1 Kɔrèn 1:23 - Meta’

²³ àyɨə tɨ̀ wɨə ghà ɨmbə̀ʼ ə Kristo nɨ mbɨ nyaʼa kombɨ əzed ə baʼnɨ. Chəi mɨ̀Jû ghaʼ nɨ zu ənû zɔ̂. À yɨə bə̀ ənû əneŋ əmbɨ ə bə̂d mbe nɨ kaʼi mɨ̀Jû.

Ikan feg

²³ Si ya gha, tì ya ghàmà imbə̀ʼ Kristo we ne mbi ya kɔ̀mbi igun azed abaʼri, ne chəyi mə̀Ju mɔ̀ʼɔ ya kɔ̀ŋi ni zug. Bəd ne kayi mə̀Ju ya nìŋə ane anug ne chəyi iwe inga.

1 Kɔrèn 1:23 교차 참조

Matìyò 11:6

Ŋwìə̀ zɨ əbɔrəbɔd ɨgun ə wə̀d we nɨ chəi wɨ̀ bid ənû ə mɔʼɔ ɨmbə̀ʼ əmɨ.”

Matìyò 13:57

Mbɨ nyaʼa biirɨ əne ton əməd. Àyɨə Yeso nyaʼa ghà əmbɨ mɨ̀mə̌d ni, “Bə̂d mbɨə wumnɨ ə wə̀d ɨ̀kə̀n Ŋwìə̀ ɨsɨ jìm, àyɨə chəi mbɨə wumnɨ əməd ɨŋga əsɨ əməd bə̀ fɔrɨ ɨŋga ɨnəbɨ məd.”

Lk 2:34

Simiòn nyaʼa zɨ̀ əbɔrəbɔd ɨgwɨ mɨ̀mə̌d əne ghà əmbɨ Mèri, ɨŋgɔb wan we ni, “Wan wɔ̂ bɨrɨ ghɨ ni bə̂d mɨ̀nɔnɔʼ gu ə. Wɨ̀ bɨrɨ bɨ nɔɔrɨ bə̂d mɨ̀nɔnɔʼ ɨŋga Izre. Məd bɨrɨ yeʼ ənweenɨ nɨ Ŋwìə̀ naʼa nɨ chəi bə̂d bɨrɨ benɨ.

1 Kɔrèn 1:18

Ɨŋgam ɨmbə̀ʼ ɨchî nɨ Yeso nyaʼa kwɨ əzed ə baʼnɨ yɨ ənû əneŋ əmbɨ ə bə̂d mbe nɨə nimə, àyɨə əmbɨ mbà mbe nɨə jwɨ̀ rəŋgəʼ, ɨŋgam we ə chwi ɨchî nɨ Ŋwìə̀ berɨ ɨka.

1 Kɔrèn 1:21

Ŋwìə̀ nyaʼa nɨŋ i ɨwe ghɨ̀ ni tɨ bə̂d nɨŋ ə ɨwe bə̂d mɨ̀sɔŋɨchù kyerɨ əməd. Əne zɨə nyaʼa bɔ̀ŋ ɨ bɔ ni wɨ̀ chɨ bə̂d rəŋgəʼ ənjìm ɨchî nɨ mbɨ nyaʼa ben ənû əneŋ ze nɨ tɨ̀ nyaʼə ghàə̀.

1 Kɔrèn 1:28

Ŋwìə̀ nyaʼa chɔʼ bə̂d mbe nɨ bə̂d ə tìbrɨ̀ə̀ mbɨ mbe nɨ bə̂d ə tə̀ə̀nɨ̀ ɨŋga ɨsɨg, nɨ yeʼ mbe nɨ bə̂d ə kɔndɨ ni à yɨ ɨghɨ əko, ɨmbə̀ʼ nimnɨ mbe nɨ bə̂d ə kɔndɨ ni mbɨ yɨə bə̂d kyeŋ.

1 Kɔrèn 2:14

Ka wə̀d we nɨ chəi Əzwî ə Ŋwiə̀ ɨŋga məd we tɨ wɨ̀ ben ɨnû rəsìʼ mbe nɨ Əzwî ə Ŋwìə̀ ə nàʼə̀, ɨmbə̀ʼ ɨghəm nɨ mbɨ yɨ ənû əneŋ ɨ bɔ. Chəi ənɨ tɨ̀ wɨ̀ kyerɨ ɨnû mbe ɨmbə̀ʼ ɨghəm nɨ àmei Əzwî ə Ŋwiə̀ ze tɨ̀ zɨə ghɨ̀ ni wɨ̀ kyerɨ.

