1 Kɔrèn 1:6 - Meta’

⁶ Əzɔ̂ ə chwi ɨ nən ni ɨnû mbe nɨ mɨə ghà ɨmbə̀ʼ ə Kristo berɨ yeʼ ənû rəsìʼ.

Ikan feg

⁶ Anìŋ ya ni chwi gha inug ijìm mbe ne mə̀ ya gha inən imbə̀ʼ Kristo, mbə fə zug bə̀ bḛ kwàʼ icheg chɔm.

1 Kɔrèn 1:6 교차 참조

Mk 16:20

Mə̀mə̀ə̀nɨ̀-ɨnû mbe nyaʼa jwɨ̀ wò ghà ɨkə̂n chɔ̀m we ɨsɨ jìm. Ə̀nùŋɨ̀sɨg nyaʼə fàʼə̀ mbɨ mɨ̀mə̌d. Wɨ̀ nyaʼa bə̀ ben ni ɨnû mbe nɨ mbɨ nyaʼə ghàə̀ yɨ ɨnû rəsìʼ ɨchî nɨ mbɨ nyaʼə ghɨ̀ ɨnû yiirɨ. À yɨ əne.

Ɨ̀fàʼì 11:17

Əne ɨchî nɨ Ŋwìə̀ fə naʼ ɨneʼe əmbɨ mɨ̀mə̌d àmei ɨchî nɨ wɨ̀ nyaʼa naʼ ɨ na ənɨ ə nyùmə̀ we nɨ tɨ̀ nyaʼa ben Ə̀nùŋɨ̀sɨg Yeso Kristo, njɨ mɔ̌ kɨə we nɨ tɨ̀ mə ton ni tɨ Ŋwìə̀ ghɨ i ənû ze nɨ wɨ̀ kəbɨ ə?”

Ɨ̀fàʼì 11:21

Ɨka Ə̀nùŋɨ̀sɨg wɨə nyaʼa ɨgwɨ mɨ̀mə̌d, əne wɨ̀ nyaʼa ghɨ̀ ni ɨnɔ̂n bə̂d, kwàʼ wɨ kyeŋ, ben ɨnû mbe nɨ mbɨ nyaʼə ghàə̀, əne zɨ̀ tə fîŋ ɨgwɨ Ə̀nùŋɨ̀sɨg.

Ɨ̀fàʼì 18:5

Ənɨ Sailàs mbɨ Timotì nyaʼa yeʼe rɨ ə Màsèdonià, Pɔ̂l nyaʼa zɨ̀ ətu àmei nɨ gha ɨŋgam Ŋwiə̀ bə̀ fɔrɨ nɨ toʼrɨ əmbɨ mɨ̀Jû ni Yeso yɨə Wə̀d we nɨ Ŋwìə̀ zɔʼɔ.

Ɨ̀fàʼì 20:21

Mə wɨə nyaʼə ghà əmbɨ mɨ̀Jû bə̀ ghà əmbɨ ə bə̂d mbe nɨ kaʼi mɨ̀Jû ni mbɨ beŋ tə fîŋ wumnɨ ə Ŋwiə̀, bə̀ nùŋ fîŋ ɨgun a Ə̀nùŋɨ̀sɨg Yeso.

Ɨ̀fàʼì 20:24

Àyɨə chəi mə nɨŋ mɨ ɨ̀tènɨ̀ ni à yɨ əghɨ ə mɔʼɔ ɨ num. Mə wɨə kə̀b àmei ni mə maanɨ ə̀fàʼì ze nɨ Ə̀nùŋɨ̀sɨg Yeso zɨ ɨŋga tum rɨkyerɨ-ɨbɔ. Ə̀fàʼì ze yɨ ni mə̀ gha ɨkə̂n chɔ̀m ɨmbə̀ʼ ɨ̀chɔ̀m we nɨ Ŋwiə̀ ə ghɨ̀ə̀.

Ɨ̀fàʼì 22:18

mə zə Ə̀nùŋɨ̀sɨg nɨ nyaʼa gha ɨ num ni, 'Zambɨ ghɨ̀, nɔ̀ʼ rɨ ə Jèrusalèm əmad əmad, ɨmbə̀ʼ ɨghəm nɨ chəi bə̂d mbe rəŋgu bɨrɨ ben ɨnû mbe nɨ àwɔ̀ ə ghà ɨmbə̀ʼ əmɨ.'

