1 Kɔrèn 1:13 - Meta’

¹³ Mbɨ wa fə ghabrɨ ə Kristo ə? À wa kɨə Pɔ̂l nɨ mbɨ nyaʼa kòmbɨ̀ əzed ə baʼnɨ ɨmbə̀ʼ əwən ə? Kɨ̀ mbɨ wa nyaʼa nàʼ mɨnib ɨ nən yeʼ ənɨ ɨkum Pɔ̂l ə?

Ikan feg

¹³ Mbi wa fə ghàpì Kristo? Wə̀d we ne mbi ya kɔ̀mbi igun azed abaʼri wa kə Pɔl? À wa kə inga ikum ìwi Pɔl ne mbə̀ ya niŋi mənib?

1 Kɔrèn 1:13 교차 참조

Matìyò 28:19

Əne mbə̀ wo əmbɨ ə bə̂d mɨ̀jìm ɨŋga ɨbeŋ jìm, ghɨ̀ ni mbɨ yeʼ mbɨ mə̀mə̀ə̀nɨ̀-ɨnû. Mbə̀ nàʼ mɨnib əmbɨ mɨ̀mə̌d ənɨ ɨkum Mbǎʼ, ənɨ wɨ Wan bə̀ fɔrɨ ənɨ wɨ Əzwî ə Zeŋɨ.

Matìyò 3:6

Ɨ mbɨə nyaʼə pè benə mbə ɨnû rɨbɔ̀ŋ, əne wɨ̀ nyaʼa nàʼ mɨnib əmbɨ mɨ̀mə̌d ɨŋga ɨgyɨ̀ Jodàn.

Ɨ̀fàʼì 10:48

Ənɨ wɨ̀ nyaʼa ghɨ̀ əne, wɨ̀ nyaʼa ghà ni mbɨ naʼ mɨnib əmbɨ mɨ̀mə̌d ənɨ ɨkum Yeso Kristo. Ənɨ mbɨ nyaʼa nɨŋ mɨnib mbe, mbɨ nyaʼa ghà ɨ bɔ ni wɨ̀ chubɨ mbɨ nən ɨni mɔʼɔ bɔŋ nɔ̀ʼ.

Ɨ̀fàʼì 19:5

Ənɨ mbɨ nyaʼa zu ənû zɔ̂, mbɨ nyaʼa nɨŋ mɨnib ənɨ ɨkum Ə̀nùŋɨ̀sɨg Yeso.

Ɨ̀fàʼì 2:38

Pità nyaʼa wììrɨ̀ əmbɨ mɨ̀mə̌d ni, “Wə̀d mɔʼ mɔʼ rəbɔʼ nən beŋ i fîŋ, nɨŋ mɨnib ənɨ ɨkum Yeso Kristo, ɨmbə̀ʼ Ŋwìə̀ waʼ mbə ɨnû rɨbɔ̀ŋ. Mbə mɨ ghɨ̀ əne, mbə bɨrɨ berɨ ɨneʼe nɨ yeʼ Əzwî ə Zeŋɨ.

Ɨ̀fàʼì 8:16

Chəi Əzwî ə Zeŋɨ ə nyaʼa kɨrɨ yeʼe ɨgun ə wə̀d mɔʼɔ rəbɔʼ mɨ̀mə̌d. Mbɨ nyaʼa kɨrɨ nɨŋ àmei mɨnib ənɨ ɨkum Ə̀nùŋɨ̀sɨg Yeso.

Rm 14:9

Kristo nyaʼa kwɨ bə̀ wɨrɨ zwemə ɨmbə̀ʼ wɨ̀ yeʼ Ə̀nùŋɨ̀sɨg ɨgwɨ ɨvɨ bə̂d bə̀ fɔrɨ ɨgwɨ ə bə̂d mbe nɨ yeʼ ɨkǎ.

1 Kɔrèn 1:15

Əne chəi wə̀d mɔʼɔ nɨ tɨ wɨ̀ ghà ni mbə nyaʼa nɨŋ mɨnib ənɨ mɨ ɨkum.

1 Kɔrèn 10:2

Mɨ̀mə̌d mɨjìm nyaʼa nɨŋ mɨnib ɨchî nɨ mbɨ nyaʼə yèn əton ə pàʼ. Mbɨ nyaʼa bə̀ nɨŋ ɨchî nɨ mbɨ nyaʼə yèn ɨŋga rɨ̀bàà. Mbɨ nyaʼa nɨŋ ɨchî nɨ mbɨ nyaʼə beenɨ əbɔʼ ə Mose.

2 Kɔrèn 11:4

Mə wɨə ghà əne ɨmbə̀ʼ ɨghəm nɨ mbə mbɨə zàmbɨ̀ə̀ benə wə̀d mɔʼɔ we nɨ yeʼe ghà ɨnû ɨ nən ɨmbə̀ʼ ə Yeso cherə chè rɨ ənɨ we nɨ tɨ̀ nyaʼa gha ɨ nən ɨmbə̀ʼ əməd, kɨ̀ ɨmbə̀ʼ əzwî ə cherə chè rɨ ənɨ əze nɨ mbə nyaʼa nɨŋɨ, kɨ̀ mbə zu ɨkə̂n chɔ̀m cherə chè rɨ ənɨ we nɨ mbə nyaʼa benɨ.

Gàlesìyà 1:7

Kaʼi ni ɨkə̂n chɔ̀m cherə wɨ əŋgu, àyɨə bə̂d mɔʼɔ mbɨə bùùrɨ̀ mbə ɨtu. Ɨ mbɨə bə̀ kə̀b beŋ ɨkə̂n chɔ̀m ɨmbə̀ʼ ə Kristo.

Efesùs 4:5

Ə̀nùŋɨ̀sɨg we mɔʼ, ɨbenɨ we mɔʼ, ənû nɨ nɨŋ mɨnib ze ə mɔʼ.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.