1 Kɔrèn 11:16 - Meta’

¹⁶ Wə̀d mɔʼɔ mɨ kəb taŋ ənû zɔ̂, wɨ̀ kyerɨ ni chəi mbǎ kɨ̀ tɨfetɨ bə̂d Ŋwiə̀ berɨ ɨchî cherə nɨ ghɨ ɨnû chè rɨ ənɨ ɨchî wɔ̂.

Ikan feg

¹⁶ Wə̀d mə kə̀b ni tàŋì anug azo̰, wì kyeri gha chəyi mba kə̀ tifeti bəd Ŋwiye beri ikuchèg ndəŋ ni ghumni Ŋwiye angu.

1 Kɔrèn 11:16 교차 참조

Ɨ̀fàʼì 21:21

Bə̂d fə ghà əmbɨ mɨ̀mə̌d ɨmbə̀ʼ əwe, ni à wɨə ghà əmbɨ mɨ̀Jû mbe nɨ yeʼ əkaʼ bə̂d mbe nɨ kaʼi mɨ̀Jû ni tɨ mbɨ nuŋ ə tɨkə rɨ Mose, ni tɨ mbɨ ne ə mbə bɔn mbaŋə̀ fɔrɨ ni tɨ mbɨ beenɨ ə əbɔʼ mɨchî əbeŋ mɨ̀Jû.

Ɨ̀fàʼì 21:24

Nɨŋ mbaŋə̀ tɔ̂ wò zeŋnɨ e ɨnyod bə̀ zeŋnɨ mɨ̀mə̌d, əne nàʼ ɨghɨ ə̀fà mbe nɨ mbɨ berɨ nɨ nàʼ. À mɨ ghɨ̀ əne, mbɨ bɨrɨ serɨ mbə ɨtu. Əne bə̂d mɨjìm bɨrɨ kyerɨ ni chəi rəsìʼ ənɨ ɨnû mbe nɨ mbɨ zu ɨmbə̀ʼ əwe. Mbɨ bɨrɨ kyerɨ ni à wɨə nùŋə̀ tɨkə rɨ Mose.

1 Kɔrèn 11:15

Àyɨə əyi mɨ berɨ nyôŋ rɨ se, à yɨ ɨwumnɨ ɨ bɔ, ɨmbə̀ʼ ɨghəm nɨ Ŋwìə̀ nyaʼa nàʼ nyôŋ rɨ se ɨ bɔ ni wɨ̀ kubrɨ e ətu əŋgu.

1 Kɔrèn 16:1

Tɨ̀nîn, mə kəb gha ɨmbə̀ʼ ənû nɨ chob ɨkab ɨmbə̀ʼ weerɨ bə̂d Ŋwiə̀. Mbə̀ ghɨ̀ ənû ze nɨ mə̀ nyaʼa ghǎ əmbɨ rɨfetɨ bə̂d Kristo te nɨ yeʼ ə Gàlesià.

1 Kɔrèn 4:5

Əne tɨ mbə̀ sob ə ɨsaʼi ɨgun ə wə̀d mɔʼɔ bɔŋ nyùmə̀ sɨə kùʼə̀. Mbə̀ womə pè ənɨ Ə̀nùŋɨ̀sɨg wɨrɨ yeʼe. Məd bɨrɨ du ɨnû mbe nɨ bə̂d ə ghɨ̀ ɨŋga ɨsɨ firɨ, bə̀ chwi rɨkɔndɨ te nɨ yeʼ ɨŋga fîŋ rɨ bə̂d. Ənɨ ə nyùmə̀ we, Ŋwìə̀ bɨrɨ naʼ məben-əwe əmbɨ wə̀d jìm ɨchî nɨ zɨə kuʼ əmbɨ wə̀d mɔʼ mɔʼ.

1 Kɔrèn 7:17

Wə̀d mɔʼ mɔʼ chub àmei ɨchî nɨ Ə̀nùŋɨ̀sɨg ghɨ ni wɨ̀ chubɨ. Wɨ̀ bə̀ chub àmei ɨchî nɨ Ŋwìə̀ nyaʼa tɔŋ əməd. Wɔ̂ yɨ mɨ ɨkə we nɨ mɨə nàʼ əmbɨ ə bə̂d ɨŋga tɨfetɨ bə̂d Kristo rɨ̀jìm.

1 Kɔrèn 9:1

Ɨmbə̀ʼ mə wɨ ənɨ mɨ ɨghəm ə? Ɨmbə̀ʼ mə yɨə wə̀d tom Kristo ə? Ɨmbə̀ʼ mə fə zə ə Yeso a Ə̀nùŋɨ̀sɨg ə? Ɨmbə̀ʼ mbə̀ fə ben Ə̀nùŋɨ̀sɨg ɨmbə̀ʼ ɨchî nɨ mə̀ faʼ rɨka ə?

1 Kɔrèn 9:6

Kɨ̀ à wa kɨ àmei mɔ̌ mbɨ Banabàs nɨ berɨ fàʼ ənɨ mba ɨbɔ bɔŋ jɨg ə?

1 Tèsàlonikà 2:14

Mba bɔŋgɔb, mbə mbɨə nyaʼə ghɨ̀ ɨnû mbe nɨ bə̂d mbe nɨ nyaʼa ɨŋga rɨfetɨ bə̂d Ŋwiə̀ te rɨ ə Jùdeyà nɨ yeʼ ənɨ ɨfɔtɨ mbɨ Kristo Yeso nyaʼə ghɨ̀ə̀. Mbə mbɨə nyaʼə zəə ŋgəʼ rɨ əmbɨ mbə bə̂d əbeŋ àmei ɨchî nɨ mbɨ nyaʼə zəə rɨ əmbɨ mɨ̀Jû.