Ɨ̀fàʼì 23:11

À nyaʼa ɨzimɨ we, Ə̀nùŋɨ̀sɨg nyaʼa təm ɨban ə Pɔ̂l ghà ni, “Yim fîŋ! Ɨchî nɨ à fə gha ənû ɨmbə̀ʼ əmɨ ə Jèrusalèm, à berɨ bɨ gha ə Rom.”

Ɨ̀fàʼì 28:23

Mbɨ nyaʼa nùŋ əni nɨ mbɨ bɨrɨ wɨrɨ wo zə ə Pɔ̂l. Ənɨ əni ze ə nyaʼa yeʼe kùʼ, mbɨ nyaʼa jwɨ̀ kwàʼ mɨ̀nɔnɔʼ wò əsɨ ze nɨ Pɔ̂l nyaʼə chubə. Wɨ̀ nyaʼa kɔ toʼrɨ ənû ɨmbə̀ʼ ənû ɨfɔ̀n ə Ŋwiə̀ kɔ ɨsɔsɔ wò pè ɨkwirɨ. Wɨ̀ nyaʼa bə̀ nɨŋ mɨŋgam rɨŋga ə̀ŋwàʼnɨ̀ tɨkə rɨ Mose bə̀ nɨŋ rɨŋga ə̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ghɨ̀ mbɨ kyerɨ ni ɨnû mbe nɨ tɨə ghà ɨmbə̀ʼ ə Yeso yɨ ɨnû rəsìʼ.

Rm 15:19

ənjìm ɨnweenɨ-ɨnû nɨ kaanɨ, ənjìm ɨnû yiirɨ bə̀ fɔrɨ ənjìm ɨka we nɨ Əzwî ə Ŋwiə̀ ə nàʼə̀. Əne mə fə ghà ɨkə̂n chɔ̀m ɨmbə̀ʼ ə Kristo ɨŋga ɨsɨ jìm, kɔ rɨ ə Jèrusalèm kad wò pè əbà əbeŋ ze rɨ ə Ilirikùm.

2 Kɔrèn 12:12

Mə nyaʼa nɨŋ ɨyim fîŋ nɨ kaanɨ ghɨ̀ ɨnweenɨ-ɨnû, ghɨ̀ ɨnû yiirɨ bə̀ ghɨ̀ ɨnû kyeŋ kyeŋ əkaʼ nən ɨ chwi ni mə yɨə wə̀d tom Kristo rəsìʼ.

Gàlesìyà 3:5

Ŋwìə̀ we nɨ naʼ Əzwî ɨ nən bə̀ faʼ ɨnû yiirɨ əkaʼ nən wa nyaʼa ghɨ əne ɨmbə̀ʼ ɨchî nɨ mbə̀ nyaʼa ghɨ ɨnû mbe nɨ yeʼ ɨŋga rɨ̀kə̌, kɨ̀ ɨmbə̀ʼ ɨchî nɨ mbə̀ nyaʼa ben ənû ze nɨ mbə̀ nyaʼa zu ə?

2 Tès 1:10

Ɨgwɨ əni ze nɨ wɨ̀ bɨrɨ yeʼe, bə̂d məd bɨrɨ yiirɨ, bə̂d mɨjìm mbe nɨ ben əməd bə̀ nàʼ ɨwumnɨ ɨ bɔ. Mbə̀n bə bɨrɨ yeʼ əbɔʼ mɨ̀mə̌d, ɨmbə̀ʼ ɨghəm nɨ mbə̀ ben ənû ze nɨ tɨ̀ nyaʼə ghà ɨ nən.

1 Timotì 2:6

Wɨ̀ nyaʼa nàʼ i ɨnyod ənɨ əghɨ ə̀fà ɨmbə̀ʼ choʼ ɨtu bə̂d mɨjìm. Əzɔ̂ yɨ ənweenɨ ni ənɨ ə nyùmə̀ nyaʼa kuʼu, Ŋwiə̀ nyaʼa kə̀b ni bə̂d mɨ̀jìm jwɨ rəŋgəʼ.

2 Timotì 1:8

Əne tɨ e ətu ə nid i nɨ gha ɨmbə̀ʼ a Ə̀nùŋɨ̀sɨg, kɨ̀ nɨ gha ɨmbə̀ʼ ɨchî nɨ mə̀ yeʼ wə̀d ndəŋ ɨmbə̀ʼ əməd. Àyɨə tekɨ ɨnyod nɨ zə ɨkwɨ ŋgəʼ we nɨ mɨə zə ɨmbə̀ʼ ɨkə̂n chɔ̀m. À bɨrɨ ghɨ əne ənjìm ɨka we nɨ Ŋwìə̀ naʼ ɨ ne.

