1 Kɔrèn 12:13 - Meta’

¹³ Tɨ̀ nyaʼa nɨŋ mɨnib ənjìm Əzwî ze ə mɔʼ. Əne tɨ̀ fə fɔtɨ sɨə nyamnyod mɔʼ. Ŋwìə̀ nyaʼa zɨ̀ Əzwî ze ə mɔʼ ɨŋga ta fîŋ, kɨ̀ tɨ̀ yɨ mɨ̀Jû kɨ̀ bə̂d nɨ kaʼi mɨ̀Jû, kɨ̀ tɨ̀ yɨ ɨ̀bòʼò kɨ̀ bə̂d nɨ yeʼ ənɨ ə ɨghəm.

Ikan feg

¹³ Kə̀ mbə̰ kə mə̀Ju kə̀ bəd ne kayi mə̀Ju, kə̀ məfeg kə̀ bəd ne kayi məfeg, tì ya niŋ mənib anjìm Azwighi Ŋwiye ze amɔʼ. Ane, tì fə fɔti si nyàmnyɔd imɔʼ. Ŋwiye ya zì Azwighi ze amɔʼ inga ina.

1 Kɔrèn 12:13 교차 참조

Matìyò 3:11

“Mə wɨə nàʼ mɨnib ɨ nən ɨ chwi ni mbə fə bèŋ tə fîŋ, àyɨə wə̀d we nɨə yeʼe ənɨ mɨ njìm ə dabə chè əmɨ. Mɨ rɨka kùʼ əmɨ nɨ beʼ ɨtabɨ məd. Məd bɨrɨ cha Əzwî ə Zeŋɨ bə̀ chà ɨwid ɨgwɨ nən.

Lk 3:16

Jɔ̌n nyaʼa wììrɨ̀ əmbɨ mɨ̀mə̌d mɨjìm ni, “Mə wɨə nàʼ mɨnib ɨ nən, àyɨə wə̀d we nɨə yeʼe ənɨ mɨ njìm ə dabə chè əmɨ. Mɨ rɨka kùʼ əmɨ nɨ za mɨniʼ ɨtabɨ məd. Məd bɨrɨ cha Əzwî ə Zeŋɨ fɔrɨ ɨwid ɨgwɨ nən.

Jn 1:16

Ɨ̀chɔ̀m ə swi ɨgwɨ məd, əne ɨ wɨə ghɨ̀ ni tɨ̀ jɨg ɨ̀chɔ̀m we. Ɨ wɨ̀ rəbə naʼ i əbɔrəbɔd naʼ ɨ na ɨghəm jìm.

Jn 1:33

Mɔ̌, ənɨ mɨ ɨghəm, chəi mə nyaʼa kyerɨ ni à yɨə məd, àyɨə Ŋwìə̀ we nɨ nyaʼa cha əmɨ ni mə̀ naʼ mɨnib nyaʼa ghà ɨ num ni, 'Wə̀d we nɨ Əzwî ə swiʼi chub ɨgwɨ məd yɨ we nɨ bɨrɨ naʼ yeʼ ənɨ Əzwî ə Zeŋɨ əmbɨ ə bə̂d.'

Jn 3:5

Yeso nyaʼa wììrɨ̀ ni, “Mə ghà rəsìʼ ɨ ne ni chəi wə̀d nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə ənɨ mɨnib bə̀ fɔrɨ ənɨ Əzwî ə Ŋwìə̀.

Jn 4:10

Yeso nyaʼa wììrɨ̀ ɨ bɔ ni, “À mɨ kəʼ kyerɨ əghɨ ze nɨ Ŋwìə̀ ə nàʼə̀, bə̀ kyerɨ wə̀d we nɨə biirɨ mɨnib rɨ ne, njɨ à kəʼ ghà ni wɨ̀ naʼ mɨnib mbe nɨə nàʼ ɨ̀tènɨ̀ ɨ ne.”

