɨə chəi mə kə chè “bə̂d tom Kristo mbe nɨə ghàə̀ ni mbə chè mbɨ mɨjìm.”

Gàlesìyà 5:16

Ənû nɨ mɨ ghà yɨ ni: mbə̀ chub ɨchî nɨ Əzwî ə kəbɨ. Tɨ mbə̀ ghɨ ə ɨnû mbe nɨ tə nyamnyod ə feenɨə,

Gàlesìyà 5:22

Àyɨə ɨnû mbe nɨ Əzwî ə kə̀bə̀ yɨ ənû nɨ ghaʼ bə̂d, ənû nɨ chub ənɨ ɨghaʼi, ənû nɨ chub ənɨ əbɔrəbɔd, ənû nɨ yim fîŋ, ənû nɨ berɨ ɨbɔŋ fîŋ, ənû nɨ ghɨ ɨ̀chɔ̀m, ənû nɨ nuŋ fîŋ ɨgun ə bə̂d,

Gàlesìyà 6:3

Wə̀d mɔʼɔ mɨ kɔndɨ ni tə yɨ əghɨ ə mɔʼɔ, nɨ ka məd yɨ i əghɨ ə mɔʼɔ, njɨ ɨ wɨə tambɨ i ɨnyod.

Efesùs 3:4

Mbə mɨ foŋ, mbə ɨtu bɨrɨ zeŋ ɨmbə̀ʼ ənû ze nɨ mə̀ kyerɨ dè ənû zɔ̂ nɨ yeʼ ənə̀mə ɨmbə̀ʼ ə Kristo.

Efesùs 6:19

Mbə̀ kɔŋgɨ ə Ŋwiə̀ ɨgwɨ num bə, ni Ŋwìə̀ naʼ ɨŋgam ɨ num ənɨ mɨə ghàmə̀, ɨmbə̀ʼ mə̀ ghàm mbɨ fîŋ nɨ kaanɨ əne ghɨ̀ bə̂d kyerɨ ənû ze nɨ yeʼ ənə̀mə ɨmbə̀ʼ ɨkə̂n chɔ̀m.

Kòlosè 1:26

Mbɨ nyaʼa fə nə̀m ɨŋgam we rəŋwe rəŋwe bə̀ nə̀m rɨ əmbɨ rɨghəm rɨ bə̂d nɔnɔʼ. Àyɨə rɨ̀nîn Ŋwìə̀ fə ghɨ ni bə̂d məd kyerɨ.

1 Timotì 3:16

Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.

1 Jɔn 4:8

We nɨ chəi wɨ̀ ghaʼ mbi bɔŋgɔb rɨka kyerɨ i ə Ŋwiə̀. Mbə̀ kyerɨ ni Ŋwìə̀ wɨə ghaʼə bə̂d.