Ɨnû 1:2

Jɔ̌n fə ghà ɨnû jìm mbe nɨ wɨ̀ nyaʼa zə, əne yɨ ɨnû ɨmbə̀ʼ ɨŋgam Ŋwiə̀ mbɨ ɨnû ɨmbə̀ʼ ə Yeso Kristo.

Ɨnû 1:9

Mɔ̌, Jɔ̌n we nɨ yeʼ wən aŋgɔb, wɨ ənɨ ɨfɔtɨ mbɨ nən ɨchî nɨ tɨə zəə ŋgəʼ, ɨchî nɨ tɨ̀ chub ɨŋga ənû ɨfɔ̀n ə Ŋwiə̀ bə̀ fɔrɨ ɨchî nɨ tɨə yimə fîŋ nyìʼ əton ə ŋgəʼ. Ɨnû mbɔ̂ yɨ ɨmbə̀ʼ ɨghəm nɨ tɨ̀ yeʼ ənɨ ɨfɔtɨ mbɨ Yeso. Mbɨ nyaʼa chà əmɨ ɨŋga əkəm əsɨ ə si nɨ mɨnib karɨ, nɨ mbɨ nyaʼə tɔŋ ənɨ ə Patmòs. Mbɨ nyaʼa chà əmɨ əŋgu ɨmbə̀ʼ ɨghəm nɨ mə̀ wɨə nyaʼə ghà ɨŋgam Ŋwiə̀ mbɨ ni mə wɨə nyaʼə ghà rəsìʼ ɨmbə̀ʼ ə Yeso.

Ɨnû 12:11

Mbɨ fə baŋ əməd ənjìm ɨvɨ Wan njɨ̀g bə̀ fɔrɨ ənjìm ɨkə̂n chɔ̀m we nɨ mbɨ nyaʼə ghàə̀. Chəi mbɨ nyaʼə bɔ ɨvɨ, ka à be yeʼi ni ɨ mbɨə nyaʼə kə̀b zwiirɨ mɨ̀mə̌d.

Ɨnû 12:17

Tɨ̀sɔ̀ʼɔ̀ jɔ ze nyaʼa sə ɨtəm əbɔʼ əyi we. Əne zɨ̀ nyaʼa wò kɔ maʼ bid mbɨ ə bɔn mbe nɨ buʼu tɨ ənɨ bɔn əyi we, əne yɨə bə̂d mbe nɨə nuŋ tɨkə rɨ Ŋwiə̀ mbɨ mbe nɨ nyaʼə ghà rəsìʼ ɨmbə̀ʼ ə Yeso. [

Ɨnû 19:10

Mə nyaʼa zu əne gundɨ ə si ɨfě bɔ ɨmbə̀ʼ wumnɨ əməd, àyɨə wɨ̀ nyaʼa ghà ɨ num ni, “Tɨrə̀ ghɨ e əne! Mɔ̌ yɨə wə̀d ə̀fàʼì mbɨ ne bə̀ fɔrɨ mbɨ mbe bɔŋgɔb mbe nɨə ghà rəsìʼ ɨmbə̀ʼ ə Yeso. Wumnɨ ə Ŋwiə̀!” Mə wɨə ghà əne ɨmbə̀ʼ ɨghəm nɨ rəsìʼ ɨmbə̀ʼ ə Yeso yɨ əghɨ ze nɨə ghɨ̀ ni bə̂d ɨ̀kə̀n ghà ɨkə̂n Ŋwiə̀.

Ɨnû 6:9

Ənɨ Wan njɨ̀g we nyaʼa kyeʼrɨ ɨneŋ we nɨ pe ənɨ wɨ tân, mə nyaʼa nèŋ əton ɨkwi ɨjə̀ŋ ə̀fààrɨ̀, əne zə ɨzwî bə̂d mbe nɨ mbɨ nyaʼa zwiirɨ ɨmbə̀ʼ ɨchî nɨ mbɨ nyaʼə ghà ɨŋgam Ŋwiə̀ fɔrɨ ɨmbə̀ʼ ɨchî nɨ mbɨ nyaʼa yim ɨŋgam Ŋwiə̀ wɨ kàànɨ̀.