Jn 4:14

àyɨə chəi ədɔʼ ə mɨnib ə bɨrɨ nɔ wɨrɨ ne wə̀d we nɨ nɔ mɨnib mbe nɨ mə̀ bɨrɨ naʼ ɨ bɔ. Mɨnib mbe nɨ mə̀ bɨrɨ naʼ ɨ bɔ bɨrɨ yeʼ jwɨ̀-əmboŋ nɨə koŋ ɨŋga məd bə̀ nàʼ ɨ̀tènɨ̀ rɨ mì ɨ bɔ.”

Jn 6:63

À yɨ Əzwî ə Ŋwiə̀ ə nàʼ ɨ̀tènɨ̀. Chəi ənɨ tɨ wə̀d mɨ̀sɔŋɨchù nàʼ ɨ̀tènɨ̀. Mɨŋgam mbe nɨ mə̀ fə gha ɨ nən yɨ rɨ əmbɨ Əzwî ə Ŋwìə̀. Ɨ mbɨə bə̀ nàʼ ɨ̀tènɨ̀.

Ɨ̀fàʼì 1:5

Jɔ̌n wɨə nyaʼə nàʼə̀ mɨnib, àyɨə bɔŋ ɨni nɔnɔʼ sɨə yeʼe, Ŋwìə̀ bɨrɨ naʼ Əzwî ə Zeŋɨ ɨ nən.”

Rm 3:22

Ŋwiə̀ fə ghɨ̀ ni bə̂d mɨ̀jìm mbe nɨ benɨ təm kùʼnɨ̀ ɨfě məd ənjìm ɨchî nɨ mbɨ ben ə Yeso Kristo. Chəi ɨkwepɨ əkaʼ bə̂d,

Rm 3:29

Ŋwìə̀ wa kɨə mei wɨ mɨ̀Jû ə? Ka məd wa kɨə bə i Ŋwìə̀ bə̂d mbe nɨ kaʼi mɨ̀Jû ə? Ee, məd yɨə bə̀ ə Ŋwìə̀ bə̂d mbe nɨ kaʼi mɨ̀Jû,

Rm 4:11

Abràham nyaʼa nɨŋ ənû nɨ mbɨ nyaʼa ne əməd ɨghabɨ ənweenɨ ni wɨ̀ nyaʼa fə bè təm kùʼnɨ̀. Wɨ̀ nyaʼa ghɨ̀ əne ənjìm ɨchî nɨ wɨ̀ nyaʼa benɨ nɨ chəi mbɨ nyaʼa kɨrɨ ne əməd. À yɨ əton nɨ Abràham yɨə mbǎʼ kyeŋ əmbɨ ə bə̂d mbe nɨ nuŋ fîŋ ɨgun ə Ŋwiə̀ àyɨə chəi mbɨ kɨrɨ ne mɨ̀mə̌d. Ŋwìə̀ fə ghɨ̀ ni mbɨ təm kùʼnɨ̀ ənjìm ɨbenɨ.

1 Kɔrèn 10:2

Mɨ̀mə̌d mɨjìm nyaʼa nɨŋ mɨnib ɨchî nɨ mbɨ nyaʼə yèn əton ə pàʼ. Mbɨ nyaʼa bə̀ nɨŋ ɨchî nɨ mbɨ nyaʼə yèn ɨŋga rɨ̀bàà. Mbɨ nyaʼa nɨŋ ɨchî nɨ mbɨ nyaʼə beenɨ əbɔʼ ə Mose.

Gàlesìyà 3:23

Bɔŋ ənû nɨ nuŋ fîŋ ɨgun ə Kristo nyaʼa sɨə yeʼe, tɨkə nyaʼa wùb əwa ɨghabɨ ni tɨ̀ yɨə bə̂d ndəŋ. Tɨ̀ nyaʼa wùb əne pè ənɨ Ŋwìə̀ nyaʼa chwi ənû nɨ nuŋ fîŋ ɨgun ə Kristo.

Gàlesìyà 3:28

Əne chə wɨrɨ i Jû kɨ̀ wə̀d nɨ kaʼi Jû, chə wɨrɨ i ə̀bòʼò kɨ̀ wə̀d nɨ yeʼ ənɨ i ɨghəm, chə wɨrɨ i mbaŋə̀ kɨ əyi, ɨmbə̀ʼ ɨghəm nɨ mbə̀n mɨ̀jìm fə sɨə wə̀d mɔʼ ɨchî nɨ mbə̀ yeʼ ənɨ ɨfɔtɨ mbɨ Kristo Yeso.

