1 Kɔrèn 1:8 - Meta’

⁸ Məd bɨrɨ ghɨ ni mbə̀ təm kàànɨ̀ wò pè ənɨ ɨnwǐ, ɨmbə̀ʼ tɨ wɨ̀ zə i ənû rɨbɔ̀ŋ ə mɔʼɔ ɨgwɨ nən əni ze nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe.

Ikan feg

⁸ Məd biri bə ghì gha mbə̀ təm kà ghò pè ane ìnwḭ ni gha chəyi bəd biri gha mbə̰ gùg anug ane aneg ze ne Anɔŋisəg Yeso Kristo ywirì yèʼe.

1 Kɔrèn 1:8 교차 참조

Lk 17:24

Ɨchî nɨ ɨbi mbə̀ŋ ə ŋwàŋə̀ teə rɨ əba ɨkaŋ ə fibɨ̀ wò pè ənɨ əzɨ cherə, yɨ bə̀ ɨchî nɨ Wan Wə̀d bɨrɨ wɨrɨ yeʼe.

Lk 17:30

Àyɨə bə̀ ɨchî nɨ ɨnû bɨrɨ ghɨ̀ əni ze nɨ Wan Wə̀d wɨrɨ yeʼe.

Rm 14:4

Àwɔ̀ kɨə we nɨə sob ɨsaʼi ɨgwɨ ə wə̀d ə̀fàʼì wə̀d cherə ə? À yɨ mbǎʼ ə̀fàʼì məd bɨrɨ gha ni wɨ̀ fə fàʼ ɨchî chɔ̀m kɨ̀ ni wɨ̀ fə faʼ ɨchî rɨbɔ̀ŋ. Wɨ̀ bɨrɨ faʼ ɨchî chɔ̀m ɨmbə̀ʼ ɨghəm nɨ Ə̀nùŋɨ̀sɨg ə berɨ ɨka nɨ ghɨ ni wɨ̀ ghɨ əne.

Rm 16:25

Tɨ̀ yiirɨ ə Ŋwiə̀ we nɨ tɨ̀ wɨ̀ ghɨ̀ mbə təm kàànɨ̀ ənjìm ɨkə̂n chɔ̀m, ənjìm ɨŋgam we nɨ mɨə ghà ɨmbə̀ʼ ə Yeso Kristo bə̀ fɔrɨ ənjìm ɨnû mbe nɨ nyaʼa ənə̀mə tɨ əŋwe rəŋwe nɨ mbɨ fə du əsaŋ.

Rm 8:19

Ɨghɨjìm mbe nɨ Ŋwìə̀ tekɨ mbɨə kàŋə̀ wòmə̀ ni wɨ̀ chwi bɔn mbe nɨ yeʼ mbɨ məd,

1 Kɔrèn 3:13

mbɨ bɨrɨ zə ə̀fàʼì əməd ɨchî nɨ wɨ̀ korɨ, ɨmbə̀ʼ ɨghəm nɨ Əni ze nɨ Kristo bɨrɨ wɨrɨ yeʼe pè saʼ ɨsɨg, ə bɨrɨ chwi ɨkwɨ nəb we nɨ wə̀d we korɨ. Ɨwid bɨrɨ du ə̀fàʼ ə wə̀d əsaŋ. Ɨwid we bɨrɨ zweʼrɨ ɨkwɨ ə̀fàʼì ze nɨ wə̀d mɔʼ mɔʼ fə fàʼi.

1 Kɔrèn 5:5

mbə̀ saŋ mbaŋə̀ zɔ̂ ɨŋga tɨkyerɨ-ɨbɔ Satàn ni wɨ̀ chəkɨ nyamnyod məd, ɨmbə̀ʼ əzwî əməd ə jwɨ rəŋgəʼ əni ze nɨ Ə̀nùŋɨ̀sɨg Yeso bɨrɨ wɨrɨ yeʼe.

2 Kɔrèn 1:13

Tɨ̀ nyaʼa ŋwàʼnɨ̀ àmei ɨnû mbe nɨ mbə mɨ foŋ, mbə ɨtu bɨrɨ zeŋ. Mɨ ɨkɔndɨ yɨ ni mbə bɨrɨ jeŋgɨ kyerɨ ɨnû mbe ɨjìm.