1 Kɔrèn 2:2

ɨmbə̀ʼ ɨghəm nɨ ənɨ mə̀ nyaʼa mbɨ nən, mə nyaʼa nùŋ ɨŋga mɨ fîŋ ni chəi mə bɨrɨ gha ənû ə cherə chè rɨ ənɨ ənû ɨmbə̀ʼ ə Yeso Kristo fɔrɨ ənû ɨmbə̀ʼ ɨchî nɨ mbɨ nyaʼa kombɨ əməd əzed ə baʼnɨ.

1 Kɔrèn 4:10

Tɨ̀ yɨ ɨneŋ ɨmbə̀ʼ ɨchî nɨ tɨə fàʼ əmbɨ Kristo, àyɨə mbə yɨə bə̂d ɨwe ɨchî nɨ mbə̀ fɔtɨ mbɨ Kristo. Tɨ̀ bɔd, àyɨə mbən ə kà. Bə̂d mbɨə wumnɨ əwən, àyɨə ɨ mbɨə tìbrɨ̀ əwa!

2 Kɔrèn 4:5

Chəi tɨə ghà ɨmbə̀ʼ a ɨnyod. Tɨ̀ wɨə ghàə̀ yeʼ ni Yeso Kristo yɨ Ə̀nùŋɨ̀sɨg. Tɨ̀ wɨə bə̀ ghàə̀ ni tɨ̀ yɨ ɨ̀bòʼò ɨ nən ɨmbə̀ʼ ə Yeso.

Gàlesìyà 3:1

Wəi, mbə̀n məGàlesià yɨ ɨneŋ! À kɨə we nùʼ əwən ə? Ɨmbə̀ʼ mbɨ nyaʼa fə kàŋ chwi ɨ nən zɨə zeŋ ni mbɨ nyaʼa kòmbɨ̀ ə Yeso Kristo əzed ə baʼnɨ ə?

Gàlesìyà 5:11

Mbɨ bɔŋgɔb, mə mɨ yeʼə ghàə̀ ni mbɨ ne bə̂d, njɨ əton nɨ bə̂d ə kɨrɨ nwendɨ tum rɨkyerɨ-ɨwu kɨ ɨmbə̀ʼ ə yè ə? À mɨ yeʼ nɨ mə̀ kaŋ gha əne, njɨ chəi ənû ze nɨ mɨə ghà ɨmbə̀ʼ ɨchî nɨ Kristo nyaʼa kwɨ əzed ə baʼnɨ ə wɨrɨ berɨ ənû ə mɔʼɔ nɨ ghɨ̀.

Gàlesìyà 6:14

À yeʼ ɨmbə̀ʼ əmɨ, chəi mə̀ bɨrɨ nɔ goŋ ɨgɔ̂, kɨrɨ ənɨ mə goŋ ɨgɔ̂ ɨmbə̀ʼ ənû ze nɨ ɨvɨ à Ə̀nùŋɨ̀sɨg Yeso Kristo əzed ə baʼnɨ ə nyaʼa ghɨ̌. Ɨchî nɨ Yeso Kristo nyaʼa kwɨ əzed ə baʼnɨ, əne chəi ɨghɨ rɨŋga ɨsɨg wɨrɨ berɨ ənû ə mɔʼɔ nɨ ghɨ̀ mbɨ num. Chəi mə̀ bə berɨ ənû ə mɔʼɔ nɨ ghɨ̀ mbɨ ɨghɨ rɨŋga ɨsɨg.

Efesùs 3:8

Ka à bè yeʼi ni mə kə chè wɨ kwa rəbɔʼ bə̂d Ŋwiə̀ mɨ̀jìm, àyɨə Ŋwiə̀ nyaʼa ghɨ̀ ɨ̀chɔ̀m ənɨ ə num ni mə̀ gha əmbɨ ə bə̂d mbe nɨ kaʼi mɨ̀Jû ɨmbə̀ʼ mbɔ̂n ze nɨ chəi zɨ̀ bɨrɨ nɔ mì, nɨ tɨ̀ berɨ àmei ɨchî nɨ mbɨ kyerɨ ə Kristo.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

1 Pità 2:8

fɔrɨ ni, “À yɨ ɨti nɨ bɨrɨ ghɨ ni bə̂d tɨ̀grə, bə̀ yeʼ ɨwɔ̌ nɨ bɨrɨ ghɨ ni bə̂d gu ə.” Ɨ mbɨə tɨ̀grə ɨmbə̀ʼ ɨghəm nɨ chəi mbɨə ghɨ̀ ɨnû mbe nɨ yeʼ ɨŋga ɨŋgam Ŋwiə̀. Əzɔ̂ yɨ ənû nɨ Ŋwìə̀ nyaʼa fə nuŋ əmbɨ mɨ̀mə̌d.