1 Kɔrèn 10:13 - Meta’

¹³ Chəi ənû ə mɔʼɔ ə kweʼ numbɨ əwən nɨ chəi zɨə kweʼ numbɨ bə̂d cherə. Ŋwìə̀ wɨə ghɨ̀ ənû ze nɨ wɨ̀ kàʼi, əne ka wɨ̀ bɨrɨ saŋ i ni ənû ə mɔʼɔ ə numbɨ əwən chè ə ɨka. Ənɨ mbɨ numbɨ əwən, wɨ̀ bɨrɨ chwi ɨnə̂njɨ̀, ɨmbə̀ʼ mbə mbe tɨ̀ mbə nyìʼ ənû ze.

Ikan feg

¹³ Chəyi anug mɔ̀ʼɔ ne kwàʼrà awən ne chəyi ze kweʼì kwàʼrì bəd ndəŋ. Ŋwiye we fàʼà anug ze ne wì kàʼi. Ane, chəyi wì biri sàŋì gha àkwàʼrì ne ka chè awən ze nyi igun inən. Anyumə̀ ne mbi kwaʼri awən, wì biri chwi inɔnjì inən ne mbə̀ biri nyìʼ fìŋ anene dù inga àkwàʼrì ze.

1 Kɔrèn 10:13 교차 참조

Matìyò 6:13

Tɨrə̀ ben e ni ənû ə mɔʼɔ numbɨ əwa, àyɨə chɨ əwa rɨ ənɨ ɨnû rɨbɔ̀ŋ.'

Lk 11:4

Waʼ mba ɨnû rɨbɔ̀ŋ, ɨmbə̀ʼ ɨghəm nɨ tɨ̀ wɨə waʼ ɨnû rɨbɔ̀ŋ wə̀d jìm we nɨ gu ənû ɨ na. Tɨrə̀ ben e ni ənû ə mɔʼɔ ə numbɨ əwa.'”

Lk 16:26

Kaʼi ɨnû jìm mbe. Əkən ə kyeŋ ə ghabrɨ əwa mbɨ nən, ɨmbə̀ʼ tɨ bə̂d nɔ̀ʼ ə rɨ əgha baanɨ yeʼe əsɨ nən, fɔrɨ ni tɨ wə̀d mɔʼɔ baanɨ i rɨ əwɔ yeʼe əsɨ na.'

Lk 22:46

Wɨ̀ nyaʼa zə əne, ghà əmbɨ mɨ̀mə̌d ni, “Mbə kɨə gwen ɨmbə̀ʼ ə ye ə? Mbə nɔʼ kɔ̀ŋgɨ̀ ə Ŋwiə̀ ni tɨ ə̀kwàʼnɨ̀ ə nyɨ i ɨgwɨ nən.”

Ɨ̀fàʼì 27:44

Wɨ̀ nyaʼa sɨ ghà əmbɨ ə̀bùʼ ə bə̂d ni mbɨ beenɨ ɨgun mɨplaŋ fɔrɨ ɨgun tɨkə rɨ ɨghɨ te nɨ nyaʼa sandɨ rɨ ənɨ əbaŋ ze. Wɔ̂ yɨ ɨnə̂njɨ̀ nɨ mbà mɨjìm nyaʼa jwɨ əsaŋ nɨ chəi mbaŋə̀ mɔʼɔ nyɨ ə ŋgəʼ.

1 Kɔrèn 1:9

Ŋwìə̀ we nɨə ghɨ̀ ənû ze nɨ wɨ̀ kaʼi nyaʼa tɔŋ əwən ni mbə̀ chub ənɨ ɨfɔtɨ mbɨ Wan məd Yeso Kristo a Ə̀nùŋɨ̀sɨg.

2 Kɔrèn 1:10

Məd we nɨ nyaʼa chɨ əwa rɨŋga ŋgəʼ rɨbɔ̀ŋ ze nɨ nyaʼa nɨrə zwiirɨ əwa, bɨrɨ kɨrɨ wo ɨmbì chɨ əwa. Tɨ̀ fə nuŋ ta rɨkɔndɨ ɨgwɨ məd ni wɨ̀ bɨrɨ kɨrɨ yi chɨ əwa rəŋgəʼ

1 Tèsàlonikà 5:24

Məd we nɨ tɔŋ əwən wɨə ghɨ̀ ɨnû mbe nɨ wɨ̀ kaʼi. Wɨ̀ bɨrɨ ghɨ̀ ɨnû mbɔ̂.

2 Tès 3:3

Àyɨə Ə̀nùŋɨ̀sɨg Yeso wɨə ghɨ̀ ɨnû mbe nɨ wɨ̀ kaʼi. Wɨ̀ bɨrɨ ghɨ tə fîŋ kaanə bə̀ kən əwən rɨ əmbɨ Satàn Wə̀d Ɨnû Rɨbɔ̀ŋ.

2 Timotì 4:18

Ə̀nùŋɨ̀sɨg bɨrɨ chɨ̀ əmɨ rɨŋga tɨkwɨrɨ ŋgəʼ jìm, əne nɨŋ əmɨ kwàʼ ənɨ əbɔrəbɔd wò zɨ̀ ɨŋga ənû ɨfɔ̀n əməd ze nɨ yeʼ ɨkaŋ. Ɨwumnɨ yeʼ wɨ məd koŋ koŋ. À yɨ əne.