Efesùs 3:6

Ənû zɔ̂ nɨ yeʼ ənə̀mə yɨ ni, ənjìm ɨkə̂n chɔ̀m, bə̂d mbe nɨ kaʼi mɨ̀Jû fə sɨ mə̀jɨnəb mbɨ mɨ̀Jû. Mbɨ fə sɨ ɨsɨ ɨnyod tɨ ənɨ ə nyamnyod mɔʼ. Mbɨ fə bə̀ berɨ əbà ənɨ ənû ze nɨ Ŋwìə̀ nyaʼa che ənjìm ə Kristo Yeso kàʼ.

Efesùs 4:5

Ə̀nùŋɨ̀sɨg we mɔʼ, ɨbenɨ we mɔʼ, ənû nɨ nɨŋ mɨnib ze ə mɔʼ.

Efesùs 5:26

ɨmbə̀ʼ ɨfetɨ we chub ɨzeŋɨ zeŋɨ ɨchî nɨ wɨ̀ nyaʼa so ənɨ mɨnib bə̀ sò ənɨ ɨŋgam Ŋwiə̀.

Efesùs 6:8

Mbə kyerɨ ni tɨ mɨ ghɨ̀ ɨ̀chɔ̀m mɔʼɔ, Ə̀nùŋɨ̀sɨg bɨrɨ chɔʼ a ə̀fàʼì, kɨ̀ tɨ kɨ ɨ̀bòʼò kɨ̀ bə̂d nɨ yeʼ ənɨ ə ɨghəm.

Kòlosè 1:27

Ŋwiə̀ nyaʼa kàŋ kə̀b ni bə̂d məd kyerɨ ni ənû ə kyeŋ ze nɨ yeʼ ənə̀mə yɨə bə̀ əmbɨ ə bə̂d mbe nɨ kaʼi mɨ̀Jû. Ənû ze nɨ yeʼ ənə̀mə yɨ ni Kristo wɨ ɨŋga mbə̀n mbe nɨ kaʼi mɨ̀Jû. Əne yɨ ni mbə bɨrɨ bɨ berɨ ɨwumnɨ ɨghabɨ wɨ məd.

Kòlosè 3:11

Əne chəi wɨrɨ i ɨkwepɨ əkaʼ bə̂d nɨ kaʼi mɨ̀Jû mbɨ mɨ̀Jû, chəi wɨrɨ i ɨkwepɨ əkaʼ bə̂d mbe nɨ mbɨ ne mbɨ mbe nɨ chəi mbɨ ne mɨ̀mə̌d, chəi wɨrɨ i ɨkwepɨ əkaʼ bə̂d əgyeŋ nɨ kɨrɨ ɨŋga ɨzimɨ, chəi wɨrɨ i ɨkwepɨ əkaʼ ɨ̀bòʼò mbɨ ə bə̂d nɨ yeʼ ənɨ ə ɨghəm. Kristo yɨ ɨnû jìm. Məd wɨ ɨŋga bə̂d mɨjìm mbe nɨ yeʼ ənɨ ənû ə mɔʼ mbɨ məd.

1 Pità 3:21

Mɨnib mbɔ̂ nɨ mbɨ nyaʼə nəŋ ɨgun nyaʼa təm ənɨ ənû nɨ bə̂d ə nɨŋə mɨnib. À yɨ mɨnib mbe ə chɨ̀ əwən rəŋgəʼ tɨ̀nîn. Kaʼ ənû nɨ nɨŋ mɨnib yɨ i ənû nɨ chɨ rɨfiŋ tɨ ənɨ ɨnyod. À yɨ ənû nɨ mbə̀ kaʼ əmbɨ ə Ŋwiə̀ mbɨ ə fîŋ nɨ zeŋɨ. Ənû nɨ nɨŋ mɨnib ə zɨə chɨ̀ əwən rəŋgəʼ ənjìm ɨchî nɨ Yeso Kristo nyaʼa zwemə.