2 Kɔrèn 1:14

Chəi mbə̀ kɨrɨ jeŋgɨ kyerɨ əwa. Mbə bɨrɨ jeŋgɨ kyerɨ mbə ɨtu zeŋ əni ze nɨ Ə̀nùŋɨ̀sɨg Yeso bɨrɨ wɨrɨ yeʼe, ɨmbə̀ʼ mbə̀ goŋ ɨgɔ̂ ɨmbə̀ʼ əwa ɨchî nɨ tɨə bə̀ goŋ ɨmbə̀ʼ əwən.

2 Kɔrèn 1:21

À yɨə Ŋwiə̀ ghɨ ni mbǎ mbɨ nən təm kàànɨ ɨchî nɨ tɨ̀ yeʼ ənɨ ɨfɔtɨ mbɨ Kristo. Wɨ̀ fə chɔʼ əwa ənɨ mbi bə̂d,

Efesùs 5:27

Wɨ̀ nyaʼa ghɨ əne ɨmbə̀ʼ nuŋ ɨfetɨ we ənɨ i ɨfě, nɨ wɨ̀ fə yèʼɨ wɨ bɔŋ, nɨ chəi rɨfiŋ ɨgun, nɨ chəi ɨfě nyɔpɨ, nɨ chəi ənɔʼɔ kɨ̀ əghɨ ə mɔʼɔ ɨghabɨ əze ɨgun, ɨmbə̀ʼ ɨfetɨ we chub ɨzeŋɨ zeŋɨ nɨ chəi əghəm ɨgun.

Fìlipì 1:10

ɨmbə̀ʼ mbə̀ chɔʼ əze nɨ jeŋgɨ bɔ̀ŋ. Mbə mɨ ghɨ̀ əne, mbə bɨrɨ chub ɨzeŋɨ zeŋɨ fɔrɨ ni chəi bə̂d bɨrɨ gha ɨnû rɨbɔ̀ŋ ɨmbə̀ʼ əwən əni ze nɨ Kristo bɨrɨ wɨrɨ yeʼe.

Fìlipì 1:6

Mə kàŋ kyerɨ ni Ŋwìə̀ we nɨ nyaʼa kɔ ə̀fàʼì ə chɔ̀m zɔ̂ ɨŋga nən bɨrɨ chè ɨmbì mbɨ əzɨ əwən pè əni ze nɨ Kristo Yeso bɨrɨ wɨrɨ yeʼe.

Kòlosè 1:22

Àyɨə rɨ̀nîn wɨ̀ fə màànɨ̀ tàŋ mbɨ nən ɨchî nɨ Kristo nyaʼa kwɨ əzed ə baʼnɨ. Kristo nyaʼa kwɨ ɨmbə̀ʼ nɨŋ əwən nɨ mbə̀ fə zeŋ, nɨ chəi ənû rɨbɔ̀ŋ ə mɔʼɔ kɨ̀ ɨsaʼi mɔʼɔ ɨgwɨ nən wò ɨfě Ŋwiə̀.

Kòlosè 2:7

Mbə̀ sɔɔrɨ mbə ɨghaŋ mbɨ jeŋgɨ nyɨ ɨŋga məd, nùŋ ə ɨ̀tènɨ̀ àmei ɨgwɨ məd bə̀ ghɨ̀ ni ə ɨbenɨ kaanɨ ɨchî nɨ mbɨ nyaʼa chwi ɨ nən. Mbə̀ naʼ məben-əwe ɨ bɔ ɨghəm jìm ɨmbə̀ʼ ɨnû jìm mbe nɨ wɨə ghɨ̀ ənɨ ə nən.