Mə̀Hibrù 10:23

Tɨ̀ jeŋgɨ yim ɨnû mbe nɨ tɨ̀ benɨ bə̀ nùŋ ɨkɔndɨ wòm, ɨmbə̀ʼ ɨghəm nɨ Ŋwìə̀ bɨrɨ ghɨ ɨnû mbe nɨ wɨ̀ kaʼi.

Mə̀Hibrù 11:11

À yɨ ɨbenɨ nyaʼa ghɨ ni Abràham nɨ nyaʼa fə nun i, mbɨ Sèra nɨ nyaʼa kòm əyi, we tɨ̀ wɨ̀ nyaʼa berɨ wan, ɨmbə̀ʼ ɨghəm nɨ wɨ̀ nyaʼa ben ni wə̀d we nɨ kaʼ əməd bɨrɨ ghɨ ənû ze nɨ wɨ̀ kaʼi.

Mə̀Hibrù 12:4

Mbə mbɨə màʼə̀ bid mbɨ ɨnû rɨbɔ̀ŋ, àyɨə chəi mbə̀ kɨrɨ maʼ wò pè əsɨ ze nɨ tɨ̀ mbɨ zwiirɨ əwən.

Mə̀Hibrù 6:18

Ɨnû nɨ chəi ənɨ tɨ mbɨ kwepɨ mbɨ ɨbe nɨ chəi Ŋwìə̀ bɨrɨ nɔ gha mɨghab ɨmbə̀ʼ mbɨwən. Əne mbà mbe nɨ fə norɨ wo nə̀mbɨ̀ əton məd mbe tɨ rɨ̀ yim fîŋ ɨmbə̀ʼ berɨ ənû ze nɨ tɨə nùŋ rɨkɔndɨ wòmə̀.

1 Pità 4:19

Əne bə̂d mbe nɨə zəə ŋgəʼ ɨchî nɨ Ŋwiə̀ kəbɨ, chè ɨmbì ghɨ ɨnû nɨ kuʼnɨ. Mbɨ bə nàʼ ə ɨ̀tènɨ̀ əmbɨ Ŋwìə̀ we nɨ nyaʼa tekɨ mɨ̀mə̌d. Məd wɨə ghɨ̀ ɨnû jìm mbe nɨ wɨ̀ kaʼi.

2 Pità 2:9

Əne yɨ ni Ə̀nùŋɨ̀sɨg ə kyerɨ ɨchî nɨ chɨ bə̂d mbe nɨə wumnɨ əməd tɨ ənɨ ɨ̀kwàʼnɨ̀. Wɨ̀ bə̀ kyerɨ ɨchî nɨ chə mbe nɨ chəi mbɨə ghɨ̀ ɨnû nɨ kuʼnɨ. Wɨ̀ bɨrɨ nuŋ mɨ̀mə̌d wò pè əni ze nɨ wɨ̀ bɨrɨ nwìə̀ saʼ ɨsɨg,

1 Jɔn 1:9

Tɨ̀ mɨ ben mba ɨnû rɨbɔ̀ŋ, njɨ məd we nɨə ghɨ̀ ɨnû mbe nɨ wɨ̀ kaʼi bə̀ ghɨ̀ mbe nɨ kuʼnɨ, bɨrɨ waʼ mba ɨnû rɨbɔ̀ŋ bə̀ zeŋnɨ əwa rɨ ənɨ ta rɨ̀gùrɨ-ɨnû jìm.

Ɨnû 19:11

Mə nyaʼa zə ɨkaŋ əfìʼə, bə̀ zə ngyǐ rɨ̀fɨ əŋgu. Ɨ mbɨə nyaʼə tɔŋə mbaŋə̀ ze nɨ nyaʼa kɔʼ ngyǐ ze ni Wə̀d nɨə ghà rəsìʼ bə̀ tɔŋə ni Wə̀d nɨə ghɨ̀ ɨnû mbe nɨ wɨ̀ ghǎ. Ɨ wɨə saʼə bə̂d bə̀ màʼə̀ bid ɨchî nɨ kuʼnɨ.

Ɨnû 2:10

Tɨrə̀ bɔ e ənû ze nɨ à bɨrɨ zə ŋgəʼ ɨmbə̀ʼ əzɨ əwən. Zə, Debɨ̀rə̀ bɨrɨ zɨ mbən mɨmɔʼɔ ə ndəŋ, ɨmbə̀ʼ zweʼrɨ əwən. Mbɨ bɨrɨ nwendɨ tə rɨkyerɨ-ɨwu ɨni wum. Mbə̀ nuŋ fîŋ ɨgun ə Kristo wò pè ənɨ mbɨ zwiirɨ əwən. Mə bɨrɨ neʼ əwən mbɨ ɨ̀tènɨ̀.

Ɨnû 3:10

Ɨchî nɨ à fə yim fîŋ nyìʼ ɨchî nɨ mə nyaʼa gha ɨ ne, mə bɨrɨ nəm əwe ənɨ ə nyùmə̀ we nɨ ŋgəʼ bɨrɨ yeʼe ɨgwɨ ɨsɨg jìm ɨmbə̀ʼ kwaʼnɨ bə̂d mbe nɨ yeʼ ɨgwɨ ə si.