1 Tèsàlonikà 3:13

Tɨ̀ wɨə kɔ̀ŋgɨ̀ə̀ ni wɨ̀ ghɨ tə fîŋ kaanɨ ɨmbə̀ʼ chəi ənɨ tɨ wə̀d mɔʼɔ zɨ ənû ɨgwɨ nən fɔrɨ ɨmbə̀ʼ mbə̀ chub ɨzeŋɨ zeŋɨ ɨfě Ŋwiə̀ a Mbǎʼ ənɨ a Ə̀nùŋɨ̀sɨg Yeso wɨrɨ yeʼe mbɨ mbi bə̂d.

1 Tèsàlonikà 5:2

ɨmbə̀ʼ ɨghəm nɨ mbə̀ fə kyerɨ ə kwàʼ ɨchî chɔ̀m ni əni ze nɨ Ə̀nùŋɨ̀sɨg bɨrɨ wɨrɨ yeʼe bɨrɨ yeʼ àmei ɨghabɨ ɨchî nɨ ɨjɨ ə yeʼe ɨzimɨ.

2 Tès 2:2

tɨ mbə ɨtu buurɨ i kɨ̀ tə fîŋ tɔb əwən ɨmbə̀ʼ bə̂d mbe nɨə ghà ni əni ze nɨ Ə̀nùŋɨ̀sɨg bɨrɨ wɨrɨ yeʼe fə pè. Ka mbɨ bè ghà ə ni à yɨ Əzwî ə gha ɨ na, kɨ̀ nɨ à yɨə mbǎ nyaʼa ŋwaʼnɨ, kɨ̀ nɨ à yɨə mbǎ nyaʼa ghamɨ, tɨ mbə̀ ben ə.

2 Tès 3:3

Àyɨə Ə̀nùŋɨ̀sɨg Yeso wɨə ghɨ̀ ɨnû mbe nɨ wɨ̀ kaʼi. Wɨ̀ bɨrɨ ghɨ tə fîŋ kaanə bə̀ kən əwən rɨ əmbɨ Satàn Wə̀d Ɨnû Rɨbɔ̀ŋ.

2 Timotì 1:12

À yɨ əton nɨ mɨə zəə ŋgəʼ ɨchî nɨ mɨə zəə. Àyɨə chəi mɨ ətu ə nìd ɨmbə̀ʼ ɨghəm nɨ mə kyerɨ wə̀d we nɨ mə nuŋ mɨ fîŋ ɨgwɨ məd. Mə bə̀ kàŋ kyerɨ ni ɨ we tɨ̀ wɨ̀ nəŋgɨ ənû ze nɨ wɨ̀ zɨ ɨŋga tum rɨkyerɨ-ɨbɔ pè əni ze nɨ Ŋwiə̀ bɨrɨ saʼ ɨsɨg.

2 Timotì 1:18

Mə wɨə kɔ̀ŋgɨ̀ Ə̀nùŋɨ̀sɨg Yeso ni wɨ̀ diirɨ əməd əni ze nɨ wɨ̀ bɨrɨ saʼ ɨsɨg! À kyerɨ e ɨchî nɨ wɨ̀ nyaʼa weerɨ əmɨ ə Efesùs.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

2 Pità 3:10

Àyɨə əni ze nɨ Ə̀nùŋɨ̀sɨg bɨrɨ wɨrɨ yeʼe ə zɨ ɨghabɨ ɨchî nɨ ɨjɨ ə yeʼe. Əni ze, ɨkaŋ bɨrɨ jùʼ rɨkǎ nim. Ɨwid bɨrɨ tɔn ɨghɨjìm mbe nɨ yeʼ ɨkaŋ, mbɨ sam. Ɨwid bɨrɨ tɔn si bə̀ tɔ̀n ɨghɨjìm mbe nɨ yeʼ ɨgwɨ ə si, mbɨ nim.

2 Pità 3:14

Əne kyɨə bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbɨə wòm ɨnû mbɔ̂, mbə̀ kywɨ ənywɨ zə ni mbə̀ chub ɨzeŋɨ zeŋɨ ɨmbə̀ʼ tɨ Ŋwìə̀ zə i ɨgu ənû mɔʼɔ ɨgwɨ nən. Mbə̀ bə zə ni mbə̀ chub ənɨ əbɔrəbɔd mbɨ ə Ŋwiə̀.